# هاشتاق ماهان تبارك #

[ضوى]

ولدت الحملة ماهان تبارك الأجتماعية البارحة لمجموعة من الامهات الحريصات على التقليل من الصرف الباهض على الأعراس ، لا للإسراف لا للمغالاة لا للمظاهرالزائفة لا للتقليد الأعمى ،
الهدف من هذه الحملة تشجيع الشباب على الزواج وتكوين اسرة ، وذلك عن طريق تقليل المصاريف والمال المٌهدرة في ليلة الزفاف والتصرف بعقلانية وطرح أليات لكيفية تقليل المصاريف وتزويج كل بناتنا وشبابنا .

ماهان تبارك هي الأمان لزواج افضل لا تكلفك كثيرا سوى الثقة بالنفس لتتخذ قرارك .

شاركونا الحملة على تويتر
#شاركونا_ماهان_تبارك

ننتظر مشاركاتكم الجميلة ، انطلقوا وغردوا بكل جميل وبكل مفيد

[بانغ بانغ]

اي والله موضوع جمييييييل

ايش معايير هالحملة وايش الاهداف المرجوة

يعني مثلا ( السؤال مش لصاحبة الموضوع بل للحملة ) هل اللي ما عندها بنت في سن الزواج ... بتشارك

او اللي عندها بنت في سن الزواج بتشارك ... معناها ما تبي اتخسر وتفرح في عرس بناتها

اتمنى والله ان يتم تفعيل هالحملة لدحر امواج التكاليف الباهظة والزبو اللي ما منه فايدة واللي ايسبب نزيف مالي لجيوب المعاريس

حشا مب منظمي اعرس ... مصاصي دماء

والله اعرف شيوخ وناس كبار يملشون ويسافرون وعقب ايسوون عشاء للاهل وخلاص

[بريق الحق]

ماشاءالله الله يبارك فيهم وين هاي فقطر ؟

[مختلف جداََ]

ما فهمت ؟؟
شلون يعني تقليل مصاريف

شنو آليات الحملة ؟؟؟

[بانغ بانغ]

نتمنى اتكون الحملة او المبادرة تضم شخصيات نسائية وحريم ناس كبار لاضفاء الدعم والمصداقية لتتشجع البنات والعوايل

بس صحيح وين هاي ؟ في قطر ؟

[ضوى]

اي والله موضوع جمييييييل

ايش معايير هالحملة وايش الاهداف المرجوة

يعني مثلا ( السؤال مش لصاحبة الموضوع بل للحملة ) هل اللي ما عندها بنت في سن الزواج ... بتشارك

او اللي عندها بنت في سن الزواج بتشارك ... معناها ما تبي اتخسر وتفرح في عرس بناتها

اتمنى والله ان يتم تفعيل هالحملة لدحر امواج التكاليف الباهظة والزبو اللي ما منه فايدة واللي ايسبب نزيف مالي لجيوب المعاريس

حشا مب منظمي اعرس ... مصاصي دماء

والله اعرف شيوخ وناس كبار يملشون ويسافرون وعقب ايسوون عشاء للاهل وخلاص

الحمله موجهة للجميع اخوي بانغ ، البنات والامهات ، الهدف الاساسي تزويج بناتنا واشبابنا بأقل التكاليف مما لا يشكل اي عبء او إرهاق مالي للأثنين بعد الزواج ، الهدف حياة كريمة خالية من الديون والاعباء المالية المرهقة ووقف نزيف الاموال فيما لا يقدم ولا يؤخر ، اهداف كثيرة بتنبثق من هالهدف الرئيسي بس ايدنا بايدكم

[ضوى]

ماشاءالله الله يبارك فيهم وين هاي فقطر ؟

امين يارب
نعم الحملة بقطر ومن امهات قطريات نفع الله بهم قطر واهلها

[ضوى]

ما فهمت ؟؟
شلون يعني تقليل مصاريف

شنو آليات الحملة ؟؟؟

تقليل المصاريف واللي تتعلق بمصاريف الزواج ، من مهر اولا وتجهيزات الافراح الى الشروط التعجيزية من البعض .. الخ

الاليات سيتم تحدديها وسيتم تزوديكم بها اولا بأول من خلال رابط هاشتاق الحملة على تويتر وهنا بهذا الموضوع

[حرف]

ياليت الحملة تشمل كل شي
ياليت الشباب والبنات يخفون شوي من الاسراف
ياليت الزوجات يخفون شوي من الطلبات
ياليت السفر للسياحة يقل شوي

[مختلف جداََ]

ياليت الحملة تشمل كل شي
ياليت الشباب والبنات يخفون شوي من الاسراف
ياليت الزوجات يخفون شوي من الطلبات
ياليت السفر للسياحة يقل شوي

حرف لا تحور الموضوع :tease:

خطوة خطوة تمشي الأمور
و عشان الجهود تكون مركزة و ما تتشتت

[حرف]

حرف لا تحور الموضوع :tease:

خطوة خطوة تمشي الأمور
و عشان الجهود تكون مركزة و ما تتشتت

مرحبا اخوي بوصالح وينك مختفي خليتني بروحي ):

المهم كلها نفسها الشي
والله ذبحتنا الكماليات

[مختلف جداََ]

صدقوني
كم واحد من الوجهاء و الكبارية و رجال الأعمال
يبدون في هالموضوع و يكون معلن بشكل ما .

بتلاقون الشعب وراهم نفس خرز المسباح .

[مختلف جداََ]

مرحبا اخوي بوصالح وينك مختفي خليتني بروحي ):

المهم كلها نفسها الشي
والله ذبحتنا الكماليات


موجود
و اسمك في اللسته :)
روح شوفه

[مهرة]

..

بارك الله فيج اختي ضوى على طرحج هالموضوع .,

بس أتمنى الجدية أكثر وإعطاء الحملة حقها وتكون أكثر وضوحاً وتساهم فعلاً في الوصول لأهدافها على مانرجوه كلنا ..

وياريت فيه عقول واعية ومساندة للحملة من بعض الأمهات والبنات وأقولهم (بسكم سطحية) .!

موفقين ان شاءالله .,

[JN000N]

اووووول شي خل يشتغلون على محلات تجهيز الاعراس جعل اللي يدخلونه زقوم ف جبودهم
تحجزين كوشه مطلعينها قبل العرس 5 او 6 مرات بسعر غالي جنه اول مره تطلع
يردون راس مالها وفوقها ربح 900%
وعقب ما يخلصون من المحلات اللي تجهز وينزلون اسعارهم ويخلون ربحهم معقول وواقعي
يفترون عالتصوير اللي من 15 الف ورايح
وعقب خل يفترون عالطقاقات اللي قبل اغلى وحده 10 الاف مع النقوط
الحين تستلم ف اليوم الواحد عن راتب مهندس
لا وبعد فوق الفلوس اللي تاخذها تقول لو ما حصلت نقوط وايد زيدوني
وجوفو اسعار اللي يسوون الشعر والمكياج
مكياج العروس 5000 والا 7000 ورايح
شعرها من 2500 ورايح
بس هذا هي مالك الا خمسميات تتحذف هني وهناك قبل العرس ما توعى الا انت عالحديده
على شنو عاد على عرس حتى لو اخترته مكرر ومافي تكليف وايد يطلع لك ازود من بيع السوق
الله لنا بس
تقشف ف كل مكان الحين والاسعار ما زالت فوق ليش ما يندرا

[sweet qatar]

اووووول شي خل يشتغلون على محلات تجهيز الاعراس جعل اللي يدخلونه زقوم ف جبودهم
تحجزين كوشه مطلعينها قبل العرس 5 او 6 مرات بسعر غالي جنه اول مره تطلع
يردون راس مالها وفوقها ربح 900%
وعقب ما يخلصون من المحلات اللي تجهز وينزلون اسعارهم ويخلون ربحهم معقول وواقعي
يفترون عالتصوير اللي من 15 الف ورايح
وعقب خل يفترون عالطقاقات اللي قبل اغلى وحده 10 الاف مع النقوط
الحين تستلم ف اليوم الواحد عن راتب مهندس
لا وبعد فوق الفلوس اللي تاخذها تقول لو ما حصلت نقوط وايد زيدوني
وجوفو اسعار اللي يسوون الشعر والمكياج
مكياج العروس 5000 والا 7000 ورايح
شعرها من 2500 ورايح
بس هذا هي مالك الا خمسميات تتحذف هني وهناك قبل العرس ما توعى الا انت عالحديده
على شنو عاد على عرس حتى لو اخترته مكرر ومافي تكليف وايد يطلع لك ازود من بيع السوق
الله لنا بس
تقشف ف كل مكان الحين والاسعار ما زالت فوق ليش ما يندرا

بالضبببببببط


هذا الي صاير

[بريق الحق]

بالضبببببببط


هذا الي صاير

انزين ياجماعه ترى المشكله من الناس مب منهم اذا قاطعو هالاشكال خلاص
يوم اعرض بضاعه بمليون ريال وهي اصلن ماتسوى مجرد تشتغل اربع ساعات وتنتهي وانت تشتريها هذي مشكلتك انت وتفكيرك
اتمنى الازمة تغير عقول البشر يارب

[حرف]

المشكلة منا احنا
ندفع على طول
المشكلة في عيالنا اي شي يبون يجيهم حتى لو مامنه فايدة
المشكلة في حريمنا والاسراف الي مال امه داعي ونسبة الاسراف من الحريم هي العظمى
المشكلة في بعض الشباب الي احدث سيارة ولف في الشوارع وخساير بترول وتواير على الفاضي

[ضوى]

قولوا امين ان شاء الله ، اكون واحدة من الامهات اللي بتسن سنه حسنه يالله يارب تبلغني

[بريق الحق]

قولوا امين ان شاء الله ، اكون واحدة من الامهات اللي بتسن سنه حسنه يالله يارب تبلغني

امين يارب ويارب الكل ياخذج قدوة لهم
موفقه

[sweet qatar]

انزين ياجماعه ترى المشكله من الناس مب منهم اذا قاطعو هالاشكال خلاص
يوم اعرض بضاعه بمليون ريال وهي اصلن ماتسوى مجرد تشتغل اربع ساعات وتنتهي وانت تشتريها هذي مشكلتك انت وتفكيرك
اتمنى الازمة تغير عقول البشر يارب

صعبه ياخوي

بالذات سوق تجهيز الأعراس

انا اذا عجبني شي ما عجبني سعره طلبت من برا

لكن تجهيز عرس مستحيل اقدر اجهزه من برا

لازم السوق يتطور وتكون فيه كل المستويات

يعني تجهيز طاولة ناعم ولا متوسط ولا دفش كله فوق الألف .. ليش !!!




قولوا امين ان شاء الله ، اكون واحدة من الامهات اللي بتسن سنه حسنه يالله يارب تبلغني

امييييين

[ضوى]

شاكرة لكم عالدعم والمساندة

احتاج تشجيع منكم ، خلينا نبعد عن المحبطات

خلونا نحلم ونحقق الحلم

[بدوور]

ماهي آليات تخفيف مصاريف الاعراس؟
نريد اقتراحات قابلة للتنفيذ؟

[بدوور]

وعلى فكرة تقريبا 90 % من المصاريف تذهب لمحلات تجهيز الفرح والقاعة ما هو الحل ؟ لان عندى قناعة ان ما هان تبارك

[ضوى]

خلونا بداية نقول مالها داعي كثرة الحفلات في الزواج الواحد

عشا خطبة ، عشا ملجة ، عشا خطوبة ، عشا زواج ، عشا هدية ، عشا عودة من شهر العسل هذي كلها تكاليف مرهقة

تقتصر الحفلة على الملجة مثلا وعشا بسيط بين اهل العروسين
تقتصر حفلة الزواج والاشهار ويوم العمر بالنسبة للبنت اللي ماتتخلى عنه في قاعة مناسبة وعدد محدود من المدعوين مب لازم اعزم كل اللي اعرفه واللي ماعرفه الناس القريبين جدا علينا
بطاقات الافراح بمجملها صارت فوق 10000 ريال نقتصر فيها بدعوة عالواتس اب

ادري هذي متطلبات بسيطة وتنفيذها صعب في بدايته ولكن بالفعل راح يخفف من المصاريق بشكل ماتتخيلونه

ماطلب الغاء الفرحة اطلب تقنين هالفرحة بما لا يسبب اي عبء او ضغط عالعروسين

[qatari911]

خلونا بداية نقول مالها داعي كثرة الحفلات في الزواج الواحد

عشا خطبة ، عشا ملجة ، عشا خطوبة ، عشا زواج ، عشا هدية ، عشا عودة من شهر العسل هذي كلها تكاليف مرهقة

تقتصر الحفلة على الملجة مثلا وعشا بسيط بين اهل العروسين
تقتصر حفلة الزواج والاشهار ويوم العمر بالنسبة للبنت اللي ماتتخلى عنه في قاعة مناسبة وعدد محدود من المدعوين مب لازم اعزم كل اللي اعرفه واللي ماعرفه الناس القريبين جدا علينا
بطاقات الافراح بمجملها صارت فوق 10000 ريال نقتصر فيها بدعوة عالواتس اب

ادري هذي متطلبات بسيطة وتنفيذها صعب في بدايته ولكن بالفعل راح يخفف من المصاريق بشكل ماتتخيلونه

ماطلب الغاء الفرحة اطلب تقنين هالفرحة بما لا يسبب اي عبء او ضغط عالعروسين

اختي ضوى
ردك يمثلني بس الي حولي يقولون لي انت تفكيرك فيه من البخل
وانا والله اقدر اسوي كل الي يبونه واخذ دين من البنك بس شنو بستفيد ابدا زوجي بديون واتعب زوجتي من البداية ؟؟
لكن لو اسوي نفس الي قلتيه بالعكس بوفر كثير وبسفرها شهر عسل ولا احلى وبيكون الحال مستور واقدر اصرف على البيت وعليها ولا نحتاج شي >>>>مادري اذا فهمتي على كلامي لان ساعات احس اني اكتب طلاسم :shy:
وانا معاكم في الحملة

[الحياة الخالدة]

خلونا بداية نقول مالها داعي كثرة الحفلات في الزواج الواحد

عشا خطبة ، عشا ملجة ، عشا خطوبة ، عشا زواج ، عشا هدية ، عشا عودة من شهر العسل هذي كلها تكاليف مرهقة

تقتصر الحفلة على الملجة مثلا وعشا بسيط بين اهل العروسين
تقتصر حفلة الزواج والاشهار ويوم العمر بالنسبة للبنت اللي ماتتخلى عنه في قاعة مناسبة وعدد محدود من المدعوين مب لازم اعزم كل اللي اعرفه واللي ماعرفه الناس القريبين جدا علينا
بطاقات الافراح بمجملها صارت فوق 10000 ريال نقتصر فيها بدعوة عالواتس اب

ادري هذي متطلبات بسيطة وتنفيذها صعب في بدايته ولكن بالفعل راح يخفف من المصاريق بشكل ماتتخيلونه

ماطلب الغاء الفرحة اطلب تقنين هالفرحة بما لا يسبب اي عبء او ضغط عالعروسين

أبشرج أختي ضوى .. بتنهال عليج الطلبات عشان يناسبونكم
بخري المجلس و جهزي القهوة و الشاي