الانترلوك وطريقة تنظيفه؟

[PGR]

السلام عليكم ,,, حبيت اسأل طريقة تنظيف الانترلوك ,, مع اني لحد الحين ماسكنت البيت وشركة التنظيف غسلت الحوش مرتيين بس لازال لون الانترلوك مش مثل ماتشتريه جديد ,, هل في طريقة معينه لتنظيف الانترلوك ؟ ارجوا الافادة ومشكورين مقدما

[معماري قطري]

الانترلوك يبهت سرعة بسبب رداءَة صناعته واستخدام البودرة الجيرية فيه وأصباغ رديئة

لو مركب زين خل ينظفونه بهواء مضغوط ثم رش بصبغ ايبوكسي وتقدر تسوي تشكيلات لو تبي بالصبغ .. صبغ الإيبوكسي هذا يستخدم في المصانع والمخازن والورش ويجي غالي .. والقصد بلو مركب زين يعني مضمون ما يصير هبوط أما تحته خرسانة أو مديوس بالسيارات فترة ولا صار هبوط .. ولو ما سكنت للحين إصبر لين تسكن أفضل بتبين العيوب كلها واصبر فترة سنة أو سنتين خل يبين تأثير المطر من هبوطات لين خلخلة في بعض القطع

في حالة تكون الأرض فيها هبوطات بعدين تضطر تشيل الانترلوك وترتب وأحسن ترتيب تحط خرسانة مقواة أما بالفايبر أو بشبك حبال خاصة ( geotextile ) وهذا يخلي التربة متماسكة بأقل كمية اسمنت

[بن غيث]

معماري .. شفت شركات أوروبية تستخدم الرمل المضغوط في تنظيف الأحجار بأنواعها واللحوائط
وأفضل صبغ للارضيات الخارجية هو الناري ..
ونسأل لصاحب الموضوع عن شركات في قطر تنظف له ..

[بن غيث]

شركة توب كلين ..
يستخدمون مواد كيميائية مع معدات تنظيف ميكانيكية وبعدين تنظيف بضغط الماء
لكن أقرب موعد عندهم عقب شهر

[الرايــق]

اذا صار طبقة لونها ابيض فوق الانترلوك ممكن بسبب ان الرمل اللي تحته dune sand
المفروض يكون wash sand )رمل مغسول)

[معماري قطري]

معماري .. شفت شركات أوروبية تستخدم الرمل المضغوط في تنظيف الأحجار بأنواعها واللحوائط
وأفضل صبغ للارضيات الخارجية هو الناري ..
ونسأل لصاحب الموضوع عن شركات في قطر تنظف له ..

إِذا بيصبغ اخوي بن غيث ما اعتقد بيحتاج للتنظيف بالرمل الإنترلوك يحتاج هواء مضغوط حق إزالة الرمل والغبار حوله وتنشيفه من أي رطوبة .. ويستحسن يصبغ سيدة بعد الهواء .. الرمل بيزيل طبقة وبيبين اللون جديد بس بيرجع يبهت بعد فترة بسيطة .. الناري إخو الإيبوكسي والاثنين ينخلطون بمادة غير عن الماي وبمكينة الرش

اعتقد حطيت مقاطع فيديو للتوضيح في يوتيوبيات البناء .. حتى الناري ينفع بس المهم يحتاج صبغ قوي

[معماري قطري]

اذا صار طبقة لونها ابيض فوق الانترلوك ممكن بسبب ان الرمل اللي تحته dune sand
المفروض يكون wash sand )رمل مغسول)

ياليتهم يستخدمون رمل مغسول ولا رمل طعوس هم يستخدمون بودرة والبودرة الحين ناتج حفر الريل متوفرة ببيزة

[معماري قطري]

معماري .. شفت شركات أوروبية تستخدم الرمل المضغوط في تنظيف الأحجار بأنواعها واللحوائط
وأفضل صبغ للارضيات الخارجية هو الناري ..
ونسأل لصاحب الموضوع عن شركات في قطر تنظف له ..

صبغ الانترلوك مغامرة مهما كان نوعه بس الايبوكسي قوي

الحل الثاني تركيب عشب صناعي عليه لكن يحتاج بعد غسيل خصوصاً وقت الغبار ومكان دوس السيارات اتوقع ما يقاوم

[PGR]

مشكورين اخواني ، الرمل اللي عندي مستخدمينه رمل مغسول، والحوش كامل صبية عقبها طبقه رمل مغسول داكينها وعقب الانترلوك راكب، الانترلوك كان نظيف لما ركبوه بس الحين اسوف لونه بهت، وهاي مب الانترلوك العادي هاي من شركة التحويليه اللي ما يتفتت ولونه يروح . بس شركة التنظيف ماعرفت تنظفه فمادري السبب

[معماري قطري]

يفترض آخر الخطوات هي تركيب الانترلوك واللي عند التحويلية زين إحتمال الصبغ خارجي ولو خارجي مب مخلوط في صبة الانترلوك مشكلة وغش كبير لازم بيبهت لو تسوي المستحيل

ما ادري شقول لك من راي تتحمل الوضع هذا ما دام صار كل شيء وتكلم الشركة عن مواد التنظيف الكيميائي وبتكون العملية سهلة لو عندهم مواد مناسبة ولا خذ قطعة انترلوك وودها للدرويش اللي في طريق سلوى والشركات الخاصة بالصبغ هم عندهم كيماويات خاصة للتنظيف وخل يجربون على هذي القطعة وشوف شلون لأن بعض الكيماويات تخرب بعض الأصباغ

[sweet qatar]

في انواع لصبغ الانترلوك

اذكر من كم سنه جانا هندي صب على الحوش صبغ .. تم شهور بدون لا ينشف لعوزنا :weeping:

بس اخر مرة صبغوا الانترلوك تقريبا من اربع شهور بمادة نشفت بسرعه ولونها قوي لين اليوم ما تغير


خلاصة التجربة .. خل العامل يصبغ لك مساحة صغيرة كتجربة لاتسلمه الحوش كله من اول مرة


والله يوفقك