شنو افضل جهاز لتنقية جو الغرفة من الغبار؟

[بـن عدوان]

السلام عليكم

لو سمحتوا

شنو افضل جهاز لتنقية الغرفة من الغبار وهالسوالف

في وين وبكم

وشكرا لكم

[ام الذيب]

عندك بجيان وكارفور بتحصل انواع مختلفه ماخذتها قبل 3 سنوات وسعرها قريب 2000 مايندرى عن اسعارهم اللحين

[ضوى]

مدري ليش مب مقتنعة بهالاجهزة ، احد جربها وجابت نتيجة ؟

[asulaiti]

وأنا كذلك أفكر بهذا الجهاز .. لكن هل فعلاً يؤدي الغرض ؟
هل فعلاً ينقي الغرفة من الغبار ؟

[بونووف]

ولاينفع ,, خذناه عشان التدخين وجوده والعدم واحد

[ضوى]

جزاك الله خير يا بو نووف هذا الي كنت ابي اعرفه ، لاني رحت بيت مدخنين وحاطين الجهاز وشغال لكن ريحة السجاير خنقتنا

[HAMAD2008]

كلام فاضي هالجهاز

[النهار]

انا استخدمت اكثر من نوع من شركات متعدده
كلام فاضي قاعدين ندفع فلوس في الهواء مايسحب الغبار ولا اي ريحه
مراوح الشطف الي في المطابخ احسن منه على الاقل تسحب الروائح المزعجه من المطبخ والحمام

[مختلف جداََ]

غلطانين في نوع ممتاز شفته في مكتب واحد من الربع
و هو مدخن
مافي ريحة دخان أبداً

[النهار]

في جمعية الميره في بن عمران مسوين عرض اشتري جهاز والاخر مجانا
جابوا كميات طاحت في جبودهم

[العلياا]

وعليكم السلام

احبطتني الردود :(

انا من فترة ادور على جهاز بهالمواصفات المهم انه يشفط الغبار او اي شي عالق فالجو وللأسف مالقيت
ماعرف هل جهاز شفط الروائح هو نفسه اللي يشفط الغبار والا لا !!

[<اضرب واشرد>]

السلام عليكم
تذكرين المكنسة الكهربائية اللي تكلمنا عنها قبل مدة في إحدى المواضيع؟
هذي تنظف الجو، تشفط الهواء في الغرفة وتصفيه بالماء، الماء في بطنها يتغير لونه بعد شفطه للغبار

مب لازم تشترونها اخذوها وقت الحاجة من أحد معارفكم

[QtrGate]

شركة lg
عندهم جهاز جيد