شركة نيسان !

[بعيد النظر]

السلام عليكم ورحمة الله وبركاته ..


صبحكم الله بكل خيير ..



يا جماعة عندي مشكلة مع شركة النيسان ..
عندي انفنتي صالون .. جديدة ما كملت 5000 كيلو .. واندعمت
الدعمة كانت من الخلف بسيطة .. صدام وشنطة !

وديت لهم الموتر .. تاريخ 23/12

كلمته قلتله شقد وقت تحتاج ..
قال نبي موافقة التامين وهالخرابيط ..
واسبوع ونبلش !


اسبوع والثاني شصار معاكم ..
قال نبي نبطل الموتر ونجوف شالاغراض اللي نحتاجها !

الزبببببدة !

ان في قطع مش متوفرة عنده ..
وعلى كلامه تحتاج شهرين .. لين ما توصل !



السؤال ؟

اقدر اطالبهم بموتر ايجار ؟ او حتى من عندهم ؟
لان مش منطقي اخذ موتر جديد .. ولا عندهم له قطع غيار !!!






ومشكوورين

[بن غيث]

الموضوع كله ما يأخذ يومين من تأمين وقسم الحوادث بالوكالة .. غريبة أن الموتر صار له اسبوعين
اول شئ إذا تصليح الموتر يأخذ أكثر من أسبوعين. . لازم تأخذ موتر بديل من الوكاله " قانون "
ثاني شئ إذا الوكالة مش موفرة قطع غيار .. هذه مخالفة صريحة من حقك تشتكي عليهم حماية المستهلك

[monatee]

اخبر من فتره حمايه المستهلك نزلت قرار تلزم الوكالات بصرف سياره للعميل اذا تزيد مده التصليح عن 12 يوم اعتقد

تاكد من المده وكلم حمايه المستهلك .. ومجبورين الوكاله باعطائك سياره بديله

[A-Alansari]

عندك 15 يوم لين يوفرون لك القطع اذا تعدت هالمدة من حقك تطالب في سيارة بديلة

اذا عديت 15 يوم كلمهم واطلب سيارة بديلة واذا مارضو كلم حماية المستهلك

[بعيد النظر]

بيض الله ويوهكم على الرد السريع ..


باذن الله بكلم حماية المستهلك ..
وبجوف شيقولون لي .. بس قبلها بتصل في الشركة وبحاول معاهم ..


وبعطيكم الابديت .. وعسى الله يسر ..


مشكوورييييييين

[أم محمد 90]

يازين البي ام دبليو يومين انزلها سيرفس يعطوني سيارة ثانية :shy:

الله ييسر لك ان شاء الله

[بعيد النظر]

جزاج الله خير يا ام محمد
والله يسر

[بعيد النظر]

أبشركم يا جماعة كلمت امس مدير العلاقات العامة ..
في شركة نيسان .. اسمه احسان .. ريال والنعم ..


قلت له موضوعي واحد اثنين ثلاثة ..
قالي عطني لي اخر اليوم .. وبكلمك ..

وكلمني الساعة 2 .. وقالي يومين عمل وبنطلعلك موتر ..
اليوم جاني اتصال .. والموتر جاهز للاستلام ..




الله لا يهينكم .. واشكركم على تفاعلكم !

[ya3coub]

تستاهل أخوي بعيد النظر


بعض الوكالات فيها بس لازم توصل و تكلم الشخص الصحيح الي بيده و يعرف.

امس بوكالة البورس سيارة جديدة ما كملت شهرين من طلعناها و بضمانها

قالو لأخوي القطعه لأن شاملها الضمان ببلاش بس لازم تدفع شغل اليد !!!!!


رحت معاه و كلمتهم و وافقو انه يطلعون السيارة بدون ما يدفع شي !!!!

الإستغلال لأبعد الحدود ولازم تكلم السوبرفايزر ثم المدير و عقب يسون الشي الي المفروض من البداية.

و الفلوس لما يستغلونك تروح للشركة مو للشخص نفسه فمادري ليش هالحركات

[بعيد النظر]

تستاهل أخوي بعيد النظر


بعض الوكالات فيها بس لازم توصل و تكلم الشخص الصحيح الي بيده و يعرف.

امس بوكالة البورس سيارة جديدة ما كملت شهرين من طلعناها و بضمانها

قالو لأخوي القطعه لأن شاملها الضمان ببلاش بس لازم تدفع شغل اليد !!!!!


رحت معاه و كلمتهم و وافقو انه يطلعون السيارة بدون ما يدفع شي !!!!

الإستغلال لأبعد الحدود ولازم تكلم السوبرفايزر ثم المدير و عقب يسون الشي الي المفروض من البداية.

و الفلوس لما يستغلونك تروح للشركة مو للشخص نفسه فمادري ليش هالحركات


تستاهل خير اخوي ..
الحمدلله ما كنت في حاجة قبل !

والحمدلله انها تيسرت ..
كل اللي كنت احتاجه اني اتصل واطلب المسؤول !


والاستغلال موجود .. ويحتاج لسان ومحاجج !

[بصمة قطرية]

سيارة ولدي نيسان فورويل
في شي بسيط إخترب في القير
دخلها الوكالة عطونا قاتورة
56 ألف ..!!!
ليش هالمبلغ شالسالفة
قالوا إحنا ما نبدل قطعة نبدل القير كامل ..!!
عسى ماشر ياخذ موتر جديد أبرك ..
الموتر مش على الضمان يسويه برع أبرك ..

[بوخالد911]

معظم الوكالات تشفط فلوس من الزباين وبأي طريقة.

[المبرمج صلاح]

سيارة ولدي نيسان فورويل
في شي بسيط إخترب في القير
دخلها الوكالة عطونا قاتورة
56 ألف ..!!!
ليش هالمبلغ شالسالفة
قالوا إحنا ما نبدل قطعة نبدل القير كامل ..!!
عسى ماشر ياخذ موتر جديد أبرك ..
الموتر مش على الضمان يسويه برع أبرك ..

نفس القصة سيارة نيسان قيمتها كلها لا تتجاوز 25 الف اخترب شي في الكمبيوتر طلبو علي 35 الف ريال تصليح طبعا
خذتها بره بكراج عادي وصلحتها يومها ب 3 الاف ريال

نصب في نصب الوكالات ومافي خبرة فنية كله عندهم تبديل في تبديل

[A-Alansari]

سيارة ولدي نيسان فورويل
في شي بسيط إخترب في القير
دخلها الوكالة عطونا قاتورة
56 ألف ..!!!
ليش هالمبلغ شالسالفة
قالوا إحنا ما نبدل قطعة نبدل القير كامل ..!!
عسى ماشر ياخذ موتر جديد أبرك ..
الموتر مش على الضمان يسويه برع أبرك ..

المفروض مايعدلونها الا متفقين على السعر

واذا للحين ماعدلوها خل ياخذها ويوديها واحد من القراجات في الصناعيه متخصصه في القيور وبيعدلونها له بسعر اقل بوايد

[ya3coub]

سيارة ولدي نيسان فورويل
في شي بسيط إخترب في القير
دخلها الوكالة عطونا قاتورة
56 ألف ..!!!
ليش هالمبلغ شالسالفة
قالوا إحنا ما نبدل قطعة نبدل القير كامل ..!!
عسى ماشر ياخذ موتر جديد أبرك ..
الموتر مش على الضمان يسويه برع أبرك ..

سطحة و علطول على وكالة الكويت

ترا اكتشفت مو بس المرسدس الجمس و البي ام و وكالات كثيرة فالكويت بنص سعر الي عندنا فالدوحة !!!!!!!!!!!!!!!


غير قراجاتهم احسن و لهم خبرة بالسيارات ممكن حد يفهمني ليش ؟؟؟؟!!!!!!

[بصمة قطرية]

نفس القصة سيارة نيسان قيمتها كلها لا تتجاوز 25 الف اخترب شي في الكمبيوتر طلبو علي 35 الف ريال تصليح طبعا
خذتها بره بكراج عادي وصلحتها يومها ب 3 الاف ريال

نصب في نصب الوكالات ومافي خبرة فنية كله عندهم تبديل في تبديل


المفروض مايعدلونها الا متفقين على السعر

واذا للحين ماعدلوها خل ياخذها ويوديها واحد من القراجات في الصناعيه متخصصه في القيور وبيعدلونها له بسعر اقل بوايد


سطحة و علطول على وكالة الكويت

ترا اكتشفت مو بس المرسدس الجمس و البي ام و وكالات كثيرة فالكويت بنص سعر الي عندنا فالدوحة !!!!!!!!!!!!!!!


غير قراجاتهم احسن و لهم خبرة بالسيارات ممكن حد يفهمني ليش ؟؟؟؟!!!!!!

طلعناها من الوكالة بعد هالسعر الخرافي
وداها قراج برع
والحمدلله شغالين عليها
كم يوم إن شاءالله و تجهز ..
صج نصب الوكالات ..