مع أو ضد : التشديد / التخفيف من المخالفات المرورية

[غريب الدّار]

صبحكم الله بالخير

في ظل الزيادة السكانية المتواصلة في قطر ، ومع المشاريع اللي يشتغلون عليها تقريبا في كل شارع في الدوحة ، والتصليحات وتعزيز البنية التحتية ، وزيادة الزحمة ، أصبحنا نرى المخالفات تتكرر بشكل يومي وبمعدل مب طبيعي

بالإضافة إلى حوادث - للأسف - أخذت العديد من الشباب وغيرهم ، والحمدلله الذي لايُحمد على مكروه سواه

طبعا هناك من يقول ان يجب التشديد في المخالفات وزيادتها وعدم التهاون فيها أبد لأن المخالفات أصبحت لاتطاق وتتسبب في إرباك المرور في كثير من الأحيان

والبعض الآخر يقول ان يجب التخفيف لان التصليحات والزحمة وعدم وجود مواقف كفاية تجبر الواحد انه يرتكب بعض المخالفات
(طبعا ذكرت وجهتين النظر ولا يعني اني مؤيد او معارض لهما)

في ظل المعطيات أعلاه :
هل انت/ي مع التخفيف من المخالفات المرورية ؟ وليش؟


او مع التشديد على المخالفات المرورية ؟ وليش؟


ويعطيك العافية

[مختلف جداََ]

مع التشديد بصراحة
بس بشرط واحد فقط

يكون التطبيق على الجميييييييع
يعني مافي وااااااسطة

يعني يحجزون مواتر
يعني خدمة مجتمعية

على الجمييييييييع

[ولـد الخليج]

مع التشديد في بعض المخالفات مثلا
قطع الاشاره
ومواقف ذوي الاحتياجات الخاصه
والسرعه فوق 180

[ya3coub]

مع و ضد بنفس الوقت كل حالة لها اسبابها

و يجب دراستها و مراعاتها. توقف واحد متجاوز عند باب بيتهم فالفريج و اتقوله تجاوز من اليمين هاي اسخف شي شفته بحياتي.

و بنفس الوقت واحد يمشي بسرعه جنونية بدون سبب و بعد ما يتجاوز يمين يدوس بريك متسبب بحادث و يشرد و لما ياخذون رقمه محد يتصل او يفتكر فيه
او لأن القانون يجرم الي داعم من ورى بانه لم يترك مسافه كافية و يطلع منها و تتصلح سيارته و المحترم مسكين فوق هاي يتضرر لا.

انا لست مع ولا ضد

بالعكس بادرة طيبه للمرور لأول مرة من 2007 بنقص المخالفات. و بنفس الوقت بادرة تتطلب منا بأن نحاول نخدم بلادنا لا ان نتهمها بالربح السريع من جيوبنا.

الوزارة صحيح لها دخل من المخالفات بس مصروفاتها بالتوعية و بالسلامة المرورية اكثير بكثير و كله لنا لكل من يعيش على هالأرض الطيبة

[مختلف جداََ]

القانون قانون
يا يطبق بحذافيره
يا لا يحطون قانون ، و نسوق بكيفنا

[عثرة جواد]

السلام عليكم

اخوي قبل لاكتب لك مع اوضد احب أتكلم ف شي احنا مش محتاجين مع وضد احنا محتاجين تثقيف حسم ف قوانين معينة


لا مع سوت شي والا ضد بعد .....الضحايا كلهم صغار يعني مافي وعي ماثقافة مافي رادع

خل نتكلم بكل شفافية .

لين متى وحنا نستطلع فالرائ ومافي قوانين والا ترشيد


ليش مايكون ف دروس ف المرحلة الثانوية اجبارية مرورية

يكون اختبارات جادة ف السواقة ومايصدر اليسن الا بعد شهادة نجاح السواق

يكون ف سحب ليسن لو صار أي تجاوزات كثير من القوانين يقدرون يطبقونها

وبعدها نسوي الاستطلاع


عساااك ع القووووة

[غريب الدّار]

مع التشديد بصراحة
بس بشرط واحد فقط

يكون التطبيق على الجميييييييع
يعني مافي وااااااسطة

يعني يحجزون مواتر
يعني خدمة مجتمعية

على الجمييييييييع
أثنّي على كلامك
وبشكل عام أي قانون في المجتمع يجب أن يتم تطبيقه على الجميع أصلاً

مع التشديد في بعض المخالفات مثلا
قطع الاشاره
ومواقف ذوي الاحتياجات الخاصه
والسرعه فوق 180
اشكرك على إبداء الرأي

مع و ضد بنفس الوقت كل حالة لها اسبابها

و يجب دراستها و مراعاتها. توقف واحد متجاوز عند باب بيتهم فالفريج و اتقوله تجاوز من اليمين هاي اسخف شي شفته بحياتي.

و بنفس الوقت واحد يمشي بسرعه جنونية بدون سبب و بعد ما يتجاوز يمين يدوس بريك متسبب بحادث و يشرد و لما ياخذون رقمه محد يتصل او يفتكر فيه
او لأن القانون يجرم الي داعم من ورى بانه لم يترك مسافه كافية و يطلع منها و تتصلح سيارته و المحترم مسكين فوق هاي يتضرر لا.

انا لست مع ولا ضد

بالعكس بادرة طيبه للمرور لأول مرة من 2007 بنقص المخالفات. و بنفس الوقت بادرة تتطلب منا بأن نحاول نخدم بلادنا لا ان نتهمها بالربح السريع من جيوبنا.

الوزارة صحيح لها دخل من المخالفات بس مصروفاتها بالتوعية و بالسلامة المرورية اكثير بكثير و كله لنا لكل من يعيش على هالأرض الطيبة
انت قلت لمع ولا ضد اخوي يعقوب
بس لما قلت :

بالعكس بادرة طيبه للمرور لأول مرة من 2007 بنقص المخالفات
انا استشفيت انك مع التخفيف :)

القانون قانون
يا يطبق بحذافيره
يا لا يحطون قانون ، و نسوق بكيفنا
نسوق بكيفنا عاد :)

وارجع وأقول يجب ان يتم التطبيق على الجميع
واي استثناء يجب ان يكون بالقانون
معاك 100%

[غريب الدّار]

السلام عليكم
وعليكم السلام


اخوي قبل لاكتب لك مع اوضد احب أتكلم ف شي احنا مش محتاجين مع وضد احنا محتاجين تثقيف حسم ف قوانين معينة


:) اختي هذا منتدى الحوار العام
وهذا نقاش
مب سالفة سوت شي ولا ماسوت شي
لان اذا فكرنا بهالطريقة ماراح نكتب أصلا :)
ولاحظي ان مابين يمكن كل 100 موضوع او اقتراح يتم تطبيق او الاخذ بواحد منها
ولعل هالواحد هذا يكون هالموضوع :) نتفاءل خير بالتغيير للاحسن باذن الله

مسالة ان مب محتاجين مع او ضد : لا اختي عثرة
مع احترامي وتقديري لوجهة نظرج أقول لج محتاجين
استطلاع الآرا يعكس رغبة وتوجه مجتمع ، حتى وان كان مصغّر في المنتدى
الواحد يقدر يعرف التيار العام بعض المرات من الاستطلاعات
وبالتالي يعرف وين مكمن الخلل ويقدر يعالجه
التشخيص الصحيح = العلاج الصحيح



لا مع سوت شي والا ضد بعد .....الضحايا كلهم صغار يعني مافي وعي ماثقافة مافي رادع
موضوع التوعية اختي هو جزشية في هالموضوع لكن جزئية كبيرة ومهمة ومتشعبة

بسالج سؤال اختي :
طبعا ماراح اناقش ان الضحايا كلهم صغار على قولتج لان ماعندي إحصائية

لكن :
تعتقدين اللي يضرب رصيف ماعنده وعي ان هالشي غلط؟
تعتقدين اللي يقطع إشارة مايعرف ان هالشي غلط وممكن يسبب كارثة مرورية ؟
تعتقدين اللي يشقح الرصيف او الجزية اللي في نص الشارع علشان يروح الشارع الثاني مايعرف ان هذا خطر عليه وعلى غيره؟
تعتقدين ان الللي يسرع مايدري ان السرعة خطيرة وممكن تتسبب في حادث خطير مثلا؟

الكل عارف اختي

التوعية موجودة
والوعي موجود

العيب في مكان ثاني وفي شي ثاني
وهذا اللي أحاول اني اسلّط الضوء عليه في هالموضوع
الكل عارف اختي

والدليل :
ان في حوادث تصير لناس كبار مب صغار (هذا اذا سلّمنا جدلاُ ان اللي تقصدينهم فعلاً صغار ) مع ان القانون يمنحهم الليسن

وأقول لج الصراحة :
قبل كنت أقول ان لازم المرور يقوم بدوره في توعية الناس بان الوقوف في نص الإشارة غلط
مع انهم حاطين خطوط متشابكة صفرة
لكن اكتشتف ان ناس وايد وايد يعرفون ان الوقوف ممنوع ، ولما يشوفون ان نص التقاطع زحمة مايكملون حتى والاشارة خضرة

لكن اللي اشوفه ان السالفة مب سالفة وعي
لا سالفة تعمّد للأسف

والمرور (في نظري) قام بحملات توعية كثيرة جدا

لكن بما انج طرحتي هالنقطة احب اسألج بعداذنج :
شنهي اقتراحاتج بالنسبة للتوعية ؟ :)


لين متى وحنا نستطلع فالرائ ومافي قوانين والا ترشيد


وهذا الهدف من الموضوع اختي :)
ان يكون في قوانين تمشي على الكل مثل ماقال اخونا مختلف وتكون قوانين مناسبة
مع اني اشوف ان القوانين موجودة لكن في خلل آخر

من فينا مايدري ان عدم ربط حزام الأمان عليه مخالفة؟
من فينا مايدري ان قطع الإشارة الحمرة مخالفة ؟
من فينا مايدري ان عرقلة السير مخالفة؟

القوانين موجودة
لكن السؤال : هل التشديد او التخفيف منها هو الحل ؟

ليش مايكون ف دروس ف المرحلة الثانوية اجبارية مرورية

يكون اختبارات جادة ف السواقة ومايصدر اليسن الا بعد شهادة نجاح السواق

يكون ف سحب ليسن لو صار أي تجاوزات كثير من القوانين يقدرون يطبقونها
اها

هاذي اقتراحات تسير في مسار التشديد اختي :)

مع اني اعتقد ان مسألة سحب الليسن هاذي موجودة في حال تجاوز عدد معين من النقاط المرورية (أتمنى التصحيح اذا كنت غلطان)

يعني انتي مع التشديد حسب مافهمت من كلامج
انتي جاوبتي على الاستطلاع في الأخير يعني :nice:

يعني احنا محتاجين مثل هالموضوع ويمكن يسوي شي :)


أشكرج اختي الكريمة والله يقويج ورايج على العين والراس

[MAZEN37]

مع التشديد بصراحة
بس بشرط واحد فقط

يكون التطبيق على الجميييييييع
يعني مافي وااااااسطة

يعني يحجزون مواتر
يعني خدمة مجتمعية

على الجمييييييييع

����������
هذه الزبده

[A-Alansari]

تشديد بعض المخالفات وليس الكل

يعني واحد واقف على الرصيف لانه صارله ساعتين يدور موقف مخالفه عاديه دام انه ماسبب مشكله في الشارع ولا سكر الشارع

واحد يمشي بسرعه نقول فوق 160 مخالفه وسحب السيارة لمده معينة+ حبس من اسبوع الى شهر حسب السرعه الي صادوه فيها

ف القصد التشديد على بعض المخالفات الي اثارها قوية وتخفيف بعض المخالفات

مواقف المعاقين اتمنى انه تصير المخالفات فيهم اقل شي 6000 ريال لانه انقهر لما امر واشوف سيارات واقفه في مواقف المعاقين وماعليهم ستكر ولا شي

[ضحكة عيوز]

السلاك عليكم ورحمة الله وبركاته

مع و ضد بنفس الوقت كل حالة لها اسبابها

الحمدلله انا احترم القانون واسير على نهجه
بس بعد ما اخفي عليكم عندي مخالفات
وجميع مخالفاتي عند دوامي بسبب قلة المواقف
اوقف سيارتي فوق الرصيف بالشارع الداخلي
ما يطل على الشارع الرئيسي
ووزارتنا ما سوت شي لنا كموظفين
اتمنى من المرور يتساهلون معانا خصوصاً باوقات الدوامات

والحمدلله كل يوم مخالفة :pardon::pardon::pardon:

[حرف]

مع
ياليت اتكون المخالفات اكثر مماهي عليه حالياً طبعاً غير الماليـــة

[أعمار]

مع تشديد العقوبات + التطبيق الكامل بدون استثناء حماية للارواح

[مختلف جداََ]

اللي يقول توعيه أقول له
اسمح لي جانبك الصواب

الكل يعرف قانون المرور
و الأغلب مستهين فيه

الحل و الحل فقط
هو تطبيق القانون بحذافيره

يعني حزام ينلبس على طووول من أول ما تشغل السيارة

يعني تقاطع زحمة ، ما تستهتر وتدخل الإشارة و تنكب الشارع اللي بيفتح بعدك .
يعني ما تهدي قبل الرادار و تسرع بعده
يعني ما تزعج الأمه اللي راقده تالي الليل بسباقات و استعراض بالشارع
يعني طفت اللفة اللي تبيها ، تروح تاخذ الشارع كامل و تلف و ترجع

يعني ما تتجاوز من اليمين عشان حضرتك راكب موتر فورويل و لا رقم موترك مميز

لما يعرف شبابنا اللي توهم ماخذين ليسن
إنه بتنحجز مواترهم ، وممكن يسوون خدمة مجتمعية أو حتى سجن كم يوم .
صدقوني محد فيهم كفو يخالف القانون .

لكن طول ما الولد يخالف و الأبو يدفع و يتوسط شنو تتوقعون منهم .

التوعية ما عاد تكفي

برامج في التلفزيون ، مواقع في النت
نشرات و مطويات و مجلات .
زيارات للمدارس من قبل المرور .

كل هذا بدون نتيجة .
ليش ؟

بسبب ضياع هيبة القانون .

طبق القانون صح و بقوة و حزم و لا توعي

ولي الأمر هو اللي بيوعي ولده و بيوعيه صح و أحسن من المرور ، لما يعرف إنه ولده ممكن يتبهذل إذا خالف .

أما نقول توعية و تطبيق القانون ضعيف ،

ما بنكون سوينا شي ، و بنستمر نتلقى التعازي في أقاربنا و أصحابنا .
و ستستمر خيام العزاء .

فهل تعقلون ؟؟؟؟؟

[حرف]

نبي الشرطة يستخدمون القوة ( ضرب + عصا كهرب + كلبشات ) للي يخالفون ( شين وقوي عين )

[العنيده]

التشديد في المخالفات الكبيره اللي ممكن تاثر على حياه الراكب او ركاب السيارات الثانيه والاستهتار فيها يكون مقصود ..

[عايش فرحان]

أنا مع التخفيف و التشديد ..
يعني اللي يكرر المخالفات و لا هو بمفتكر تشدد عليه
و اللي عادة ما يخالف و لا هو راعي مشاكل لكن الله قدر انه يضطر يخالف مرة او مرتين يخفف عنه ..

بمعنى ان تكون قيمة المخالفات تصاعدية ..نازلة في البداية ثم تزيد مع تكرر المخالفات ..

[قطري92]

مع التشديد بصراحة
بس بشرط واحد فقط

يكون التطبيق على الجميييييييع
يعني مافي وااااااسطة

يعني يحجزون مواتر
يعني خدمة مجتمعية

على الجمييييييييع

%100 !!!!!!!!!!!

[راعي الكورفت]

كثرت المخالفات والتجاوزات المروريه بالشوارع والعتب يعود على أشغال والمرور في نفس الوقت .

وايضا زيادة عدد الوافدين وتواجد المراهقين المتهورين بالشارع تسبب بزيادة نسبة الحوادث والتجاوزات المروريه .

أشغال وتخطيط الشوارع السيئ يجبر قائد المركبه على أنه يخالف وايضا أعمال الصيانة بالشوارع لا تنتهي مسببه زحمه وتجبر غالبية السائقين على التجاوزات المروريه.

كل يوم تحصلهم مسكرين شارع ويضيقونه على الناس.

إيش الفائدة من تشديد العقوبات المروريه مادام دوريات المرور أصلا مش متواجده بالشارع .

ما أذكر متى آخر مره شفت دوريه مرور بالشارع !
اختفوا بعد ماركبوا الاشارات الضوئية وبعد ما كثرت الزحمه بالشوارع .

كذا مره الاقي دورية مرور واقف عند وقت الشاي أو كرك النعيمي مريح ومايتحرك إلا لما يجيله بلاغ .


حتى لو شددوا المخالفات !!

الناس مش هاتدفع وبتنطر آخر الموسم وهو موسم التخفيضات المروريه 50% وكأننا ماسوينا شي :rolleyes2:

[qatara]

لاتكون لين فتعصر

ولا يابس فتكسر

الوسط والمعقول هو المعقول


وبعضها التساهل يفيد اكثر من التشدد

وبعضها التشدد هو الحل الواجب اتخاذه


فكل حاله لها وضعها

[غريب الدّار]

الناس مش هاتدفع وبتنطر آخر الموسم وهو موسم التخفيضات المروريه 50% وكأننا ماسوينا شي :rolleyes2:

يعني رايك يتم التشديد وإلغاء الخصومات ؟ :)

[ميمّ]

ضد ..

المخالفات صارت عشان تحد من الحوادث وغيرها ,
لما تشددون معناته بيوقفون ؟ لا طبعا الي براسه بيسوويه

بس لما يكون المقصد ردع المخالفات والسرعه وغيرها من قوانين المرور يكون من الشخص نفسه فهذا لابد من ( التوعيه )
قوانين المرور لو نفكر فيها هي بس عشان سلامه السائق والركاب ف اتمنى اذا في تشديد يكون تشديد عن طريق التوعيه والتواصل الاجتماعي مب مقصر ياليت يستغلونه عدل
لما يشوف شخص مقعد على كرسي من السرعه يتم الاثر النفسي طول العمر !

[غريب الدّار]

ضد ..

المخالفات صارت عشان تحد من الحوادث وغيرها ,
لما تشددون معناته بيوقفون ؟ لا طبعا الي براسه بيسوويه

بس لما يكون المقصد ردع المخالفات والسرعه وغيرها من قوانين المرور يكون من الشخص نفسه فهذا لابد من ( التوعيه )
قوانين المرور لو نفكر فيها هي بس عشان سلامه السائق والركاب ف اتمنى اذا في تشديد يكون تشديد عن طريق التوعيه والتواصل الاجتماعي مب مقصر ياليت يستغلونه عدل
لما يشوف شخص مقعد على كرسي من السرعه يتم الاثر النفسي طول العمر !
بس اخوي (او اختي) مسألة التوعية مردود عليها في نفس هالموضوع

لو ترجع ولا عليك امر اتشوف مداخلتي بخصوص التوعية لو سمحت
وترد عليها راح أكون شاكر لك

[ميمّ]

^

شفتها ,

بس الناس اللي تقصدهم لابد منهم , فكل مكان بتلقى هالفئه والفئه الثانيه
مستحيل تلقى كل الناس ملتزمة بقوانين المرور

ولما اتكلم عن التوعيه ايام قبل كانت التوعيه على كبر , اتمنى تكون التوعيه من الصغر مثل المحاضرات الدينيه اللي للحين مأثره فينا من كنا صغار ,
وأتمنى التوعيه ماتكون مجرد بس محاضرات .. زياره مصابين , فيديوات ...الخ هذا اللي اقصد بالتوعيه

والخير يعم والشر يخص = )

[عثرة جواد]

لكن بما انج طرحتي هالنقطة احب اسألج بعداذنج :
شنهي اقتراحاتج بالنسبة للتوعية ؟

هلا اخوي

اشكرك ع سعة صدرك ومناقشة الموضوع بكل إيجابية

انا اشوف تكون مادة دراسية من الروضة بسلوب سلس ومحبب مع الصور

ويكون فيها تسلسل حسب العمر لين الثانوية .

يكون ف قانون يمنع إعطاء اليسن الا بعد ما يحصل الشخص ع دورة مكثفة ف فن القايدة ...غير الاتراي

تعديل الشوارع الي هي السبب الرئيسي ف اغلب الحوادث .

كثير من اخوانا الوافدين سبب ف الحوادث. ويجب عدم استمرار صرف الياسن الى بعد اختبارات نجاح .


عساااك ع ااالقوة

[ميمّ]

لكن بما انج طرحتي هالنقطة احب اسألج بعداذنج :
شنهي اقتراحاتج بالنسبة للتوعية ؟

هلا اخوي

اشكرك ع سعة صدرك ومناقشة الموضوع بكل إيجابية

انا اشوف تكون مادة دراسية من الروضة بسلوب سلس ومحبب مع الصور

ويكون فيها تسلسل حسب العمر لين الثانوية .

يكون ف قانون يمنع إعطاء اليسن الا بعد ما يحصل الشخص ع دورة مكثفة ف فن القايدة ...غير الاتراي

تعديل الشوارع الي هي السبب الرئيسي ف اغلب الحوادث .

كثير من اخوانا الوافدين سبب ف الحوادث. ويجب عدم استمرار صرف الياسن الى بعد اختبارات نجاح .


عساااك ع ااالقوة

اقتراحي ان يسمعون للجمهور الناس صارت تبدع بأسلوب طرح المواضيع وشلون تحبب الناس فيها
ياخذون بأرائهم .. ومن ضمن اللي كنت افكر فيه نفس ماذكرت : أن تكون من الصغر مثل الماده الدراسيه بس مو ماده دراسيه فيها درجات عشان الطالب لايكرهه ويتعقد
والتوعيه ماتكون فتره وانتهى , لابد من التوعيه الدائمه ومايكون بروتين نفس الاسلوب ونفس كل شي , كل فتره يجددون الاسلوب عشان الناس ماتزهق
والجيل الصغير اذا تعلم من الصغر لما يكبر ماراح تشوف هالفئه , الفئه الي نشوفها هي اللي توعت على كبر يعني في اللي اخذ بعين الاعتبار وفي اللي طنش !
ومثل ماكانو يقولون لنا : كثر التكرار يعلم الشطار = )

[الدكتور عزوز]

للأسف التشديد لا ينفع ، عيالنا متعودين على العناد وكل ما زاد التشديد في القوانين زاد العناد والدليل أن اعداد ضحايا الحوادث ما زال في ارتفاع

الأفضل هو التوعية ثم التوعية ثم التوعية

والتوعية لازم تبدأ من المدرسة الاعداديةولازم يخلونهم يشوفون تأثيرات الحوادث

الله يحفظ الجميع

[بانغ بانغ]

طالبت في مواضيع مشابهة ان يتم انشاء تجمع من ذوو المتوفين في حوادث ( نفس رابطة ) لمناقشة الية الحد من الحوادث حيث سيكونون اقرب الناس للواقع حيث شهدوا المعاناة المرة نتيجة تهور ابناءهم ومن ثم ينقلون هذه الحلول والمشاعر للعامة او للشباب

اتوقع سيكون هناك نوع من التعاطف تجاههم الامر الذي من شأنه تعزيز التوعية قبل الحد منها

اما من ناحية مع او ضد .... انا مع تشديد العقوبات للمخالفين وتغليظها على المتسببين في حوادث مميتة

[جبر ال جبر]

ياخي والله في بعض افراد شرطه المرور قمه ف الاخلاق والذوق يحرجك وقت المخالفه بكلمته وانت من نفسك تتقيد عقبها يعني مايخالفك ع طول لا اول شي يوجهك يوعيك يثقفك بالسلامه المروريه تحس كنه حاطك بالشيمه ومع الاسف هذولا قله
وبعض افراد المرور الله لايوريك نفسيه ويصك الستكرز بقوه ع الجامه وهو يضحك ضحكه خبيثه ومستانس ويستفزك او يقعد يستجوبك باشياء ماله خص فيها وينحرف قانونيا عن الاطار المرسوم له امنيا وقانونيا ويسىء استخدام السلطه وهذي جريمه يعاقب عليها القانون
ف وجهه نظري البسيطه التوعيه اهم من المخالفه الي ضررها اكثر من نفعها

[بوخالد911]

مع التشديد وخاصة التجاوز من اليمين والسرعة الجنونية