صباح الخير يا المؤسسه العامه للبريد -البريد العام

[brwnzya]

من المتعارف عليه ان سداد رسوم الاشتراك في صناديق البريد يتم تحصيلها في بدايه كل سنه ميلادية يعنى في شهر يناير.
المهم ارسلوا لي مثل كل المشتركين تذكير بدفع الرسوم بالبريد و مذكور ملاحظه في اخر التذكير يرجى تجاهل هذا التذكير اذا قمت بالسداد فعلا.
وانا كنت مسدده مبلغ مقدم فكنت مو متأكده لازم أسدد السنه او السنه الجايه عموما اتصلت علي خدمه العملاء في البريد علي 104 وعطايتهم رقم صندوق البريد قال لي مستحق علي مبلغ 300 ريال لازم اسددها قلت أوكي رحت البريد العام الفرع الرئيسي الي علي الكورنيش شباك خدمه المشتركين عطتيهم رقم صندوق البريد قالت لي البنت الموظفة هناك انت مسدده ماعليج دفع رسوم طلبت منها تتاكد قالت متأكده المهم مشيت وانا متشككه اصدق الموظفة ولا خدمه العملاء وخاصة ان البنت صغيره وشكلها جديده اتصلت مره ثانيه 104 بعد قال لي عليج رسوم قلت له اني رحت أسدد و البنت قالت رسومي مدفوعة مقدما قال لا يمكن خطأ في النظام او ما نتبهت عاد انا شكيت لانها صغيره و يعنى قلت يمكن غلطت رحت ثاني يوم بدفع كان فيه واحد مكان البنت و قال لي نفس الكلام الرسوم مدفوعة قلت له حيرتوني معاكم قال لا الاكيد الرسوم مدفوعة و خدمه العملاء قالوا لج مو مدفوعة لان السيستم عندهم مايبين معاهم اذا مدفوع او لا 😒خوش والله اجل كيف خدمه عملاء والبيانات مو كامله عندهم عن العميل ويعطون معلومات خطا و شلون حاطين لهم سيستم و مو مترابط مع بعضه يعني المشترك مااستفاد منهم شئ اذا يبي يعرف اي معلومة لازم يجي بنفسه و يسأل بس حملوا نفسهم تكلفه الأجهزه و الموظفين و البرنامج بس كله شكل ولا خدمه للعميل الي المفروض تكون الأساس مو موجودة.

[SouthK]

صار معاي نفس الشي لكني رحت و دفعت الرسوم قبل ما يوصلني المسج لأني عارف انهم راقدين و ما منهم فايدة لا موظف خدمة العملاء و لا الموظف اللي في الشباك مع العلم اني كلمت خدمة العملاء و طلبت منهم تاريخ آخر يوم للصندوق و قالوا لي ان عندي شهر بعد انتهاء مدة الاشتراك للتجديد .. يعني خدمة العملاء ما يدرون حتى اذا الصندوق موجود أو لا!!

مثل هذا الاهمال صار شيء عادي في أغلب الادارات الخدمية في قطر فلازم نتعود عليه !!!!!

[السيف5]

البريد همّم رفع الاسعار
وناسيين جودة العمل والتعامل مع الناس

[نايم سهران]

لو الواحد بس يصور صندوقه وكم الغبار الي داخله ويروح ياخذ تقرير من المستشفى انه عنده ربو وصادته مشاكل في التنفس بسبب الغبار ،،، ويرفع عليهم قضيه ويبهدلهم راح يتسنعون ويصيرون آوادم مثل الناس

[الأغر]

لو الواحد بس يصور صندوقه وكم الغبار الي داخله ويروح ياخذ تقرير من المستشفى انه عنده ربو وصادته مشاكل في التنفس بسبب الغبار ،،، ويرفع عليهم قضيه ويبهدلهم راح يتسنعون ويصيرون آوادم مثل الناس

اضحك الله سنك

[بوخالد911]

الحين تقدرون الدفع عن طريق موقعم من النت.

[موظف البريد]

من المتعارف عليه ان سداد رسوم الاشتراك في صناديق البريد يتم تحصيلها في بدايه كل سنه ميلادية يعنى في شهر يناير.
المهم ارسلوا لي مثل كل المشتركين تذكير بدفع الرسوم بالبريد و مذكور ملاحظه في اخر التذكير يرجى تجاهل هذا التذكير اذا قمت بالسداد فعلا.
وانا كنت مسدده مبلغ مقدم فكنت مو متأكده لازم أسدد السنه او السنه الجايه عموما اتصلت علي خدمه العملاء في البريد علي 104 وعطايتهم رقم صندوق البريد قال لي مستحق علي مبلغ 300 ريال لازم اسددها قلت أوكي رحت البريد العام الفرع الرئيسي الي علي الكورنيش شباك خدمه المشتركين عطتيهم رقم صندوق البريد قالت لي البنت الموظفة هناك انت مسدده ماعليج دفع رسوم طلبت منها تتاكد قالت متأكده المهم مشيت وانا متشككه اصدق الموظفة ولا خدمه العملاء وخاصة ان البنت صغيره وشكلها جديده اتصلت مره ثانيه 104 بعد قال لي عليج رسوم قلت له اني رحت أسدد و البنت قالت رسومي مدفوعة مقدما قال لا يمكن خطأ في النظام او ما نتبهت عاد انا شكيت لانها صغيره و يعنى قلت يمكن غلطت رحت ثاني يوم بدفع كان فيه واحد مكان البنت و قال لي نفس الكلام الرسوم مدفوعة قلت له حيرتوني معاكم قال لا الاكيد الرسوم مدفوعة و خدمه العملاء قالوا لج مو مدفوعة لان السيستم عندهم مايبين معاهم اذا مدفوع او لا ��خوش والله اجل كيف خدمه عملاء والبيانات مو كامله عندهم عن العميل ويعطون معلومات خطا و شلون حاطين لهم سيستم و مو مترابط مع بعضه يعني المشترك مااستفاد منهم شئ اذا يبي يعرف اي معلومة لازم يجي بنفسه و يسأل بس حملوا نفسهم تكلفه الأجهزه و الموظفين و البرنامج بس كله شكل ولا خدمه للعميل الي المفروض تكون الأساس مو موجودة.

السلااام عليكم ورحمة الله وبركاته ،،

الاخت الفاضله brwnzya مع التحيه ..

اقدر وقتك الثمين والمعاناه في الذهاب والعوده للبريد والملابسات التي حصلت لك ، وأحب ان اوضح ان جميع عملاء البريد لهم الحق والتقدير .

بداية أوضحتي بأنـك قمتي بالاتصال على خدمة عملاء البريد على 104 للاستفسار ان كان عليك رسوم اشتراك على صندوق البريد الخاص بك ، وتم اشعارك بأن عليك رسوم اشتراك

احب ان اوضح ان رقم 104 يتبع خدمة العملاء الخاصه لوزارة الاتصالات ، وليسوا موظفي خدمه العملاء الذين يعملون في بريد قطر .

ولما استفسرتي عن اشتراكك عند موظفه خدمة اشتراك الصناديق في البريد العام اجابت لك بأن ليس عليك أية رسوم !

مختصر الكلام ان البريد العام لديه برنامج يعمل على معرفة جميع الاستحقاقات الخاصه بعملائهم الكرام ، وحيث ان بدالة 104 التابع لوزارة الاتصالات لم يتم تفعيل هذا البرنامج

فحدث هذا اللبس في الموضوع . وبناء على سياسة تطوير الشركة القطريه وتقديم امتيازات وخدمات افضل تم تفعيل هذا البرنامج في بداله 104 .

وكما قلت نحن نقدر استغرابك واستفسارك عن هذا اللبس .

ونحن كشركة البريد نرغب في تحسين خدماتنا عن طريق طرح آرائكم وملاحظاتكم علينا ، وعليه تم وضع ايميل خاص بخدمة العملاء للاستفسار عن اسألتكم

customers@qatarposts.com

تحياتي لك اختي الفاضله

[نايم سهران]

انا اتصلت فيهم قالوا لي انت مسدد ويوم رحت قالوا عليك رسوم ،، نفس الوقت وانا واقف ألغيت صندوق البريد ورجعوا لي التأمين 100 ريال ، وقلت لهم خلوا الغبار الي ف الصندوق لكم

[عايش فرحان]

المفروض ( البريد ) خدمة ذات مصداقية تضمنها الدولة لتشجيع الاتصالات الرسمية و غير الرسمية بين المؤسسات و الأفراد داخل و خارج قطر ..

إدارة البريد يحسبون نفسهم يديرون بقالة او مشروع خاص .. بدون اي مسئولية او وعي بدورهم تجاه المجتمع و الدولة ..

[موظف البريد]

اخي الفاضل انا اشتغل في بريد قطر وقمت بالتحري عن الموضوع و تبين انه كان في مشكلة في النظام و الحمد لله تم حلها ، نعتذر عن الي صار معك و إذأ المشكلة ما إنحلت بعد ممكن تبعث إيميل ل customers@qatarposts.com و إن شالله نتابعلك إياها

[متفائلة]

تحياتي لموظفي البريد ، أمر احيانا لاستلام الطرود و الرسائل و أقدّر خدماتهم ، في موظفين اثنين ليتني اعرف اساميهم علشان اذكرها ، قمة في الالتزام و الانضباط ولا من قصور في زملائهم موظفي البريد . اتمنى لكم التوفيق و السداد و ياليت العمال الأسيويين اللي في قسم استلام الطرود ينظفون تحت السير اللي تمر عليه الاغراض كل ما أوقف مجابلة المكان اقول ليش ما يرتبون مكانهم افضل و عساكم عالقوة