مصدر لـ «العرب»: إغلاق بعض مداخل 22 فبراير

[رجل الجزيرة]

مؤكداً أنه لا تصالح مع مستخدمي طرق الخدمات

مصدر لـ «العرب»: إغلاق بعض مداخل 22 فبراير


ياسر محمد

الإثنين، 18 يناير 2016 02:19 ص



http://www.alarab.qa/Content/Upload/slider/EA_976959_377446.jpg
مصدر لـ «العرب»: إغلاق بعض مداخل 22 فبراير


نجحت الدوريات المرورية في إعادة الانضباط لطريقي الوعب والشمال، بعدما حدت من حالات التجاوز من اليمين واستخدام طرق الخدمات المخصصة لمركبات الطوارئ من الإسعاف والدفاع المدني وغيرها. وقال مصدر أمني بالإدارة العامة للمرور إنه تم تحرير عشرات المخالفات للمتجاوزين من اليمين ومستخدمي طريق الخدمات على مدار الأيام السابقة، داعيا قائدي المركبات إلى الالتزام بقانون وقواعد المرور التي تمنع التجاوز من اليمين أو استخدام طريق الخدمات بديلا عن الطريق الأصلي. وأضاف أن المخالفات التي تم تحريرها تركزت في منطقة الوعب حيث تكثر الشكاوى من استخدام طريق الخدمات، موضحا أن طريق الخدمات مخصص لمركبات الطوارئ فقط، ومشيراً إلى أن عدم استخدام طريق الخدمات -بحد ذاته- يعد مساعدة للمريض الذي تقله سيارة الإسعاف ويقلل وقت الاستجابة للأحداث بالنسبة لمركبات الطوارئ بشكل عام.
وأوضح أن المخالفات التي يتم تحريرها للتجاوز من اليمين ليست ضمن المخالفات التي شملها القانون بخصم %50 إذا تم دفعها خلال شهر من تحريرها، ولا يمكن التصالح فيها، وفي حال تكرارها يحال المخالفون إلى النيابة والقضاء وقد تصل عقوبتها إلى الحبس أو التغريم.
وعن مدخل تقاطع الريان مع طريق الشمال للقادمين من الوعب والذي يستخدم بعده بعض قائدي المركبات طريق الخدمات نظرا لوجود بعض الأعمال الإنشائية، أشار المصدر إلى أنه تم افتتاح الحارة الثالثة في طريق الشمال، ومن غير المقبول استخدام طريق الخدمات في هذه الحالة، داعيا جميع قائدي المركبات إلى الالتزام بعدم استخدام طريق الخدمات تحت أي ذريعة.
على جانب آخر، تنشط الدوريات المرورية أثناء فترات الذروة لإغلاق مداخل طريق الشمال، وقال المصدر إنه يتم إغلاق بعض مداخل طريق الشمال أثناء فترات الذروة وذلك بهدف تخفيف تكدس السيارات والازدحام في طريق، موضحا أنه يتم إغلاق بعض المداخل التي تؤدي إلى طرق بديلة ومنها على سبيل المثال مدخل تقاطع فريج السودان حيث يستخدم القادمون منه طريق الشمال للمرور إلى الدائري الرابع بينما يمكنهم تجاوز جسر المدماك للوصول بسهولة إلى طريقهم.
وأشار المصدر إلى أن الإدارة العامة للمرور تقوم بعدد من الحلول المؤقتة للحد من مشكلة الازدحام منها الإغلاقات المؤقتة لبعض مداخل طريق 22 فبراير (الشمال)، لافتا إلى أن هذه المداخل من الأسباب المباشرة للازدحام، وينعكس إغلاقها إيجابيا على سيولة الحركة المرورية، كما أن إغلاقها يكون لفترة محدودة حتى عودة السيولة المرورية للطريق.

http://alarab.qa/story/760170/%D9%85%D8%B5%D8%AF%D8%B1-%D9%84%D9%80-%D8%A7%D9%84%D8%B9%D8%B1%D8%A8-%D8%A5%D8%BA%D9%84%D8%A7%D9%82-%D8%A8%D8%B9%D8%B6-%D9%85%D8%AF%D8%A7%D8%AE%D9%84-22-%D9%81%D8%A8%D8%B1%D8%A7%D9%8A%D8%B1

[الحياة الخالدة]

يا هالـ 22 فبراير اللي محتارين فيه .. يا فاتحين يا مسكرين .. يا منزلين السرعة يا زايدينها
مسبب للكل أرق و قلــــــق .. متى يجي العبقري الفذ اللي بيحل المشكلة نهائياً ؟؟

الله المستعان

[بريق الحق]

يا هالـ 22 فبراير اللي محتارين فيه .. يا فاتحين يا مسكرين .. يا منزلين السرعة يا زايدينها
مسبب للكل أرق و قلــــــق .. متى يجي العبقري الفذ اللي بيحل المشكلة نهائياً ؟؟

الله المستعان

اذا حلو المشكله ماعندهم شغل يصرفون فلوس عليها (:

[A-Alansari]

مافي حل لهالشارع

تصميمه من البدايه غلط وخصوصا المداخل والمخارج قريبه من بعض وهالشي الي يسبب الزحمه

عشان جذي تشوفينهم يوم مسكرين مداخل ويوم مسكرين مخارج على امل تضبط معاهم ههههههه

[راعي الكورفت]

افتح شارع
وارجع وسكر الشارع
ورد افتحه
وبعد اسبوع سكروه




صار شئ طبيعي وتعودنا عليه :)

[العنيده]

يسكرون بعض المداخل والمخارج وتوسعه المخارج شوي بس ويحطون رسوم للمرور فيه فالسيارات بيستخدمون طرق ثانيه ..

اي صح ونسيت و يمنعون الشاحنات :omen2:..
افضل من كل مره نسكر ونفتح وينزل اعلان وناس تشتكي ونكرر نفس الموضوع ..

الا سؤال كم السرعه فيه :secret: ؟؟

[بانغ بانغ]

اتمنى نفي بعض مسئولي اشغال لدبي لمدة سنة ( عشان ايشوفون الاعمال العمرانية والجسور والانفاق والمخارج ) وعقب ايرجعونهم الدوحة

[الحياة الخالدة]

كم السرعة ؟؟!!
الله وحده اللي يعلم .. احنا و حظنا

[Riku3]

يسكرون بعض المداخل والمخارج وتوسعه المخارج شوي بس ويحطون رسوم للمرور فيه فالسيارات بيستخدمون طرق ثانيه ..

اي صح ونسيت و يمنعون الشاحنات :omen2:..
افضل من كل مره نسكر ونفتح وينزل اعلان وناس تشتكي ونكرر نفس الموضوع ..

الا سؤال كم السرعه فيه :secret: ؟؟
ههههه .. تمشي وانت مغمض وانت وحظك .. انا كل ما على كل رادار لازم اشيك وراي .. ها صادني الرادار والا لا ..

انزين جد انا مب فاهم .. من معاند من .. قالوا السرعه ترجع 100 ليش ما غيروا اللوحه .. احس السالفه فيها عناد بين صاحب القرار والمشرع الي رجع السرعه @_@ .

[السكين]

المشكلتين الأساسيتين هم ضيق الشارع والحارات ، وكثرة المخارج والمداخل ، بمجرد ما تطوف السفارة الأمريكية وقبل اتجاهك لنفق العسيري من عند مدماك أو الإتجاه يمين لدوار مدماك تقابلك زحمة عنق الزجاجة ناس طالعين للشارع وناس داخلين للدوار والاثنين يسببوا ارتباك وزحمة للخط السريع والوسطي، زيد عليها ثقافة الكثير من غشيمي السواقة من كيلو يضرب بريك ويناحس العالم عشان يدخل !!

المخارج والمداخل إبرة تخدير مؤقتة ، السيارات عددها بازدياد ولازم يكون البديل شوارع جسور توسعة طبعاً كلها تكلف الكثير وأكيد تنفيذها يحتاج وقت وازالة الكثير من المباني ، والإخوة الخبراء بالمنتدى أدرى بهالأمور.

[asulaiti]

ماله حل هذا الشارع إلا بقيام الدولة بعدد من الاستملاكات في الأماكن المفترض فيها مداخل ومخارج ..
ثم القيام بعملية توسعة واعادة ترتيب المداخل والمخارج بطريقة تصلح لخطوط الطرق السريعة ...

الدولة نجحت في تنفيذ طريق سلوى من بداية تقاطع مدماك إلى الصناعية .. لاحظوا كيف تكون المداخل والمخارج ..
بالرغم من أنها ضيقة نوعا ما .. لكنها مبدئياً عملية في الوقت الراهن لأن مع زيادة تعداد السكان في المستقبل ستصبح فيها مشاكل
زحمة واختناقات في أواقات الذروة .. وإن توجد حالياً زحمة واختناقات في الذروة .. إلا أنها بها نوع من إنسيابية الحركة في بعض الأماكن
والبعض الآخر لا .. خاصة عند تقاطع مدماك ..

22 فبراير تصميمه من الأساس خطأ فادح .. خط سريع 3 خطوط فقط !!
والمداخل والمخارج بدايتها مسار واحد !!
ما أدري بس في تخبط واضح وفيه عدم تنسيق بين الجهات الحكومية .. إللي بعض مسؤوليها مثل الأطفال !!
مايداني ذاك المسؤول يتعاند وياه !!

في ظل فتح الدولة الاستقدام ومحاولة زيادة عدد السكان .. والدول التي سبقتنا قامت بمراعاة زيادة الكثافة السكانية مستقبلاً ..
لكن ربعنا في التخطيط نامين على آذانيهم !!

نحن الآن نشتكي من الزحمة وتونا واصلين مليونين عدد السكان ..
شلون بكره لما نوصل 5 ملايين (وهو هدف الدولة حسب ماسمعت) .. شلون بتكون شوارع الدوحة ؟؟

صدقوني راح تزهلون الطلعة .. وبيوصل فينا الحال أن نقضي أغراضنا منتصف الليالي !!

والله المستعان ..

[البرونزي]

الموضوع مايبيله سحر
كبر الشارع لين 8 حارات
بالعربي ادفعي يالدوله واستملكي البيوت والمجمعات والاسواق الي تعيق التوسعه

[LSBU]

طاروا وقعوا الحل الوحيد يكون في ضريبة لمستخدم الطريق السريع وتنحل المشكلة كل الدول مسوية هالشي مايبي لها عبقري

[بوفاطمه]

الله كريم .
اذا شارع 22فبراير ماشفت زحمة ما ارتاح .
تعودنا عليه .
انا بالنسبة لي يمكن في الشهر اروح مرة وحدة وفي الليل اذا لي حاجة .
واذا مريت على هذا الشارع يبغيله طولة بال .

[ya3coub]

الفرج قريب الطريق المداري قيد الإنشاء يربط بين الوكير إلى ايكيا نسبه كبيرة من مستخدمين المناطق الشمالية و الجنوبية + الشاحنات بيكون اجباري عليهم يستخدمونه


بيخفف شوي و الحلو فيه انه موازي ل22 فبراير بدون الدخول إلى الدوحة


السؤال الأهم الجسر الي بالداري السادس الي قالو بيفتتحونه تاريخ 1/1 بالظبط و انتو طالعين من المطار سييييدا للنهاية متى بيفتحونه !!!! هاي بعد بيخفف الزحمة بشكل كبير على 22 فبراير الصبح



و بخصوص السرعه 109 اقصى حد

و من اعلنو بأن السرعه صارت 100 ما رجعو اللوحات القديمة يمكن زعلانين الله العالم بس يوم القرار كان بتخفيف السرعه لل80 علطول خلال يومين بدلو اللوحات كلها !!

الرادار من فوق الــ109 يصور يعني حاسبو امشو 100 و بس

[.قطر.]

اول شي الشارع ضيق تقول دعوس في فريج واعتقد واظن ان شارع رئيسي ويربط كل مناطق الدوحه المفروض مايكون ثلاث سيود وتصميم بدائي للمداخل والمخارج !!!

ثاني شي المشكله هالشارع مخارجه غلط مليار فالميه
عيل اول مره اشوف سيايير طالعين من المخرج ويجون سيايير بيدخلون مدخل جدامهم ويصير حرف اكس ف الشارع المفروض يصير تنسيق وتصميم مرتب بينهم بحيث ماتوصل الزحمه لين الشارع
والمدخل سيد واحد بعدين يتوسع داخل المفروض من بدايته ثلاث سيود عشان ماتصير زحمه*وتوصل لين الخط

والمخارج المفروض لهم سيد جانبي عقب ماتطلع من المخرج عشان تدخل الخط بشكل انسيابي مب توقف او تدرعم ع الخط على طول !!!

[مختلف جداََ]

ماله حل هذا الشارع إلا بقيام الدولة بعدد من الاستملاكات في الأماكن المفترض فيها مداخل ومخارج ..
ثم القيام بعملية توسعة واعادة ترتيب المداخل والمخارج بطريقة تصلح لخطوط الطرق السريعة ...

الدولة نجحت في تنفيذ طريق سلوى من بداية تقاطع مدماك إلى الصناعية .. لاحظوا كيف تكون المداخل والمخارج ..
بالرغم من أنها ضيقة نوعا ما .. لكنها مبدئياً عملية في الوقت الراهن لأن مع زيادة تعداد السكان في المستقبل ستصبح فيها مشاكل
زحمة واختناقات في أواقات الذروة .. وإن توجد حالياً زحمة واختناقات في الذروة .. إلا أنها بها نوع من إنسيابية الحركة في بعض الأماكن
والبعض الآخر لا .. خاصة عند تقاطع مدماك ..

22 فبراير تصميمه من الأساس خطأ فادح .. خط سريع 3 خطوط فقط !!
والمداخل والمخارج بدايتها مسار واحد !!
ما أدري بس في تخبط واضح وفيه عدم تنسيق بين الجهات الحكومية .. إللي بعض مسؤوليها مثل الأطفال !!
مايداني ذاك المسؤول يتعاند وياه !!

في ظل فتح الدولة الاستقدام ومحاولة زيادة عدد السكان .. والدول التي سبقتنا قامت بمراعاة زيادة الكثافة السكانية مستقبلاً ..
لكن ربعنا في التخطيط نامين على آذانيهم !!

نحن الآن نشتكي من الزحمة وتونا واصلين مليونين عدد السكان ..
شلون بكره لما نوصل 5 ملايين (وهو هدف الدولة حسب ماسمعت) .. شلون بتكون شوارع الدوحة ؟؟

صدقوني راح تزهلون الطلعة .. وبيوصل فينا الحال أن نقضي أغراضنا منتصف الليالي !!

والله المستعان ..

اتفق معك بخصوص الاستملاكات و التوسعه

[غير البشر]

:tease:

[شيخ الديرة]

الهندسة تحكم الصح والغلط

[مختلف جداََ]

:tease:

انت اللي مريح راسك
الزرع --- البيت--- الزرع :anger1:

[غير البشر]

انت اللي مريح راسك
الزرع --- البيت--- الزرع :anger1:


والميلس وبس ماروح مكان كلش
كل اسبوع اجمع اشغالي كلها واخلصها مره وحده هههههه

لازم تتقبلون الوضع الزحمه على طول ماراح تنحل خلاص
ماعندنا العقليه الي تحلها للأسف

[مختلف جداََ]

غيرو بقول لك ياخي مشاركاتك 46000
ياخي صبعك ما يعورك :tease:


انا مشاركاتي 6000 و أحس أبي فترة نقاهه :shy:

[.قطر.]

والميلس وبس ماروح مكان كلش
كل اسبوع اجمع اشغالي كلها واخلصها مره وحده هههههه

لازم تتقبلون الوضع الزحمه على طول ماراح تنحل خلاص
ماعندنا العقليه الي تحلها للأسف
انزين وشبكه الخطوط السريعه اللي قالوا عنها مابتحل الزحمه يعني :telephone:
مع اني اشك انه بيكررون نفس الاخطاء ف تصميم الشوارع ماعتقد بتكون نفس شوارع دبي :omen2:

[بصمة قطرية]

مافي حل لهالشارع

تصميمه من البدايه غلط وخصوصا المداخل والمخارج قريبه من بعض وهالشي الي يسبب الزحمه
عشان جذي تشوفينهم يوم مسكرين مداخل ويوم مسكرين مخارج على امل تضبط معاهم ههههههه

اغبى شي شفته ..
مدخل و بعده بكم متر مخرج ..!!!!!
مادري اش هالذكاء الخارق
بالعقل شلون تسوي مدخل و قدامه مخرج
اللي بيدخل يبي يمسك النص و لا يسار
و اللي يبي المخرج يلف عليه
اللي ما يحاسب والله يطيرونه
كم حادث صار بسبب هاللخبطة ..

يقهرووووني لما يسكرون المدخل اللي بيكون بعد نفق المسيلة
و انت طالع من شعبية خليفة ..
نضطر نرجع و ندخل صوب لخويه
عقب على اشارات الوعب
و نروح من صوب المدخل التعيس صوب نادي السد ..


ارسوا لكم على بر ما يصير ساعه مفتوح و ساعه مسكر ..
صج تعبنا ..

[كازانوفا]

كم سرعة هالشارع؟

[بصمة قطرية]

كم سرعة هالشارع؟

80 - 100
و قابلة للتغيير :nice:

[بوخالد911]

وصلنا لمرحلة لابد من إنشاء جسور علوية مع فرض رسوم رمزية للمستخدمين.

[معماري قطري]

اتمنى نفي بعض مسئولي اشغال لدبي لمدة سنة ( عشان ايشوفون الاعمال العمرانية والجسور والانفاق والمخارج ) وعقب ايرجعونهم الدوحة

بيرقدون وبيرجعون ما فيه معلوم .. خل يودوني معاهم علشان أراويهم على أرض الواقع بس يسمعون ويطيعون

[معماري قطري]

المشكلتين الأساسيتين هم ضيق الشارع والحارات ، وكثرة المخارج والمداخل ، بمجرد ما تطوف السفارة الأمريكية وقبل اتجاهك لنفق العسيري من عند مدماك أو الإتجاه يمين لدوار مدماك تقابلك زحمة عنق الزجاجة ناس طالعين للشارع وناس داخلين للدوار والاثنين يسببوا ارتباك وزحمة للخط السريع والوسطي، زيد عليها ثقافة الكثير من غشيمي السواقة من كيلو يضرب بريك ويناحس العالم عشان يدخل !!

المخارج والمداخل إبرة تخدير مؤقتة ، السيارات عددها بازدياد ولازم يكون البديل شوارع جسور توسعة طبعاً كلها تكلف الكثير وأكيد تنفيذها يحتاج وقت وازالة الكثير من المباني ، والإخوة الخبراء بالمنتدى أدرى بهالأمور.

ما كان المفروض يصبرون لين هذا الوقت .. التقاطعات لازم صريحة وسلسة .. ما يحطون دوار يركبون إشارات ومسارات كافية للتقاطع مع توفير جسور لغالبية الإتجاهات من البداية أو تأسيسها يكون جاهز ووقت تركيب الوصلات يكون سريع وهذي يتم نقلها من أماكن الردي مكس ومصانع الأبيام ويركبونها آخر الليل بعد إتخاذ الاحتياطات الأمنية

[معماري قطري]

ماله حل هذا الشارع إلا بقيام الدولة بعدد من الاستملاكات في الأماكن المفترض فيها مداخل ومخارج ..
ثم القيام بعملية توسعة واعادة ترتيب المداخل والمخارج بطريقة تصلح لخطوط الطرق السريعة ...

الدولة نجحت في تنفيذ طريق سلوى من بداية تقاطع مدماك إلى الصناعية .. لاحظوا كيف تكون المداخل والمخارج ..
بالرغم من أنها ضيقة نوعا ما .. لكنها مبدئياً عملية في الوقت الراهن لأن مع زيادة تعداد السكان في المستقبل ستصبح فيها مشاكل
زحمة واختناقات في أواقات الذروة .. وإن توجد حالياً زحمة واختناقات في الذروة .. إلا أنها بها نوع من إنسيابية الحركة في بعض الأماكن
والبعض الآخر لا .. خاصة عند تقاطع مدماك ..

22 فبراير تصميمه من الأساس خطأ فادح .. خط سريع 3 خطوط فقط !!
والمداخل والمخارج بدايتها مسار واحد !!
ما أدري بس في تخبط واضح وفيه عدم تنسيق بين الجهات الحكومية .. إللي بعض مسؤوليها مثل الأطفال !!
مايداني ذاك المسؤول يتعاند وياه !!

في ظل فتح الدولة الاستقدام ومحاولة زيادة عدد السكان .. والدول التي سبقتنا قامت بمراعاة زيادة الكثافة السكانية مستقبلاً ..
لكن ربعنا في التخطيط نامين على آذانيهم !!

نحن الآن نشتكي من الزحمة وتونا واصلين مليونين عدد السكان ..
شلون بكره لما نوصل 5 ملايين (وهو هدف الدولة حسب ماسمعت) .. شلون بتكون شوارع الدوحة ؟؟

صدقوني راح تزهلون الطلعة .. وبيوصل فينا الحال أن نقضي أغراضنا منتصف الليالي !!

والله المستعان ..

طريق سلوى بدت الزحمة من زمان على بعض التقاطعات بس ما تكون قوية وايد بسبب التخلص من الدوار نهائياً .. نفسه 22 فبراير تقاطع السودان سلس مع إنه داخل على إشارات السد بس هو تقاطع صريح وبدون دوار وحتى توسعته سهلة .. أما التقاطعات اللي بدوار هذي لو يطلع اينشتاين من قبره ما عرف لها حل

نفس الوضع طريق سلوى تكون بتدخل مخرج يكون قبله بأمتار بسيطة مدخل للشارع وهذا خطأ هندسي فادح .. حله كان بمدخل بجسر ينزل السيارات في مسار ورا المسار الأيسر بحيث تاخذ سرعة الطريق وتدخل المسار الأيسر بانسيابية

الدخول بانسيابية يتطلب شجاعة من السائق ومحاولة الوصول للسرعة القصوى والدخول بانسيابية وكذلك تفهم السائق اللي على الطريق حتى يسمح بالدخول ولا يقرب بطريقة خطرة .. لكن لاحظت على بعض المداخل سرعات غريبة ك 40 و 60 .. يعني بدال ما تنحط لافتة تقول قدامك طريق رئيسي سرعته 100 خذ سرعة الطريق وادخل وفي نفس الوقت إشارة ضوئية تطلب من السائقين على الطريق الرئيسي فتح الخط اليمين حتى اللي يدخلون من اليمين يدخلون بسهولة مرورنا الناشيء حاط امشوا شوي شوي وسووا ربكة أكثر

[معماري قطري]

غيرو بقول لك ياخي مشاركاتك 46000
ياخي صبعك ما يعورك :tease:


انا مشاركاتي 6000 و أحس أبي فترة نقاهه :shy:

بل بل توني ملاحظ .. هههههههه بيزعل غير البشر علي ما شاء الله عليه .. إخوي مختلف شوف بس متى مسجل

[معماري قطري]

غيرو بقول لك ياخي مشاركاتك 46000
ياخي صبعك ما يعورك :tease:


انا مشاركاتي 6000 و أحس أبي فترة نقاهه :shy:

انت 6000 في أقل من سنة وهو 46000 في 10 سنين وخمس شهور .. وخل نحسب المعدل الشهري له = 46000 / 125 = 368

دورك 6066 / 9 = 674

ويالله دخلوني معاكم .. 13195 / 45 = 293 .. مسكين انا طلعت أقلكم

[معماري قطري]

اغبى شي شفته ..
مدخل و بعده بكم متر مخرج ..!!!!!
مادري اش هالذكاء الخارق
بالعقل شلون تسوي مدخل و قدامه مخرج
اللي بيدخل يبي يمسك النص و لا يسار
و اللي يبي المخرج يلف عليه
اللي ما يحاسب والله يطيرونه
كم حادث صار بسبب هاللخبطة ..

يقهرووووني لما يسكرون المدخل اللي بيكون بعد نفق المسيلة
و انت طالع من شعبية خليفة ..
نضطر نرجع و ندخل صوب لخويه
عقب على اشارات الوعب
و نروح من صوب المدخل التعيس صوب نادي السد ..


ارسوا لكم على بر ما يصير ساعه مفتوح و ساعه مسكر ..
صج تعبنا ..

هذا اللي يدريج إن أغلب استشاريين الطرق عندنا محليين حدهم بيوت ومحلات وبس .. ويمكن حاطين مهندس معماري ولا كهربة يسوي طريق

[SouthK]

توسيع الشوارع ما راح يحل مشكلة الزحمة لان الزحمة سببها ان مجموعة كبيرة من السيارات تمشي في مسار محدد علشان توصل إلى جهة معينة .. يعني الواحد مثلا الصبح بيروح دوامه في الابراج و بما ان مداخل و مخارج منطقة الابراج محدودة فتصير زحمة. فترة ما بعد الظهر و الناس رايحين بيوتهم او مدارس عيالهم تصير زحمة لنفس السبب. الطريق ما يتغير لكن ممكن اعادة توجيه الحركة المرورية لشوارع ثانية علشان لواحد يوصل للمكان اللي بيغيه وهذا مب ممكن مع الوضع الحالي.

الحل هو بنقل الوزارات الخدمية و المشاريع الرئيسية خارج حدود العاصمة مع مراعاة توفر مواقف كافية للمراجعين و وضع جداول دوام مختلفة .. كل الوزارات تبتدي الساعة 7 الصبح و هذا سبب الزحام فلو وزارة او هيئة تبدى الدوام 7 و نص مثلا او 8 بتخف الزحمة نسبيا.

[شيخ الديرة]

كم سرعة هالشارع؟

حتى لو عرفت، لا يمكنك السير عليها لان الازدحام دائم

[م. عبدالعزيز]

الحل الوحيد والاسرع والاقل تكلفة لزحمه 22 فبراير هو تحويله الى طريق 1 way
والطريق اللي يبدا من تقاطع اللاند باتجاه الغرافه وفريج الامير حتى تقاطع قطر للديكور ومسيمير الى الدائري السادس يكون 1 way
اذا حولوهم اتجاه واحد اعتقد نقدر نخلي بالشارع الواحد سبع او ثمان مسارات بالراحة
عاد هالشغله يبيلها مهندس شاطر يضبط المخارج والمداخل للشوارع المربوطه بالطريقين

فيه دول كثيره وعالميه حلت مشكله الزحمه بهالفكرهً واقربهم الاحساء (شارع القيصرية) وفيه كمن ولايه بامريكا بعد طبقوا هالنظام

[كاشف الغطاء]

الحل لطريق 22 فبراير لو تلاحظون لما ينتهي الشارع تشوف ان مافي زحمة أصلا والعلة تكون في شخص واحد يمشي 60 ولا 80 ويعطل اللي وراه كلهم
أقترح تطبيق قانون اللي يعطل السيد اليسار يتغرم وبتشوف الاجانب أول ناس ملتزمين بالسير على المسار الأيمن

[شموع قطريه]

مداخل الشارع ضيقه ويصير عليها تكدس بالرغم من انه فيه مجال لتوسعتها مثلا مدخل دوار مدماك لشارع 22 فبراير تصير عليه ربكه من بدايته ناس تبي تلف صوب لفة النصر وناس تبي تروح سيده من تحت النفق وناس تبي اشارات الوعب فتصير ربكه مروريه بعد الدوار والمكان ضيق وتخطيط المخرج غلط يعني تطلع من الدوار تلقى رصيف فاصل في ويهك وفي نص الطريق وهالرصيف ماله داعي مصمم غلط , ونتمنى يكون شارع النصر ون وي one way دخول بس علشان تخف الزحمه على شارع 22 فبراير ومخرج شارع النصر يكون عن طريق السد من اخر لفه في الشارع او من اشارة رامادا .. لو طبقوا هالاقتراح واايد بيعتدل الوضع وبتخف الزحمه