رايكم في افضل شركات الـupvc في قطر

[محمد]

السلام عليكم ،
انا حالياً في مرحلة تشطيب بيتي لله الحمد ، و افاضل بين عروض اسعار من عدة شركات لاعمال اليو بي في سي .. بالنسبة لي اهم شي عزل الصوت و الغبار لذلك استبعدت خيار الالمنيوم العادي ..

استفساري عن تجارب الاعضاء الاعزاء للشركات التالية :
الاختصاصي القطري ، الاختصاصي الاوروبي ، القطرية الكويتية ..


في انتظار اراءكم

[معماري قطري]

إخوي الألمنيوم العادي صحيح فاشل وكذلك اليو بي في سي اللي تحت المستوى واللي تتسابق فيه شركات كثيرة لتنزيل السعر بإستخدام مواد رخيصة وماركات مقلدة

اللي بيركب ما تهمه الشركة قد ما تهمه المواد وجودتها والتركيب الجيد .. وأي مادة لازم انت تسعى بروحك لشرائها ومعرفة مواصفاتها .. حتى الألمنيوم الجيد لا تبتعد عنه وخصوصاً نوعية التيوبلار واللي يجيك قطاعه عريض وفيه فراغات متعددة واللي يتسكر جانبي ( hinged ) بمفصلات وركز على الربلات ونوعيتها وصناعتها .. لا تنسى تاخذ مواصفات القطع المكونة للقطاع وعينات موثقة في العقد وموقعة حتى المشرف يعرف كيف يشرف صح

[معماري قطري]

نسيت أقول عليكم السلام ورحمة الله وبركاته وسامحني دوم تصير معاي

[مهاجر]

شركة الافضليه في مدينة خليفة الجنوبيه قدام غرناطه

سعر وجوده والتزام فالوقت

[khalid-63]

السلام عليكم ورحمة الله وبركاته
اخوي محمد انا بتكلم لك عن تجربة عملية معاي جربت شركتين للامانه الشركتين بالنسبة لي ماعليهم كلام من ناحية الجودة والتركيب شركة الاختيار الالماني[/b] و[b]شركة قطر يو بي في سي
لكن في تفاوت بسيط في السعر بين الشركتين والحقيقة الاختيار الالماني عطوني فترة زمنية معين للتركيب الحقيقة ركبوا قبل الموعد بفترة ريحتي جدا هاي ماعندي ولو بغيت اي استفسار انا حاضر .

[معماري قطري]

السلام عليكم ورحمة الله وبركاته
اخوي محمد انا بتكلم لك عن تجربة عملية معاي جربت شركتين للامانه الشركتين بالنسبة لي ماعليهم كلام من ناحية الجودة والتركيب شركة الاختيار الالماني وشركة قطر يو بي في سي
لكن في تفاوت بسيط في السعر بين الشركتين والحقيقة الاختيار الالماني عطوني فترة زمنية معين للتركيب الحقيقة ركبوا قبل الموعد بفترة ريحتي جدا هاي ماعندي ولو بغيت اي استفسار انا حاضر .

انا معاك ومجرب الشركتين وجربت شركة تعيسة والتعيسة كان سعر شغلها في شغلة بسيطة حول 11000 بس تعبوني مع إني اعرف مالك الشركة .. والإختيار الألماني كان سعرهم حول 10000 بس كان عامل الوقت للتعيسة وأتعسوني بالتأخير وبسوء المواد والشغل

نقدر نضيف عليهم شركتين اللي هم معماري قطر ( ما لي علاقة بهم بس سمعتهم طيبة ) والشركة الثانية الإختصاصي والشركتين ما جربتهم ومثل ما ذكرت كل هالشركات المهم فيهم العقد والمواصفات والعينات حتى يقارن المشرف على أرض الواقع

[محمد]

شاكر ردودكم جميعاً ، زين اخوي معماري ممكن تفيدنا بالمواصفات الافضل في نظرك ؟

هل فيه احد له تجارب في الاختصاصي الاوروبي ؟

[السمسمه]

السلام عليكم ورحمة الله وبركاته ،،
انا عن نفسي اشتغلت مع شركة القطريه الكويتيه مع المهندس سامر صراحه ممتازه بالنسبه لي مع اني انا الي كنت اخرتهم في التنفيذ وراعوني في مراحل تنفيذ الفيلا الخاصه فيني ،،،
والله يوفق الجميع يارب ،،،

[معماري قطري]

شاكر ردودكم جميعاً ، زين اخوي معماري ممكن تفيدنا بالمواصفات الافضل في نظرك ؟

هل فيه احد له تجارب في الاختصاصي الاوروبي ؟

الشيخ المواصفات تختلف اختلاف بسيط من شركة لشركة .. حتى الغازكيت اللي يسمح بتنفس الزجاج وتغيير الهواء اللي بين الطبقتين وما يسمح بالرطوبة منه أنواع وكل شركة لها ستاندرد تصنيعي الا القليل من الرديئين كلش .. هذا تسئل عنه الشركات وينحط في العقد وحطيت مثال انا في السابق من النت ولو تبي سو بحث عن نظام veka .. شفت مرة بيت واحد رطوبة بين الزجاج وفيه شركات يحطون غاز الأرغون الخامل وهو يعزل الحرارة ولا يعزل النور مثل الاختصاصي وقطر يو بي في سي .. هذا الغاز ما يستوي بخار ويتكثف على الزجاج من داخل

[معماري قطري]

انا كتابتي وتجربتي لتسهيل الاختيار والبحث والمهم الواحد يروح ويتابع ويكون عارف شلون يختار .. الشركات هذي كلها عندها مقاطع للمواد وتحديد لطريقة التركيب ومواد التركيب ولازم ياخذها الواحد كاملة قبل ليوقع العقد وياخذ العينات موقعة حتى يقدر يتابع الاستشاري .. ولو يخلي إدارة العملية عن طريق الاستشاري أفضل

[RAGA]

السلام عليكم
تجربتي كانت مع معماري قطر يو بي في سي وكانت ناجحه ملتزمين في مواعيد التركيب والمواصفات تم تركيب الاكسسوارات من شركة المانيه HOPi وكانت ممتازه

شكرا

[معماري قطري]

السلام عليكم
تجربتي كانت مع معماري قطر يو بي في سي وكانت ناجحه ملتزمين في مواعيد التركيب والمواصفات تم تركيب الاكسسوارات من شركة المانيه HOPi وكانت ممتازه

شكرا

عليكم السلام ورحمة الله وبركاته

سويت بحث عن الماركة في قوقل ما حصلت نتيجة واضحة لو عندك الإسم كامل زين

[RAGA]

عليكم السلام ورحمة الله وبركاته

سويت بحث عن الماركة في قوقل ما حصلت نتيجة واضحة لو عندك الإسم كامل زين

السلام عليكم

http://www.greenteq.info/vb/opencms/greenteQ/GB/fixedNavigation/home/startpage.html

الشيخ هاي الرابط

شكرا

[معماري قطري]

مشكور إخوي راغا ما قصرت

مثل ما ذكرت للبعض اللي سئلوا عن المواصفات .. المواصفات الصناعية حسب المصنع وهذا الكتلوج كامل ناخذ منه اللي نحتاجه ومستحيل نحتاج كل شيء .. مثلاً القبضات تختلف .. وشفت قطع تنحط كحماية في زاوية النافذة تحت ما شفت حد ينفذها في قطر ولو تنطلب بتكون غالية .. ميزة الشركة عندها لون الماهوغوني وهذي القطعة تجي مع الفريم وتعطي شكل حلو للنوافذ المكشوفة بدون ستائر.

يبغي لي زيارة ثانية لهم لأَني في الأُولى أَذكر شفت بسرعة ولا كانت المقابض ألمنيوم بملمس قماشي ( ما ادري اذا ترجمتها صح ) satin appearance .. كانت ببساطة بلاستيك .. وفيه نوعيات متصلة بجهاز إنذار ضد محاولة الدخول والسرقة وهذي بتكون نافعة وما ادري إذا يجيبونها أو لا .. ولو تنطلب خاصة شكثر تاخذ وكم تكلف .. وهذي الأُمور الدقيقة تحتاج جلسة ومفاوضات ونقاش طويل وعدة زيارات ما اعتقد كل مكاتب المبيعات عندنا مستعدين حق هذا الشيء بموظفين مبيعات قادرين يعرضون الموجود ويحددون سعره ويحددون شكثر يقدرون يخلصون الطلبية

هذي جزئية من مكونات النوافذ والأبواب وهي جزئية مهمة .. يبقى عندنا فريم اليو بي في سي وحديد التقوية داخله وطريقة وصل الزوايا والوصلات الخاصة .. وفي النهاية مصنعية اليو بي في سي نظام معقد حسب مواصفات المصنع وهذا واجب مدراء المبيعات توضيحه بالكامل للي بيشتري حتى يحدد النوع اللي يناسب احتياجه من مواد ومصنعية ومواصفات