تنبية من الخدم المسترجعين ( قصتي ) وابي حل

[abu m7md]

السلام عليكم ورحمة الله وبركاته
اخواني حاب انبهكم لانه بصراحه فلوسي راحت على الفاضي ومالقيت اي حد يفيدني حتى من الجهات الحكومية.
موضوعي هالموضوع تكرر معاي مرتين
واعتقد انه فيه مثلي من عانى من الشي هذا
لله الحمد وفضل من الله
الخدم الي يدخلون بيتي مايتمنون يطلعون منه لحسن الخلق معاهم وتعاملي الخفيف.
والي طلعوا لشغلات ثانيه جوني الى البيت وتحسفوا انهم اطلعوا ويبون يرجعون لي مره ثانيه.



الموضوع: بعض الخدم المسترجعه بعد مكوث 3 شهور
قبل ما تنتهي مدة الضمان يرجعونها للمكتب وياخذ فلوسه ويشوف غيره.
انا صار معاي موقفين كلهم نفس الشي
اكون مستعيل ابي شغاله للوالده او للبيت اسئلها ليش رجعوج اسبابهم موحده ( يضربوني يهينوني مايخلوني انام - او عيالهم يضربوني)
انا ماتحمل الكلام هذا لانهم ضعاف وجايين للقمة العيش.
سئلتها شالي تبينه لو بكون كفيلج قالت الاحترام واكلم اهلي واكون مثل بنتكم ( سويت الي قالته وزود وكل ما اسئلها تقول انتم احلى من البيت الي قبل
اخذتها وتكون معاي بقوة 10 ريال فالبيت وتشتغل وتكد
وبعد ماتخلص مدة ال 3 شهور ولدي يبي يسوي عمليه لازم احول له فلوس
نقدم راتبها ونحول الفلوس لصفات القلب والنية.
بعدها باسبوع ولدي انتكست حالته لازم اسافر له ( لازم تسافر له وانت بينك وبين المكتب عقد انها تتم عندك سنتين فالبيت )
ايوااااااا هذا هو نظام المكتب
يصبر الخدم الي مايبون يشتغلون هذي الفتره
اخر شغاله جبتها للبيت ماخذها من مكتب مشهور فقطر ومعروف وله قيمته ولو اذكر اسمه محد بيصدق ولكن لقوانيين المواضيع فالمنتدى اكتفي بالقصه
اتصلت لراعي المكتب وقلت له السالفه كلها
قالت له تقول انه ولدها مريض ولازم تسافر له وانا ابي قيمة الفيزه
قال حياك وابشر بنكلمها لك
كلموها وارجعت تشتغل معاي بس شهر كامل يعني كملت عندي 4 شهور.
وتقول لي مابي اشتغل خلاص اشتر لي تذكره وسفرني
كلمت المكتب قال لي خلاص انتهت فترة الضمان الظاهر من معاملتك معاها ههههههههههههههههههههههههه ضحكت له ودعيت انه الله لا يوفقه.

قلت خلني اشتغل باسلوبي الخاص
خذيت تلفونها واهي ماتدري
واحصل رقم كل يوم يدق عليها
ويوم طلعت في البوك نمبر طلع لي الاسماء ( الحيوان - الحيوان2 - شغل مادري من )
اتصل له مايرد يسكر في وجهي مرات يعطيني تحويله مكتب مافهم شيقول.
سئلتها قالت مادري كل يوم يدق وانا اقوله لا تدق ههههههههههههههه تضحك علي
كلمت راعي المكتب وقلت له انه فيه واحد من مكتبكم يدق عليها ويصبرها او انه يرتب معاها خطط .
وهددته اني بشتكي لكن هذا المكتب عروقه فالارض وماهمه احد
لكن حسبي الله ونعم الوكيل واسئل الله ان يعزر فيه فالدنيا والاخير وان يسلب منه الخير الي هو فيه واكثر.

الحين الشغاله جالسه لا شغل ولا مشغله ومعنده
اتصلت للشرطه قالوا مب شغلتنا كلم البحث والمتابعه
البحث والمتابعه يقول جيبها نسفرها لك . قلت له ابي 17600 ريال حق الفيزه قال مااعطيك شي هههههههههههههه



اذا حد مرت عليه مثل حالتها وحصل مبتغاه ياريت يخبرني


ابي حل

[غير البشر]

صادق اخوي الله يعينك ان شاء الله
هذا الي اقدر اقولك ومافي حل للأسف مافي شي يحمينا من المكاتب والخدم

ماقدر اعلق اكثر لان قلبي متروس على اماكن كثيره ومابي اكون سلبي اكثر من جذي

الله يفك عوقنا ان شاء الله

[مختلف جداََ]

الحل
تتسكر كل مكاتب الخدم
و يسوون بدالة شركة قوية و براس مال خشن
و عن طريقها تستقدم
و تكون الشركة ضامنه

[مختلف جداََ]

السلام عليكم ورحمة الله وبركاته
اخواني حاب انبهكم لانه بصراحه فلوسي راحت على الفاضي ومالقيت اي حد يفيدني حتى من الجهات الحكومية.
موضوعي هالموضوع تكرر معاي مرتين
واعتقد انه فيه مثلي من عانى من الشي هذا
لله الحمد وفضل من الله
الخدم الي يدخلون بيتي مايتمنون يطلعون منه لحسن الخلق معاهم وتعاملي الخفيف.
والي طلعوا لشغلات ثانيه جوني الى البيت وتحسفوا انهم اطلعوا ويبون يرجعون لي مره ثانيه.



الموضوع: بعض الخدم المسترجعه بعد مكوث 3 شهور
قبل ما تنتهي مدة الضمان يرجعونها للمكتب وياخذ فلوسه ويشوف غيره.
انا صار معاي موقفين كلهم نفس الشي
اكون مستعيل ابي شغاله للوالده او للبيت اسئلها ليش رجعوج اسبابهم موحده ( يضربوني يهينوني مايخلوني انام - او عيالهم يضربوني)
انا ماتحمل الكلام هذا لانهم ضعاف وجايين للقمة العيش.
سئلتها شالي تبينه لو بكون كفيلج قالت الاحترام واكلم اهلي واكون مثل بنتكم ( سويت الي قالته وزود وكل ما اسئلها تقول انتم احلى من البيت الي قبل
اخذتها وتكون معاي بقوة 10 ريال فالبيت وتشتغل وتكد
وبعد ماتخلص مدة ال 3 شهور ولدي يبي يسوي عمليه لازم احول له فلوس
نقدم راتبها ونحول الفلوس لصفات القلب والنية.
بعدها باسبوع ولدي انتكست حالته لازم اسافر له ( لازم تسافر له وانت بينك وبين المكتب عقد انها تتم عندك سنتين فالبيت )
ايوااااااا هذا هو نظام المكتب
يصبر الخدم الي مايبون يشتغلون هذي الفتره
اخر شغاله جبتها للبيت ماخذها من مكتب مشهور فقطر ومعروف وله قيمته ولو اذكر اسمه محد بيصدق ولكن لقوانيين المواضيع فالمنتدى اكتفي بالقصه
اتصلت لراعي المكتب وقلت له السالفه كلها
قالت له تقول انه ولدها مريض ولازم تسافر له وانا ابي قيمة الفيزه
قال حياك وابشر بنكلمها لك
كلموها وارجعت تشتغل معاي بس شهر كامل يعني كملت عندي 4 شهور.
وتقول لي مابي اشتغل خلاص اشتر لي تذكره وسفرني
كلمت المكتب قال لي خلاص انتهت فترة الضمان الظاهر من معاملتك معاها ههههههههههههههههههههههههه ضحكت له ودعيت انه الله لا يوفقه.

قلت خلني اشتغل باسلوبي الخاص
خذيت تلفونها واهي ماتدري
واحصل رقم كل يوم يدق عليها
ويوم طلعت في البوك نمبر طلع لي الاسماء ( الحيوان - الحيوان2 - شغل مادري من )
اتصل له مايرد يسكر في وجهي مرات يعطيني تحويله مكتب مافهم شيقول.
سئلتها قالت مادري كل يوم يدق وانا اقوله لا تدق ههههههههههههههه تضحك علي
كلمت راعي المكتب وقلت له انه فيه واحد من مكتبكم يدق عليها ويصبرها او انه يرتب معاها خطط .
وهددته اني بشتكي لكن هذا المكتب عروقه فالارض وماهمه احد
لكن حسبي الله ونعم الوكيل واسئل الله ان يعزر فيه فالدنيا والاخير وان يسلب منه الخير الي هو فيه واكثر.

الحين الشغاله جالسه لا شغل ولا مشغله ومعنده
اتصلت للشرطه قالوا مب شغلتنا كلم البحث والمتابعه
البحث والمتابعه يقول جيبها نسفرها لك . قلت له ابي 17600 ريال حق الفيزه قال مااعطيك شي هههههههههههههه



اذا حد مرت عليه مثل حالتها وحصل مبتغاه ياريت يخبرني


ابي حل

زيدها 200 ريال و ان شاء الله طال عمرها بتوافق :(

[مختلفة عقليا]

السلام عليكم

لان قانون قطر مهتم في العماله اكثر منا ., هالشي متوقع جدااا .,

بس سوا نفسي اعتمد ع نفسك ., لا خدامه ولا سواق ولا عوار راس ., اسوق وارتب البيت وريلي مو مقصر يساعدني واذا احتجت احتجت يبت خدامه بالساعه

ما نعرف نعتمد ع نفسنا .,

ويسلموو

[بوحمد111]

فعلاً حصلت لي مع احد المكاتب وكنت ماخذ شغالة مسترجعة وقلت للمكتب ضمانها ثلاث شهور من استلمها من عندكم وفعلاً تم توقيع العقد وقبل لا تنتهي مدة الضمان والخدامه يومياً تسألني اذا خلصت الإقامة لها وحسيت انها تنتظر اخلص أقامتها وتطلب مني اسفرها ولكني فاجأتها وقلت لها خلصت الإقامة وبعدها بيوم طلبت تسافر وانا مرجعها المكتب تفاجئت أني ما سويت لها إقامة وزعلت لأن المكتب موصينها تسوي إقامة وعقب تطلب السفر من كفيلها ولكن الحمد لله رجعتها عليهم وأخذت فلوسي منهم

[مختلف جداََ]

فعلاً حصلت لي مع احد المكاتب وكنت ماخذ شغالة مسترجعة وقلت للمكتب ضمانها ثلاث شهور من استلمها من عندكم وفعلاً تم توقيع العقد وقبل لا تنتهي مدة الضمان والخدامه يومياً تسألني اذا خلصت الإقامة لها وحسيت انها تنتظر اخلص أقامتها وتطلب مني اسفرها ولكني فاجأتها وقلت لها خلصت الإقامة وبعدها بيوم طلبت تسافر وانا مرجعها المكتب تفاجئت أني ما سويت لها إقامة وزعلت لأن المكتب موصينها تسوي إقامة وعقب تطلب السفر من كفيلها ولكن الحمد لله رجعتها عليهم وأخذت فلوسي منهم


أشهد انك ذييييب :nice:

[بانغ بانغ]

الحل
تتسكر كل مكاتب الخدم
و يسوون بدالة شركة قوية و براس مال خشن
و عن طريقها تستقدم
و تكون الشركة ضامنه

اتفق معك 100% وتكون تحت هيئة مستقلة

[راعي الكورفت]

الحل
تتسكر كل مكاتب الخدم
و يسوون بدالة شركة قوية و براس مال خشن
و عن طريقها تستقدم
و تكون الشركة ضامنه

اعتقد الافضل الواحد لو يبي خدامه يكلم خدامه شغاله عند واحد من الاهل ..

تكون محترمه وذات حسن وسيره وسلوك وخبيره بالطبخ والتنظيف ..

وتطلب منها تطرش اختها او احد من معارفها تشتغل عندك ..

والتذكره طبعا عليك خلها ترانزيت عشان توفر على نفسك قيمة التذكره ..


ونفس الطريقه تطبقها لو تبي تجيب دريول ..



وجذي الواحد يوفر المبالغ الضخمه المدفوعه لمكاتب استقدام الخدم :secret:

[ميمّ]

اليوم فجريدة الرايه كاتبين انهم صكرو مكتبين وحاطين اساميهم بعد انصدمت بصراحه قلت اشوى ماتعاملت معاهم !
نصيحه من اخت , استخير قبل لاتاخذ أي خدامه اذا فيها خير الله يسر لك , واذا شر بيصرفها عنك
وانا ضد المسترجعه لان ماترجع الا عقب ماتشوف منها شي شين هذا الاغلب طبعا !
بس في سؤال يقرقع بقلبي 17600 مالت شنو ؟ اخبر الاسعار اقل من كذا ؟! :con2:

[مختلف جداََ]

اعتقد الافضل الواحد لو يبي خدامه يكلم خدامه شغاله عند واحد من الاهل ..

تكون محترمه وذات حسن وسيره وسلوك وخبيره بالطبخ والتنظيف ..

وتطلب منها تطرش اختها او احد من معارفها تشتغل عندك ..

والتذكره طبعا عليك خلها ترانزيت عشان توفر على نفسك قيمة التذكره ..


ونفس الطريقه تطبقها لو تبي تجيب دريول ..



وجذي الواحد يوفر المبالغ الضخمه المدفوعه لمكاتب استقدام الخدم :secret:

ما تقدر
لازم ختم المكتب هني
و المكتب ياخذ حول عشرة على الختم بس

[عقرب]

ما تقدر
لازم ختم المكتب هني
و المكتب ياخذ حول عشرة على الختم بس

يقدر إن شاء الله

أكثر الخدم إلي في بيتنا بهالطريقة نجيبهم دايركت بدون مكتب ولا ختم ... أرسل الفيزا لهم وخلاص

هندية من شهرين جبتها ولي قبلها من أثيوبيا وسريلنكا وزي الفل تذكرة ونقز :)

وتوني جايب بنقالي للبحر عن طريق نسيبه عطيته الفيزا بس وجابه لي وتوني مخلص الفحص والبصمة

وبس :)

[مختلف جداََ]

يقدر إن شاء الله

أكثر الخدم إلي في بيتنا بهالطريقة نجيبهم دايركت بدون مكتب ولا ختم ... أرسل الفيزا لهم وخلاص

هندية من شهرين جبتها ولي قبلها من أثيوبيا وسريلنكا وزي الفل تذكرة ونقز :)

وتوني جايب بنقالي للبحر عن طريق نسيبه عطيته الفيزا بس وجابه لي وتوني مخلص الفحص والبصمة

وبس :)

والله يا خوك إني أتكلم عن تجربه صارت مع اختي ، بغت تجيب خدامه دايركت تقرب لخدامه فلبينيه عندنا

واخوي تابع لها الموضوع
و الله دار لين داخ في الموضوع ، يقولون له لازم ختم المكتب

اخر شي كنسلت الموضوع بكبره

[Dana’1]

والله يا خوك إني أتكلم عن تجربه صارت مع اختي ، بغت تجيب خدامه دايركت تقرب لخدامه فلبينيه عندنا

واخوي تابع لها الموضوع
و الله دار لين داخ في الموضوع ، يقولون له لازم ختم المكتب

اخر شي كنسلت الموضوع بكبره

الفلبين صعب شوي
لكن هنديه ولا اسهل تو اخوي جايب و اول وحده ماطلعت لا ئقه طبيا فرجعت وجاب لهم ثانيه بشي بسيط والحين الحمدلله ماشيه معهم زين

[دايموند]

اخوي ودها الشرطه واشتك عليها قول ان بينكم عقد سنتين وهي ماتبي تشتغل مافي مشكله دامها اخلت العقد خل تدفع الخساير كلها او خل يخلونها بالحبس عندهم لين تتسنع..

اخبر في امن الجنوب(شرطه الوكره)عندهم اكثر من خدامه قاطينهم فالحبس لا كفليهم يبي يستلمهم يسفرهم لانهم مخسرينه ولا هم يبون يشتغلون فمعلقين..فخلها معلقه لكن لا تسفرها خلها تتسنع ولو عندها راتب ال ثلاث الشهور الي اشتغلت عندك خذها من عندها وعقب سفرها

[دايموند]

هل حمايه المستهلك يقدر يسوي شي بهالموضوع دام بين الكفيل والمكفول عقد سنتين وهي اخلت العقد فاعتقد قانونيا الكفيل المفروض يقدر يشتكي عليها...



وليش مايكون في عقد المكتب بند ان اذا الخدامه نبي تسافر قبل المده المتفق عليها فلازم تدفع غرامه 10 الاف ريال

[راعي الكورفت]

ما تقدر
لازم ختم المكتب هني
و المكتب ياخذ حول عشرة على الختم بس

لا عادي .. احنا جبنا خدامه اندونيسيه بهذه الطريقه
ونفس الشي دريولنا الهندي جبنا من طرف دريول واحد من الجيران :nice:


لارحنا مكتب ولا شي انت بس عليك تطرش له الفيزا والتذكره وامورك بالسليم :telephone:

ترى المكاتب مجرد وسيط وغالبية المكاتب نصابين ونفس شغل شريطية معارض السيارات.
وعمولة المكتب توصل الى 20 الف !!


20 الف ريال هذي لو حسبتها بتطلع راتب الخدامه سنه و حرام تعطيها للمكتب النصابين :rolleyes2:

[دايموند]

والله يا خوك إني أتكلم عن تجربه صارت مع اختي ، بغت تجيب خدامه دايركت تقرب لخدامه فلبينيه عندنا

واخوي تابع لها الموضوع
و الله دار لين داخ في الموضوع ، يقولون له لازم ختم المكتب

اخر شي كنسلت الموضوع بكبره

اعتقد تقدر تجيبها عن طريق سفارتهم..هم بيعلمونك الخطوات

[mr. abdulla]

انا اكثر من دريول و صبي من الهند يبتهم عن طريق وسيط في الهند... ياخذ علي 2000 ريال بس مان يشترط ان معاش الهندي 1700 .. السكن علي و الاكل على الهندي... هنود مسلمين لديهم خبرات عمل في السعودية و دبي و الكويت... ممتازين ... كلمت الهندي من فترة بسيطة و تعذر ... قالي بابا انت يبي 10 20 30 نَفَر اوكي .. ظ، ظ¢ نَفَر مشكل ... لازم الحين انت شركة... يعني بالعربي كبر راسه

[بوخالد911]

دوم حق الكفيل ضااايع
دور الجهات الرسمية مش ولا بد.

[المحاميه]

قلنالكم
محد يرجع خدامته المكتب ولا يتنازل عنها الا فيها بلا
ولا هل قطر سنعين ويخافون الله ويعاملونهم احسن معامله
لاتاخذون خدامه مرجعه لان اكيد فيها بلا ولاتصدقون كلامهم

المكاتب ماهمها الا الفلوس
اخوي اسمحلي انت غلطان
دامها فالثلاث شهور تحججت بولدها فخلاص هي ماتبي تشتغل جان ذلفتها وافتكيت

مافي حل الا انك تقلفعها واتييب غيرها والله يعوضك خير
الخدم بروحهم ميزانيه

ومعليش اخوي انا اشوف اقل شي انك تذكر اسم المكتب عل وعسى يتادبون

[معماري قطري]

اعتقد الافضل الواحد لو يبي خدامه يكلم خدامه شغاله عند واحد من الاهل ..

تكون محترمه وذات حسن وسيره وسلوك وخبيره بالطبخ والتنظيف ..

وتطلب منها تطرش اختها او احد من معارفها تشتغل عندك ..

والتذكره طبعا عليك خلها ترانزيت عشان توفر على نفسك قيمة التذكره ..


ونفس الطريقه تطبقها لو تبي تجيب دريول ..



وجذي الواحد يوفر المبالغ الضخمه المدفوعه لمكاتب استقدام الخدم :secret:

جربناها مع دريول جابه إخوه وحاول يخربط ويكفخه إخوه لين اصطلب والحمد لله شغال زين ويتعلم يخلص كل شيء مثل إخوه

[معماري قطري]

ما تقدر
لازم ختم المكتب هني
و المكتب ياخذ حول عشرة على الختم بس

يمكن للفلبين بس ويمكن بعد أندونيسيا

[معماري قطري]

هذي المشاكل من الحين شلون لو دخل شهر 10 وطبقوا القانون الجديد بو يومين يقول لك خلاص مسافرمسافر مسافر .. يمكن أشوف الصبر فسكتي يمكن ألائي الراحة فدنيتي .. وانت يالقطري مسوي له إقامة وضمان صحي وجايبه بمبلغ الله أعلم به .. لا ويرجع يشتغل عند غيرك ولا يقول لك محبكش وعاوز اشتغل عند غيرك

[حرف]

سبحان الله احنا الي صار لنا مع خدامة مسترجعة غير
وسوت لنا شي حتى اقرب الناس ما سووه
الحين لها 15 سنه عندنا

[بانغ بانغ]

اللي يبي ايسوي اشتراك مع مكتب الخدم الفليبيني في الفليبين وياخذون تقريبا 2000 دولار رسوم على الخدامة كاجراءات

يعني تطلب الخدامة دايركت منهم بالتنسيق مع السفارة بدون مكتب لان بيكون معك اشتراك معهم وانت مسجل في سستم ادارة العمل عندهم في مانيلا

https://en.wikipedia.org/wiki/Philippine_Overseas_Employment_Administration

اللي ايحب معلومات اكثر يتصل في السفارة

طبعا هاي اللي اعرفه من خلال بعض الشباب اللي مشتركين معاهم ويطلبون منهم مباشرة بدون مكتب خدم

باسأل لكم اليوم عن الالية وبارجع لكم للفائدة

[ريم الشمال]

عندي اقتراح بس ما أدري الصيغة القانونية المفروض توضع في الشروط
الدول التي يقدم منها الخدم بداءت اجراءات بالمطالبة بحقوق مواطنيها من راتب واجازات وغيره
المفروض دولنا سواء قطر أو غيره تلزم السفارات بضمان هؤلاء في العمل ضمن الفترة الزمنية المحددة في العقد
وإذا لم يلتزم مواطنيها تقوم بتعويض المتضرر الذي هم المواطنين مادام ترفض العمل أو لديها مشاكل وتريد السفر هنا السفارات تكون الطرف الضامن لأستمرار العامل حتى انتهاء العقد مع التجدد عند الضرورة والرغبة ببقاء العامل في جهة العمل .. طبعاً هذا الحل لابد أن يتم من قبل حكوماتنا للحفاظ على حقوق مواطنيها ..

اعتقد هذا الحل المنطقي والذي يحمينا من المستغلين

[A-Alansari]

عندي اقتراح بس ما أدري الصيغة القانونية المفروض توضع في الشروط
الدول التي يقدم منها الخدم بداءت اجراءات بالمطالبة بحقوق مواطنيها من راتب واجازات وغيره
المفروض دولنا سواء قطر أو غيره تلزم السفارات بضمان هؤلاء في العمل ضمن الفترة الزمنية المحددة في العقد
وإذا لم يلتزم مواطنيها تقوم بتعويض المتضرر الذي هم المواطنين مادام ترفض العمل أو لديها مشاكل وتريد السفر هنا السفارات تكون الطرف الضامن لأستمرار العامل حتى انتهاء العقد مع التجدد عند الضرورة والرغبة ببقاء العامل في جهة العمل .. طبعاً هذا الحل لابد أن يتم من قبل حكوماتنا للحفاظ على حقوق مواطنيها ..

اعتقد هذا الحل المنطقي والذي يحمينا من المستغلين

احسن شي يكون العقد مع المكتب دايركت ويكون هو مسؤول عن اي شي يصير من الخدامه سواء شردت او ماتبي تشتغل المكتب يتكفل يوفرلك خدامه بديله او يعوضك فلوسك

لانه الي اعرفه اغلب المكاتب هم يتفقون مع الخدم عشان يشردون ولا يقولون مانبي نشتغل ومن هالسوالف عقب ضمان ال 3 شهور

وعقب يطرشونها مكان غير ويتمون جذي ايمعون فلوس من ورى خلق الله

[khaldoon]

نصيحه يا اخوان و يا اخوات لا تاخذوا خدامات مسترجعات مهما كانت الاسباب لانهم والله ما فيهم خير و لو مضطرين خذوهم مؤقت يعني ما يكون عندكم نيه انكم تنقلون كفالتهم ولا تصدقون اي رواية من الخادمة المسترجعه او المكتب مهما كانت القصه....اللهم اني بلغت اللهم فاشهد

[عثرة جواد]

قطر الدولة الوحيدة الي أسعارها مرتفعة والا كل الدول أسعار مقبولة

وبعدين شنو ضمان المفروض المكتب جايبها تشتغل مب زيارة او سياحة يعني تكون جاهزة للشغل

اما الي قاعد يصير هااي جشع واضح واستقلال ..

لين متى وحنا نكتب ونتسال وين الجهاات المختصة .


عساااك ع االقووة

[asulaiti]

عندي اقتراح ...

المكتب في الدوحة ياخذ 12000 - 14000 ريال تكلفة ورسوم جلب خادمة من الفلبين .. من الألف إلى الياء ..
وطبعاً ضمان ثلاث شهور .. والتجربة أثبتت أن الضمان كلام فاضي .. بعد ثلاث شهور إذا تبغي تسافر ماتقدر تمنعها ..
ولا راح تقدر ترد لك المبلغ طبعاً .. وفي الاخير خسرنا هذا المبلغ وهذا صار لي أكثر من مرة ..

طيب .. ليش ماتكون هناك طريقة .. تدفع تكلفة جلبها من بلدها مع هامش ربح بسيط .. ولنتفرض مبلغ 3500 ريال
كافي لإنهاء إجراءتها وتذكرتها .. يبقى من 12000 ريال حوالي 8500 ريال ..
قسم الناتج على 24 شهر (مدة عقد الخدم غالباً) يصير 354 ريال تقريباً ..

راتب الفلبينية الآن 1450 ريال .. زيدها 350 ريال يصير 1800 ريال ..
وبذلك يستفيد الطرفين .. الخادمة يزيد راتبها .. بدل الفلوس ماتروح حق المكاتب واخرتها مامهنم فايدة ..
ونحن تكلفة جلبها مبلغ معقول ..

اشتغلت 8 شهور وطلبت العودة .. انت ما خسرت وايد هنا .. 350 x ثمان شهور يطلع 2800 ريال + 3500 ريال = 6300 ريال ..
هذا اللي خسرته .. مبلغ معقول أشوفه ... مش أفضل من خسارة 12000 ريال ؟؟

[طبيب قطري]

توني اقرأ القصه ! الله يعينج

[ولي العهد]

الخدامه مثل السيارة انت وحظك ... انا من ايام اشردت الخدامة من البيت ولا همني بس الي حز بخاطري انها ماعملت لي حساب لاني كنت ماخذ لي قيلوله ولا قالت عيب خل بابا يطلع وعقبها بشرد ولا حتى اعملت حساب الكيمرات الي مركبها ... سحقا لهم وتبا لهم

[KHALiDiSH]

السلام عليكم ورحمة الله وبركاته
اخواني حاب انبهكم لانه بصراحه فلوسي راحت على الفاضي ومالقيت اي حد يفيدني حتى من الجهات الحكومية.
موضوعي هالموضوع تكرر معاي مرتين
واعتقد انه فيه مثلي من عانى من الشي هذا
لله الحمد وفضل من الله
الخدم الي يدخلون بيتي مايتمنون يطلعون منه لحسن الخلق معاهم وتعاملي الخفيف.
والي طلعوا لشغلات ثانيه جوني الى البيت وتحسفوا انهم اطلعوا ويبون يرجعون لي مره ثانيه.


...

اخوي بغيت اعرف اسم مكتب الخدم الي تعاملت معاه والي سبب مشاكل معاك

لاني حالياً ادور اجيب خادمة فليبينة وما ابي يصير معاي نفس الي صار معاك.