جلبريك والخصوصية والتشهير !!!

[بريق الحق]

بسم الله الرحمن الرحيم

السلام عليكم ورحمة الله وبركاته



موضوع خطير ومنتشر بكثر في هذي الايام في حسابات السناب شات وللاسف استخدامه خل الكثير يراجع نفسه في اضافة الناس
الجلبريك دمر ناس وفضح ناس و و و الخ

اسمع الربع يقلون جفت فيديو فلان انتشر بسبب شخص باق الفيديو من عنده فسناب شات وصارت له مصيبه
فلان الي طرش حق ارفيجه مقطع يمزح وهو يهدد المجلس الاعلى راح ورى الشمس بسبب الفيديو وسبب شخص باق فيديو من عنده
صارت مشاكل عند الناس والخصوصيه راحت خلاص
وامس واحد من الربع يقول حق الثاني بحط لك فيديو حق حساب فسناب شات عشان العالم تضحك عليك قلت له يا فلان شنو تاخذ ونتشر الفيديو بدون ماتستاذن ترى حرام ومايجوز هذي خصوصيه وهو ضايفك لنك ثقه

للامانه شي يخووف الصراحه*
مافي خصوصيه والناس للاسف تسوق لمثل هذي الحسابات الي تقعد تضحك على خلق الله وتشهر فيهم

تعليقكم !!

اللهم استرنا تحت الارض وفوق الارض ويوم العرض يارب العالمين

[مختلف جداََ]

تمزح صح ؟ :omg:

[بعيد النظر]

الذكي ما يطيح في هـ الغلط !
تبي تحلطم تهدد بينك وبين ربعك تمام

اما سناب ولا غيره راحت عليك

[بريق الحق]

تمزح صح ؟ :omg:

في فيديو انتشر لشخص اقولك مره دش يسلم في عرس الكل يطالعه لانه انتشر وهو مب الي ناشره بس بسبب الجلبريك انتشر والفيديو هو كان يستعبط مع ارفيجه مب من صجه لكن جوف موقف الرجال الحين الكل يتطنز عليه
الله يستر علينا

[بريق الحق]

الذكي ما يطيح في هـ الغلط !
تبي تحلطم تهدد بينك وبين ربعك تمام

اما سناب ولا غيره راحت عليك

للامانه ماعندي هالبرنامج والحمدلله وحتى الي يبي يصور وانا قاعد جمبه ولا شي اقوله لوسمحت لاتصور حتى اذا كان ارفيجي

[مهرة]

..

توني سائلة الي حولي من أصحاب السناب مالكم واقولهم وش هذا (الجلبرك) وطبعاً نطقته غلط واضحكوا علي >>> عادي .!

يقولون تحفظ صور وفيديوات العالم المضافه عندك وانت ماتدري.!! على أساس انهم مقطعين أصل الثقة :rolleyes2:

وهاذ البرنامج الي الكل مقاطعني عشانه ,, الله لا يبلانا ويستر علينا وعلى المسلمين.

[monatee]

ماله دخل الجليبريك

اذا صاحب الفيديو نفسه هو المصور ومطرش ..
يلوم الجليبريك ؟! بمجرد انه طرشه هو تنازل عن الخصوصيه

ليش هو مايفكر ان في ناس ممكن تحفظ الفيديو

[Dana’1]

الله يستر علينا وعليهم
الحمدلله عمري مافكرت أحفظ سناب اي وحده سواء مشهوره او عاديه بنت او ولود

[Riku3]

شدخل الجيلبريك ..

الفكرة هو ان الناس تخلي المحل يسويلهم جيلبريك وياخذ معلومات حساب الابل علشان يكمل تنصيب الجهاز .. وهنا ممكن ياخذ نسخه من الجهاز حتى لو انت قاعد على راسه وما تخليه يدخل على ملف الصور ..

او ان بسهولة يخلي الجهاز يرسله اي صورة انت تصورها في المستقبل من جوالك الى جوال ثاني عنده يسجل فيه حسابك لان عنده المعلومات .

اما سرقة الفيديوهات فهذا موضوع مختلف .. والمفروض يكون عند الشخص ثقافة ان ما يصور اي شي يخاف من ان غيره يشوفه مهما كان حتى لو بس بتصور وبتمسح الصورة مباشرة .. لان اكثر الشباب ما يعرفون سالفة نسخة الايكلاود وان الصورة تنتقل للحافظة في حسابك عند ابل وانت وافقت على هالشي بنفسك ..

انا حتى ما احب لما حد يصور اليهال بشكل يضحك علشان ما يأثر على نفسيتهم في المستقبل او ان حد يستهزء فيهم عقب بسببه ..

صار مافي خصوصية حتى وانت في الشارع تمشي في حالك .... الكل ناطرك تطيح والا تتعور والا حتى تموت علشان بس يصور ويطرش شي الناس تهتم فيه !!! ... قبل كان الانستغرام يصورون الوجبه وخلاص .. الحين اول ما تطلع من البيت توصفلهم الطريق وعقب تصور لوحة المطعم وعقب الطاولة والمقبلات وبعدها الوجبه وعقبها الحلويات وعقبها الفاتورة وعقبها تحط صورة واحد ماسك بطنه @_@ .. اعوذ بالله .

[Dana’1]

شدخل الجيلبريك ..

الفكرة هو ان الناس تخلي المحل يسويلهم جيلبريك وياخذ معلومات حساب الابل علشان يكمل تنصيب الجهاز .. وهنا ممكن ياخذ نسخه من الجهاز حتى لو انت قاعد على راسه وما تخليه يدخل على ملف الصور ..

او ان بسهولة يخلي الجهاز يرسله اي صورة انت تصورها في المستقبل من جوالك الى جوال ثاني عنده يسجل فيه حسابك لان عنده المعلومات .

اما سرقة الفيديوهات فهذا موضوع مختلف .. والمفروض يكون عند الشخص ثقافة ان ما يصور اي شي يخاف من ان غيره يشوفه مهما كان حتى لو بس بتصور وبتمسح الصورة مباشرة .. لان اكثر الشباب ما يعرفون سالفة نسخة الايكلاود وان الصورة تنتقل للحافظة في حسابك عند ابل وانت وافقت على هالشي بنفسك ..

انا حتى ما احب لما حد يصور اليهال بشكل يضحك علشان ما يأثر على نفسيتهم في المستقبل او ان حد يستهزء فيهم عقب بسببه ..

صار مافي خصوصية حتى وانت في الشارع تمشي في حالك .... الكل ناطرك تطيح والا تتعور والا حتى تموت علشان بس يصور ويطرش شي الناس تهتم فيه !!! ... قبل كان الانستغرام يصورون الوجبه وخلاص .. الحين اول ما تطلع من البيت توصفلهم الطريق وعقب تصور لوحة المطعم وعقب الطاولة والمقبلات وبعدها الوجبه وعقبها الحلويات وعقبها الفاتورة وعقبها تحط صورة واحد ماسك بطنه @_@ .. اعوذ بالله .


ههههههههههههههههه
الله يسعدك والله وصفك للمترقبين في الشارع مضحك ومبكي بنفس الوقت^''

[للصبر اخر]

اولا الجلبريك مايخصه بالموضوع ابداا
في برامج تنزل على الابل ستور تقدر من خلالها تحفظ اي فيديو سناب تبيه
ثانيا
في فرق بين الجلبريك والكراك
تم تحريم الكراك بينما اجيز استخدام الجلبريك

[بريق الحق]

اعذروني على موضوع الجلبريك لانه اشوف واحد يقول حق الثاني لا تخليني انزل فيديوهاتك عندي جلبريك

[العنيده]

البرامج مفيده اذا استخدمناها صح ..
واللي يطرش حق ربعه او بنت طرشت فيديو يتحملون النتيجه لان الكل يدري ان في برامج تحفظ كل شي ..
في برامج تحفظ الفيديوهات وفي برامج للاسف تقدر تشوف الفيديو ومايبين للشخص انك شفته يالله ياريت الكل ينتبه من هالشغله ..

[بريق الحق]

اولا الجلبريك مايخصه بالموضوع ابداا
في برامج تنزل على الابل ستور تقدر من خلالها تحفظ اي فيديو سناب تبيه
ثانيا
في فرق بين الجلبريك والكراك
تم تحريم الكراك بينما اجيز استخدام الجلبريك
شكرا على التوضيح

[بريق الحق]

البرامج مفيده اذا استخدمناها صح ..
واللي يطرش حق ربعه او بنت طرشت فيديو يتحملون النتيجه لان الكل يدري ان في برامج تحفظ كل شي ..
في برامج تحفظ الفيديوهات وفي برامج للاسف تقدر تشوف الفيديو ومايبين للشخص انك شفته يالله ياريت الكل ينتبه من هالشغله ..

انا قبل كنت اصور الربع وهم راقدين اطرشه عندنا فالقروب نفسه لكن الحين هونت اصور شي

[توشيبا]

فيه تطبيقات تقدر تحفظ السناب بدون علم صاحبه حتى لو مخفي وجهه يشيل لك الشخابيط ويطلع كل شي


اللي يبغي اسم التطبيق يدفع نص مليون واقوله

[حرف]

القادم ادهى و امر

[بريق الحق]

فيه تطبيقات تقدر تحفظ السناب بدون علم صاحبه حتى لو مخفي وجهه يشيل لك الشخابيط ويطلع كل شي


اللي يبغي اسم التطبيق يدفع نص مليون واقوله
مصيبه مثل هذي البرنامج عادي تحصل من يحب الفضايح حق الناس بشتري البرنامج

[حرف]

الي مايخاف الله ومنافق ومستفيد ان هالبرامج ماراح احد يعرفه
الله راح يفضحه قدام خلق الله

[بريق الحق]

الي مايخاف الله ومنافق ومستفيد ان هالبرامج ماراح احد يعرفه
الله راح يفضحه قدام خلق الله

نعم
خاف من الشخص الذي لا يخاف الله

[ua2z]

من الاساس لاتسوي علط عشان لا ينتشر .. وربي يستر على الجميع

[بشائر]

الله المستعان كل يوم مصيبة جديدة .. للحين ماخلصنا من السناب شات مسرع ماطلع الجلبريك!
والقادم أدهى وأمر .. الله يستر علينا وعلى المسلمين .

[مختلفة عقليا]

السلام عليكم

عندي فكرة اعتقد اغلب الناس ضدها ولكنها تناسبني وايد .,

( لا اتسوي شي حتي لو بالمزح ممكن تندم علية ) .,

واذا انا بصور لشخص وصوري خاصة ونشرها , ابدا مافي مشكلة , لان هو قدام الله والقانون مسؤول عن الموضوع ., :)

ويسلموو

[لبيبة]

وعليكم السلام ورحمة الله وبركاته،

موضوع الجيلبريك فهمته،

ببساطة ابل منعت تطبيقات تنزيل الفيديوات وسحبتها من ابستور، اللي كان عنده في السابق يمكن يشتغل عنده ويمكن لا لأن شركة سناب شات حسب اللي اذكره منعوا تطبيقات الطرف الثالث.

الجيلبريك وهو كسر حماية الايفون بكبره يتيح تنزيل تطبيقات من السيديا، وهي تطبيقات ممنوعة من ابل، هالتطبيقات تتيح للمستخدم اشيا منها تطبيق تنزيل فيديوات السناب.

طبعا الجيلبريك يكسر حماية ويعرض بيانات صاحب الايفون نفسه للسرقة وبياناته للضياع وما يقدر يسوي ابديت مثل الناس لما ينزل ابديت جديد، وطبعا لا انصح به.

يعني كلام صاحبك صحيح انه عنده جيلبريك ويقدر ينزل سنابات الناس.

والفطين اللي ينتبه في نفسه ولا يخلي شي مسجل عليه مكتوب او فيديو يحاسب به بعدين.

[A-Alansari]

مثل ماقالو الاخوان الجلبريك ماله دخل في الفيديوات الي تنباق من السناب الجلبريك تقدر تنزل منه برامج كثيرة مب متوفرة في الابل ستور وتقدر توصفه كأنه ابل ستور بس فيه برامج ماتلقاها في الابل ستور

الي يصور ويطرش صور وفيديوات وعقب يصيح باقو صوري وفيديواتي هو غلطان ليش يطرش اصلا والكل يدري الحين الصغير قبل الكبير انه في برامج تبوق الفديوات والصور بدون علمك سواء في الانستقرام ولا السناب وغيره

[العقل المدمر]

ترى البوق اسهل بوايد من الجلبريك
انا اجيب جوالي الثاني واصور السناب :tease:
فالنهاية محد قال له يستعبط وهو ضايف ناس مب ثقة
اللي يبي سنابه خاص يقدر يخليه خاص ومايضيف الا ربعه
اما اللي يستقبل اضافات العالم عيل خل العالم تشوفه

[السكين]

أنا شاري برنامج من متجر أبل عشان أنزل فيديوهات تعجبني من السناب ، دخلت حساب توب بي بي وحساب كتر كارز أحب فيديوهات السيارات تفاجأت إنه الشباب اللي يستعرضوا ومخفيين الرقم بفيس والا اللي مخفين وجوهم بالفيس أو الشخابيط تطلع بدونها وللأسف البنات تدخل هالمواقع تتكلم وتصور وهم بالسيارات .

كبرنامج ممتاز ، بسالمستخدم هو السيء ، يعني الحق على من بالضبط ؟؟

[السكين]

ترى البوق اسهل بوايد من الجلبريك
انا اجيب جوالي الثاني واصور السناب :tease:
فالنهاية محد قال له يستعبط وهو ضايف ناس مب ثقة
اللي يبي سنابه خاص يقدر يخليه خاص ومايضيف الا ربعه
اما اللي يستقبل اضافات العالم عيل خل العالم تشوفه

صح كلامك ، وهالطريقة فيه كثير يستخدمونها سريعة وما تحتاج برامج ولا حفظ والكل عنده جوالات والفيديوهات تقعد يوم كامل يعني صور طول اليوم !

[sweet qatar]

الي ما خافوا من ربهم خلهم يخافون من الفضيحة
يمكن يستحون شوي

اما الي يتغشمرون غشمرة بريئة مساكين والله
ماتصور في رفيج بهالنذالة يحرج رفيجه ويفضحه والدوحة صغيرة !!

لا حول ولا قوة إلا بالله .. الله يستر علينا دنيا و آخره

[l0o0rd-qtr]

اسمحلي يالشيخ اللي يصور ويطرش حق متابعينه في السناب هو الغلطان واذا خايف من الفضيحه لاتصور

[بريق الحق]

وعليكم السلام ورحمة الله وبركاته،

موضوع الجيلبريك فهمته،

ببساطة ابل منعت تطبيقات تنزيل الفيديوات وسحبتها من ابستور، اللي كان عنده في السابق يمكن يشتغل عنده ويمكن لا لأن شركة سناب شات حسب اللي اذكره منعوا تطبيقات الطرف الثالث.

الجيلبريك وهو كسر حماية الايفون بكبره يتيح تنزيل تطبيقات من السيديا، وهي تطبيقات ممنوعة من ابل، هالتطبيقات تتيح للمستخدم اشيا منها تطبيق تنزيل فيديوات السناب.

طبعا الجيلبريك يكسر حماية ويعرض بيانات صاحب الايفون نفسه للسرقة وبياناته للضياع وما يقدر يسوي ابديت مثل الناس لما ينزل ابديت جديد، وطبعا لا انصح به.

يعني كلام صاحبك صحيح انه عنده جيلبريك ويقدر ينزل سنابات الناس.

والفطين اللي ينتبه في نفسه ولا يخلي شي مسجل عليه مكتوب او فيديو يحاسب به بعدين.

مشكله الصراحه الخوف بكره الي يحتفظ بصوره يتم اختراق جواله وياخذ الصور
اذكر المقطع الي انتشر انه سناب شات بعد ايام راح تنشر فيديوهات العالم والخ والله قمت اقول باااال العالم الي تصور الخربطه والخ شلون بكون حالهم

الله يستر علينا يارب

[بريق الحق]

ترى البوق اسهل بوايد من الجلبريك
انا اجيب جوالي الثاني واصور السناب :tease:
فالنهاية محد قال له يستعبط وهو ضايف ناس مب ثقة
اللي يبي سنابه خاص يقدر يخليه خاص ومايضيف الا ربعه
اما اللي يستقبل اضافات العالم عيل خل العالم تشوفه

مافهمت والله شلون جوال ثاني واصور السناب


هذي مشكله الخصوصيه صارت في يد الجميع في مثل هذي البرامج

[بريق الحق]

الي ما خافوا من ربهم خلهم يخافون من الفضيحة
يمكن يستحون شوي

اما الي يتغشمرون غشمرة بريئة مساكين والله
ماتصور في رفيج بهالنذالة يحرج رفيجه ويفضحه والدوحة صغيرة !!

لا حول ولا قوة إلا بالله .. الله يستر علينا دنيا و آخره

والله في اشياء تصير اقول حق الناس استرو عليهم والله لا يبلنا بكره بنطيح في شي بسيط وراح ينتشر بشكل سريع

الي عندي قالها وهو يمزح لكن تخيلي اكثر من فيديو انتشر وسبب حق الاشخاص مشاااكل والله


الله يسترنا فوق الارض وتحت الارض ويوم العرض

[بريق الحق]

أنا شاري برنامج من متجر أبل عشان أنزل فيديوهات تعجبني من السناب ، دخلت حساب توب بي بي وحساب كتر كارز أحب فيديوهات السيارات تفاجأت إنه الشباب اللي يستعرضوا ومخفيين الرقم بفيس والا اللي مخفين وجوهم بالفيس أو الشخابيط تطلع بدونها وللأسف البنات تدخل هالمواقع تتكلم وتصور وهم بالسيارات .

كبرنامج ممتاز ، بسالمستخدم هو السيء ، يعني الحق على من بالضبط ؟؟

هذي المشكله ياخوي المستخدم الي يدور الزلة والفضايح تكون عنده مثل هذي البرامج والله مصيبه
عندي واحد من الربع يقولي يحط فيديوهات فالسناب والربع يبقون الفيديوهات ويطرشونها فالقروب عندنا فالوتسب قام يمسحهم والله ولا يضيف اي شخص حتى القريب منه

[العقل المدمر]

مافهمت والله شلون جوال ثاني واصور السناب


هذي مشكله الخصوصيه صارت في يد الجميع في مثل هذي البرامج

يعني خل نقول عندي السناب عالايفون
افتح السناب اللي ابيه واستخدم جوالي النوكيا الكشخة واصور السناب اللي عالايفون