سيارة رمل ؟

[أم محمد 90]

السلام عليكم ورحمة الله .

عندي مشكلة :

المشكلة هي ان امام بيتنا وتحديدا منطقة الوكير الشارع غير مرصوف ومع هطول الامطار تكون الطين والحصى الكبيرة مما سبب لنا مشكلة ف الدخول والخروج من البيت فضلاً عن اتساخ السيارات بالطين . اضافة الى ان الطين من كثر الدوس عليه بالسيارة صار مثل الهضاب

الاقتراح اللي وصلني :

ان نجيب سيارة رمل والسيارة اللي تدك الارض تخليها مستوية نحط الرمل فوق الطين وهالسيارة تمشي رايحة جاية عليه عشان الارض تصير مستوية .


المطلوب :


هل هالشي مسموح ؟

وين نجيب هالسيارتين عشان يسوون المطلوب .



شكرا

[عاشق العديد]

سلام عليكم ..

أتوقع عادري ..

انا كنت اعاني من نفس الحاله ..

انا ماحطيت رمل جبت ريال حط لي سميت وزخرف وصبغ صار جنه رصيف .. ولاحد قال شي ..

اما عن موضوع الرمل ترا للعلم مافي أي فايده .. كلها مسائله وقت هبة هوا ترابج كله طار اشوف اسمنت ولا انترلوك افضل ..

[مختلف جداََ]

الرمل مهما تدكينه مافي فايده
لازم تحطين فوقه انترلوك

أو حطي صبية اسمنت

[أم محمد 90]

طيب شكرا لمداخلاتكم ؟

ارقام احد شي نجيبه يسوي لنا هالكلام ؟

[مختلف جداََ]

تبين نصيحتي

أي فيلا تنبني حولكم
كلمي المقاول اللي يبني
و راويه المكان و اتفقي معاه
بتلاقين كل المواد عنده

ترى الموضوع بسيط و ما ياخذ وقت

[ya3coub]

بالعكس يصير

شوفيلج عامل

و مكينة دك الأرض مو لازم العوووووودة نفس ما ذكرتي سيارة تدك الأرض في المكينة الي شخص يستخدمها و الي منصدم منه أجارها رخيص جدا جدا جداااااا 100-150 ريال فاليوم الواحد يعني 24 ساعه عندج المكينة.


عامل من صوب سوق الحراج الهنود و الباكستانين احسن ناس و حتى العمالة اليإيرانية بس ما تلقينهم

و تجيبون الرمل و ماي بعد لازم ترشون الرمل بماي و بعدها تدكونها مرة ثانية و السيارات يروحون و يرجعون بمكان و مسار معين رايح جاي مو كل واحد يدوس بمكان و ان شاء الله خير.


المكينة للدك استخدمناها اكثر من مرة فالبيت قبل مع الأحواض للزرع و فالعنة بسنة من السنين.

يعني الموضوع مو صعب قانونيا صح أو غلط ما ادري طالما انه رمل و تحسين ما اعتقد اي حد بيعترض بس سميت و انترلوك أكيد ممنوع

[مختلف جداََ]

يعقوب ما أعتقد الإنترلوك ممنوع
ياخي أغلب البيوت قدامها إنترلوك و ما تخالفوا

وبعدين إذا الإنترلوك بيضايق البلدية ترى سهل ينشال


ياخي قدام بيت الوالد إنترلوك و ياما إحنا طلبنا البلدية في حاجات و لا عمره حد تكلم ليش حاطين انترلوك

[أم محمد 90]

الله يعطيكم العافية شباب .. والله تمنيت لو الاقي ارقام تواصل اتصل والاشخاص يجون البيت ونتفق وياهم .

بالنسبة اذا في عمال .. في فيلا تنبي (ورا) بيتنا على طول

مادري اذا ينفع اكلمهم ؟ اخاف يخافون او شي ..

ف لو اجيب عمال من برا احسن

[ya3coub]

يعقوب ما أعتقد الإنترلوك ممنوع
ياخي أغلب البيوت قدامها إنترلوك و ما تخالفوا

وبعدين إذا الإنترلوك بيضايق البلدية ترى سهل ينشال


ياخي قدام بيت الوالد إنترلوك و ياما إحنا طلبنا البلدية في حاجات و لا عمره حد تكلم ليش حاطين انترلوك

لو جحدام البيت بين طوفة السور و الشارع محد بيعترض إلا احسن و لونه مميز و جميل و نظيف مقارنة بالي موجود

بس الأخت تبي ترصف الشااااارع فبداية الموضوع ذكرت أختنا ام محمد حسب فهمي
و يرجى منها التوضيح


ان امام بيتنا وتحديدا منطقة الوكير الشارع غير مرصوف ومع هطول الامطار تكون الطين والحصى الكبيرة مما سبب لنا مشكلة ف الدخول والخروج من البيت فضلاً عن اتساخ السيارات بالطين . اضافة الى ان الطين من كثر الدوس عليه بالسيارة صار مثل الهضاب


ااهضاب فالشارع ولا بس الــ3 في مترين مربعه مقابل القراج بين الشارع و القراج ؟؟

اذا عند القراج بس سميت حاليا لأن انترلوك بيعتفس بكرة بيرصفون الرصيف و الشارع و بيعتفس كلشي و يبيله اعادة شغل

بس لو شارع يعني 100 متر او اقل لا أزال على اقتراحي

[ya3coub]

الله يعطيكم العافية شباب .. والله تمنيت لو الاقي ارقام تواصل اتصل والاشخاص يجون البيت ونتفق وياهم .

بالنسبة اذا في عمال .. في فيلا تنبي (ورا) بيتنا على طول

مادري اذا ينفع اكلمهم ؟ اخاف يخافون او شي ..

ف لو اجيب عمال من برا احسن

الأثنين ممكن يصيرون بالنهاية الشغل يوم او يومين خالصين بس يرجى التوضيح اهو للشارع تبون تعدلونه "ترصفون الطين الي جدام البيت و البيوت لأقرب شارع.

ولا بس مدخل البيت ؟؟؟

مدخل البيت سميت او انترلوك اسهل في اعادة الشغل بالمستقبل.
اذا لأقرب شارع بدون انترلوك و بدون سميت بس ماي و رمل

[أم محمد 90]

الأثنين ممكن يصيرون بالنهاية الشغل يوم او يومين خالصين بس يرجى التوضيح اهو للشارع تبون تعدلونه "ترصفون الطين الي جدام البيت و البيوت لأقرب شارع.

ولا بس مدخل البيت ؟؟؟

مدخل البيت سميت او انترلوك اسهل في اعادة الشغل بالمستقبل.
اذا لأقرب شارع بدون انترلوك و بدون سميت بس ماي و رمل

احنا بيت على زاوية الشارع للحين البيوت اللي امامنا ما انبنت ..

ف ابي ارصف او ادك الشارع اللي قدام بيتي ويطلعني على الشارع الفرعي مسافة بسيطة جدا جدا اذا تحسبها بخطوات رجل يمكن 20 خطوه

[اشراقة الشمس]

طيب شكرا لمداخلاتكم ؟

ارقام احد شي نجيبه يسوي لنا هالكلام ؟

طرشت لك رقم بالخاص اختي

[مختلف جداََ]

أم محمد إذا شارع حاسبي
طلع يعقوب صح

على بالي تقصدين عند باب البيت

[البرونزي]

اختي نصيحه لا راح ينفعج لا رمل ولا غيره اخذي الكلام الي ينفع وخاصه اذا تبينه على شارع
شفتي اي شارع يتم ازالته الطبقه هاذي عباره عن حصى صغير الي نسميه كنكري مع قار
يتم تفكيها بطريقه تصير نفس الحصى صغير مخلوطه مع القار ويبيعونها مره ثانيه
واكثر الي يشتريها الي عنده عزب يفرش المساحه الي قدام عزبته فيها وفايدتها انها
سوت طبقه حتى مايتطاير الغبار و الشي الثاني عن تجمع الامطار والتغاريز
بالاضافه انها تنباع رخيصه ،، اذا بغيتي الرقم برسله لج وبيجي واحد وبيشوف كم
تريب محتاج المكان وقولي له تبينه مع فرش الحصى من الشارع لين الييت

[بعيد النظر]

اختي نصيحه لا راح ينفعج لا رمل ولا غيره اخذي الكلام الي ينفع وخاصه اذا تبينه على شارع
شفتي اي شارع يتم ازالته الطبقه هاذي عباره عن حصى صغير الي نسميه كنكري مع قار
يتم تفكيها بطريقه تصير نفس الحصى صغير مخلوطه مع القار ويبيعونها مره ثانيه
واكثر الي يشتريها الي عنده عزب يفرش المساحه الي قدام عزبته فيها وفايدتها انها
سوت طبقه حتى مايتطاير الغبار و الشي الثاني عن تجمع الامطار والتغاريز
بالاضافه انها تنباع رخيصه ،، اذا بغيتي الرقم برسله لج وبيجي واحد وبيشوف كم
تريب محتاج المكان وقولي له تبينه مع فرش الحصى من الشارع لين الييت


هذي امثل حل ..
لا مطر ولا غيره ويصير القاع يابس ..
وكانه شارع لان الرمل مع الهوا والماي والرطوبة يختفي ..



وبالتوفيق

[أم محمد 90]

اخوي برونزي ياليت ترسل لي الرقم على الخاص .

[Katarna]

اختي نصيحه لا راح ينفعج لا رمل ولا غيره اخذي الكلام الي ينفع وخاصه اذا تبينه على شارع
شفتي اي شارع يتم ازالته الطبقه هاذي عباره عن حصى صغير الي نسميه كنكري مع قار
يتم تفكيها بطريقه تصير نفس الحصى صغير مخلوطه مع القار ويبيعونها مره ثانيه
واكثر الي يشتريها الي عنده عزب يفرش المساحه الي قدام عزبته فيها وفايدتها انها
سوت طبقه حتى مايتطاير الغبار و الشي الثاني عن تجمع الامطار والتغاريز
بالاضافه انها تنباع رخيصه ،، اذا بغيتي الرقم برسله لج وبيجي واحد وبيشوف كم
تريب محتاج المكان وقولي له تبينه مع فرش الحصى من الشارع لين الييت

الشيخ ولا عليك امر ارسل لي الرقم على الخاص

[البرونزي]

اخوي برونزي ياليت ترسل لي الرقم على الخاص .

ابشري ارسلت لج الرقم على الخاص

[البرونزي]

الشيخ ولا عليك امر ارسل لي الرقم على الخاص
ابشر تم الارسال

[الشمالي111]

بعد اذن صاحبة الموضوع

البرونزي ما عليك امر بغيت رقمه

[جبر ال جبر]

ش حادج على كل هذا طرشي حد من اخوانج يمر بلديه الوكره ويشرح لهم الموضوع ويسون لكم شارع محترم ابرك لكم

[<اضرب واشرد>]

الطين من كثر الدوس عليه بالسيارة صار مثل الهضاب*


هذي لها اسم في العامية، من يذكرنا من شياب المنتدى؟
المطبات الخشنة اللي تكون في البر وتهز السيارة هز

[البهتري]

بعد اذنكم البرونزي ارسل لي الرقم لو سمحت

[أم محمد 90]

يعطيك العافية اخ برونزي ماقصرت

[بو راشد 1]

هذي لها اسم في العامية، من يذكرنا من شياب المنتدى؟
المطبات الخشنة اللي تكون في البر وتهز السيارة هز

مطناج