هل زيادة اسعار البترول بترفع اسعار البناء والتشطيبات؟؟

[سعود.]

انا اقول نعم .

[MAZEN37]

بدون هل
اكيد

[Qt.1]

مايبي لها كلام اكيد بترتفع الااسعار مع ان تأثرهم مايذكر مقارنه بالربح الي ياخذونه , اي مقاول اقل شي ياخذه منك فايده ماتقل عن 250 الف او يمكن اكثر يعتمد على حسب الشغل فماظن انه بيعجز يصب بترول ب 30 ريال زياده حق سيارة العمال , لكن المشكله اكثرهم يدور شي يرتفع علشان هو بعد يرفع اسعاره للاسف ,,

[qatara]

الحين التجار بياخذونها عذر

من 30 درهم بتوخذ حجه لكسب الملايين

[معماري قطري]

إحتمال تنزل الأسعار شوي خصوصاً نزول البترول في كل العالم يعني نزول سعر بعض المواد الأساسية

شيء ثاني مهم مقاولينا افترضوا كاس العالم 2022 بطولة الكل بيستفيد منها وزادوا عمالتهم وطمعوا وايد قبل .. اللي يتفاوض زين بيحصل أسعار زينة والمفروض يخلي فترة التفاوض حول 3 شهور ويكشف أوراقه للمقاولين بأنه محصل سعر أرخص .. وانا دوم اتكلم عن مقاولين جيدين وشغل تسليم مفتاح ومواصفات مدروسة وموحدة للكل حتى يقارن وحساب كميات لو مبدئي

[معماري قطري]

السبب اللي يخلي المقاولين ينزلون أسعارهم هو أغلب الإنشاءات ماشية صح وعلى مدى طويل وبعضها خلص أكثر الصبيات والمشاريع خلاص تقرر تقريباً من بيسويها والضغط كبير على المقاولين أما يقلصون عمالتهم أو ينزلون أسعارهم وياخذون مشاريع صغيرة أو يؤجرون عمالهم وآلياتهم برخيص لمقاول ماخذ شغل كبير .. يبقى الشيء المهم التصميم المتكامل والتفاوض بدم بارد وبفترة طويلة

قمنا نشوف إعلانات عن بيع بعض الشركات وتسفير الكثير من العمال .. حتى من أيام مكتب هندسي درجة ( أ ) معروض للبيع والسبب معروف .. مؤكد دخل في خسائر والتصنيف سهل الحصول عليه من اللجنة ومتطلباته سهلة لكن الحصول على قدم في السوق صعب للإثنين الاستشاريين والمقاولين

[qatara]

إحتمال تنزل الأسعار شوي خصوصاً نزول البترول في كل العالم يعني نزول سعر بعض المواد الأساسية

شيء ثاني مهم مقاولينا افترضوا كاس العالم 2022 بطولة الكل بيستفيد منها وزادوا عمالتهم وطمعوا وايد قبل .. اللي يتفاوض زين بيحصل أسعار زينة والمفروض يخلي فترة التفاوض حول 3 شهور ويكشف أوراقه للمقاولين بأنه محصل سعر أرخص .. وانا دوم اتكلم عن مقاولين جيدين وشغل تسليم مفتاح ومواصفات مدروسة وموحدة للكل حتى يقارن وحساب كميات لو مبدئي

بلعكس ستزداد الاسعار بكل شي

[معماري قطري]

بلعكس ستزداد الاسعار بكل شي

انا قلت احتمال والإحتمال بوادره تبين لها فترة وانت تقول الأسعار ستزداد وبكل شيء .. على وشو بنيت يقينك .. الحديد نزل شوي خلال الفترة الأخيرة والخرسانة ارتفعت شوي ومع نزول سعر الوقود عالمياً بتقل تكلفة المواد الأولية خصوصاً القابرو وخام الحديد بسبب قلة تكاليف النقل

[qatara]

انا قلت احتمال والإحتمال بوادره تبين لها فترة وانت تقول الأسعار ستزداد وبكل شيء .. على وشو بنيت يقينك .. الحديد نزل شوي خلال الفترة الأخيرة والخرسانة ارتفعت شوي ومع نزول سعر الوقود عالمياً بتقل تكلفة المواد الأولية خصوصاً القابرو وخام الحديد بسبب قلة تكاليف النقل

ماعندي دليل ملموس لاكن دليلي محسوس

من معطيات تقصيرنا مع الله


ومنها قوله تعالى

{وَلَوْ أَنَّهُمْ أَقَامُواْ التَّوْرَاةَ وَالإِنجِيلَ وَمَا أُنزِلَ إِلَيهِم مِّن رَّبِّهِمْ لأكَلُواْ مِن فَوْقِهِمْ وَمِن تَحْتِ أَرْجُلِهِم }المائدة66،

{ وَمَن يَتَّقِ اللَّهَ يَجْعَل لَّهُ مَخْرَجاً{2} وَيَرْزُقْهُ مِنْ حَيْثُ لَا يَحْتَسِبُ } .

لو اقامو = طبقو ولو اتقو الخ

والله اعلى واعلم

[معماري قطري]

صحيح كله في علم الله ولا نملك من العلم من شيء

[qatara]

صحيح كله في علم الله ولا نملك من العلم من شيء

مافي شك ولكل شي مسببات

فانظر الاسباب تعرف النتايج

وفيه حلول مضمونه هي ان يتم

الرجوع له بكل شي سبحانه

وتحياتي لك

[معماري قطري]

مافي شك ولكل شي مسببات

فانظر الاسباب تعرف النتايج

وفيه حلول مضمونه هي ان يتم

الرجوع له بكل شي سبحانه

وتحياتي لك

الله يرحمنا برحمته كثير قمنا نشوف تعديات على حدود الله واحتمال هذي قرصة بسيطة من عقاب الله ولازم نتعظ

[$الملياردير$]

اللي اعرفه اكيد انه يوم ارفعوا سعر الديزل ... من كم شهر ارتفع سعر ترييب الرمل و الكنكريت و تناكر الماي ... اي جميع الاليات المعتمد في تشغيلها ع الديزل .... طبعا على ظهر حمال الاسية ههههه المواطن وعلى عينك ياتاجر

[بن غيث]

يفترض مع ارتفاع المحروقات .. ان يتم الرقابه من الجهات المعنية بالدولة على جميع السلع

[(عبدالله)]

تره السوق في حالة ركود

والأسعار نازلة شوي

[qatara]

الله يرحمنا برحمته كثير قمنا نشوف تعديات على حدود الله واحتمال هذي قرصة بسيطة من عقاب الله ولازم نتعظ

نتمنى انها بسيطه لاكن المتفكر يقول انها ككرة الثلج

والله يعفو عنا ويصلح الحال ولا يواخذنا بخطايانا

[معماري قطري]

بغيت شغلة بسيطة من مقاول صدقوني عطاني سعر نازل وتم يجيني شبه يومي ويجيب كتلوجات وينسق ومن اقول له شيء يقول حاضر لين سلمته الشغل .. هي عبارة عن صبغ خارجي مع تقشير القديم بالكامل بمكينة السفع بالرمل .. كنت محصل سعر للصبغ بس بحدود 85000 من فترة وهذا المقاول بيركب ليتات وجي ار سي وبيمدد كهرب وبيخفي وايرات الكاميرا داخل الطوفة وبيركب درج حديد ثانوي للسطح للخدمة والصيانة وبيركب ساتر حديد بين بيتي والجار وكله بحدود 50000 الصبغ 30 والحديد 15 وشغل الكهربه للحين ما تفقنا عليه بس ما يزيد عن 5 لأَن فيه بعد شراء ليتات

[][ Q6r ][]

يدورون اي شي على شان يرفعون الاسعار

[Qatarianes]

في قطر بس تزيد فالسعوديه كنت اسولف مع محل سيراميك اشتريت منه يقولي السوق تعبان بعد ازمة النفط والاسعار بدت تنزل

[الشفق الهادئ]

لو سمحت اخوي معماري ممكن رقم المقاول

[مواقف النجادة]

المفروض تنزل الأسعار .. لان اغلب ميزانيات دول الخليج فيها تقشف بسبب أسعار النفط .. و الصرف الحكومي على المشاريع قل ..