وين إختفت المطبات ..!!!!!

[بصمة قطرية]

بسم الله الرحمن الرحيم
السلام عليكم ورحمة الله و بركاته

صباح / مساء الخير ،،

المطبات مهمة وايد في تقليل السرعه في المناطق السكنية
و بصراحة ضرورية جداً عشان السائقين المتهورين
غصب يخففون سرعتهم ..
قبل كانت المطبات موجودة في الفرجان ( المناطق السكنية )
و كنا نتمنى مطبات قدام بيوتنا لأن بعض السائقين
يسرعون و المكان ما يسمح للسرعه
بيوت فيها أطفال
شوارع ضيقة بين البيوت ..
عانينا كثير من هالشي و ما زلنا نعاني ..

اللي صار فجأة
أختفت كل المطبات بين يوم و ليلة ..!!!
و هالشي صار في أكثر من منطقة
يا ترى شالسبب ..!!
مع المطبات و مب خالصين من السرعه و الحوادث ..
شلون الحين شارع خالي من المطبات ..!!؟؟

أتمنى نعرف السبب ليش شالوا كل المطبات
من شعبية خليفة و مريخ و مناطق ثانية ..!!!

قبل المطبات عند التقاطع و اللفات ..
الحين مافي شي ..!!!!!!

[بانغ بانغ]

صحيح المطبات احسن رادع للسرعة خاصة اللي اتجي صغيرة وتجبر الواحد ايوقف

المشكلة في اللي يسوق سبورت ... وين ايروح

مرة طلبنا بمطبة جدام بيت الوالد ... تحذف من بلدية لمرور لاشغال لمستشفى حمد .... لين ما سووها عقب كم شهر امراكض ( لو باني برج احسن لي )

[][ الوحيد ][]

اي مطبه موجوده بدون علم البلديه تم ازالتها ..
لان كل من جاا وحط مطبه شكبر جدام بيته بدون اذن وكل مطبه اكبر من الثانيه ..

راح يتم اضافه مطبات بشكل و حجم موحد لأغلب الشوارع .. بعد اخذ الاذن من البلديه

[A-Alansari]

احسن خل يشيلونهم

مطبات خرابيط مافي اي قياسات

مطبتين ورى بعض كل وحده غير عن الثانيه

كسرو سياراتنا بهالمطبات واحسن انه شالوهم

[اليحصبي]

مفروض المطبات تكون من النوع الصغير الفعال

96028
-
96029

مب كبيره كأنها فيل منسدح و بالنسبة لي غيرت السيارة السيدان بفورويل عشان سالفه المطبات

[monatee]

موجودين في الدفنه .. كل عشر امتار 3 مطبات

[راعي الكورفت]

انا ضد تركيب المطبات.

سيارتي ما تستحمل :weeping:

[بعيد النظر]

بيسوون نفس الدفنة ..
بدلو الانترلوك في فرجانها .. والله اعلم من المستفيد !!

[حرف]

اذا صار فيه أكثر من مسئول اختربت الدعوة
الحين البلدية واشغال تتنافش في شغل الشوارع

[جبر ال جبر]

اشوفهم شالينها من الغرافه وانت طالع من الخليج مول باتجاه الغرب لشارع الاتحاد

[شبح الصمت]

تكلمنا من قبل انه كل مطبه شكلها غير عن الثاني ..

كل شركة تصمم على كيفها المطبه

مطبه انترلوك مطبه قار مطبه بلاستيك او مدري شنهي .. عين القطو اشكبرها تفدع لك الموتر :eek5:

يعني كل المطبات غير عن بعض وكل وحده تقول عندي الزود ..

واخس مطبه الي تركب فوقها تحس الشفت يتبطل وانت نازل يعني مفروض المطبه للتنبيه وتكون في علامة مضيئة من بعيد تنبهك ترى في مطبه ..


ترى شلو اغلب المطبات يا بصمه في اماكن كثيرة على الشوارع الاساسية الداخلية الي فيها حركة مستمره ..

[شيخ الديرة]

تمنيت ما شالوهم، راعية الكروزر الاسود البارحة كأنها في حلبة فورمولا وان

[شيخ الديرة]

اقتراح، استحداث اجراءات لوضع رادارات بالفرجان على حساب من يريد يحط رادار بدل المطب، بالتنسيق مع المرور طبعاً، وينحط مخفي على الطوفة، ماريد اي نسبة من الارباح

[KHALiDiSH]

افضل شالوها وارجوا انهم يستبدلونها بمطبات انترلوك لانها عملية اكثر ومناسبة لكل السيارات.

[.قطر.]

وعليكم السلام
انا مع ان يشلون كل المطبات اللي تشوف البحرين اذا عديت فوقها ويستبدلونها بمطبات حتى السبورت يركب عليها سيده مايحتاج يكسر عشان نرتاح وما نناقز

[شبح الصمت]

وعليكم السلام
انا مع ان يشلون كل المطبات اللي تشوف البحرين اذا عديت فوقها ويستبدلونها بمطبات حتى السبورت يركب عليها سيده مايحتاج يكسر عشان نرتاح وما نناقز



هههه

اخبر مره كنت مع الاهل وفي خط خدمي صوب الريان القديم وامشي اشوي الا مطبه والله على السنه ما وقفت ..

ما مداني لا ابريك الا بس شممته وهووووووووووووبا

الحمد لله انه المره مهب حامل والا سقطت ..

[tawareq]

8 مطبات في شارع طوله 20 م عند كل بيت مطبتين عسى ما شر
وبعض السواقين ولا يفتكرون في المطبات تحصلهم يسوقون على الرصيف او جنب الشارع فوق الحصى والرمل

[Dana’1]

احسن بصراحه مع إننا نعاني من السرعه من بعض عيال الجيران بالحي غير التريلات
بس ماطالبنا بمطبه ولا عندنا بالشارع مطبات

بصراحه تجيب الغثا
بيت أختي عشان أوصل له لازم اعدي 6مطبارت متقاربه حشى اوصل عندها كبدي لايعه:(
لين الحمدلله لقيت طريق بدون مطبات لفتره طويله امر منه بالاخير حطو عليه تقريبا مطبتين ثلاث
يلا تبقى أهون من هذاك الخط

يايحطون مطبات سنعه او يحطون رادارات بسرعة30-50 داخل الاحياء السكنيه خصوصا يم المدارس والتقاطع و بس

[SouthK]

انا صار لي اراكض على مطبات في فريجنا من أكثر من 4 سنوات و جاني الرد واضح مؤخرا من أشغال: إذا ما في مسجد أو مدرسة على الشارع المطلوب ما يحطون مطبات !!

يعني بالعربي عيالك و شايبكم يندعمون عادي و للعلم ما كثر ما تصير حوادث و نشوف ناس طايرين في الفريج على صغره لكن هذا من وجهة نظرهم مب مهم!!

[.قطر.]

هههه

اخبر مره كنت مع الاهل وفي خط خدمي صوب الريان القديم وامشي اشوي الا مطبه والله على السنه ما وقفت ..

ما مداني لا ابريك الا بس شممته وهووووووووووووبا

الحمد لله انه المره مهب حامل والا سقطت ..


عسى ماكان من حجم الافيال المنسدحه بس :telephone:

[كاشف الغطاء]

زين سوو وكلنا نحاتي عيالنا ولكن صايرة فوضى لو كل بيت جدامه مطبه مب خالصين

[بصمة قطرية]

ألف شكر للجميع ..
المطبات ما نبيها بطريقة عشوائية
و مقاسات مختلفة ..
خط صغير والثانية جزيرة مب مطبة ..

التساؤول المطروح ..
بعد إزالة كل المطبات هل راح يتم وضع مطبات جديدة
بتنسيق طبعاً ..
و لا الشوارع بتتم جذي من غير مطبات ..!!
السرعات جنونية و تخوف و مناطق سكنية
محتاجين مطبات حق المستهترين ..

[معماري قطري]

[ الوحيد ][;10290988']اي مطبه موجوده بدون علم البلديه تم ازالتها ..
لان كل من جاا وحط مطبه شكبر جدام بيته بدون اذن وكل مطبه اكبر من الثانيه ..

راح يتم اضافه مطبات بشكل و حجم موحد لأغلب الشوارع .. بعد اخذ الاذن من البلديه

إحنا طلبنا وركبوا لنا عن طريق لجنة الشرطة وما كملت شهور والحين انشالت .. زين انا حسيت بالوضع أحسن بس انقهرت شارع قصير وفيه 4 مطبات ومرتفعين والبيوت اللي عليه كلها بيوت مقيمين وهذا ما انشالت منه مطبة .. إستوت عندنا إزدواجية معايير

[معماري قطري]

ألف شكر للجميع ..
المطبات ما نبيها بطريقة عشوائية
و مقاسات مختلفة ..
خط صغير والثانية جزيرة مب مطبة ..

التساؤول المطروح ..
بعد إزالة كل المطبات هل راح يتم وضع مطبات جديدة
بتنسيق طبعاً ..
و لا الشوارع بتتم جذي من غير مطبات ..!!
السرعات جنونية و تخوف و مناطق سكنية
محتاجين مطبات حق المستهترين ..

والله يا اختي ما اتمنى تنحط .. بدالها تنحط علامة سرعة 40 أو 30 في المناطق الخطرة وتنحط كاميرات مراقبة واللي مسرع ينسحب

[بوخالد911]

مع وجود المطبات
ولكن وضعها بشكل مدروس.

[باراكودا]

[ الوحيد ][;10290988']اي مطبه موجوده بدون علم البلديه تم ازالتها ..
لان كل من جاا وحط مطبه شكبر جدام بيته بدون اذن وكل مطبه اكبر من الثانيه ..

راح يتم اضافه مطبات بشكل و حجم موحد لأغلب الشوارع .. بعد اخذ الاذن من البلديه

أن شاء الله مايوافقون زهقنا من المطبات الواحد مايقدر يستمتع بقيادة سيارته الرياضية .

[ya3coub]

انا ضد المطبات الي صج يبي يحط مطبات يجيب شركة و يركب على حسابه المطبات الصغيرة الي تكسر السيارة بتخلي الكل يخفف اما اني اتعلق بالمطبة انا و دراجتي

او سيارتي لانها نازلة تحك لا ضدها و بقوة لما اتكون بدون اي مقياس او معايير

و معاها لو ارتفاعها يسمح للكل بالمرور عليها دون اي اذى

[SouthK]

عسى ماكان من حجم الافيال المنسدحه بس :telephone:

في الحالة هذي كان طار المطب بكبره مع القار و احتمال الكنكري اللي تحت القار!!!

[الدكتور عزوز]

للأسف المطبات ضرورية لكن خلنا نكون واقعيين

بعض الشباب الله يهداهم ما يوقفهم لا مطب ولا غيره تلقاه طاير عالمطب كأنه في رالي ولا يهمه

[.قطر.]

في الحالة هذي كان طار المطب بكبره مع القار و احتمال الكنكري اللي تحت القار!!!
اشدعوه المطب مب ماسك عدل ف الارض يعني :telephone:

[رُفق المجنّا]

الا بيّض الله وجيههم يوم شالوها

خفت الازدحامات في الشوارع الفرعية وصار فيه انسيابية اكثر في الحركة


شكرًا إشغال

[معماري قطري]

شلوها عند البيوت العادية اللي لا حول ولا قوة عند أصحابها

في شارع رئيسي السرعة عليه 80 حاطين مطب سمين وورا المطب رادار ولا حد يفكر يشيله واتحدى الرادار لو يصيد سيارة مخالفة في السنة

[معماري قطري]

في فريجنا شارع حوله بيوت بتان وكله مطبات خلوها ... والمطبات اللي بترخيص وعند بيوت أهل قطر المتأَذين من السرعة حتى خروجهم من البيت شلوها

[Hassan33]

فجأة شالو كل المطبات في شعبية خليفه وصارت كثير من الحوادث...منها حادث اليم صار قدام سوبر ماركت الاخلاص خدامه طالعه من الدكان ودعمها واحد مسرع وتوفت الله يرحمها...

شارع الشيهانيه شارع حيوي جدا وتمر فيه الكثير من السيارات ونتمنى اعادة المطبات

[بوخالد911]

من يومين اوصلوا المعمورة
وشلوا المطبات