السائق الجديد كم شهر يحتاج حتى يحصل على رخصة القيادة!!!

[فريج النجادة]

أخواني واخواتي منتدى أسرتي واحبتي

السلام عليكم ورحمة الله وبركاتة

الموضوع

السائق الجديد كم شهر يحتاج حتى يحصل على رخصة القيادة!!!

كم تتوقعون المدة الكافية للحصول على الرخصة

1- ثلاث شهور

2- ست شهور

3- تسع شهور

4- 12 شهر

وما هي الاسباب حتى نوصل الى هذة التواريخ التاريخية !!!

[غريب الدّار]

مرحبا اخوي

يعتمد على حسب تعلم الشخص
اما اذا تقصد مدارس السواقة فاعتقد يعطونه 12 حصة تقريبا او اكثر مب متاكد بصراحة

لكن اخوي الاحتمالات اللي انت حاطها وايد بعيدة عن الواقع
شدعوة 12 شهر تعليم سواقة !!! او حتى تسع شهور؟

وبعدين شنو يعني ( الاسباب حتى نوصل الى هذة التواريخ التاريخية ) ؟؟؟

انت شتبي تقول بالضبط؟


بشكل عام اخوي :
تعليم السواقة مثل أي تعليم على أي شي ثاني
مدته تختلف من شخص إلى شخص

لان تعلّم السواقة مب شي اكاديمي مثلا علشان يتحدد بمدة معينة

فبالتالي تفرق من شخص إلى آخر


اما اذا تقصد مدارس السواقة فمثل ماقلت لك هم على حسب علمي يحددون مدة معينة
لكن يمكن انت تتعلم في الفترة المحددة وتتمكن قبلها
ويمكن لا


اما اذا تقصد كثقافة مرورية او وعي مروري هذا تفرضه السلطة العامةممثلة في إدارة المرور عن طريق تطبيق نظام صارم يحد من الاستهتار ومخالفة القوانين

(طبعا قلت اذا تقصد ، لان بصراحة طرحك مهب واضح)

[العنيده]

تعليم السوواقه يعتمد على خبره الشخص , صعب الكل ينحط له نفس المده والمهارات تختلف من شخص لثاني ..
لازم في تغيير في شروط اعطاء الليسن عشان اللي ياخذه يكون بجداره وقادر ..

[فريج النجادة]

المشكلة يا الغالي السائق صار له ثلاث شهور فقط

على فحص الاشارة فقط !!!!!!!!!!!!

والى الان ما دخل في مرحلة تدريب السواقة ليش ما ادري

[غريب الدّار]

المشكلة يا الغالي السائق صار له ثلاث شهور فقط

على فحص الاشارة فقط !!!!!!!!!!!!

والى الان ما دخل في مرحلة تدريب السواقة ليش ما ادري

اها

يعني انت تتكلم عن نظام مدرسة السواقة مب المدة

ولا انا غلطان؟

ان المدرسة طولت في تعليم السواق فحص الإشارة
هذا اللي تبي تقوله ؟

اذا كان ايه فهذا موضوع ثاني

قد تكون مدرسة السواقة لها نظرة معينة في مدة التعليم بناءا على خبراتهم في التعليم

قد تكون المدة مفروضة عليهم مثلا من إدارة المرور (مثلا يعني)


قد يكون السواق نفسه مطلع عيونهم ومب راضي يتعلم :)


يجوز

[مختلف جداََ]

Cc غير البشر

بتجيكم علوووووم من غيرو

خخخخخخخخ

[A-Alansari]

التدريب يعتمد على الشخص نفسه ممكن شخص خلال 10 ايام تحسه صار متمكن من السواقه وفي بعضهم لو يتم شهرين بتلاقيه مرتبك في السواقه

والمفروض ماتنعطى اللياسن حق اي واحد يقدم امتحان

لازم الضابط يكون عارف هالشخص مرتبك في السواقه ويعرف يتصرف ولالا

وسهل لما تركب مع شخص تعرف اذا هو مرتبك ومايعرف يتصرف ولا هو عارف يسوق

لكن الاغلبيه ياخذون لياسن وتلاقيه لما تروح مكان فيه زحمه ولا شي يقولك ماعرف اصف هني ولا ماعرف اطلع من هني

[شموخ دائم]

,

,


مرحبا


اجتياز اختبار الاشارات في مدرسه السواقه لازم يجاوب
18 جواب صحيح من اصل 20 سؤال

اذا اخطاء في 3 يرسب ويعاد له الاختبار بعد اسبوعين

الموضوع يعتمد على قدره السائق الجديد على الحفظ
ممكن ينجح في اسبوعين وممكن ينجح في 4 شهور

حط له مدرس خصوصي يحفظه
:)

,

,

[باظلوف]

عندي واحد رسب ظ£ مرات في الاختبار النظري - والسبب ما في لغة :secret:

[بوخالد911]

3 شهور
الحين ززززحمة كبيرة
تسجل الدريول وتنطر الدور حق التعليم النظري
وبعدين العملي
وعقبها تنطر وايد حق امتحان السواقة

[فريج النجادة]

المشكلة يا الربع في كيفية الاختبار وليس في علامات الاشارة

تصور واحد ما يعرف للكمبيوتر خير شر

وانت تحط له كمبيوتر !!!!!!!!!!!!!!!!

وتقولة جاوب !!!!!!!!!!!!!!!!

[دكستر]

بعد اجتياز الإشارات سينتظر على الأقل شهر و نصف لاجتياز امتحان ركن السيارة داخل المدرسة , بعد ذلك على الأقل شهرين : امتحان الشارع , الحين رسبت 6 مرات في امتحان الشارع و بقيت لي مرة أخيرة , امتحان بيسربوا فيه كثير و نسبة النجاح جد ضئيلة . المرجو اكون قد وفيت الشرح

[الحياة الخالدة]

السلام عليكم

في دريول عند ناس من أهلنا .. دخلوه مدرسة تعليم السواقة .. و رسب في الامتحان تسع مرات .. في المرة العاشرة طفح فيهم الكيل قالوا خلاص عقب كل هالمخاسير بيردونه بلاده .. قعد يصيح و يترجاهم يعطونه فرصة أخيرة .. توسط له كفيله و نجحوه

طبعاً طول فترة التدريب قاعد في البيت ماكل شارب اللهم يغسل لهم السيارات .. و يطلع مع رفيق
الحين عقب كم شهر من حصوله على الليسن .. بدا يتمرد و يتدلع و يسرع لما يكونون العيال معاه بروحهم .. شكله يتسبب عشان يهدهم و يشوف له مكان ثاني ( خلاص حصل اللي يبيه .. دفعوا له حق التدريب و حصل الليسن .. ما قصروا معاه )

و الشكوى لله

[مختلف جداََ]

السلام عليكم

في دريول عند ناس من أهلنا .. دخلوه مدرسة تعليم السواقة .. و رسب في الامتحان تسع مرات .. في المرة العاشرة طفح فيهم الكيل قالوا خلاص عقب كل هالمخاسير بيردونه بلاده .. قعد يصيح و يترجاهم يعطونه فرصة أخيرة .. توسط له كفيله و نجحوه

طبعاً طول فترة التدريب قاعد في البيت ماكل شارب اللهم يغسل لهم السيارات .. و يطلع مع رفيق
الحين عقب كم شهر من حصوله على الليسن .. بدا يتمرد و يتدلع و يسرع لما يكونون العيال معاه بروحهم .. شكله يتسبب عشان يهدهم و يشوف له مكان ثاني ( خلاص حصل اللي يبيه .. دفعوا له حق التدريب و حصل الليسن .. ما قصروا معاه )

و الشكوى لله


كم أنت عظيم يا راجو

هههههههههههههه

[زقرتي ومزاجي]

الجواب : من شهرين الى اربع شهور