استفسار; أفضل محلات خزائن الملابس

[عوآآآآشـي]

ياليت لو يتكرمون أصحاب الخبره ويعملون قائمه بأفضل المحلات للخزائن (للملابس)
مع العناوين وإذا ممكن الأسعار :ok:
علشان يسهل الوصول لهم .. وهذي تعتبر خدمة للجميع ويكون ثابت فقسم الديكور

وشكراً :nice:

[معماري7]

فعلا أخوي.
جزاك الله خيرا

[Bo3essa]

رافكو

[وحيد-الشوق]

اذا جاهز ايكيا عندهم اشياء حلوة وايد وقياسات مختلفة

[معماري قطري]

تجربتي مع الأمريكية ورجعت لهم مرة ثانية والحمد لله 11 سنة ومن أفضل ما يكون

[معماري قطري]

عندهم الأبواب الألمنيوم الخفيفة بتشكيلة الخشب وايد راقية

[معماري قطري]

غيرهم المتحدة للتجهيزات والزين فيهم عندهم اكسسوارات غريبة ما شفتها في محل ثاني بس كالعادة غاليين

[عوآآآآشـي]

تجربتي مع الأمريكية ورجعت لهم مرة ثانية والحمد لله 11 سنة ومن أفضل ما يكون

تقصد الخزائن الامريكية ؟

[معماري قطري]

تقصد الخزائن الامريكية ؟

ايه اللي في طريق سلوى .. آظن غيروا اسمها قبل بعدين رجعوا الإسم نفسه .. بعد تقاطع السوق بشوي قرب نشوان .. وبعدين المتحدة على نفس الخط ورا محطة التيسير

[عوآآآآشـي]

ايه اللي في طريق سلوى .. آظن غيروا اسمها قبل بعدين رجعوا الإسم نفسه .. بعد تقاطع السوق بشوي قرب نشوان .. وبعدين المتحدة على نفس الخط ورا محطة التيسير

تسلم أخوي وماتقصر

[(عبدالله)]

أنا سويت حركة من خلالها وصلت للشركة وعرض السعر اللي يناسبني

كلمت 8 شركات خزاين معروفة يجوني يوم السبت كل واحد في وقت مختلف وخذوا نفس القياسات

راجعت كل شركة وشفت عرضها من حيث الخيارات والمواد ومدة تنفيذ العمل والضمان والسعر .. والأهم (سمعتها من خلال المجربين عندها)..

الشركات هاذي هي: رافكو -الأوروبية -الخزائن الأمريكية - خزانة -الخزائن المبتكرة -متيروبوليتان -المانع -عالم الخزائن

في النهاية

رسيت على (عالم الخزائن)

عطوني سعر 40 الف والباقيين أسعارهم تراوحت ما بين 70-120 ألف ريال مع المكاسر

الخشب عندهم mdf ملبس والمفصلات ألمانية والألمنيوم إماراتي أو سعودي وسمعتها جيدة من خلال اللي جربوهم من حيث ضمان جودة العمل وخدمة ما بعد البيع والدقة في المواعيد

عندهم ألوان واكسسوارات مناسبة عجبتني ويفصلون لك سلايد أو بصفاقات

والله يوفقك

[معماري قطري]

زين سويت اخوي عبدالله .. العملية ذي مرهقة شوي بس تفيدك بأنها تعطيك مجال للاختيار وللسعر الأفضل

بس وين عالم الخزائن وكم رقمهم لو عندك

[(عبدالله)]

مرحبا باخوي العود معماري

تبي الصج أنا علاقتي سيئة بجميع موظفي المبيعات غير الصادقين أو غير المؤهلين فنياً (خاصة المصريين).. لأني أنشف ريج الواحد في مناقشة الأمور الفنية والقانونية واللي يتفلسف علي أحطه في زاوية

للأسف تعودوا إن أهل قطر ما يناقشون وبس يدفعون.. وإن جاهم حد منهم يناقشهم يبدون بحركات الاستهبال

عموماً ما أطول عليك

عالم الخزائن معرضهم على طريق سلوى في نفس صفة محطة بترول التيسير و شركة التجهيزات المتحدة

أنا عطيتك المقدمة لاني تهاوشت مع المصريين اللي فيه .. وعقب لقيت واحد سوري (ما أذكر اسمه) كملت معاه لأنه محترم في تعامله

أرقامهم 70237993 و الأرضي 44516311

والله الموفق

[معماري قطري]

مشكور وما تقصر

وزين تسوي ومن هشكل انا قلت باخذ النتيجة اللي وصلت لها لأي تعامل مستقبلي

التفاوض ضروري وللأسف كثير من عمال المبيعات وما اقول موظفين ما يعرفون يبرزون شغلهم صح ويهتمون بالعقد وبالعميل ويكونون واضحين

[وحيد-الشوق]

عالم الخزائن افكر اتعاقد معاهم بضاعتهم عجبتني واسعاره معقوله

[Hamad_qa]

شرايكم في الخزائن المبتكرة .. شارع العزيزية التجاري ؟
في اخت مصرية شغالة هناك
حد تعامل معهم ؟

[عوآآآآشـي]

مرحبا
الحمدلله تم تركيب الخزانه اليوم
انا رحت لثلاث محلات (خزانه - خزائن الخليج الامريكية - الخزائن المبتكرة) طبعا التصميم واحد واختلفت الأسعار
واستقريت على الخزائن المبتكرة أقل سعراً ونفس المقاسات والتصميم البسيط
وماشاء الله عليهم حددوا الوقت وركبوه دون تأخير :nice:

بس حبيت أعطيكم رأيي

الحين أبي محل يسوي لي حديقة البيت من زراعة وجلسة خشبيه (خشب البرجولات للحديقة)
إذا حد منكم تعامل مع محل يعطيني اسمه ورقمه ولا تهونون
وتسلمون ياللي تعاونتوا معاي بموضوع الخزانة :nice:

[ضوى]

نصيحة اختي عواشي

افتحي موضوع جديد لانه سوالج بيضيع وسط العنوان

واخوي عبدالله اختيارك لعالم الخزائن موفق لاني سويت عنده سعره مناسبة وجودة وتعامل محترم وخدمة مابعد البيع ممتازة

[عوآآآآشـي]

نصيحة اختي عواشي

افتحي موضوع جديد لانه سوالج بيضيع وسط العنوان

واخوي عبدالله اختيارك لعالم الخزائن موفق لاني سويت عنده سعره مناسبة وجودة وتعامل محترم وخدمة مابعد البيع ممتازة

إن شاء الله

[maryam5]

السلام عليكم
انا صار فترة طويلة ابحث عن محل تفصيل خزانة ملابس وللأسف اسعارهم نااااااار رحت كل محلات طريق سلوى ما ادري على شنو رافعين الاسعار إلا خزانة ملابس. والمشكلة يحاسبك انه متر مربع والشغل مب متر مربع ما ادري كيف حسبته.
انا قلت له لو تلبس له طوفة كاملة ممكن تحسبه متر مربع بس انت تسوي تصميم واغلب الاماكن الي حسبتها هي فارغة؟؟

تعبنا من اللعبة في هالبلد والنصب الي ماله داعي والاسعار المبالغ فيها. المواطن وين يروح؟؟؟

[بوحارب]

واحد من الربع مفصل خزائن من محلات الألومنيوم وما شاء الله شغل نظيف وقوي ورخيص

[Aozomblue]

الاسعار فعلا مبالغ فيها بعض الشركات يحسبون المتر مربع عشان الهدر في الخشب .......
السلام عليكم
انا صار فترة طويلة ابحث عن محل تفصيل خزانة ملابس وللأسف اسعارهم نااااااار رحت كل محلات طريق سلوى ما ادري على شنو رافعين الاسعار إلا خزانة ملابس. والمشكلة يحاسبك انه متر مربع والشغل مب متر مربع ما ادري كيف حسبته.
انا قلت له لو تلبس له طوفة كاملة ممكن تحسبه متر مربع بس انت تسوي تصميم واغلب الاماكن الي حسبتها هي فارغة؟؟

تعبنا من اللعبة في هالبلد والنصب الي ماله داعي والاسعار المبالغ فيها. المواطن وين يروح؟؟؟

[معماري قطري]

شغل الخشب دوم غالي في أي مكان في العالم بس بعض المناطق يكون الشغل يسوى والمواد صج غالية

عندنا خشب التيك يجينا من مناطق آسيوية وهو خشب قوي وغالي لو يوصل دول أوروبية أو أمريكا .. ناخذ أخشاب من عندهم أمريكا واروبا القصد لازم تجي غالية مثل الآش وود والماهوغني والسوفت وايت وود

إختيار الخشب ومصنعيته يلعب دور كبير والمناجر عندنا بعد صج ما ترحم بأسباب منطقية منها إرتفاع أُجور العمالة والمعارض والورش .. منجرة النور كان لهم معرض كبير واضطروا يسكرونه ويبقون على شغلهم في الورشة بعد ما استوت لهم سمعة في السوق .. منجرة السلام قالوا لي أرخص باب عندنا ب 4000 ريال وهذا في 2004

[كود نمبر]

السلام عليكم

اخ عبدالله وين موقعه عالم الخزاين

[بوخالد911]

السلام عليكم

اخ عبدالله وين موقعه عالم الخزاين

بعد محطة التيسيير
شارع سلوى
قريب جدا من أنصار سيتي.

[مــاي ورد]

مشكورين

سؤالي الخزائن شكلها خشب وهي اصلا المنيوم ولا خشب كامل ؟ وكم سعر المتر من عالم الخزائن