ياغريب لاتكن أديب !!!

[Qt.1]

انا الي اخبره ياغريب كن أديب ولكن الوضع تغير اللحين ياغريب لاتكن أديب ! قوانين المرور تسري على الكل مافيها قطري ولاا مقيم وهالشي خالصين منه احنى , واعتقد الواحد الي مهب في بلده اشوي يحترم هالبلد وقوانينه وانا باتكلم عن نفسي مابي اعطي مثال الحمدالله محترم القانون في بلدي وفي غير بلدي لان قيادتي تعكس شخصيتي , اذا سافرت برع بعد اكون اكثر احتراما للقانون لاني اصلا مهب في بلدي واحاسب اكثر بعد , لكن ماشاء الله (بعض) المقيمين بصراحه مستهترين جدا بالقانون , عمري ماتخيل اني اتجاوز من اقصى اليسار ولااذكر اني في يوم سويتها في حياتي , قدامي تجاوزات من اقصى اليسار على طريق الشمال ولامفتكرين يدخل عليك اشوي ويدعمك ويتجاوزك بسرعه عاليه ! طريق مستشفى حمد من تحت الجسر الكل واقف وينتظر مع الزحمه تدخل سياره تمشي اقصى اليمين في حارة الاامان ويتجاوز الكل لين الااشاره ! زين معقوله انت الوحيد الي مستعجل واحنى بالعكس عادي ماعندنا اي شغل نسويه , معقوله ماعندك اي احترام للقانون وداخل اتجاوز وانت تدري انه ممنوع ! لين متى هالااستهتار , لحد ينظر للموضوع بنظره اني افرق بين قطري ومقيم لا كل قصدي ان السالفه امصخت ,,

[دايموند]

تعال الخور بحكم اغلب سكانها اجانب وشوف اشلون المصخره وعدم اتباع القوانين..

الهنود تتفل بالشارع
والهنود والجاليه العربيه يتجاوزون باليمين ومب مكترثين باللي ملتزمين بالدور فالشارع واشياء كثيره يسونها خلها ع الله..

[Qt.1]

تعال الخور بحكم اغلب سكانها اجانب وشوف اشلون المصخره وعدم اتباع القوانين..

الهنود تتفل بالشارع
والهنود والجاليه العربيه يتجاوزون باليمين ومب مكترثين باللي ملتزمين بالدور فالشارع واشياء كثيره يسونها خلها ع الله..

من أمن العقوبه أساء الاادب , لانهم يدرون محد بيحاسبهم للاسف .

[بانغ بانغ]

شوف الباصات والشاحنات وبهض الهمج تدرعم من اليمين والاشارات

نسخة ،: ادارة تحصيل المخالفات من هل قطر

[Qt.1]

شوف الباصات والشاحنات وبهض الهمج تدرعم من اليمين والاشارات

نسخة ،: ادارة تحصيل المخالفات من هل قطر

بحكم عملي فانا يوميا امر على طريق الشمال الصبح , اذا تبي يصيدك الضغط والسكر والكوليسترول وتقدر تضيف بعد الي تبيه تعال سوق الصبح على هالخط , ولايفقع مرارتك الاا الي يمسك الخط الثاني من اليسار يعني تقريبا النص ويخلي الخطين الي على اليمين فاضيين و يمشي ستين ! هذي شتسوي فيه ؟

[بانغ بانغ]

بحكم عملي فانا يوميا امر على طريق الشمال الصبح , اذا تبي يصيدك الضغط والسكر والكوليسترول وتقدر تضيف بعد الي تبيه تعال سوق الصبح على هالخط , ولايفقع مرارتك الاا الي يمسك الخط الثاني من اليسار يعني تقريبا النص ويخلي الخطين الي على اليمين فاضيين و يمشي ستين ! هذي شتسوي فيه ؟

والله يوعبدالله احيانا احلم بامتلاك همر h2 او h1 في هالشوارع

[MAZEN37]

بحكم عملي فانا يوميا امر على طريق الشمال الصبح , اذا تبي يصيدك الضغط والسكر والكوليسترول وتقدر تضيف بعد الي تبيه تعال سوق الصبح على هالخط , ولايفقع مرارتك الاا الي يمسك الخط الثاني من اليسار يعني تقريبا النص ويخلي الخطين الي على اليمين فاضيين و يمشي ستين ! هذي شتسوي فيه ؟

نفس الملاحظه
لكن اكتشفت بعدين عقب دراسه وتفكير انه اغلب السواقين ما يعرفون يسوقون في شوارع الهاي وي
الي فيها 4 و5 حارات
كنت اول اروح جدامه اجبرة يروح يمين للحاره البطيئه لكن مشروعي فشل من كثر العالم لنفس الحركه

[نمر بن عدوان]

يعطيهم العافيه المرور لو يفرغون شوي من وقتهم لمخالفة المتجاوزين من اليمين والمسرعين في الشوارع بدل التفرغ للي موقف غلط او مب رابط حزام الامان كان ابرك .

[Qt.1]

يعطيهم العافيه المرور لو يفرغون شوي من وقتهم لمخالفة المتجاوزين من اليمين والمسرعين في الشوارع بدل التفرغ للي موقف غلط او مب رابط حزام الامان كان ابرك .

هذا انت جبتها , فعلا الي يتجاوز اهم من الي مهب رابط حزامه والاا صاف غلط , كان ماشفت حد يخالف لكن يدرون محد يشوفهم .

[بوخالد911]

الحل تركيب كاميرات المراقبة.

[A-Alansari]

والله يالربع لو نفكر شوي بنعرف انه الخلل منا مب منهم

لانه اي بلد تسافر له وتشوف سواقه الناس راح تخليك تسوي نفسهم

واكثر ناس يتجاوزون من اليمين ويسرعون هم الشباب

والي جاي من برع يشوف هالوضع يتخيل انه هالشي عادي

وفوق هاي محد قاعد يتخالف على هالشي لانه المرور مشغولين يحطون خطط مستقبليه وياخذون دورات في طريقه اخفاء الرادار المتحرك

[غريب الدّار]

سؤال :

تعتقد هاذول لو ماشافوا مواطنين يسوون هالحركات كان سووها هم؟


انت تكلمت عن الدول الأجنبية (او برع بشكل عام وبالذات في أوروبا) تعتقد لو نروح ونشوف مواطنينهم هناك مستهترين ماراح نستهتر احنا بعد؟


شوف اخوي

انا اعتقد ان سبب التزامنا الشديد بالقوانين في أي بلد خارج قطر (وبالذات في الدول الأوروبية او الدول اللي فيها القانون قوي ويتطبق) :
1- ياغريب خلك اديب (مثل ماتفضلت اخوي) وهذا السبب الأول
2- وهذا السبب اقوى في نظري : التزام الناس بالقانون هناك


صدقني :
لو الناس هناك يكسرون القوانين والله راح نكسرها احنا بعد اذا رحنا لهم

والدليل :
دولة مجاورة وشقيقة لنا ، اذا رحناها نشوف ناس وايد منا وفينا يكسرون القوانين هناك


ليش؟
لان الكل يتجاوز على قوانين المرور هناك


ابدأ بنفسك فانهها عن غيها *** فاذا انتهيت منه فأنت حكيم


بالتوفيق

[رجل الجزيرة]

والله يالربع لو نفكر شوي بنعرف انه الخلل منا مب منهم

لانه اي بلد تسافر له وتشوف سواقه الناس راح تخليك تسوي نفسهم

واكثر ناس يتجاوزون من اليمين ويسرعون هم الشباب

والي جاي من برع يشوف هالوضع يتخيل انه هالشي عادي

وفوق هاي محد قاعد يتخالف على هالشي لانه المرور مشغولين يحطون خطط مستقبليه وياخذون دورات في طريقه اخفاء الرادار المتحرك

رجاء:
لا تقول منا قول مني
أنا أروح للسعودية والإمارات وعمان وحتى هنا عمري ما خلفت قوانين الدول وليه أنت ما تكون أنت قدوة يقتدون بك وتطبق قوانين بلادك.

[AL_MUTAEM]

ادارة المرور ماقصرت ووضعت بعض الكاميرات بالشوارع الحيويه ولكن لا تستطيع مراقبة جميع الشوارع الداخليه والخارجيه وهنا يكمن دورنا كمواطنين ومقيمين فنستطيع تصوير اية مخالفه وارسالها عن طريق مطراش او توصيلها لادارة المرور ..

[A-Alansari]

رجاء:
لا تقول منا قول مني
أنا أروح للسعودية والإمارات وعمان وحتى هنا عمري ما خلفت قوانين الدول وليه أنت ما تكون أنت قدوة يقتدون بك وتطبق قوانين بلادك.

والله انا ماحب اخالف ولا اتجاوز من اليمين لكن منا القصد منها اهل البلاد شكلك فهمت غلط ماقلت انت ترى ولا قصدتك

لكن فئة كبيرة من الناس ومن اهل البلاد يسون هالحركات وهذا القصد

اذا تبي توضيح اكثر قولي عشان اسويلك رسم بياني

[ALHAJAJI]

امس في منطقة الابراج وعند تقاطع اشارات برج برزان وانا جاي من صوب السيتي ...
كنت ماسك اقصى اليمين انا وغيري من السائقين ...
كانت قدامي سيارة هيئة دبلوماسية وراكبها واحد دبلوماسي....
الخط اللي احنا ماسكينه يطلعنا على اشارات نادي قطر ...
راعي السيارة الدبلوماسية وقف الشارع على اساس راح يكون تجاوزه من اليمين .....
في هذي الحالة راح نتم ناطرين لين تفتح الاشارة خضراء ...
ولا مفتكر في قوانين او انظمة .....

انا ما قصرت حشرته هرنااااااااات ....
لين فتح مجال بسيط قدرت امر .....
فتح جامة سيارتي وهو بعد نفس الشئ ....

قلت له بالحرف الواحد ....
يا اخي لو تكرمت البلد فيها قوانين وانظمة تمنع وتجرم الشيء هذا اللي انت تسويه...
ومخالفة صريحة لقوانين المرور المعمول بها في الدولة....
وانت بفعلتك هذه تضرب بعرض الحائط هذه القوانين وبتصرفك اللا مسؤول ....

وايضا فانك تعطي صورة سيئة للسفارة وللبلد اللي انت تمثله .....
وهذا لا يجوز باي حال من الاحوال .....

طبعا من هيئته واضح انه رجل مسؤول ....
قام يعتذر ويحط يده على صدرة ووووو.....


ساعتها حسيت اني سويت شيء ربما مستقبلا يتذكر كلامي وتخليه يفكر الف مره....
قبل لا يقوم باي مخالفة قد لا ينفع وقتها ا لندم ...

تحياتي

[Engineer]

بحكم عملي فانا يوميا امر على طريق الشمال الصبح , اذا تبي يصيدك الضغط والسكر والكوليسترول وتقدر تضيف بعد الي تبيه تعال سوق الصبح على هالخط , ولايفقع مرارتك الاا الي يمسك الخط الثاني من اليسار يعني تقريبا النص ويخلي الخطين الي على اليمين فاضيين و يمشي ستين ! هذي شتسوي فيه ؟

كلامك سليم ..بس لو كل واحد فينا لا شاف حد يبي يتجاوزه منعه محد راح يتجاوز
و المرور ياليت يشددون شوي

[معماري قطري]

يالربع المآسي في معيذر .. صج خارج قطر .. انا ما ادخل وايد بس أوقات اضطر اقطع من الوسط وصوب دوار بن ارحمة واتجه لخارج معيذر وأوقات اخذ طريق طويل .. صدقوني قمة الهمجية ولابسين غير ولا ادري شالجنسية .. واحد يمشي يمين ويركب الرصيف ويكمل وواحد يمشي شوي شوي وكان حاسر ما ادري شجنسيته خذ مساره واحد قطري دخل جدامه ويجن جنونه .. زين هو فاتح ويركب الجزيرة الوسطى ويلف على الرجال الا يطوفه وصار بينهم كلام وبعدين لحقه القطري وشرشحه سب وانا اسمعه .. الظاهر ذاك سبه ومشى .. يعني متعني للمشاكل .. المنطقة فيها خليط جنسيات وسيارات كثيرة أرقامها مب قطرية واللي يمر فيها يغتث

[بانغ بانغ]

يالربع المآسي في معيذر .. صج خارج قطر .. انا ما ادخل وايد بس أوقات اضطر اقطع من الوسط وصوب دوار بن ارحمة واتجه لخارج معيذر وأوقات اخذ طريق طويل .. صدقوني قمة الهمجية ولابسين غير ولا ادري شالجنسية .. واحد يمشي يمين ويركب الرصيف ويكمل وواحد يمشي شوي شوي وكان حاسر ما ادري شجنسيته خذ مساره واحد قطري دخل جدامه ويجن جنونه .. زين هو فاتح ويركب الجزيرة الوسطى ويلف على الرجال الا يطوفه وصار بينهم كلام وبعدين لحقه القطري وشرشحه سب وانا اسمعه .. الظاهر ذاك سبه ومشى .. يعني متعني للمشاكل .. المنطقة فيها خليط جنسيات وسيارات كثيرة أرقامها مب قطرية واللي يمر فيها يغتث

بل صج انقهرت وانا اقرأ

حشا مب سواقين ... رالي

... الحمدلله عندنا في الوكرة - قطر ارقى بكثير من هالوضع

[معماري قطري]

رجاء:
لا تقول منا قول مني
أنا أروح للسعودية والإمارات وعمان وحتى هنا عمري ما خلفت قوانين الدول وليه أنت ما تكون أنت قدوة يقتدون بك وتطبق قوانين بلادك.

المستهتر ما تهمه القدوة تهمه المخالفة واتمنى المرور يكونون على قد المسؤولية وينظفون البلاد من كل التجاوزات من أهل قطر ومن المقيمين وشوي يقدرون ظروف الزوار وما يتخالف الا مسوي شيء قوي .. السرعة مب هي المقياس والمشكلة الكبيرة .. التعديات والعصبية ووخر عني ولا بادعمك وتسليح السيارة برمانة طويلة وترفيعها من ورا وتزويد السيارات والبالون .. هذا ينطبق على البعض اللي يمشون بطيء واللي سياراتهم ما ادري شلون طافت الفحص الفني .. أتمنى يمسكون هالسيارات عشوائي ويحولونها على فحص فني خاص

[معماري قطري]

بل صج انقهرت وانا اقرأ

حشا مب سواقين ... رالي

... الحمدلله عندنا في الوكرة - قطر ارقى بكثير من هالوضع

والله يا اخوي هذا في مرة وحدة .. المشكلة غياب الشرطة ولو كانوا موجودين ما سووا شيء

[معماري قطري]

ذاك اليوم طالع من مجلس هناك في منطقة الوجبة ورا معيذر ودخلت الشارع الرئيسي وفيه تصليحات بس سيد لسيارة وحدة وسيارة اشوفها بعيدة عني .. والرادار قريب ويصيد على 80 .. اللي جاي عنده عراوي قديمة وهو ما يبين فيها من صغره ولا من قصره وحاط ليتات حمر ومبند ليتات سيارته والصدام الجدامي نازل يعني لو ضربت بريك صدامي بيعلم في جبهته .. جرأة غريبة جاء تقول مخلي 5 سم بيني وبينه .. شسويت شلت ريلي عن الريس لأني متأكد لو باعلم على البريك بيدعمني خليته محكور وراي ويوم شاف الصج خفف وابتعد

[الدوحه1]

ممنوع دخول الإماراتيين!!
جريدة البيان
(فضيلة المعيني , التاريخ: 24 يناير 2016 )

فوجئ مواطن برفقته زوجته وهما يهمان بدخول مطعم كبير في منطقة مارينا في أبوظبي برجل الأمن يمنعهما من الدخول، تساءل عن السبب، جاءه الجواب من رجل الأمن «نو لوكل» أي لا مواطن، هز رأسه متسائلا فأخبره أن المشكلة في الكندورة.

في مكان في مطعم آسيوي يقع في بهو فندق شهير، دعا الصبي الصغير الذي لا يزيد عمره على 14 عاما 5 من رفاقه لتناول الطعام فإذا بالموقف ذاته يتكرر هنا لا مكان للمواطنين واضافوا على ذلك عبارة «ربما أخفت السياح بالكندورة ».

هل يعقل أن يواجه المواطن هذا في بلده، بمن يمنعه من دخول أماكن عادية ليس فيها ما يحول دون أن يكون من بين مئات البشر من كل الجنسيات يجلسون ويستمتعون ويحرم من ذلك، هل يعقل أن تكون الكندورة مبررا للمنع وخشية ممن يرتديها أن يخيف السياح.
هل المواطن بكندورته التي هي مصدر فخره واعتزازه قادم من كوكب آخر يتطلب ارتياده بعض الأماكن بالتخلي عنها.
نعم نتفهم منع ارتداء الزي الوطني في الأندية الليلية لئلا يستغل بعضهم ذلك ويأتي أفعالا مشينة تنسب في النهاية إلى الزي، ونتفق تماما مع السلطات أن تصدر تعليماتها إلى الأندية وغيرها بمنع دخول من يرتدي الزي الوطني، لكن أن تستغل المطاعم تلك التعليمات وتمنع دخول الأسر المواطنة تحت تلك الحجة.
فهذا ما لا يجوز وينبغي تصحيح المعلومة ووضعها في إطارها الصحيح ولا يتعرض المواطنون للطرد من عند مداخل المطاعم. هل يعقل أن يتمكن الاماراتي إن أراد تناول عشاءه بصحبة أسرته في هذه المطاعم التي تمنع الزي المحلي أن يتنكر وأسرته في ملابس غير ملابسهم حتى تقبل دخولهم وتعاملهم باحترام مثل غيرهم، وإلا ليس لهم أن يفكروا بدخولها فهي ليست لهم.
أسلوب يذكرنا بممارسات قديمة كانت تقوم بعض المطاعم في الغرب وهي تصف العرب بأوصاف لا تليق وتمنع دخولهم، أما اليوم فالكل يبغي ودهم ويشرعون الأبواب أمامهم.

[brwnzya]

الامر و الأدهى ان اغلب الجاليات ألعربيه من جنسيه معينه المتواجده بعدد كبير في البلاد في الفترة الاخيرة من بلد مافيها انظمه و قوانين في المرور ولا فيها إشارات مرورية و لا دوارات و لا خطوط سريعة خلاصه القول مافيها اي نظام ولا قانون مرور و للأسف يجون يسوقون بنفس ألطريقه الي كانوا يسوقون فيها في بلدهم و لا في اي احترام ولا التزام بقوانين المرور والي زاد الطين بله ان يجيبون حريمهم مع احترامي الشديد لهم الي كانت تقضي مشاويرها في بلدها مشي او بالمواصلات العامه و تجي تأخذ رخصه و تتعلم السواقه في شوارعنا وطبعا تأخذ القواعد والدروس في القياده من زوجها الي بالأساس مو فاهم قوانين و ارشادات المرور عندنا يعنى يزيدون الحوادث و عوار الرأس في الشوارع و احنا مو ناقصين من الأساس و هذا غير الحريم العربيات الي يسوقون بدون رخصه من الأساس يعطيها زوجها او اخوها درسين في القياده و خلاص الأخت تطلع تتمشور في الشوارع وإذا سوت اي حادث او مخالفه الأخ الفاضل يجي يكون مكانها وهذا الموقف شفته بعيني

[المحاميه]

وايد مركزين على سالفة التجاوزات
ماقدر افهم شعوركم لاني ماسوق
لكن بصراحه اعتقد اني من النوع اللي بيتجاوز

وبخصوص المقيمين انت قلت مقيم والمقيم غير الزائر
المقيم له فتره عندنا وعاد قطر بلاده وتعلم يتجاوز منكم :secret:

زحمه شيسوي بعد يمكن جد مستعيل ماتدري شنهي ظروف خلق الله