ليش يا المرور ضارين لهالدرجة وماديين

[معماري قطري]

يمكن العنوان قوي بس لاحظت اليوم خطأ قوي في الرادارات على طريق سلوى وكنت باطيح فيه الا شفت الفلاش يرمق من بعيد .. الطريق سلس ومرتب والسرعة عليه 120 وقابلة للزيادة ل 139 وممكن يحطون رادار متحرك يخرب الحسابات كلها ويضبطونه على 120 وهذا أول خلل وتبون الصج تعتبر شيء ما ينوصف ودي اقول نذالة بس استحي

بعدين أهلنا من دول الخليج الثانية يشوفون السرعة 120 يقتنعون بها ويمشون 120 وعند الرادار يخففون تحتها بعد .. ولو يحطون اعلان كبير إن السرعة لها حدود قصوى للتجاوز توصل 139 الكل بيسوق براحته مب مخفف عند كل رادار .. انا مثلاً اثبت مثبت سرعة السيارة على 137 واكون متطمن لكن الاحظ تصرفات بعض السائقين من اللي يخفف لو لاحظ الرادار مع إن سرعته عادية

اللي يقهر صج قبل الوصول لجسر الصناعية بمسافة تتغير السرعة ل 100 وفجأة وراها رادار .. وفي دول عديدة زرتها ما شفت هالوضع .. لازم يحطون لافتة مكتوب عليها خفف ل 100 وتوجد رادارات ومثل بداية نهاية الطريق السريع .. إحنا حسب طبيعة معرفتنا بالبلاد والشوارع عارفين ونحسب لهالرادار الخبل ألف حسب لكن غيرنا من الزوار نستقبلهم بمخالفة سرعة تكدر على بعضهم اجازتهم

[سليمان احمد]

انا عندي جواب على سؤالك حسب ضني واتمنى اكون غلطان

طالما اسأل نفسي عن سبب عدم تركيب علامات في حالة تغيير السرعه من رقم الى رقم اقل

والسبب اللي المرور ماعنده نيه يركب توقيت عد تنازلي للاشارات الضوئيه عشان التنبيه

اعتقد والله اعلم ان الجماعه عشان ( عنصر المفاجأه ) ومايكون عندك سبب لتلافي المخالفه

بحجه ان السرعه محدده طيب السرعه محدده متفقين لما تغيرت السرعه وين علامة التنبيه لتغيير السرعه

لذلك عنصر المفاجاه يجلب وراه مخالفات اكثر هذا والله اعلم واتمنى يكون ضني خاطئ

مادام وصلنا الى تخفيضات وتنزيلات فهذا يوسع الضن ان المرور لابد انه يعي معنى المخالفات

وقام يسوي عليها عروض تنزيلات

[معماري قطري]

خلاص ما دام يعون يرحمون زوار بلادنا ويرحمونا بعد .. تخيل فجأة تتغير السرعة من 120 لين 100 والبعض يعرف إن مسموح تمشي 139 ويتفاجأ السرعة تغيرت ل 100 ويتفاجأ بالرادار وراها بشوي وين يقدر يخفف

أذكر في ألمانيا السرعة تكون غير محدودة وبعدين تجيك لافتة كهربائية إن السرعة 120 واللافتة كبيرة تبين من بعيد وفوق كل مسار معلقة وبعد الناس يمرون عليها مسرعين ويبدون يخففون بعدها .. ولين قربت من المدينة بالتدريج تنزل السرعة وتمر على 3 لافتات ورا بعض تقول لك السرعة 100 بعدها 3 يقولون لك 80 لين 60 وبعدين 50 بعد الخمسين بشوي حاطين رادار بعد شوي فيها نذالة لكن حول 5 - 10 كيلو السرعة تنزل بالتدريج ولا فيه رادار من 60 لين 50 السرعة معقولة وبسهولة بيشوف الواحد اللافتة وبيخفف

[سليمان احمد]

خلاص ما دام يعون يرحمون زوار بلادنا ويرحمونا بعد .. تخيل فجأة تتغير السرعة من 120 لين 100 والبعض يعرف إن مسموح تمشي 139 ويتفاجأ السرعة تغيرت ل 100 ويتفاجأ بالرادار وراها بشوي وين يقدر يخفف

أذكر في ألمانيا السرعة تكون غير محدودة وبعدين تجيك لافتة كهربائية إن السرعة 120 واللافتة كبيرة تبين من بعيد وفوق كل مسار معلقة وبعد الناس يمرون عليها مسرعين ويبدون يخففون بعدها .. ولين قربت من المدينة بالتدريج تنزل السرعة وتمر على 3 لافتات ورا بعض تقول لك السرعة 100 بعدها 3 يقولون لك 80 لين 60 وبعدين 50 بعد الخمسين بشوي حاطين رادار بعد شوي فيها نذالة لكن حول 5 - 10 كيلو السرعة تنزل بالتدريج ولا فيه رادار من 60 لين 50 السرعة معقولة وبسهولة بيشوف الواحد اللافتة وبيخفف




عندما تكون سلامه الناس هي الاولويه يكون هناك تنبيه لاي طارئ خاصه موضوع السرعه

وعندما تكون الاهم اني احط رادار واثبته دون تنبيه ولا تحديد في حاله تغيير السرعه

هنا يجعل العقل والضن يشطح ان المسأله فيها شي

احنا مانشكك لكن هالشي في اكثر من مكان وطريق كلها بالصدفه

الله اعلم اتمنى يكون ضني خاطئ

[المحاميه]

كل واحد يخفف السرعه من نفسه ويلتزم بالسرعه المحدده وخلاص

لازم يعني تمشون 200 ولا ماترضون؟

[عايش فرحان]

كل واحد يخفف السرعه من نفسه ويلتزم بالسرعه المحدده وخلاص

لازم يعني تمشون 200 ولا ماترضون؟

الاعتراض ليس على حدود السرعة او عدم الرغبة بالالتزام بها ..
و لكن الاعتراض على الطريقة غير الواضحة في وضع اشارات حدود السرعة التي تسبب الحيرة و الارتباك للسائقين ..
بصراحة الداخلية - بلا منازع - هي افضل و زارة في تقديم الخدمات للمواطنيين .. و لكن الجهة المسئولة عن و ضع العلامات المرورية فاشلة و نقطة سوداء في سجل الوزارة الناصع.. يجب ترك مساحات كافية ليستوعب السائق الإشارة و يتكيف معها .. لا ان يحطون حدود السرعة الجديدة قبل الرادار بعشرين متر او يحطون إشارة المطبات قبل المطبة مباشرة .. هذا اذا حطوها أصلا!

و هالأيام طالعين لنا بشغلة جديدة مع التحويلات في الشوارع .. تحصل الشارع بعد التحويلة رايح شرق بينما الخطوط الارضيّة رايحة غرب .. و السواق اللي مايعرف المنطقة عدل يمشي مع الخطوط الارضيّة لين ما يحصل الحاجز الخرساني في و جهه !

[Azizuk]

معاك حق اخوي معماري

انا مره تفاجأت من الرادار كنت على سرعة 120 وفجاءة تحولت السرعة 100 وعلى طول الرادار في عيني يبرق بغيت أتسبب بحادث

من قوة الفلاش وخبرك ظلام*

المسافة اللي محدده فيها السرعة وعلامة 100 قريبة جداً من الرادار تتفاجأ مايمديك تخفف وانت جاي من سفر ومآخذ على سرعة معينة

المفروض يحطون علامات الالكترونية تبرق خفيف تبين انك داخل من الطريق السريع ( highway ) الى المدينة او نهاية الطريق السريع

خل هذا يامعماري

من أسبوع جاءتني مخالفه رادار على طريق الخور

وانا كنت على راس عملي في ذاك الوقت

المخالفة في الشمال وانا اشتغل في الجنوب

والسعر مخفض نصف القيمة :victory: على النظام اليديد

[حرف]

الي يضبط السرعة على الرادار ( فني اجنبي) يمكن ماعنده ثقافة ولا ادب
ولا هذا وضع نستقبل به اخواننا الخليجيين عند مدخل الدوحه !

[بانغ بانغ]

خلاص ما دام يعون يرحمون زوار بلادنا ويرحمونا بعد .. تخيل فجأة تتغير السرعة من 120 لين 100 والبعض يعرف إن مسموح تمشي 139 ويتفاجأ السرعة تغيرت ل 100 ويتفاجأ بالرادار وراها بشوي وين يقدر يخفف

أذكر في ألمانيا السرعة تكون غير محدودة وبعدين تجيك لافتة كهربائية إن السرعة 120 واللافتة كبيرة تبين من بعيد وفوق كل مسار معلقة وبعد الناس يمرون عليها مسرعين ويبدون يخففون بعدها .. ولين قربت من المدينة بالتدريج تنزل السرعة وتمر على 3 لافتات ورا بعض تقول لك السرعة 100 بعدها 3 يقولون لك 80 لين 60 وبعدين 50 بعد الخمسين بشوي حاطين رادار بعد شوي فيها نذالة لكن حول 5 - 10 كيلو السرعة تنزل بالتدريج ولا فيه رادار من 60 لين 50 السرعة معقولة وبسهولة بيشوف الواحد اللافتة وبيخفف

خلك من المانيا بو عبدالله

عندك دبي .

اينبهونك انه جدام رادار .. لا ويعطونك مجال 20 كم

وعلى خط الوكرة ايزخك الرادار وانت سايق 102 والسرعة 100

ان شاء الله بس يفتحون المجال انروح المريخ .. انسوق على راحتنا

[غريب الدّار]

صبحكم الله بالخير


والله اخوي معماري انا اتفق وياك في نقطة واختلف في نقطتين :


نقطة الاتفاق :
مايجوز ان يتم تقليل السرعة مرة وحدة وعلى طول يكون في رادار يرصد السرعة !!

لأن اللي يسوق وهو متطمن ان السرعة 120 يمكن مايلاحظ ان السرعة تغيرت فجأة
فيكون مسرع وهو على باله ان الشارع للحين 120
يعني ع الأقل المفروض تكون في علامتين
وعقب يحطون رادار
خصوصا ان الشارع اللي ذكرته مايتغير من ناحية تحويلات ولفات مثلا
اقصد يعني يستمر مثل ماهو لدرجة ماتخلي الواحد يلاحظ او يتخيل ان السرعة تقل فجأة


نقطتي الاختلاف :
بالنسبة ان المرور يسمحون بكم كيلو زيادة : هاذي ياخوي دام مافي شي رسمي فالكل يقدر يحاججك فيها
حتى في المرور

فأحسن وأفضل ومنعاً للجدل ان الواحد يلتزم بسرعة الشارع
اذا 120 ثبّت عال 120 وخلاص
اما تقول انه شي معروف فصدقني لما تروح المرور وتقول لهم انه شي معروف مراح يسمحون لك بها

طول ماهم حاطين علامة واضحة ان السرعة كذا فالأفضل ان الواحد يلتزم بالسرعة ولا يحط نفسه في موضع ممكن ينحشر فيه في زاوية
والنقطة الثانية ان المرور ماديين وضارين : بالعكس اخوي
يمكن في تطبيق خاطئ لبعض الأمور انا معاك في هالشي
قد تكون بعض الآليات خاطئة
لكن مااعتقد انهم يتعمدون الضرر او جني الأموال
احنا اللي محتاجين للدولة ماديا مب الدولة بحاجة لنا :)

والله يوفق الجميع

[الروقي]

صراحه انا اول امس كنت جاي على خط سلوى من ابو نخله امشي 120 ويوم وصلت عند نفق الصناعيه فجاء ضرب الفلاش الرادار في وجهي وبعد الرادار على طول اشارة السرعه 100 يعني ماادري هذا شي مقصود او لامبالاه المفروض الطريق السريع يكون كله السرعه 120 مو السرعه تتغير فجاه بدون سابق انذار على الاقل اشارة او علامة تغير السرعه الى 100 تكون قبل لالرادار مو بعده هذا شي غير عادل والمفروض يعدلون هذي الاشاره اوعلامة السرعه الي في نفق دوار الصناعيه وانت جاي من سلوى الحين علي مخالفه لاني كنت ماشي 120 سرعة المحدده للطريق سلوى واتفاجا رادار السرعه يخالفني
ارجو من ادارة المرور تعديل هذا الخطا ووضع علامة السرعه قبل الرادار بمسافه

[بعيد النظر]

ولا الرادارات اللي يخشونها في اماكن ..
كانهم يبون يبوقونك عيني عينك .. ولا بعد اوقات قاتلة !
وانت رايح الدوام و انت راد من الدوام .. ولا يشكلون في الاماكن !



وما جات على ذي بس !
انا للحين موتري مطلوب بسبة شخص اساء تقدير درجة العازل ..
رحت لهم وقالو لي اول مرة ينطلب ادفع 3000 ريال وبنطيح الطلب ..

قلت والله مب دافعها قال خلاص وين موترك نحجزه اسبوع وتدفع الـ 3000 ريال !

صراحة مب غلطتي اذا العسكري جاف موتري مغبر ولا غيره ..
وعلى كيفه طلبه .. الموتر على حالته 3 سنين ومليون مرة وقفت فـ تفتيش ..
ولا حد كلمني ! ولا قالي ليش العازل ثقيل ولا ما تبين داخل الموتر !


مخالفاتي اللي انا اسويها ادفعها وانا ساكت .. لاني عارف غلطي !
اما انك تطلب موتري بناء على مزاجك او سوء تقديرك فـ اسمحلي !

[عاشق العديد]

عادي في رادار ع خط الشمال صايدني 10 مرات .. في أسبوعين فقط ..

ويمكن اقل من أسبوعين ..

ومعنه سرعتي قانونيه مادري تراجع فيها من .. لكن بتدفع بتدفع ..

[غريب الدّار]

ولا الرادارات اللي يخشونها في اماكن ..
كانهم يبون يبوقونك عيني عينك .. ولا بعد اوقات قاتلة !
وانت رايح الدوام و انت راد من الدوام .. ولا يشكلون في الاماكن !
السموحة اخوي هاذي مافهمتها :
لو انت ملتزم بالسرعة ، خلهم يحطون الرادار ان شاء الله معلق في السما
دامك ملتزم وش عليك منهم؟
يحطونه ورا نخلة مثلا
او يحطونه ورا عمود
خلك ملتزم ولو يحطون لك مليون رادار ماراح تخاف

ولا شرايك ؟


انا للحين موتري مطلوب بسبة شخص اساء تقدير درجة العازل ..
هالنقطة ممكن تكون صحيحة اخوي لان صار فيها لغط كبير (لغط مب غلط)

بس اعتقد اخوي ان في تعميم (اذكر اني شفته) ان درجة العازل اعتقد 20 % (هل انا صح يالربع ولا غلطان ؟)
على حسب مااذكر ان صدر تعميم بدرجة العازل (وأتمنى التصحيح من الشباب لاني مب متأكد بس على حسب مااذكر اني شفت تعميم كان منتشر على الواتس اب بخصوص هالموضوع)

لكن انا معاك ان قبل كانت المسألة تخضع للنظرة الشخصية من رجل المرور

[غريب الدّار]

عادي في رادار ع خط الشمال صايدني 10 مرات .. في أسبوعين فقط ..

ويمكن اقل من أسبوعين ..

ومعنه سرعتي قانونيه مادري تراجع فيها من .. لكن بتدفع بتدفع ..
اخوي اطلب الصورة وهذا من حقك
وشوف سرعتك كانت كم لان السرعة اتبين في الصورة
وشوف سرعة الشارع اللي صادوك عليه كم

وقتها تقدر اتحاججهم اذا طلع الحق معاك
وراح يلغون المخالفة اذا سرعتك كانت اقل من السرعة القانونية

[بعيد النظر]

السموحة اخوي هاذي مافهمتها :
لو انت ملتزم بالسرعة ، خلهم يحطون الرادار ان شاء الله معلق في السما
دامك ملتزم وش عليك منهم؟
يحطونه ورا نخلة مثلا
او يحطونه ورا عمود
خلك ملتزم ولو يحطون لك مليون رادار ماراح تخاف

ولا شرايك ؟




ياخوي بقولك من بيتنا لي الدوام في 10 رادارات ثابتة !
امر عليهم بشكل يومي في الروحة والردة !

وامشي ما بين الـ 120 لي 140 ..
والردة .. على حسب النودة لو احس اني تعبان ..
اضطر ادعس لي الـ 160 !


الحين في 10 ردارات ثابتة .. مب لازم يخش واحد زيادة !
وعلى خط شزينه وفاضي ويفاجئك بالسرعة 80 !! ولا حتى 100 !

انا اسوق 170 كيلو في اليوم مستحيل امشي 80 على خط طوله 15 كيلو !!




بالنسبة للعازل اعيد واكرر ..
ليش ما بين 100 عسكري مار عليهم .. هذي اللي طلب موتري ؟
لييييييييييييييييييييييييييييييييييييييييييييييييي يييييييييش ؟

[GENIUS]

مشكور مهندسنا على هذا الطرح المميز.

حاليا السرعات المقررة للشوارع من المسؤول عنها وعن تركيب اللوحات الإرشادية لها الخاصة بتحديد السرعة.

لأني لاحظت الكثير من الشوارع حاليا مع المشاريع بأن تجد لوحات سرعة باللون الأصفر التي تتبع مقاولين المشاريع وليست خاصة بالمرور فما هي السرعة القانونية للشارع .

وأيضا الوضع نفسه على التغير الفجائي للسرعة كمثال طريق ميسيعيد حاليا كل اللوحات للسرعة ثمانين وداخل الدوار الكبير في وسط الطريق ( مشروع جسور وتقاطعات ) السرعة خمسين في اللوحات وهناك رادار يصور على سرعة الستين .

بالنسبة للعازل حاليا في الفحص الفني لديهم جهاز خاص يقيس نسبة لون العازل ضمن الحدود المصرح بها .

[غريب الدّار]

ياخوي بقولك من بيتنا لي الدوام في 10 رادارات ثابتة !
امر عليهم بشكل يومي في الروحة والردة !

وامشي ما بين الـ 120 لي 140 ..
والردة .. على حسب النودة لو احس اني تعبان ..
اضطر ادعس لي الـ 160 !


الحين في 10 ردارات ثابتة .. مب لازم يخش واحد زيادة !
وعلى خط شزينه وفاضي ويفاجئك بالسرعة 80 !! ولا حتى 100 !

انا اسوق 170 كيلو في اليوم مستحيل امشي 80 على خط طوله 15 كيلو !!

بس هالكلام راح يخلينا في دائرة مفرغة اخوي
ويخليني اعيد عليك نفس التساؤل :
دامك بتلتزم بالسرعة شعليك منهم؟ خلهم يحطون مليون رادار
اما انك تقول :

مستحيل امشي 80 على خط طوله 15 كيلو !!

انت تدري شقلت الحين ؟
انت قلت انك مستحيل تلتزم !! وبنفسك نطقتها
دامك ماتبي تلتزم بتنصاد :)
المعادلة واضحة اخوي
مايبي لها كلام

اما بالنسبة لهالنقطة :

بالنسبة للعازل اعيد واكرر ..
ليش ما بين 100 عسكري مار عليهم .. هذي اللي طلب موتري ؟
لييييييييييييييييييييييييييييييييييييييييييييييييي يييييييييش ؟
بعد لازم ارجع وأقول لك :
ان المسالة سابقاً ( في نظري ) كانت تخضع لرأي الشرطي اللي يشوف العازل
لكن اعتقد ان صدر تعميم

يخوي ارجع لمداخلتي الأولى وبتعرف
شكلك فيك النودة الحين بعد
معناها بتدعس بعد شوي :)

[أم محمد 90]

كل واحد يخفف السرعه من نفسه ويلتزم بالسرعه المحدده وخلاص

لازم يعني تمشون 200 ولا ماترضون؟

مشكلتج ماتسوقين ف ماتحسين بالمعاناة ..

[شبح الصمت]

صادني مرتين هالرادار كله مثبت على 120 واتفاجا فالفلاش

بس لين الحين ما جاتني مخالفه عليه

[مضارب دوسري]

المفروض يركبون لوحات ارشاديه لان فعلاا
هالوضع نذاله


يعني المفروض قبل ما تتغير السرعه من شارع الى شارع


يكون في لوحتين ارشاديه عند مدخل الطريق اللي تغيرت سرعته ولوحه تكون واااضحه للعيان مب لوحه دائريه صغيره
لان اللوحات الصغيره مجرد سياره تمر جنبك ما تقدر تشوفها


ولوحه ثانيه عند النهاية الطريق اللي قبله

يعني ان السرعه بعد الدوار او الاشاره كذا كذا


اما تعال وركب رادارات هذا غلط

[مرتبش]

مادري ولا انا بخبير لكني مشاهد
اذكر طريق سلوي قبل وضع الرادارات.. السواقة فيه مريحة وافضل من الحين.
بس

[بعيد النظر]

بس هالكلام راح يخلينا في دائرة مفرغة اخوي
ويخليني اعيد عليك نفس التساؤل :
دامك بتلتزم بالسرعة شعليك منهم؟ خلهم يحطون مليون رادار
اما انك تقول :

انت تدري شقلت الحين ؟
انت قلت انك مستحيل تلتزم !! وبنفسك نطقتها
دامك ماتبي تلتزم بتنصاد :)
المعادلة واضحة اخوي
مايبي لها كلام

اما بالنسبة لهالنقطة :

بعد لازم ارجع وأقول لك :
ان المسالة سابقاً ( في نظري ) كانت تخضع لرأي الشرطي اللي يشوف العازل
لكن اعتقد ان صدر تعميم

يخوي ارجع لمداخلتي الأولى وبتعرف
شكلك فيك النودة الحين بعد
معناها بتدعس بعد شوي :)

اشكر جهدك ياخوي .. في اعادة الرد بصيغة ثانية
وعسى الله لا يحدك على الخطوط ..

[خسران من قلب]

ابشرك ان كل مره يصيدني واللافته موجوه قبل الرادار ب 50 متر وصغيره جدا

[ya3coub]

احنا نعرفه و موجودة اللوحة حتى لو قريبة و الرادار يبين شكبره

المشكلة فقط بوضعيته و الفائدة من التصوير الأمامي شنو ؟؟؟

خل يصور من ورى و خلص يجي واحد سايق من عمان او الكويت او مكة منهد حيله خلاص و اخر شي فلاش يبط العين فالوجه

غير الي مسوي ليزر او ليزك يستحمل اضواء السيارات بس بعد الفلاش الأمامي يعمي لنص ثانية او ثانية كاملة


و عن أخوانا الخليجين بالعكس يا هلا و مرحبا بهم

و فالأمارات موجودة اللوحة للسرعه 80 باماكن طويله بين مركس السلع و امارة ابوظبي إلى امارة دبي.

و مكتوب سرعة ضبط الرادار 140

و الأخوان فالحدود ايضا يبلغون الواحد لما يسئل انا رحت اول مرة تعبت و انا امشي 80 بالظبط مقبت على السرعه الي مكتوبة لين ما عرفت بعدها.

و ثاني مرة مثبت 140 لين وصلت دبي شارع الشيخ زايد و بدت الكيمرات تصورني اكتشفت انه في شي غلط و خففت لسرعه الشارع و كلشي تمام

[راعي الكورفت]

نفس الشي صار معاي من شهرين .
انا فلش علي الرادار في طريق سلوى وانا ماشي 120 عند نفس الرادار الي صادك قبل جسر الصناعيه بس ما نزلت علي مخالفه :nice:

[معماري قطري]

كل واحد يخفف السرعه من نفسه ويلتزم بالسرعه المحدده وخلاص

لازم يعني تمشون 200 ولا ماترضون؟

Who said so

الكصة ( هذي كلمة زلماوية ) وما فيها سرعة قانونية وفجأة تتغير سرعة الشارع تنزل من 139 الى 100 وورا علامة ال 100 مباشرة رادار .. حتى اللي يمشي 120 لازم يكون عارف وشايف العلامة .. واللي غافل شوي راحت عليه واللي زاير أول مرة كذلك والشارع ما فيه تغيير يستدعي كلش

[معماري قطري]

الاعتراض ليس على حدود السرعة او عدم الرغبة بالالتزام بها ..
و لكن الاعتراض على الطريقة غير الواضحة في وضع اشارات حدود السرعة التي تسبب الحيرة و الارتباك للسائقين ..
بصراحة الداخلية - بلا منازع - هي افضل و زارة في تقديم الخدمات للمواطنيين .. و لكن الجهة المسئولة عن و ضع العلامات المرورية فاشلة و نقطة سوداء في سجل الوزارة الناصع.. يجب ترك مساحات كافية ليستوعب السائق الإشارة و يتكيف معها .. لا ان يحطون حدود السرعة الجديدة قبل الرادار بعشرين متر او يحطون إشارة المطبات قبل المطبة مباشرة .. هذا اذا حطوها أصلا!

و هالأيام طالعين لنا بشغلة جديدة مع التحويلات في الشوارع .. تحصل الشارع بعد التحويلة رايح شرق بينما الخطوط الارضيّة رايحة غرب .. و السواق اللي مايعرف المنطقة عدل يمشي مع الخطوط الارضيّة لين ما يحصل الحاجز الخرساني في و جهه !

ما شاء الله عليك وضحت أشياء كثير ومشكور نبهتني للافتات .. كمعيار عالمي نحصل اللافتة اللي تحدد الأماكن تذكر أقرب مكان ووراه اللي بعده واللي بعده لكن الملاحظ نحصل لافتة مكتوب عليها المكان البعيد والأقرب وآخر شيء أقرب شيء .. معكوسين الله يهداهم ولا ندري من من بس هذا واجب هندسة الطرق واللي المفروض عند أشغال ولو تدخل فيها المرور وقفوه عند حده .. الصلاحيات معروفة في هذا المجال ويفترض يكون فيه لها ستاندرد اداري عالمي نتبعه

[معماري قطري]

معاك حق اخوي معماري

انا مره تفاجأت من الرادار كنت على سرعة 120 وفجاءة تحولت السرعة 100 وعلى طول الرادار في عيني يبرق بغيت أتسبب بحادث

من قوة الفلاش وخبرك ظلام*

المسافة اللي محدده فيها السرعة وعلامة 100 قريبة جداً من الرادار تتفاجأ مايمديك تخفف وانت جاي من سفر ومآخذ على سرعة معينة

المفروض يحطون علامات الالكترونية تبرق خفيف تبين انك داخل من الطريق السريع ( highway ) الى المدينة او نهاية الطريق السريع

خل هذا يامعماري

من أسبوع جاءتني مخالفه رادار على طريق الخور

وانا كنت على راس عملي في ذاك الوقت

المخالفة في الشمال وانا اشتغل في الجنوب

والسعر مخفض نصف القيمة :victory: على النظام اليديد

يحيك انت جاتك مخالفة وانت في قطر انا جاتني مخالفتين وكانت سيارتي خارج قطر وأماكن ما رحتها كلش

[معماري قطري]

الي يضبط السرعة على الرادار ( فني اجنبي) يمكن ماعنده ثقافة ولا ادب
ولا هذا وضع نستقبل به اخواننا الخليجيين عند مدخل الدوحه !

شيء يحزن المفروض يتعالج سرعة

[معماري قطري]

نفس الشي صار معاي من شهرين .
انا فلش علي الرادار في طريق سلوى وانا ماشي 120 عند نفس الرادار الي صادك قبل جسر الصناعيه بس ما نزلت علي مخالفه :nice:

محظوظ يا راعي الكورفيت وتستاهل بس فلاش في الوجه شيء مرعب

[معماري قطري]

احنا نعرفه و موجودة اللوحة حتى لو قريبة و الرادار يبين شكبره

المشكلة فقط بوضعيته و الفائدة من التصوير الأمامي شنو ؟؟؟

خل يصور من ورى و خلص يجي واحد سايق من عمان او الكويت او مكة منهد حيله خلاص و اخر شي فلاش يبط العين فالوجه

غير الي مسوي ليزر او ليزك يستحمل اضواء السيارات بس بعد الفلاش الأمامي يعمي لنص ثانية او ثانية كاملة


و عن أخوانا الخليجين بالعكس يا هلا و مرحبا بهم

و فالأمارات موجودة اللوحة للسرعه 80 باماكن طويله بين مركس السلع و امارة ابوظبي إلى امارة دبي.

و مكتوب سرعة ضبط الرادار 140

و الأخوان فالحدود ايضا يبلغون الواحد لما يسئل انا رحت اول مرة تعبت و انا امشي 80 بالظبط مقبت على السرعه الي مكتوبة لين ما عرفت بعدها.

و ثاني مرة مثبت 140 لين وصلت دبي شارع الشيخ زايد و بدت الكيمرات تصورني اكتشفت انه في شي غلط و خففت لسرعه الشارع و كلشي تمام

الخدعة سيم سيم يعني .. يا اخوي لازم يكونون واضحين وصريحين مع أنفسهم والغير هذي أمانة

[معماري قطري]

ابشرك ان كل مره يصيدني واللافته موجوه قبل الرادار ب 50 متر وصغيره جدا

الله يعوضك شيء محزن صراحة والسبب غير منطقي .. أصلاً اللي يعرفونه ويخففون عنده يدوسون بعده حتى الشاحنات وسيارات العمال

[غريب الدّار]

المشكلة فقط بوضعيته و الفائدة من التصوير الأمامي شنو ؟؟؟

خل يصور من ورى و خلص يجي واحد سايق من عمان او الكويت او مكة منهد حيله خلاص و اخر شي فلاش يبط العين فالوجه


والله انا اول مرة ادري ان في ناس (وطبعا لهم ولرايهم كل الاحترام والتقدير) معترضين على مكان الفلاش او جهة التصوير امامي ولا خلفي :)

لكن يجب احترام جميع الآراء

[معماري قطري]

مادري ولا انا بخبير لكني مشاهد
اذكر طريق سلوي قبل وضع الرادارات.. السواقة فيه مريحة وافضل من الحين.
بس

معاك وعدد الرادارات مبالغ فيه بس قبل الرادارات كانت بعد تصير تهورات وسرعة خيالية وحتى سباقات

المشكلة بعضهم يصيدهم رعب من الرادار ولا يصدق عداد سيارته ويقدم تنازلات فوق اللازم وتحصله يمشي 80 أو 70 وبعد ياخذ اليسار ويناحس .. والبعض يصدق لافتة 60 اللي محطوطة على المداخل ويدخل شارع سرعته 100 ب 60 وانتظره لين يدوس شوي شوي وما يوصل سرعة 100 كلش الا هو واصل لنهاية الشارع

هذا المسرب يفترض لزيادة سرعة السيارة لحدود الطريق السريع ويكون دخوله سلس بين السيارات وبسرعتها

[شيخ الديرة]

يجب أن تكون علامة السرعة على بعد دقيقة على الأقل قبل الرادار, وبعكسه يكون فخ او مصدر حوادث

[معماري قطري]

المفروض يركبون لوحات ارشاديه لان فعلاا
هالوضع نذاله


يعني المفروض قبل ما تتغير السرعه من شارع الى شارع


يكون في لوحتين ارشاديه عند مدخل الطريق اللي تغيرت سرعته ولوحه تكون واااضحه للعيان مب لوحه دائريه صغيره
لان اللوحات الصغيره مجرد سياره تمر جنبك ما تقدر تشوفها


ولوحه ثانيه عند النهاية الطريق اللي قبله

يعني ان السرعه بعد الدوار او الاشاره كذا كذا


اما تعال وركب رادارات هذا غلط

هذا شارع نفسه نفسه ما تغير فيه شيء الا فجأة تتفاجأ بلافتة 100 وما تتعداها بكيلو زيادة وقبل عندك مجال تسوق 139

[معماري قطري]

صراحه انا اول امس كنت جاي على خط سلوى من ابو نخله امشي 120 ويوم وصلت عند نفق الصناعيه فجاء ضرب الفلاش الرادار في وجهي وبعد الرادار على طول اشارة السرعه 100 يعني ماادري هذا شي مقصود او لامبالاه المفروض الطريق السريع يكون كله السرعه 120 مو السرعه تتغير فجاه بدون سابق انذار على الاقل اشارة او علامة تغير السرعه الى 100 تكون قبل لالرادار مو بعده هذا شي غير عادل والمفروض يعدلون هذي الاشاره اوعلامة السرعه الي في نفق دوار الصناعيه وانت جاي من سلوى الحين علي مخالفه لاني كنت ماشي 120 سرعة المحدده للطريق سلوى واتفاجا رادار السرعه يخالفني
ارجو من ادارة المرور تعديل هذا الخطا ووضع علامة السرعه قبل الرادار بمسافه

الله يعوضك والله ما توقعت ناس كثيرين ومن أهل البلاد صايدهم انا توقعت إنهم الزوار أكثر وهذا شيء أكيد وأكيد يزعل زوارنا الكرام

[معماري قطري]

ولا الرادارات اللي يخشونها في اماكن ..
كانهم يبون يبوقونك عيني عينك .. ولا بعد اوقات قاتلة !
وانت رايح الدوام و انت راد من الدوام .. ولا يشكلون في الاماكن !



وما جات على ذي بس !
انا للحين موتري مطلوب بسبة شخص اساء تقدير درجة العازل ..
رحت لهم وقالو لي اول مرة ينطلب ادفع 3000 ريال وبنطيح الطلب ..

قلت والله مب دافعها قال خلاص وين موترك نحجزه اسبوع وتدفع الـ 3000 ريال !

صراحة مب غلطتي اذا العسكري جاف موتري مغبر ولا غيره ..
وعلى كيفه طلبه .. الموتر على حالته 3 سنين ومليون مرة وقفت فـ تفتيش ..
ولا حد كلمني ! ولا قالي ليش العازل ثقيل ولا ما تبين داخل الموتر !


مخالفاتي اللي انا اسويها ادفعها وانا ساكت .. لاني عارف غلطي !
اما انك تطلب موتري بناء على مزاجك او سوء تقديرك فـ اسمحلي !

المفروض عندهم جهاز يقيس درجة العزل .. في بعض الدول الأجنبية تشوف العازل أسود وتستغرب شلون مسموح .. أذكر فلوريدا بسبب الشمس اللي ما تجي نص حرارة شمسنا .. يعني ذيلاك ما يعرفون؟ صج حطوا قانون قوي على استعمال التلفون وبدوا به بالتدريج أول المراسلات وبعدين الكلام ويتم التأكد منه من شركة التلفون وقت الحادث

[معماري قطري]

عادي في رادار ع خط الشمال صايدني 10 مرات .. في أسبوعين فقط ..

ويمكن اقل من أسبوعين ..

ومعنه سرعتي قانونيه مادري تراجع فيها من .. لكن بتدفع بتدفع ..

انا كل مخالفاتي وفي كل سنوات سواقتي ما وصلت 10 مخالفات

[معماري قطري]

مشكور مهندسنا على هذا الطرح المميز.

حاليا السرعات المقررة للشوارع من المسؤول عنها وعن تركيب اللوحات الإرشادية لها الخاصة بتحديد السرعة.

لأني لاحظت الكثير من الشوارع حاليا مع المشاريع بأن تجد لوحات سرعة باللون الأصفر التي تتبع مقاولين المشاريع وليست خاصة بالمرور فما هي السرعة القانونية للشارع .

وأيضا الوضع نفسه على التغير الفجائي للسرعة كمثال طريق ميسيعيد حاليا كل اللوحات للسرعة ثمانين وداخل الدوار الكبير في وسط الطريق ( مشروع جسور وتقاطعات ) السرعة خمسين في اللوحات وهناك رادار يصور على سرعة الستين .

بالنسبة للعازل حاليا في الفحص الفني لديهم جهاز خاص يقيس نسبة لون العازل ضمن الحدود المصرح بها .

العفو إخوي جينيآس المفروض تحديد السرعة يكون للمرور والمفروض حتى اشارات السرعة عندهم لكن الاشارات الضوئية تركيبها على أشغال والرقابة على الشوارع اعتقد عند لخويا

سرعة المرور في مناطق الإنشاءات هذي يفترض تحدد بواسطة مهندس السيفتي أو الطرق التابع للمشروع والتابع لأشغال أو المقاول أو الاثنين وبتنسيق مع مهندس طرق أو أمان المرور .. لأَن تدخل فيها أُمور كثيرة مثل نوعية الحواجز ومواصفاتها وطريقة تركيبها وبعدها عن المسارات والإنارة التحذيرية

أمس على خط سلوى مع إنه خط واحد لكل منطقة عمل طريقة ثانية في الإشارات والتحذيرات وكلها متشابهة تسكير مسار معين

يعني هذا يوضح لنا المزاجية في الشغل ولا فيه ستاندرد واضح ومحدد

[معماري قطري]

صادني مرتين هالرادار كله مثبت على 120 واتفاجا فالفلاش

بس لين الحين ما جاتني مخالفه عليه

يمكن يتسامحون مع اللي سرعتهم السابقة قانونية بس بعد استوت سرعة 139 قانونية .. انا احسب له ألف حساب والحمد لله ولا مرة انصدت عليه لكن اشوف غيري ينصادون وخلاص عرفت اني اخفف قبل وكالعادة ادوس شوي عقب

[معماري قطري]

خلك من المانيا بو عبدالله

عندك دبي .

اينبهونك انه جدام رادار .. لا ويعطونك مجال 20 كم

وعلى خط الوكرة ايزخك الرادار وانت سايق 102 والسرعة 100

ان شاء الله بس يفتحون المجال انروح المريخ .. انسوق على راحتنا

انا قلتها كمثال وصراحة عجبني نظامهم والتزامهم خالفت هناك مخالفتين وقوف بس لجهلي بالأنظمة .. مرة وقفت مواجه السيارات يعني المفروض اوقف يمين والشارع ضيق من مسار لكل اتجاه وقفت يسار .. ومرة وقفت بعد 9 واللي معاي قال ليل الحين محد يمر من الشرطة وطلع الوقوف مجان بعد 11 حق اللي يروحون البار

[معماري قطري]

صبحكم الله بالخير


والله اخوي معماري انا اتفق وياك في نقطة واختلف في نقطتين :


نقطة الاتفاق :
مايجوز ان يتم تقليل السرعة مرة وحدة وعلى طول يكون في رادار يرصد السرعة !!

لأن اللي يسوق وهو متطمن ان السرعة 120 يمكن مايلاحظ ان السرعة تغيرت فجأة
فيكون مسرع وهو على باله ان الشارع للحين 120
يعني ع الأقل المفروض تكون في علامتين
وعقب يحطون رادار
خصوصا ان الشارع اللي ذكرته مايتغير من ناحية تحويلات ولفات مثلا
اقصد يعني يستمر مثل ماهو لدرجة ماتخلي الواحد يلاحظ او يتخيل ان السرعة تقل فجأة


نقطتي الاختلاف :
بالنسبة ان المرور يسمحون بكم كيلو زيادة : هاذي ياخوي دام مافي شي رسمي فالكل يقدر يحاججك فيها
حتى في المرور

فأحسن وأفضل ومنعاً للجدل ان الواحد يلتزم بسرعة الشارع
اذا 120 ثبّت عال 120 وخلاص
اما تقول انه شي معروف فصدقني لما تروح المرور وتقول لهم انه شي معروف مراح يسمحون لك بها

طول ماهم حاطين علامة واضحة ان السرعة كذا فالأفضل ان الواحد يلتزم بالسرعة ولا يحط نفسه في موضع ممكن ينحشر فيه في زاوية
والنقطة الثانية ان المرور ماديين وضارين : بالعكس اخوي
يمكن في تطبيق خاطئ لبعض الأمور انا معاك في هالشي
قد تكون بعض الآليات خاطئة
لكن مااعتقد انهم يتعمدون الضرر او جني الأموال
احنا اللي محتاجين للدولة ماديا مب الدولة بحاجة لنا :)

والله يوفق الجميع

صح انا كنت شوي قاسي بس الوضع يزعل صراحة

درست في أمريكا وكان شيء متعارف عليه السرعة على الطرق السريعة فيها مجال للزيادة والنقص 10% يعني من 55 ممكن تمشي 60 وحتى 61 وممكن تنزل سرعتك ل 50 وحتى شوي أقل لكن بتمشي أقل بتتحاسب وبتتخالف والمخالفة تصاعدية وكذلك للسرعة .. والشرطة ينخشون ورا الجسور وفي الاستراحات ويتصيدون للناس .. وشيء متعارف عليه يعني شبه قانون لو بيتغير يكون بإعلان وتنبيه

عند المدارس كانت السرعة 10 من الساعة كذا للساعة كذا الا في العطلات وصدقني لو حد يمشي 11 أو 12 وينصاد تكون مخالفته عسيرة .. ألحين غيروا النظام وحطوا ليت برتقالي يرمق ومكتوبه قربه السرعة وحطوها 15 .. ولكل بلاد قانون مقارب والحين في أمريكا الهايويات زادوا سرعتها بعضها ل 85 وممكن توصل 100 عليها و 100 ميل تعني 162 كيلو ويفكرون يزيدونها لأَن انتفت الحاجة من تحديد السرعة بتحفظ بسبب رخص البترول وكفاءَة السيارات .. عندنا ممكن نحدد مواصفات سيارات غير مهدرة للوقود وغير ملوثة للجو ونزيد السرعة شويات وشويات مب بس شوي .. ممكن نركز على أمان الطرق أكثر ونفتك من الحوادث الأليمة والمميتة بسبب الملهيات .. في ألمانيا بعض السيارات فيها نظام الانذار لو اقتربت من اللي جدامك وبعضها لا زيادة فيها نظام السرعة تخف تلقائياً بالبريك حتى لو انت دايس .. ونظام تحذير الخروج من المسار .. صراحة أنظمتهم عالية ويفترض نطبقها والتطبيق سهل الا لو حب حد يصعبه

[معماري قطري]

وصدقني هجومي وزعلي لأن الوضع واضح ويبي له تعديل وكأني انا اعاتب نفسي والشرطة والمرور وكل مجتهد في قطر إخو لي وأي شيء يمس بلادي يمسني .. بالنسبة للفلاش المواجه للسائق لضبط مخالفة الحزام وانا اتمنى تطبيقها على كل ركاب السيارة حتى اللي وراء

[سليمان احمد]

بعد متابعة الردود فعلا اتضح الامر عندي ورسخ في ذهني ان ( عنصر المفاجأه ) واهمال التنويه بتغيير السرعات

هو المشكله الرئسيه ومشكله متكرره في اكثر من مكان اذا الموضوع ماهو هفوه ونسيان في مكان محدد الموضوع

بشكل عام النتيجه هو انه اي خطا متكرر هو بالاصل قرار الا اذا كان عند المرور راي اخر فاتمنى منهم معالجه هذه

المشكله اللي تسبب الضرر على الكثير من الناس وتستنزف جيوبهم المسأله تحتاج الى اخلاص في العمل وعدم

التغافل عن الامر من اجل المخالفات

[معماري قطري]

تغافل وتغييرات بدون محد يحس .. عيل يقولون الرادارات الثابتة على طريق سلوى تخالف من 140 وفوق و 139 سرعة مسموحة ونفس الوقت يحطون رادار متحرك مضبوط على 121 .. نبي والله تطوير ونظام فعال وقبل ما يكون تجريمي يكون إنساني

[غريب الدّار]

درست في أمريكا وكان شيء متعارف عليه السرعة على الطرق السريعة فيها مجال للزيادة والنقص
متعارف عليه يامعماري هناك قد يكون مقنن او في لوايح بخصوص هالشي
لكن عندنا هنيه مافي
فما تقدر اتحاججهم اذا خالفوك
لان علمات السرعة واضحة وبيقولون لك : مافي شي رسمي يلزمنا
هذا اللي قصدته الله يسلمك


والشرطة ينخشون ورا الجسور وفي الاستراحات ويتصيدون للناس
وهل انت تؤيد مثل هالشي في قطر ؟ :)
صدقني الكل بينقز وبيقول لك : لا المرور يتصيدون
يبون فلوسنا :)
ومن هالقبيل
مع اني لازلت مستغرب من اللي يقول المرور يتصيدون

يتصيدون شنو بالضبط؟ للمخالفين؟ أصلا المفروض يتصيدون لهم
ليش الناس تزعل اذا شافوا رجل المرور بالمرصاد للمخالفات ؟ مب فاهم انا
انا اذا انيملتزم والله ماراح التفت حتى لرجل المرور (مع احترامي له ولشغله ومااقول لهم الا قواكم الله)
والمثل يقول : لاتبوق ولا تخاف


وصدقني هجومي وزعلي لأن الوضع واضح ويبي له تعديل وكأني انا اعاتب نفسي والشرطة والمرور وكل مجتهد في قطر إخو لي وأي شيء يمس بلادي يمسني .. بالنسبة للفلاش المواجه للسائق لضبط مخالفة الحزام وانا اتمنى تطبيقها على كل ركاب السيارة حتى اللي وراء
من حقك اخوي معماري تبدي رايك ووجهة نظرك طول ماان مافي أي مخالفة للشرع او القانون او الآداب العامة والنظام السائد وطول ماان مافي تطاول

واللي عنده اقتراح أقول له قواك الله ورحم الله والديك على حرصك على المصلحة العامة
لكن يامعماري استغرب من اللي اذا ماعجبه شي يروح يخالف ويقول لا مب عاجبني !!!

أشياء وايد يمكن مب عاجبتني ولا عاجبتك هل معنى هذا نكسر القانون علشان مب عاجبتنا؟

لا طبعا

راح التزم
وفي نفس الوقت راح أطالب بتعديل او تغيير واقدم مقترحاتي
طبعا كلامي موجه للي مب عاجبتهم السرعة مثلا ولما يخالفون يقولون السرعة هاذي المفروض تزيد !!!

طيب اوكي ماقلنا شي المفروض تزيد
انت مخالف شله؟

وانا معاك مثل ماقلت لك ان تقليل السرعة فجأة ووضع رادار على طول وضع غير طبيعي (وذكرت هالشي في احدى مداخلاتي في الموضوع )


والله يكتب اللي فيه الخير

[الســـهم]

هلا اخوي معماري ..

والله هذا الرادار نكبة , تصدق انه صادني على سرعة 113 , والمخالفه نزلت علي ودفعتها ..

والله ماعرفنا وضع طريق سلوى والسرعه المسموح بها فوق السرعه القانونية ..

[معماري قطري]

متعارف عليه يامعماري هناك قد يكون مقنن او في لوايح بخصوص هالشي
لكن عندنا هنيه مافي
فما تقدر اتحاججهم اذا خالفوك
لان علمات السرعة واضحة وبيقولون لك : مافي شي رسمي يلزمنا
هذا اللي قصدته الله يسلمك


وهل انت تؤيد مثل هالشي في قطر ؟ :)
صدقني الكل بينقز وبيقول لك : لا المرور يتصيدون
يبون فلوسنا :)
ومن هالقبيل
مع اني لازلت مستغرب من اللي يقول المرور يتصيدون

يتصيدون شنو بالضبط؟ للمخالفين؟ أصلا المفروض يتصيدون لهم
ليش الناس تزعل اذا شافوا رجل المرور بالمرصاد للمخالفات ؟ مب فاهم انا
انا اذا انيملتزم والله ماراح التفت حتى لرجل المرور (مع احترامي له ولشغله ومااقول لهم الا قواكم الله)
والمثل يقول : لاتبوق ولا تخاف


من حقك اخوي معماري تبدي رايك ووجهة نظرك طول ماان مافي أي مخالفة للشرع او القانون او الآداب العامة والنظام السائد وطول ماان مافي تطاول

واللي عنده اقتراح أقول له قواك الله ورحم الله والديك على حرصك على المصلحة العامة
لكن يامعماري استغرب من اللي اذا ماعجبه شي يروح يخالف ويقول لا مب عاجبني !!!

أشياء وايد يمكن مب عاجبتني ولا عاجبتك هل معنى هذا نكسر القانون علشان مب عاجبتنا؟

لا طبعا

راح التزم
وفي نفس الوقت راح أطالب بتعديل او تغيير واقدم مقترحاتي
طبعا كلامي موجه للي مب عاجبتهم السرعة مثلا ولما يخالفون يقولون السرعة هاذي المفروض تزيد !!!

طيب اوكي ماقلنا شي المفروض تزيد
انت مخالف شله؟

وانا معاك مثل ماقلت لك ان تقليل السرعة فجأة ووضع رادار على طول وضع غير طبيعي (وذكرت هالشي في احدى مداخلاتي في الموضوع )


والله يكتب اللي فيه الخير

اللهم آمين وقليل اللي يفهمون النية الصادقة ويقدرون الرأي الآخر وانت منهم يا طويل العمر

بخصوص العرف والقانون والتصريح بالمتعارف عليه افترض إنت تمشي طول الطريق 120 ملتزم بالمكتوب وغيرك يمر عليك 139 وفجأة حبيت تتجاوز وعارف إن عندك حدود سماح زيادة أقل شوي من 10% واللي توصل ل 19 كم / ساعة وأثناء تجاوزك زدت ووصلت 122 وصادك الرادار المتحرك .. وشو يكون شعورك؟

ولا جاي تعبان وغفلت شوي الا تتفاجأ بتغير السرعة ل 100 كم وانت قانوني وتمشي 120 ولا يمديك تخفف وورا اللافتة الرادار وتخالفت بعد شيكون شعورك

[معماري قطري]

هلا اخوي معماري ..

والله هذا الرادار نكبة , تصدق انه صادني على سرعة 113 , والمخالفه نزلت علي ودفعتها ..

والله ماعرفنا وضع طريق سلوى والسرعه المسموح بها فوق السرعه القانونية ..

شيء يزعل وزعل أكيد الكثيرين وحتى 110 بعد بيصيدك .. آظن ضابطينه على 105 ويمكن 100 فوقها بواحد تتخالف .. لازم تكون واضحة وصريحة وتنحط مكتوبة للكل يعرفها وتترتب بحيث تعطي الغافل فترة يعرف حدود السرعة القصوى وبعدين يجي دور الرادار

قبل كان الوضع فيه صرامة أكثر لا تقدر تزيد شوي للتجاوز ولفتح الطريق حتى للشرطة والاسعاف وما عدلوا شوي الا بمطالبات وخاصة من الغير قطريين واللي في دولهم موجود هذا النظام