مشاهدة النسخة كاملة : هل تؤيد ... القطريين يشتغلون مضيفين في القطرية او الفنادق
بانغ بانغ
23-01-2016, 07:10 PM
بما ان سوق العمل مفتوح للقطريين للشباب من الجنسين ...
كثير منهم يرفضون وظائف معينة بحجج مختلفة ،
وبعدين ايقولون بطالة مقنعة ...
العمل كمضيفين او في الفنادق ... اصبح حكرا على الاجانب ...
وذلك بسبب عزوف المواطنين عن بعض المهن الحيوية ...
فهل تؤيد هذه النوعية من الوظائف في هالظروف الحساسة سواء للبنت او الرجل !!!!!
مختلف جداََ
23-01-2016, 07:23 PM
موضوع مميز كالعادة يا بو فيصل
صدقاً انتظر أي موضوع يحمل توقيع ( بانغ بانغ ).
الرجل المفروض إيه
المرأة طبعاً لا
غير البشر
23-01-2016, 07:28 PM
لا طبعا غير موافق لا للرجل ولا للمرأه
عددنا قليل والوظائف متوفره بكثره
ومافي شي يحد الشباب او الشابات للعمل في ها الاماكن
بس المشكله عندنا سوء تنظيم في التوظيف
وعندنا اماكن كثيره تستوعب كل القطريين
يعني يكون بطالي ولا يتوظف مضيف
الشباب مؤيدة وبشدة لكن بنات لا والف لا
مختلف جداََ
23-01-2016, 07:35 PM
لا طبعا غير موافق لا للرجل ولا للمرأه
عددنا قليل والوظائف متوفره بكثره
ومافي شي يحد الشباب او الشابات للعمل في ها الاماكن
بس المشكله عندنا سوء تنظيم في التوظيف
وعندنا اماكن كثيره تستوعب كل القطريين
يعني يكون بطالي ولا يتوظف مضيف
يكون بطالي و لا يتوظف مضيف !!! :omg:
منطق غريب
غير البشر
23-01-2016, 07:36 PM
يكون بطالي و لا يتوظف مضيف !!! :omg:
منطق غريب
هههه اي والله افضل ان يكون بطالي على ان يكون مضيف
تخيل اجنبي يطلب خمر والقطري يروح يصب له ويسلمه :rolleyes2:
بانغ بانغ
23-01-2016, 07:36 PM
موضوع مميز كالعادة يا بو فيصل
صدقاً انتظر أي موضوع يحمل توقيع ( بانغ بانغ ).
الرجل المفروض إيه
المرأة طبعاً لا
تسلم طال عمرك اتشرف واعتبره موضوعك
بس بوصالح اذا الموضوع موضوع عيب ... في بنات يشتغلون في السفارات برع ... اما اذا اختلاط ... فموجود كل مكان
طبعا انا عن نفسي ارفض لكن احيانا الواحد ايكون محتاج وهاي وظائف تكسب منتسبيها خبرات وعلاقات خاصة ان السوق حاليا يتطلب مواطنين في كل القطاعات الحيوية
بانغ بانغ
23-01-2016, 07:38 PM
هههه اي والله افضل ان يكون بطالي على ان يكون مضيف
تخيل اجنبي يطلب خمر والقطري يروح يصب له ويسلمه :rolleyes2:
مب شرط ايصب خمر بس مضيف او مشرف عليهم
غير البشر
23-01-2016, 07:40 PM
مب شرط ايصب خمر بس مضيف او مشرف عليهم
لو تتعمق اكثر بمسمى الوظيفه احسها غير مناسبه بصراحه
واذا تعين ماراح يكون مشرف على طول اكيد راح ينفذ كل المطلوب منه وقبلها بتدرج من مضيف الى مشرف مضيفين
مختلف جداََ
23-01-2016, 07:40 PM
هههه اي والله افضل ان يكون بطالي على ان يكون مضيف
تخيل اجنبي يطلب خمر والقطري يروح يصب له ويسلمه :rolleyes2:
مب عذر
طبعا راح يكون مستثنى من هالموضوع
مب كفو حد يجبره
غير البشر
23-01-2016, 07:40 PM
احترم وجهه نظركم كلها على عيني وراسي
بس انا مغفله معاي ماراح اقتنع لو تقعدون معاي شهر :shy:
بريق الحق
23-01-2016, 07:41 PM
الشباب مؤيدة وبشدة لكن بنات لا والف لا
كيف يشتغل وفيها خمور وحاله ومصخره تصير بين المضيفات والخ !!!
الفنادق بعد نفس الشي
صعب ياضوى يصير هالشي الا بشروط صعبه بعد
بانغ بانغ
23-01-2016, 07:43 PM
احترم وجهه نظركم كلها على عيني وراسي
بس انا مغفله معاي ماراح اقتنع لو تقعدون معاي شهر :shy:
لا عاد اذا مقفله معك ... ما اقدر اسوي شي ههههه
بس اتوقع لاحقا بيكون لهالوظايف اعتبار في ظل هالظروف وصعوبة التوظيفات ..
مختلف جداََ
23-01-2016, 07:45 PM
تسلم طال عمرك اتشرف واعتبره موضوعك
بس بوصالح اذا الموضوع موضوع عيب ... في بنات يشتغلون في السفارات برع ... اما اذا اختلاط ... فموجود كل مكان
طبعا انا عن نفسي ارفض لكن احيانا الواحد ايكون محتاج وهاي وظائف تكسب منتسبيها خبرات وعلاقات خاصة ان السوق حاليا يتطلب مواطنين في كل القطاعات الحيوية
جزاك الله خير يا بوفيصل الشرف لي
تخيل معاي بالله
الواحد فينا إخته و لا مرته و لا بنته كل يوم في بلد ،
ولا يجيك واحد ما يسوى و يتفلسف عليها و لا يتأمر و كل ساعه أبي ماي أبي عصير أبي بندول السماعه ما تشتغل
بالله حد يقبل هالشي على وحده من هله .
السفارات برع وضعها كلش غير .
لطيف الروح
23-01-2016, 07:45 PM
للرجال فقط
يا حلاته الينوفورم فأنيله و اوزار
بريق الحق
23-01-2016, 07:46 PM
لا عاد اذا مقفله معك ... ما اقدر اسوي شي ههههه
بس اتوقع لاحقا بيكون لهالوظايف اعتبار في ظل هالظروف وصعوبة التوظيفات ..
بوفيصل صعب
ماقول عيب على الرجل لكن طبيعة الشغل فتنه تدمر الشاب
مختلف جداََ
23-01-2016, 07:47 PM
احترم وجهه نظركم كلها على عيني وراسي
بس انا مغفله معاي ماراح اقتنع لو تقعدون معاي شهر :shy:
غيرو ليش ما تشتغل مضيف و تعطينا رايك عن تجربة :nice:
مختلف جداََ
23-01-2016, 07:48 PM
كيف يشتغل وفيها خمور وحاله ومصخره تصير بين المضيفات والخ !!!
الفنادق بعد نفس الشي
صعب ياضوى يصير هالشي الا بشروط صعبه بعد
بريق خلني ساكت بدال ما اجيب العيد !!!
بريق الحق
23-01-2016, 07:50 PM
بريق خلني ساكت بدال ما اجيب العيد !!!
تصدق كنت حاط في بالي من زمان افتح فندق اسلامي ومايكون في اختلاط واجباري اللبس المحتشم للي بحجز الفندق
اهني اقدر اخلي الشاب يشتغل في مثل هذي الظروف
مختلف جداََ
23-01-2016, 07:53 PM
تصدق كنت حاط في بالي من زمان افتح فندق اسلامي ومايكون في اختلاط واجباري اللبس المحتشم للي بحجز الفندق
اهني اقدر اخلي الشاب يشتغل في مثل هذي الظروف
هي قصة الإسلام في أوطانهِ
أمسى غريباً كالطريد الجاني
:weeping:
مختلف جداََ
23-01-2016, 07:56 PM
الخوف فعلاً من شي أساسي
الفتنه
الخوف شبابنا اللي توهم يشتغلون يفتنون فتنة عظيمة .
بانغ بانغ
23-01-2016, 07:59 PM
يا شباب انا ضد بس اتكلم بشكل عام بحكم ان مجموعة كبيرة من العاطلين او المتقاعدين وهم صغار وكثير منهم ايحب السفر
يعني فيها تقنين العملية
هذا يمكن يجبر القطرية يفتحون طيران اسلامي او ما شابه ... اقول يمكن
بانغ بانغ
23-01-2016, 08:03 PM
للرجال فقط
يا حلاته الينوفورم فأنيله و اوزار
نفس طيران بروناي اتوقع بس اوزار محترم وكشخة ولاستيك
بانغ بانغ
23-01-2016, 08:05 PM
السعوديين والبحرينيين شغالين في هالمجال ....
مختلف جداََ
23-01-2016, 08:06 PM
يا جماعة أنا مع انه يشتغل عادي تجربة ما فيها شي دامه شغل شريف
بس والله الفتنة عظيمة
تخيلوا شاب في بداية شبابه من أرض لأرض و بنات من كل شكل و صنف و لون .
أتوقع مهما يقاوم بتجي لحظه يا يستخف يا يفلت ،
شكلي بغير رايي
بانغ بانغ
23-01-2016, 08:10 PM
يا جماعة أنا مع انه يشتغل عادي تجربة ما فيها شي دامه شغل شريف
بس والله الفتنة عظيمة
تخيلوا شاب في بداية شبابه من أرض لأرض و بنات من كل شكل و صنف و لون .
أتوقع مهما يقاوم بتجي لحظه يا يستخف يا يفلت ،
شكلي بغير رايي
هاي بوصالح اللي بعض الناس ايقيسونه بنات وسفر
بس لو تتعمق ممكن ناس تفتح بيوت من هالوظايف راتب وبدلات وتذاكر وووو
والبنات والفتنة موجودين حتى في ادارة ووزارات حكومية .... فمش مقياس
طبعا احترم رايك اخري العزيز ...
مختلف جداََ
23-01-2016, 08:22 PM
هاي بوصالح اللي بعض الناس ايقيسونه بنات وسفر
بس لو تتعمق ممكن ناس تفتح بيوت من هالوظايف راتب وبدلات وتذاكر وووو
والبنات والفتنة موجودين حتى في ادارة ووزارات حكومية .... فمش مقياس
طبعا احترم رايك اخري العزيز ...
بو فيصل
الحين بتقارن لي وحده شغاله في وزارة بوحدة كل يوم في أرض
ياخي الشيطان ما مات
وبعدين اللي بعيد عن أهله و جماعته و إيمانه ضعيف ( احتمال كبير تزل رجله ).
المشكله لو فعلا ظروفه حدته على هالشغله
من رايي يتزوج و بعدين يمسك هالشغله
Charisma
23-01-2016, 08:26 PM
مراحب بوفيصل ،
غير مؤيد لا لرجل ولا لمرأه ، السبب مب أزدراء أو نظرة دونيه ، لكن الخيارات الأخرى متاحة والموضوع فيه سعه والمواطنين قله .
سعود.
23-01-2016, 08:29 PM
لا رجال ولا نساء
الحمد الله ( أعلى دخل في العالم )
عاد من كثرنا يالقطرين . قلة الوضايف نشتغل ( سفرجية )
بانغ بانغ
23-01-2016, 08:30 PM
مراحب بوفيصل ،
غير مؤيد لا لرجل ولا لمرأه ، السبب مب أزدراء أو نظرة دونيه ، لكن الخيارات الأخرى متاحة والموضوع فيه سعه والمواطنين قله .
مرحبتين يا طيار ...
اتفق معك ... تدري ايش اللي خلاني اطرح هالموضوع من يومين قابلت شباب في عرس وتموا ايسولوفون ان ودهم يشتغلون في القطرية وبعضهم ودهم يشتغلون طيارين .... ففكرت فيها وعملت سكاننيغ scanning سريع لبعض الوظايف وجت على بالي
مختلف جداََ
23-01-2016, 08:31 PM
مراحب بوفيصل ،
غير مؤيد لا لرجل ولا لمرأه ، السبب مب أزدراء أو نظرة دونيه ، لكن الخيارات الأخرى متاحة والموضوع فيه سعه والمواطنين قله .
هلا بايلوت
في أول الموضوع كنت مؤيد
بس بعد شوية تمحيص للموضوع
غيرت رأيي خوفاً على الشباب و الشابات من الفتنة
و اسمح لي يا بايلوت حسيت من ردك ( عددنا قليل و الأمر فيه سعه) نظرة دونية
و شكراً
الدوحه1
23-01-2016, 08:31 PM
في حد منكم عنده استعداد انه يشتغل مضيف في القطريه او الفنادق؟؟؟؟
او يرضى بهالوظيفه لاحد من اهله؟
مختلف جداََ
23-01-2016, 08:32 PM
لا رجال ولا نساء
الحمد الله ( أعلى دخل في العالم )
عاد من كثرنا يالقطرين . قلة الوضايف نشتغل ( سفرجية )
ههههههههههه
أضحك الله سنك
R 7 A L
23-01-2016, 08:32 PM
اذا صارت القطرية إقطرية بطن وظهر مؤيد
دامها مضيعة الهوية القطرية غير مؤيد
مختلف جداََ
23-01-2016, 08:32 PM
في حد منكم عنده استعداد انه يشتغل مضيف في القطريه او الفنادق؟؟؟؟
او يرضى بهالوظيفه لاحد من اهله؟
أنا شخصياً لا
بانغ بانغ
23-01-2016, 08:32 PM
نفس اللي ايقول ضد عمل المرأة كممرضة او طبيبة او مدرسة جامعية
اكيد بتعالج وبتحتك بكلا الجنسين رجال وحريم
هل معناتها فاسدة ... ؟؟؟
طبعا اتكلم عام وليس شخصي
مختلف جداََ
23-01-2016, 08:33 PM
اذا صارت القطرية إقطرية بطن وظهر مؤيد
دامها مضيعة الهوية القطرية غير مؤيد
وحشتنا مداخلاتك
ممكن توضيح أكثر ؟؟
مختلف جداََ
23-01-2016, 08:35 PM
نفس اللي ايقول ضد عمل المرأة كممرضة او طبيبة او مدرسة جامعية
اكيد بتعالج وبتحتك بكلا الجنسين رجال وحريم
هل معناتها فاسدة ... ؟؟؟
طبعا اتكلم عام وليس شخصي
بو فيصل
أنا اختي ممرضة شغلها مع الحريم بشكل أساسي و منقبه في دوامها بعد .
اختي الثانية مدرسة في مستقلة
أما الدكتورة يا بخت من تكون دكتورة .
مختلف جداََ
23-01-2016, 08:36 PM
مرحبتين يا طيار ...
اتفق معك ... تدري ايش اللي خلاني اطرح هالموضوع من يومين قابلت شباب في عرس وتموا ايسولوفون ان ودهم يشتغلون في القطرية وبعضهم ودهم يشتغلون طيارين .... ففكرت فيها وعملت سكاننيغ scanning سريع لبعض الوظايف وجت على بالي
الشباب متزوجين ولا عزوب ؟؟
بانغ بانغ
23-01-2016, 08:36 PM
الشباب متزوجين ولا عزوب ؟؟
ههه عزوب
R 7 A L
23-01-2016, 08:38 PM
وحشتنا مداخلاتك
ممكن توضيح أكثر ؟؟
مايوحشك غالي
اذا فتحت القطرية المجال للصلاة
ومنعت الخمر
راح اكون مؤيد للشباب فقط طبعاً
مختلف جداََ
23-01-2016, 08:38 PM
ههه عزوب
شفت شلون ، و تقول مب فتنة
يبون ينشرون الإسلام برع صح ؟؟؟
هههههههههه
بانغ بانغ
23-01-2016, 08:44 PM
شفت شلون ، و تقول مب فتنة
يبون ينشرون الإسلام برع صح ؟؟؟
هههههههههه
ههههههه يعني انتوا لا فتنة او دعوة
شباب ... في وظايف الواحد يتمنى يترزق منها احسن من ان ايبوق
في دول خليجية شقيقة يشتغلون في محطات البترول ....
الموضوع موضوع شغل بدون اطار الفتنة ....وهاي المقصد شباب
Charisma
23-01-2016, 08:46 PM
مرحبتين يا طيار ...
اتفق معك ... تدري ايش اللي خلاني اطرح هالموضوع من يومين قابلت شباب في عرس وتموا ايسولوفون ان ودهم يشتغلون في القطرية وبعضهم ودهم يشتغلون طيارين .... ففكرت فيها وعملت سكاننيغ scanning سريع لبعض الوظايف وجت على بالي
الله يرحب بك ،
المجال مفتوح ، والدوله ماقصرت وفرت الأمكانيات والفرص ، يبقى الموضوع عند الساعي له في جده واجتهاده .
هلا بايلوت
في أول الموضوع كنت مؤيد
بس بعد شوية تمحيص للموضوع
غيرت رأيي خوفاً على الشباب و الشابات من الفتنة
و اسمح لي يا بايلوت حسيت من ردك ( عددنا قليل و الأمر فيه سعه) نظرة دونية
و شكراً
مراحب ياشيخ ،
1+1=2 ، الواحد عنده خيارات كثيره فيها مستقبل ومجال للتطوير ، " والحمدلله هذا الواقع " ، فرص دراسه وابتعاث ، فرص عمل ، فليش التفكير في وظائف لاتنافس المجالات المتوفره ؟ .
مافهمت وين النظرة الدونيه فيما ذكرت ؟
مختلف جداََ
23-01-2016, 09:27 PM
ههههههه يعني انتوا لا فتنة او دعوة
شباب ... في وظايف الواحد يتمنى يترزق منها احسن من ان ايبوق
في دول خليجية شقيقة يشتغلون في محطات البترول ....
الموضوع موضوع شغل بدون اطار الفتنة ....وهاي المقصد شباب
مجال الفتنة في هالوظيفة أكبر بكثير من أغلب الوظايف الثانية
صدقني صعب تفصلهم
رأي شخصي
مختلف جداََ
23-01-2016, 09:28 PM
الله يرحب بك ،
المجال مفتوح ، والدوله ماقصرت وفرت الأمكانيات والفرص ، يبقى الموضوع عند الساعي له في جده واجتهاده .
مراحب ياشيخ ،
1+1=2 ، الواحد عنده خيارات كثيره فيها مستقبل ومجال للتطوير ، " والحمدلله هذا الواقع " ، فرص دراسه وابتعاث ، فرص عمل ، فليش التفكير في وظائف لاتنافس المجالات المتوفره ؟ .
مافهمت وين النظرة الدونيه فيما ذكرت ؟
مجرد إحساس قد يكون خاطئ
لا تحط في بالك و أنا أخوك
بوخميس
23-01-2016, 09:39 PM
القطرية فيها 30 ألف وظيفة
تقدر تستوعب القطريين 20 سنة قدام وبدون ما يشتغلون مضيفيين
Charisma
23-01-2016, 09:52 PM
مجرد إحساس قد يكون خاطئ
لا تحط في بالك و أنا أخوك
عزيز وغالي ياشيخ ، والله يديم النعم ، ولايغير لنا حال إلا لأحسنه .
غير البشر
23-01-2016, 11:48 PM
هلا بايلوت
في أول الموضوع كنت مؤيد
بس بعد شوية تمحيص للموضوع
غيرت رأيي خوفاً على الشباب و الشابات من الفتنة
و اسمح لي يا بايلوت حسيت من ردك ( عددنا قليل و الأمر فيه سعه) نظرة دونية
و شكراً
الحين يا مختلفوووووووووووه هاااااااا :anger1:
على طاري ولدي ترا بحطك في الكيج ههههههههه
غير البشر
23-01-2016, 11:50 PM
اخوي بانغ بانغ موضوعك حلووو
والي حببني فيه اكثر عوده هالاثنين الي تحت ومابه قصور في الباقي
الحمدلله على سلامتهم :shy:
مراحب بوفيصل ،
غير مؤيد لا لرجل ولا لمرأه ، السبب مب أزدراء أو نظرة دونيه ، لكن الخيارات الأخرى متاحة والموضوع فيه سعه والمواطنين قله .
اذا صارت القطرية إقطرية بطن وظهر مؤيد
دامها مضيعة الهوية القطرية غير مؤيد
بانغ بانغ
23-01-2016, 11:58 PM
حابيب وعازيز وغالي
نتشرف بك وبهم طال عمرك
انت ترضى تشتغل مضيف على القطرية ؟
بصمة قطرية
24-01-2016, 12:18 AM
لا طبعاً ضد و بقوة ..
لا بنات و لا شباب ..
عسى ماشر مضيفين ..!!
الحمدلله أفضل الوظائف موجودة عندنا
يعني عشان بطالة نشغلهم مضيفين ..!!!!
الناس تدور الأفضل و الأرقى
من بيرضى يزوج بنته مضيف ..!!!
الدول الخليجية مستواها المعيشي المتدني هو اللي أجبرهم
على هالوظايف ..
و للأمانه يعورون القلب إنهم يشتغلون في الفنادق ..
يفتح الباب لهاي و يشيل أغراض هاي ..!!
ليش نقلل من قدر عيالنا و شبابنا خلونا نتمنى لهم الأفضل ..
وظيفة راقية تعزه و ترفع من مكانته ..
ما أعارف الوظايف البسيطة بس مش مضيف ..
ابوعلي
24-01-2016, 12:21 AM
هل ممكن ننظر نظرة ثانية
ان اذا ولد البلد اشتغل بهالمجال راح يغير فيه للأفضل ويمنع بعض الأمور المخالفة
المحاميه
24-01-2016, 12:39 AM
عادي ~
بانغ بانغ
24-01-2016, 12:59 AM
هل ممكن ننظر نظرة ثانية
ان اذا ولد البلد اشتغل بهالمجال راح يغير فيه للأفضل ويمنع بعض الأمور المخالفة
تسلم عالنظرة المحايدة والزاوية الوطنية
مشكلة بعض الناس ينظرون لها من باب المعايرة
احنا نطرح موضوع
مب شرط احنا مؤيدين او معارضين
من كم سنة البنت عيب تشتغل في القضاء ... احين عادي
الموضوع يجب ان ينظر له من زاوية الحاجة كعمل وليس امور الفتنة والبنات والخمور
عجل البنوك الربوية اسوأ
تسلم ابوعلي
mr. abdulla
24-01-2016, 05:38 AM
يمكن بعد ما يخلص البترول و الغاز
Dana’1
24-01-2016, 05:57 AM
إذا هو حاب هالشي عادي جداوالله يوفقه
مو ينحد عليها لأن ماحصل وظايف بأماكن ثانيه!!
عطيتك سؤال بالمشاركة رقم 52 يختصر الموضوع فتجاهلته انت
عموما ترا احنا مجتمع صغير جداً غير عن المجتمعات المجاورة
ف الي ما نرضاه على انفسنا مانرضاه ولا نؤيدة
بانغ بانغ
24-01-2016, 06:54 AM
عطيتك سؤال بالمشاركة رقم 52 يختصر الموضوع فتجاهلته انت
عموما ترا احنا مجتمع صغير جداً غير عن المجتمعات المجاورة
ف الي ما نرضاه على انفسنا مانرضاه ولا نؤيدة
مرحبا اخوي
اسمح لي عاد ما شفت كل الردود
عن نفسي لو اقتضت الحاجة طبعا شغله شريفة وراتبها حلال
بانغ بانغ
24-01-2016, 06:56 AM
ثاني شي اخوي حرف .... طبعا محد خرب سمعة هالمهن الا 3-4 جنسيات
فا يصير انعمم
من كم يوم اطلعت شركة اسلامية للطيران وفنادق " حلال " على قولتهم
العملية حاجة وسوق عمل
واذا انت مرتاح غيرك مش مرتاح وعنده ظروف وهاي موضوع انطرح
(((( عن نفسي طبعا اعارض وبشدة ))))
ولكني احمل هموم الوطن فقاعد افكر في الجانب المظلم من المجتمع
عددنا قليل*
والحمدلله فيه وظايف كثيرة بالحكومة للحين ماسكينها اجانب
اذا صارت الحكومة 100% يمكن بعدين انفكر ونؤيد قطريين يشتغلون فيها
بعيد النظر
24-01-2016, 07:11 AM
لا ما أيد .. طبيعة القطري ما توافق ولا تلايم ..
طبيعة الشغل .. ولا هي بآخر الوضايف الموجودة !
بانغ بانغ
24-01-2016, 07:20 AM
عددنا قليل*
والحمدلله فيه وظايف كثيرة بالحكومة للحين ماسكينها اجانب
اذا صارت الحكومة 100% يمكن بعدين انفكر ونؤيد قطريين يشتغلون فيها
صادق الله ايعز الحكومة
بانغ بانغ
24-01-2016, 07:21 AM
لا ما أيد .. طبيعة القطري ما توافق ولا تلايم ..
طبيعة الشغل .. ولا هي بآخر الوضايف الموجودة !
ههه صادق اخوي وتشرفت برأيك اللي هو من رأئي
الدكتور عزوز
24-01-2016, 07:37 AM
ما زالت الأمور بخير ولا له داعي لمثل هذي الوظايف للقطريين الرجال (أما النساء فمرفوض رفض تام)
إذا دعت الحاجة في المستقبل البعيد ليش لا
ولكن مثل ما تفضل الأخ حرف بأنه لازم الحكومة يتم تغطيتها 100% من القطريين وبعدين ممكن
عن نفسي اعتقد اني ما راح اشتغل هالوظيفة وراح ابحث عن التجارة الحرة أو غيره ولكن لو احد غيري يقدر ليش لا
مختلف جداََ
24-01-2016, 08:03 AM
بعد إذن أخوي بوفيصل
إذا الشخص ما لقى إلا هالوظيفة ( فعلياً ) .
شيسوي ؟؟
يقعد فب بيتهم و لا ينصب و يبوق !!!!
دام شغلة شريفة ليش لا .
نسمع كل يوم عن شباب عجزوا يلاقون وظيفة ( لأسباب كثيرة ).
شيسووون ؟؟؟
بانغ بانغ
24-01-2016, 08:14 AM
بعد إذن أخوي بوفيصل
إذا الشخص ما لقى إلا هالوظيفة ( فعلياً ) .
شيسوي ؟؟
يقعد فب بيتهم و لا ينصب و يبوق !!!!
دام شغلة شريفة ليش لا .
نسمع كل يوم عن شباب عجزوا يلاقون وظيفة ( لأسباب كثيرة ).
شيسووون ؟؟؟
تسلم شيخنا بوصالح
هاي المقصد
عثرة جواد
24-01-2016, 08:20 AM
السلام عليكم
الي اعرفة ان الفنادق ماتوظف القطرين حسب علمي
لانه ف وحدة قدمت هناك وردوها ....
الوظيفة لو كانت تحافظ ع القيم والدين ولا تتعارض معها
فهي باب رزق .
عساك ع القوة
الصراحة وايد انصدمت من الردود ، المضيف وظيفة زي اي وظيفة عادية احنا نخدم مراجعين في الارض وهم يخدمون مراجعين في السما ، مدري ليش حسستوني انها مهنة ممتهنة وعار وفيه نظرة دونية لمن يعمل بها وازدراء ، ليش يعني لازم القطري مايشتغل هالوظيفة ؟ يعني قبل طرحوا موضوع انه يشتغل دريول بالوزرات والمؤسسات الحكومية وقلنا لا فيه مهن ارقى من جذي ليش يشتغل سواق ، يعني اذا خريج ابتدائي ومايعرف يقرا ويكتب شنو ممكن يشتغل ؟ قطر محتاجة كل المهن يغطونها قطريين ماعدا مهن قليلة ماتصلح تكون لاهل قطر ، بس دامه شغل حلال ليش ازدريه ؟ ليش اقلل من مكانة الشخص اللي يشتغل مضيف والا اي مهنة شريفة اخرى .
يمكن التحفظ الوحيد على شغل المضيف هو تقديمه الخمور هنا نقول لا والف لا ورفض تام لهذه المهنة .
بن لادن
24-01-2016, 08:32 AM
الطيار اجنبي والمضيف قطري ؟
يعني القطري يغسل حمام الطيارة ؟
خليت اكثر من 400 مهنة في المطار واخترت مضيف او مضيفة طيران ؟
للعلم المضيف يعتبر خادم او خادمة ..
اذا 60% من الشرطة اجانب ، ابي افهم اشمعنى مضيف ؟
الله لايوليكم على اهل قطر
العنيده
24-01-2016, 08:39 AM
ممكن باستثناء انه يخدمهم بالخمر لا والف لا
غيره مب عيب وبالعكس حاله حال اي وظيفه ..
بن لادن
24-01-2016, 08:39 AM
بعد إذن أخوي بوفيصل
إذا الشخص ما لقى إلا هالوظيفة ( فعلياً ) .
شيسوي ؟؟
يقعد فب بيتهم و لا ينصب و يبوق !!!!
دام شغلة شريفة ليش لا .
نسمع كل يوم عن شباب عجزوا يلاقون وظيفة ( لأسباب كثيرة ).
شيسووون ؟؟؟
صعب جدا قطري مايلاقي وظيفة ، باب العسكرية مفتوح ، حماية بابهم مفتوح ، الشؤون يعطون 3000 ريال للعاطل ، مافي قطري مقطوع من شجرة ، والله اقعد في البيت اشرف ب 100 مرة من اني اشتغل خدام ، وللعلم مافي قطري يرضاها على قطري .
تدرون لو قطري يروح القطرية يقدم على وظيفة مضيف حتى الهنود اللي هناك ماراح يرضون عليه ، وانتوا جايين تتكلمون وتفتحون موضوع تافه وحاطيين سيناريوهات من الخيال في ردودكم .
مختلف جداََ
24-01-2016, 08:49 AM
صعب جدا قطري مايلاقي وظيفة ، باب العسكرية مفتوح ، حماية بابهم مفتوح ، الشؤون يعطون 3000 ريال للعاطل ، مافي قطري مقطوع من شجرة ، والله اقعد في البيت اشرف ب 100 مرة من اني اشتغل خدام ، وللعلم مافي قطري يرضاها على قطري .
تدرون لو قطري يروح القطرية يقدم على وظيفة مضيف حتى الهنود اللي هناك ماراح يرضون عليه ، وانتوا جايين تتكلمون وتفتحون موضوع تافه وحاطيين سيناريوهات من الخيال في ردودكم .
احشم راعي الموضوع لو سمحت ولا تقول تافه . موضوع مب عاجبك انت حر ، بس لا تغلط على الناس .
مثل ما عندك لسان عندهم لسان .
بانغ بانغ
24-01-2016, 08:51 AM
الطيار اجنبي والمضيف قطري ؟
يعني القطري يغسل حمام الطيارة ؟
خليت اكثر من 400 مهنة في المطار واخترت مضيف او مضيفة طيران ؟
للعلم المضيف يعتبر خادم او خادمة ..
اذا 60% من الشرطة اجانب ، ابي افهم اشمعنى مضيف ؟
الله لايوليكم على اهل قطر
هديت المسئوليات الأخرى ورحت للحمامات
رأيك وسمعناه
بانغ بانغ
24-01-2016, 08:53 AM
للعلم لاخونا بن لادن ( مع ان االاسم اللي مختاره فوق روسنا كلنا )
الاخ حمد الملا الرئيس التنفيذي لشركة الفنادق كان في يوم من الايام موظف استقبال في فندق واحين شوف وضعه ما شاء الله
واكبر الباكر كان موظف في القطرية واحين وزير
شبح الصمت
24-01-2016, 08:56 AM
السلام عليكم ورحمة الله وبركاته ،،،
مع كل احترامي وتقديري لك يابوبانغ
الشغل مهب عيب صدقوني ..
بس بيئة الطيران والاختلاط مع الاشكال الجميلة يمكن تتعب فيها ..
فالافضل الابتعاد واختيار الوظيفة المناسبه ..
وشكراً ..
ما انصح ضعاف القلوب ومرهفي الاحساس العمل فيها ..
:secret:
بانغ بانغ
24-01-2016, 08:59 AM
السلام عليكم ورحمة الله وبركاته ،،،
مع كل احترامي وتقديري لك يابوبانغ
الشغل مهب عيب صدقوني ..
بس بيئة الطيران والاختلاط مع الاشكال الجميلة يمكن تتعب فيها ..
فالافضل الابتعاد واختيار الوظيفة المناسبه ..
وشكراً ..
ما انصح ضعاف القلوب ومرهفي الاحساس العمل فيها ..
:secret:
حابيب وغالي يا بوشبيح الحلو
ههههههههههههههههه بيئة جميلة ؟ صدقني احيانا اتشوف اشكال اتخرع
الحياة الخالدة
24-01-2016, 09:05 AM
السلام عليكم و رحمة الله
أحييك أخوي بانغ بانغ و جميع من شارك و أبدى رأيه بكل احترام
رأيي الخاص اللي ما يلزم أحد باتباعه : طالما المهنة بعيدة عن المحاذير الشرعية بمعنى الحلال و الحرام
فلا أرى فيها مشكلة إذا اضطر ابن البلد أو ابنتها لامتهانها
وظيفة حلال أفضل بكثير من العيش على أكتاف الآخرين أو التوسل و التسول
عندنا مرجعية دينية من القرآن و السنة تغنينا و تفصل لنا في كل الأمور المختلف عليها
تحياتي للجميع
مختلف جداََ
24-01-2016, 09:07 AM
حابيب وغالي يا بوشبيح الحلو
ههههههههههههههههه بيئة جميلة ؟ صدقني احيانا اتشوف اشكال اتخرع
بو فيصل وين أشكال تخرع
إلا منقينهم عالفرازة .
الله المستعان
مختلف جداََ
24-01-2016, 09:08 AM
السؤال اللي يطرح نفسه :
هل الوحده ممكن تتزوج مضيف طيران ؟؟
طبعا من بعد اذن صاحب الموضوع .
شبح الصمت
24-01-2016, 09:08 AM
بس خلنا نشوفها بنظرة بعيده اشوي يا بانغ بالذات العمل في مجال الطيران ..
المضيف وقته مهب له تخيل وضعك مش مستقر يعني كل يومين او ثلاثة او ما اعرف اشلون تسافر ..
اذا متزوج اشلون بتباري هلك واشلون عيالك واشلون شغلك ..
يعني الوظيفة يمكن تصلح لشباب ما تزوجو بس بعد مسكين بيفكر انه بيتزوج .
نبي نسال ناس في هالمجال مثل اخوي الغالي بايلوت ويجاوبنا هل اهو مرتاح من الطيران ..
واشلون قاعد ينسق ويرتب وقته مع
اهله
عمله
ربعه
والله يوفق الجميع
بانغ بانغ
24-01-2016, 09:15 AM
السلام عليكم و رحمة الله
أحييك أخوي بانغ بانغ و جميع من شارك و أبدى رأيه بكل احترام
رأيي الخاص اللي ما يلزم أحد باتباعه : طالما المهنة بعيدة عن المحاذير الشرعية بمعنى الحلال و الحرام
فلا أرى فيها مشكلة إذا اضطر ابن البلد أو ابنتها لامتهانها
وظيفة حلال أفضل بكثير من العيش على أكتاف الآخرين أو التوسل و التسول
عندنا مرجعية دينية من القرآن و السنة تغنينا و تفصل لنا في كل الأمور المختلف عليها
تحياتي للجميع
بيض الله وجهك مشرفتنا ... هاي الكلام اللي ما بعده كلام
السؤال اللي يطرح نفسه :
هل الوحده ممكن تتزوج مضيف طيران ؟؟
طبعا من بعد اذن صاحب الموضوع .
ماظنتي حتى الي هنا في هالموضوع مؤيدين لايجيهم مضيف يخطب بناتهم قبضوه الباب هذا اذا ما تطنزوا عليه
مختلف جداََ
24-01-2016, 09:43 AM
ماظنتي حتى الي هنا في هالموضوع مؤيدين لايجيهم مضيف يخطب بناتهم قبضوه الباب هذا اذا ما تطنزوا عليه
صدقت .
ماظنتي حتى الي هنا في هالموضوع مؤيدين لايجيهم مضيف يخطب بناتهم قبضوه الباب هذا اذا ما تطنزوا عليه
بما إني مؤيدة ، اذا كان المتقدم مضيف وبعيد عن كل المحاذير الشرعية اللي نبهت لها الاخت الحياة الخالدة ماراح اقبضه الباب بالعكس بارحب فيه بس اهم شي يكون مصلي ومسمي وقايم بواجبات ربه
JN000N
24-01-2016, 10:02 AM
ضد .. ولو وافقت بيكون للذكور دون الاناث
وشكرا
بما إني مؤيدة ، اذا كان المتقدم مضيف وبعيد عن كل المحاذير الشرعية اللي نبهت لها الاخت الحياة الخالدة ماراح اقبضه الباب بالعكس بارحب فيه بس اهم شي يكون مصلي ومسمي وقايم بواجبات ربه
احنا نتكلم عن الواقع هل المحاذير الشرعية موجودة ؟
احنا نتكلم عن الواقع هل المحاذير الشرعية موجودة ؟
وانا اتكلم لو وجدت ، ومحد يدري سبب توجه هالقطري لهالمهنة مع وجود محاذير شرعية ، احتمال مثل اللي يشتغل ببنوك ربوية نفس الامر ، مايخلي نفسه يتسول لانه ماحصل الا مهن في بنك ربوي او مهنة مضيف طيران ولما الله يفرجها عليه اكيد مارح يستمر وبيحاول انه يخلص نفسه من هالامر ، والدين فيه سعة بهالامر
مختلف جداََ
24-01-2016, 10:06 AM
بما إني مؤيدة ، اذا كان المتقدم مضيف وبعيد عن كل المحاذير الشرعية اللي نبهت لها الاخت الحياة الخالدة ماراح اقبضه الباب بالعكس بارحب فيه بس اهم شي يكون مصلي ومسمي وقايم بواجبات ربه
ضوى إنتي قطرية ؟؟
ضوى إنتي قطرية ؟؟
ايه قطرية
وهالشي ماله علاقة برايي في الموضوع ، هذي قناعات
مختلف جداََ
24-01-2016, 10:09 AM
ايه قطرية
وهالشي ماله علاقة برايي في الموضوع ، هذي قناعات
رحم الله والديج
بانغ بانغ
24-01-2016, 10:19 AM
رأئي من رأي اخواتي ضوى والحياة
وانا اتكلم لو وجدت ، ومحد يدري سبب توجه هالقطري لهالمهنة مع وجود محاذير شرعية ، احتمال مثل اللي يشتغل ببنوك ربوية نفس الامر ، مايخلي نفسه يتسول لانه ماحصل الا مهن في بنك ربوي او مهنة مضيف طيران ولما الله يفرجها عليه اكيد مارح يستمر وبيحاول انه يخلص نفسه من هالامر ، والدين فيه سعة بهالامر
لو من عمل الشيطان
و وضع البنوك يختلف فيه اسلامية وفيه ربويه
لكن الوضع الحالي الراهن للمضيف عندنا الكل يعرفه
بانغ بانغ
24-01-2016, 10:55 AM
من 30 سنة من كان يرضى يتزوج وحدة اتسوق او تشتغل او او او
من 30 سنة من كانت ترضى تتزوج مغني او ممثل او او او
المعايير اختلفت والمسئوليات تنوعت والعالم اصبح اكثر معرفة عن الاولويات والمسئوليات المنوطة
يعني كل واحد قام ايعرف الوضع عن طريق السوشل ميديا
واتمنى صراحة مداخلة استاذتنا مختلفة عقليا لانها مدربة دولية وتعرف السلوكيات والاولويات... وبتفيدنا لان اتدرب ناس من مختلف المستويات
لو من عمل الشيطان
و وضع البنوك يختلف فيه اسلامية وفيه ربويه
لكن الوضع الحالي الراهن للمضيف عندنا الكل يعرفه
في قاعدة فقهية تقول الضرورات تبيح المحضورات
ya3coub
24-01-2016, 11:28 AM
يعتمد
للشاب اي عادي مافيها شي طالما يشرط عليهم انه ما بيقدم الخمر او شي محرم.
و يقدر يكون اكثر من شي, حاله حال الطيار دريول جوي <<< مع احترامي لأخوي بايلوت و ربعي و المقربين يعرفون بهالوصف الي دايم اوصفهم فيه.
البنت قطرية لاااااا و الف لااااا تشتغل عالطيارة بس ممكن تشتغل فالمدرج و ممكن مهندسة طيران او مسؤوولة سلامة تجيك و توقع على إقلاع الطيارة او حتى نظلفتها من الداخل قبل ما يدخلون الركاب. في اشياء كثيييييرة ممكن يسونها البنات فالمطار و حول الطيارات غير انهن يكونون عالطيارة.
من الجهة الأخرى فالفنادق مع ان الموظفات يكونون قطريات و حتى الشباب بس التفكير الي اهني بأن اي شي فيه فنادق يعني دعارة
ترا احنا احسن من غيرنا بواااااااااااايد و لله الحمد بس ما يعني انه ما نشتغل هالشغلات.
باحد الدول الخليجية المجاورة الي يقارنون قطر فيها كثير بناتهم يشتغلون كاشير فالجمعية انصدمت و انحرجت و ما عرفت شنو اقولها
لقمة العيش مو عيب صحيح ما على اهالينا قاصر بس لين متى البنت او الشاب يوصل 29 سنة و ليلحين ياخذ مصروف من اخوانه و والدينه و قاعد بطالي والله عيب.
سوائا عندك او ما عندك شهادة. قووم تحرك و اشتغل على نفسك كمل ثنويتك لو مسائي, اشتغل لو بدون ثنوية استلم راتب و اصرف على نفسك مصروفك يكون من حركتك من روحتك و جيتك مو قاعد فالبيت.
في ناس مدري اشلون تفكر مرتاحين و الله يديم الراحة بس لين متى ما يفكرون فيوم من الأيام يبي يتزوج يبي يكون عنده عيال. أشلون و اهو موب مسؤول على روحه ولا يقدر يسوي او يتحرك لأبسط شي حق نفسه .!!!!
اخ يعقوب
ردك رد حكيم جدا وعجبني وايد لانه من شاب في مقتبل العمر وهذي نظرته
Charisma
24-01-2016, 11:40 AM
اخوي بانغ بانغ موضوعك حلووو
والي حببني فيه اكثر عوده هالاثنين الي تحت ومابه قصور في الباقي
الحمدلله على سلامتهم :shy:
الله يسلمك ، والبركه فيك وفي بقية الأعضاء .
بس خلنا نشوفها بنظرة بعيده اشوي يا بانغ بالذات العمل في مجال الطيران ..
المضيف وقته مهب له تخيل وضعك مش مستقر يعني كل يومين او ثلاثة او ما اعرف اشلون تسافر ..
اذا متزوج اشلون بتباري هلك واشلون عيالك واشلون شغلك ..
يعني الوظيفة يمكن تصلح لشباب ما تزوجو بس بعد مسكين بيفكر انه بيتزوج .
نبي نسال ناس في هالمجال مثل اخوي الغالي بايلوت ويجاوبنا هل اهو مرتاح من الطيران ..
واشلون قاعد ينسق ويرتب وقته مع
اهله
عمله
ربعه
والله يوفق الجميع
مراحب اخوي شبح ،
الجواب نسبي ، يختلف من شخص لاخر ، وفي الأخير هي وظيفة تحتاج لكوادر وطنيه ، حالها حال أي وظيفة أخرى في بعض القطاعات واللي تتطلب منك التغيب وفي المقابل التعويض .
جواب اخر مبسط ، نعم عندك الوقت لكل ماذكرت ، وفي بعض الأحيان " بزياده" .
*رأي شخصي.
مختلف جداََ
24-01-2016, 11:42 AM
يعتمد
للشاب اي عادي مافيها شي طالما يشرط عليهم انه ما بيقدم الخمر او شي محرم.
و يقدر يكون اكثر من شي, حاله حال الطيار دريول جوي <<< مع احترامي لأخوي بايلوت و ربعي و المقربين يعرفون بهالوصف الي دايم اوصفهم فيه.
البنت قطرية لاااااا و الف لااااا تشتغل عالطيارة بس ممكن تشتغل فالمدرج و ممكن مهندسة طيران او مسؤوولة سلامة تجيك و توقع على إقلاع الطيارة او حتى نظلفتها من الداخل قبل ما يدخلون الركاب. في اشياء كثيييييرة ممكن يسونها البنات فالمطار و حول الطيارات غير انهن يكونون عالطيارة.
من الجهة الأخرى فالفنادق مع ان الموظفات يكونون قطريات و حتى الشباب بس التفكير الي اهني بأن اي شي فيه فنادق يعني دعارة
ترا احنا احسن من غيرنا بواااااااااااايد و لله الحمد بس ما يعني انه ما نشتغل هالشغلات.
باحد الدول الخليجية المجاورة الي يقارنون قطر فيها كثير بناتهم يشتغلون كاشير فالجمعية انصدمت و انحرجت و ما عرفت شنو اقولها
لقمة العيش مو عيب صحيح ما على اهالينا قاصر بس لين متى البنت او الشاب يوصل 29 سنة و ليلحين ياخذ مصروف من اخوانه و والدينه و قاعد بطالي والله عيب.
سوائا عندك او ما عندك شهادة. قووم تحرك و اشتغل على نفسك كمل ثنويتك لو مسائي, اشتغل لو بدون ثنوية استلم راتب و اصرف على نفسك مصروفك يكون من حركتك من روحتك و جيتك مو قاعد فالبيت.
في ناس مدري اشلون تفكر مرتاحين و الله يديم الراحة بس لين متى ما يفكرون فيوم من الأيام يبي يتزوج يبي يكون عنده عيال. أشلون و اهو موب مسؤول على روحه ولا يقدر يسوي او يتحرك لأبسط شي حق نفسه .!!!!
رأي من ذهب
في قاعدة فقهية تقول الضرورات تبيح المحضورات
هذا في الدول الاخرى
اخنا في قطر عددنا قليل والوظايف كثيرة ولله الحمد
بانغ بانغ
24-01-2016, 11:46 AM
اخونا يعقوب اصلا ردوده ومشاركاته كلها متزنه ... حتى لو خالفنا
طبعا للاخوان والاخوات ... القصد انا ما اقتصرت على هالجهتين حصرا في الطرح ... ممكن انقيس اي وظيفة نعتقد انها غريبة في اي مجال
فالجميع له الحق ان يتطرق لاي محور من المحاور
مهندسة - طبيبة - عالمة - ...... او مذيع او ممثل او مندوب
Charisma
24-01-2016, 11:48 AM
.
و يقدر يكون اكثر من شي, حاله حال الطيار دريول جوي <<< مع احترامي لأخوي بايلوت و ربعي و المقربين يعرفون بهالوصف الي دايم اوصفهم فيه.
https://s-media-cache-ak0.pinimg.com/236x/6c/f8/d9/6cf8d9a82c4560e76d980ec6874443b0.jpg
هذا في الدول الاخرى
اخنا في قطر عددنا قليل والوظايف كثيرة ولله الحمد
عددنا قليل بالنسبة للاجانب بس بالنسبة للبلد لا مب قلة احنا ، مافي افضلية خاصة مع الظروف الأخيرة
اخونا يعقوب اصلا ردوده ومشاركاته كلها متزنه ... حتى لو خالفنا
طبعا للاخوان والاخوات ... القصد انا ما اقتصرت على هالجهتين حصرا في الطرح ... ممكن انقيس اي وظيفة نعتقد انها غريبة في اي مجال
فالجميع له الحق ان يتطرق لاي محور من المحاور
مهندسة - طبيبة - عالمة - ......
ممكن تقارن وظيفة مصمم ازياء مع وظيفة مضيف طيران ؟؟
احد منكم بيتحمل هالمقارنة ..؟
لطيف الروح
24-01-2016, 11:50 AM
شيبان اهل قطر من بدوي و احضري الي أخير و افضل منا اشتغلوا عمال في الشركات الأجنبية أيام الفقر
الله يرحم الميت منهم و يعطي الحي منهم طولت العمر على طاعة الله
الحمد لله على نعمة الأمن و الأمان و الصحة و العقل
عددنا قليل بالنسبة للاجانب بس بالنسبة للبلد لا مب قلة احنا ، مافي افضلية خاصة مع الظروف الأخيرة
عددنا قليل للبلد
بلد بهذا الحجم جغرافياً وبهذا الحجم اقتصادياً عددنا قليل
ولو اقتصرت فقط فقط واعيد واكرر فقط الوزارات الحكومية للقطريين بتكفيهم وزيادة وبيكون فيه شواغر
لكن عدد الاجانب في الحكومة اكثر من المواطنين وقد تكون دولتنا المتصدرة في هذا الشي
بريق الحق
24-01-2016, 11:53 AM
في ناس تجوف مثل هذي الشغلات مش مناسبه له ومن حقه يقول اسرح الغنم واشتغل فالعزبه ابرك من هذي الاماكن
هذي وجهة نظر
نعم الرجال يشتغل اي شغله حلال وماتغضب رب العالمين ومايقول الضروره تبيح المحظورات واذا البديل موجود ومتوفر
اخوي بريق انا ماقلت الضرورة تبيح المحضور الا في حالة عدم توافر فرص بديلة ومحد يدري بظروف الناس ، بيوم رفضت واحد لانه يشتغل ببنك ربوي مع وجود فرص عمل اخرى هنا اقولك الحرام حرام مافي تجزئة لهالشي
mr. abdulla
24-01-2016, 12:11 PM
ممكن تقارن وظيفة مصمم ازياء مع وظيفة مضيف طيران ؟؟
احد منكم بيتحمل هالمقارنة ..؟
و الله كلامك ممتاز... لو سألت حد ممكن القطري يصمم أزياء حريم او يرتب أعراس ... كان العالم رفضت الفكرة و استنكرت الموضوع ... و اليوم شوف الوضع
اخوي بريق انا ماقلت الضرورة تبيح المحضور الا في حالة عدم توافر فرص بديلة ومحد يدري بظروف الناس ، بيوم رفضت واحد لانه يشتغل ببنك ربوي مع وجود فرص عمل اخرى هنا اقولك الحرام حرام مافي تجزئة لهالشي
و الله كلامك ممتاز... لو سألت حد ممكن القطري يصمم أزياء حريم او يرتب أعراس ... كان العالم رفضت الفكرة و استنكرت الموضوع ... و اليوم شوف الوضع
الوضع الحين شنو ؟
قطري يفصل فساتين زفاف وكوش افراح واسعاره بالملايين ويفصل ملابس مناسبات هاي بنظركم احسن والا مضيف يقدم خدمة للركاب من ضيافة وخلافه ؟
ya3coub
24-01-2016, 12:19 PM
https://s-media-cache-ak0.pinimg.com/236x/6c/f8/d9/6cf8d9a82c4560e76d980ec6874443b0.jpg
و انشاء الله دووم كويسين
والله مشتاقلك أخوي بايلوت و لمشاركاتك
و مواضيعك المميزة الي تطرحها
و الناس تناقش و تحط الحلول و الألية لها.
و بخصوص الوصف أغلب ربعي فالطيران بين مهندسين و بين امن و ادارة
و أخو دنياي و اقرب شخص لي بهالكون طيار
يعني عارف جداولكم و الروستر عندي أول بأول حاطه بالكلندر بجوالي اعرف رحلاته ههههههه.
الله يوفقكم يا رب و ترا هالوصف دعابة من سنة 2008 لما دخل يدرس طيران و انا ماسكها عليه و على الطيارين اتمنى ما يكون فيها حساسية او مضايقة
بريق الحق
24-01-2016, 12:22 PM
ضوى اسف مافهمت
فرص العمل في اماكن الحلال متوفرة بكثره بعكس اماكن الشبهه ضيقه
لكن العقليه عند البعض عيب بسبب المسمى الوظيفي هذي مشكله للامانه
مخطط قطري
24-01-2016, 12:32 PM
اول شي حرام عمل المراه في هالمكان لاحد يقعد يبرر ويشط ع الموضوع هذا باب مغلق ولانقاش فيه مب على كيفنا مؤيدين او غير مؤيدين نجي للرجل القطري منقود وعيب يشغل مضيف هذا اذا قطري بيور لانه لاعادتنا ولا تقاليدنا تسمح بههالنوع من الوظايف فبالتالي انا غير مؤيد تماما لهالامر هذا من الناحيه الاجتماعيه
ومن الناحيه الدينيه احب اذكركم جميعا انه القطريه بكل اسف اقولها تقدم الخمور مجانا في جميع رحلاتها الا المتجهه جده(ماشاءالله عليهم) ولاتنسون انه 10 ملعنوين في مساله الخمر وبعدين مب على كيفه يرفض هو مضيف مهمته يقدم الطعام والشراب للمسافرين ماله حق يعترض فدينيا وهو فوق العادات والتقاليد مايجوز شرعا
mr. abdulla
24-01-2016, 12:45 PM
الوضع الحين شنو ؟
قطري يفصل فساتين زفاف وكوش افراح واسعاره بالملايين ويفصل ملابس مناسبات هاي بنظركم احسن والا مضيف يقدم خدمة للركاب من ضيافة وخلافه ؟
أتكلم عن نظرة المجتمع ... الناس كانت تستنكر الرجل القطري يفصل ملابس نسائية و يرتب ورد و كوش افراح.. و اليوم نوعا ما صار المجتمع متقبِّل للموضوع او بالأحرى لا يستنكر المهنة... و صار القطري يعني بأفراح حريم و صار عارض أزياء و موديل و يا كثرهم ...
اليوم نحن كمجتمع نستنكر القطري يعمل في فندق او مطبخ او مضيف فالطائرة ... و لكن مع الوقت المجتمع راح يتقبل الموضوع .... و أتكلم عن المضيف او الفندق اللي ما يتطلب من القطري انه يتعامل مع المحرمات كالخمور..
اما سالفت الملايين ماله دخل .. فالعيب عيب.. و البركة في المهايط اللي عندنا مش في فنهم او عملهم
مخطط قطري يعني بديت العرف والمجتمع على الدين !!
qatara
24-01-2016, 12:56 PM
اذا الشي مهب حرام وعيب
فما المانع
لاكن
اذا الشغله عيب كمثال شي يخص النساء ويشتغل فيها الرجل مش حرام لاكن عيب
والمراه كذالك اذا مجال العمل يخص الرجال وتخالطهم بترقيعه المحترمه محترمه
بن لادن
24-01-2016, 12:59 PM
احشم راعي الموضوع لو سمحت ولا تقول تافه . موضوع مب عاجبك انت حر ، بس لا تغلط على الناس .
مثل ما عندك لسان عندهم لسان .
ماغلطت على حد وانا لو قلت الموضوع تافه ماله خص راعي الموضوع فالتفاهه .
هديت المسئوليات الأخرى ورحت للحمامات
رأيك وسمعناه
للعلم لاخونا بن لادن ( مع ان االاسم اللي مختاره فوق روسنا كلنا )
الاخ حمد الملا الرئيس التنفيذي لشركة الفنادق كان في يوم من الايام موظف استقبال في فندق واحين شوف وضعه ما شاء الله
واكبر الباكر كان موظف في القطرية واحين وزير
سواء موظف فالقطرية ولا موظف استقبال ولا حتى لو يغسل الطيارة كلهم عاديية ، ماتوصل مثل مهنة الخادم ، مضيف طيران مجرد مسمى لكن واقع المهنه خادم ، وكل اللي اقوله الله يحشم اهل قطر عن هالوظيفة ، خدمة لتقديم الاكل والمشروبات وتنظيف الطيارة والله يعزكم الحمامات.
عندك مليونين وربع اجنبي فالبلاد كلهم يشتغلون ، والقطريين ماوصلون ربع مليون ، يعني عدد الاجانب يتعدى 400% اضعاف القطريين ، الوظائف موجوده لكن المطلوب تحرك المسؤوليين ، والشباب صار كل همهم مرشح ضابط ، محد يرضى بالرتب الاقل والمهن الثانية .
بانغ بانغ
24-01-2016, 01:04 PM
ماغلطت على حد وانا لو قلت الموضوع تافه ماله خص راعي الموضوع فالتفاهه .
سواء موظف فالقطرية ولا موظف استقبال ولا حتى لو يغسل الطيارة كلهم عاديية ، ماتوصل مثل مهنة الخادم ، مضيف طيران مجرد مسمى لكن واقع المهنه خادم ، وكل اللي اقوله الله يحشم اهل قطر عن هالوظيفة ، خدمة لتقديم الاكل والمشروبات وتنظيف الطيارة والله يعزكم الحمامات.
عندك مليونين وربع اجنبي فالبلاد كلهم يشتغلون ، والقطريين ماوصلون ربع مليون ، يعني عدد الاجانب يتعدى 400% اضعاف القطريين ، الوظائف موجوده لكن المطلوب تحرك المسؤوليين ، والشباب صار كل همهم مرشح ضابط ، محد يرضى بالرتب الاقل والمهن الثانية .
صح كلامك واتفق معك في مجمله
بصمة قطرية
24-01-2016, 01:09 PM
ماغلطت على حد وانا لو قلت الموضوع تافه ماله خص راعي الموضوع فالتفاهه .
سواء موظف فالقطرية ولا موظف استقبال ولا حتى لو يغسل الطيارة كلهم عاديية ، ماتوصل مثل مهنة الخادم ، مضيف طيران مجرد مسمى لكن واقع المهنه خادم ، وكل اللي اقوله الله يحشم اهل قطر عن هالوظيفة ، خدمة لتقديم الاكل والمشروبات وتنظيف الطيارة والله يعزكم الحمامات.
عندك مليونين وربع اجنبي فالبلاد كلهم يشتغلون ، والقطريين ماوصلون ربع مليون ، يعني عدد الاجانب يتعدى 400% اضعاف القطريين ، الوظائف موجوده لكن المطلوب تحرك المسؤوليين ، والشباب صار كل همهم مرشح ضابط ، محد يرضى بالرتب الاقل والمهن الثانية .
صح لسانك
هاي اللي قلته و قصدته في ردي ..
الحمدلله بلادنا في خير
و أحسن الوظايف عندنا و مثل ما قلت
أغلب خريجين الثانوية يتمنون مرشح ضابط
عيالنا أغلبهم خذوا الترشيحة و يدرسون برع
ليش أجي و أشجع ولدي مثلاً لو قال أبي أصير مضيف
لا والله بقول له صير أحسن من ضيف
إش ينقصه عشان يكمل دراسته و إذا ما كمل
الوظائف الحكومية متوفرة ..
بن لادن
24-01-2016, 01:31 PM
يعتمد
و يقدر يكون اكثر من شي, حاله حال الطيار دريول جوي <<< مع احترامي لأخوي بايلوت و ربعي و المقربين يعرفون بهالوصف الي دايم اوصفهم فيه.
اكثر الشباب حلمهم يكونون طياريين ، من اسبوع كنت عند دكتور وقالي انا كان حلمي اكون طيار ومازال حلمي .. وطبعا ابديت له استغرابي وقلت له انت دكتور وتناقشت معاه ...
يمكن تشبيه الطيارة المدنية كباص والطيار سائق باص والمهندسيين انقولهم ميكانيكيين من باب المزح ، لكنها فعليا من اصعب الدراسات ومن اصعب المهن ، كفاية شايل وراك اكثر من 300 روح ..
وسبحان الله الطيار الحربي اللي شغلته أسهل من الطيران المدني بمراحل وبدون مقارنة ماينقال عنه دريول ..
mr. abdulla
24-01-2016, 01:38 PM
اخوي بن لادن طيار الحربي fighter jet pilot اصعب بمراحل من طيار عادي civil aviation pilot ... و شروط الطيار الحربي صارمة ...
جبر ال جبر
24-01-2016, 01:50 PM
انا اؤيد يكون القطري مضيف عادي مب عيب ولا حرام وبعدين دراسه الطيران الحربي ماتقل صعوبه عن المدني اتفق مع اخر رد
captin
24-01-2016, 02:47 PM
لابد بيجي وقت وتتغير النظرة لمثل هاذي الوظائف في المستقبل.
قبل عشرين ثلاثين سنة كان ينظر لعمل المرأة في غير قطاعي التعليم والصحة من اكبر المنكرات.
الحين ما شاء الله النساء تدير اعمال وتسافر وتشتغل مهندسة في مصنع غاز ومصنع المومنيوم
وتروح ورش عمل برع وتدخل في مجالات الاتصالات وغيرها من امور كثيرة وصارت هاذي الامور مقبولة
في المجتمع وعند الناس. هاذي دورة طبيعية في المجتمعات الى ان يصل المواطن انه يعمل في كل القطاعات.
من الطبيعي في بلد مثل قطر وبمستوى دخل عالي جدا للمواطن ووجود بدائل وفرص كثيرة ما راح
نلقى اقبال على مهنة الضيافة الخدمة الجوية وهذا طبيعي في باقي دول الخليج ما عدا البحرين وعمان اللي نلقى عندهم عدد من
المواطنين يشتغلون في هاذي المجالات بسبب عدم توفر الفرص مثل باقي الدول الخليجية .
ولا ننسى ان في كثير من الشباب والبنات هوايتهم وحبهم لمجال الطيران كبير جدا والحين نشوف شباب
قطريين دخلوا العمل كطيارين ومساعدين طيارين ومهندسين وايضا شفنا عدد من البنات التحقوا بالقطرية في المجال الهندسي
وبالتدريج راح نشوف دخول البعض ربما الى قطاع الخدمة سواء الارضية او الجوية من يدري.
عموما وظيفة الخدمة الجوية من الوظائف اللي ما تستقطب الشباب والخريجين الجدد على مستوى العالم بسبب المشقة والعناء
والجهد و عدم الاستقرار , لاحظت شركات الطيران الامريكية بالذات وبعض الشركات الأوروبية مثل البريطانية والفرنسية لوفتهانزا الالمانية
معظم مضيفينهم كبار في السن وبعضهم تجاوز الستين بسبب عدم دخول الشباب عندهم ورغبتهم العمل في مجال الضيافة الجوية.
سعود.
24-01-2016, 03:51 PM
اها يعني تخيلو قطري مضيف في طيارة .
وينادية شخص ويقولة : لو سمحت جيب واحد خمر ؟؟؟
انا عني لا اقبلها علي اي قطري .
qatara
24-01-2016, 04:20 PM
لابد بيجي وقت وتتغير النظرة لمثل هاذي الوظائف في المستقبل.
قبل عشرين ثلاثين سنة كان ينظر لعمل المرأة في غير قطاعي التعليم والصحة من اكبر المنكرات.
الحين ما شاء الله النساء تدير اعمال وتسافر وتشتغل مهندسة في مصنع غاز ومصنع المومنيوم
وتروح ورش عمل برع وتدخل في مجالات الاتصالات وغيرها من امور كثيرة وصارت هاذي الامور مقبولة
في المجتمع وعند الناس. هاذي دورة طبيعية في المجتمعات الى ان يصل المواطن انه يعمل في كل القطاعات.
من الطبيعي في بلد مثل قطر وبمستوى دخل عالي جدا للمواطن ووجود بدائل وفرص كثيرة ما راح
نلقى اقبال على مهنة الضيافة الخدمة الجوية وهذا طبيعي في باقي دول الخليج ما عدا البحرين وعمان اللي نلقى عندهم عدد من
المواطنين يشتغلون في هاذي المجالات بسبب عدم توفر الفرص مثل باقي الدول الخليجية .
ولا ننسى ان في كثير من الشباب والبنات هوايتهم وحبهم لمجال الطيران كبير جدا والحين نشوف شباب
قطريين دخلوا العمل كطيارين ومساعدين طيارين ومهندسين وايضا شفنا عدد من البنات التحقوا بالقطرية في المجال الهندسي
وبالتدريج راح نشوف دخول البعض ربما الى قطاع الخدمة سواء الارضية او الجوية من يدري.
عموما وظيفة الخدمة الجوية من الوظائف اللي ما تستقطب الشباب والخريجين الجدد على مستوى العالم بسبب المشقة والعناء
والجهد و عدم الاستقرار , لاحظت شركات الطيران الامريكية بالذات وبعض الشركات الأوروبية مثل البريطانية والفرنسية لوفتهانزا الالمانية
معظم مضيفينهم كبار في السن وبعضهم تجاوز الستين بسبب عدم دخول الشباب عندهم ورغبتهم العمل في مجال الضيافة الجوية.
يعني مع الزمن تتغير المنكرات وتصبح مباحه
الله المستعان
الله يقبضنا اليه غير مفتونين بهل الدنيا وخرابها
Qtr37
24-01-2016, 04:20 PM
ما راح اقول اني مؤيدة او معارضه،، لكن الرجل اذا بيشتغل مضيف ، يعني بيخدم من؟؟ مواطنين ولا اجانب؟؟ :)
هناك فرق!!
رجل مثالي
24-01-2016, 04:37 PM
ممكن العمل في المطار في جوازات الدخول والخروج من دخول الطائرات وعند الخروج او وقت الوصول في الجوازات اوتعمل في قسم تفتيش المطار فرع النساء فقط وهناك الكثير من الوظائف في المطار دون الضيافة في الطائرات وفي الفنادق ممكن في قسم الحجوزات وجميع الأقسام في الفندق دون العمل في خدمة الغرف هناك الكثير من الأقسام في الفندق مثل قسم الادارةًالمالية وأقسام هامه اخرى كثيرة وقسم الترجمة وأقسام اخرى
بن لادن
24-01-2016, 05:45 PM
اخوي بن لادن طيار الحربي fighter jet pilot اصعب بمراحل من طيار عادي civil aviation pilot ... و شروط الطيار الحربي صارمة ...
الطيار المدني كدراسة تاخذ على الاقل 3 سنوات وماتقل ساعاته عن 1200 ساعه ، ولما يتوظف يدخل ويتعلم على نوع الطيارة اللي راح يطير فيها في الشركة بيدخل كورس تايب ريتنق لايقل عن 6 شهور وفيه تفاصيل الطيارة ممكن انقول قطعه قطعه ، وراح يطبق بالتفصيل الممل كل عمليات الطوارء والهبوط في اصغر واكبر مدرجات وحتى الهبوط فالماء وراح يحرقون عليه المحركات ويطفونها وبيكسرون عليه جزء من الجناح او يوقفونه ( كل هالامور في السوميليتر ) .. لاسيما الامور الملاحية والتخطيط لها ووضع مطارات احتياطية في منتصف الرحلة في حالة وجود حالة طارئة .
الطيار الحربي يتخرج في سنه وبالكثير سنه ونص ، وبيدوام وبيطير وهو معاه اقل من 200 ساعه ، بيتعلم فيها التهديف واستعمال الاسلحة اكثر من الطيران نفسه ، الطيرات الحربية فيها سوبركمبيوتر للطيران ولتعديل نفسها فالازمات ، فيها جيكت سيت للهروب في حالة الطوارئ ، الشروط الصارمة هي امور جسدية ونفسية عشان يتحمل الـ جي فورس والحركات البهلوانية .
جيبوا طيار حربي وطيار مدني وخل يتواجهون وكل واحد يسال الثاني سؤال يخص الطيران ، وبتشوفون الفرق في المعلوات وكيفية الشرح بالتفصيل للطيار التجاري .
بانغ بانغ
24-01-2016, 05:49 PM
الطيار المدني كدراسة تاخذ على الاقل 3 سنوات وماتقل ساعاته عن 1200 ساعه ، ولما يتوظف يدخل ويتعلم على نوع الطيارة اللي راح يطير فيها في الشركة بيدخل كورس تايب ريتنق لايقل عن 6 شهور وفيه تفاصيل الطيارة ممكن انقول قطعه قطعه ، وراح يطبق بالتفصيل الممل كل عمليات الطوارء والهبوط في اصغر واكبر مدرجات وحتى الهبوط فالماء وراح يحرقون عليه المحركات ويطفونها وبيكسرون عليه جزء من الجناح او يوقفونه ( كل هالامور في السوميليتر ) .. لاسيما الامور الملاحية والتخطيط لها ووضع مطارات احتياطية في منتصف الرحلة في حالة وجود حالة طارئة .
الطيار الحربي يتخرج في سنه وبالكثير سنه ونص ، وبيدوام وبيطير وهو معاه اقل من 200 ساعه ، بيتعلم فيها التهديف واستعمال الاسلحة اكثر من الطيران نفسه ، الطيرات الحربية فيها سوبركمبيوتر للطيران ولتعديل نفسها فالازمات ، فيها جيكت سيت للهروب في حالة الطوارئ ، الشروط الصارمة هي امور جسدية ونفسية عشان يتحمل الـ جي فورس والحركات البهلوانية .
جيبوا طيار حربي وطيار مدني وخل يتواجهون وكل واحد يسال الثاني سؤال يخص الطيران ، وبتشوفون الفرق في المعلوات وكيفية الشرح بالتفصيل للطيار التجاري .
يعطيك العافية اخوي شكلك طيار ..
mr. abdulla
24-01-2016, 06:06 PM
ههههه اخوي بن لادن احرجتني بمعلوماتك ... لحظة بفتح الجيكت سيت و بنسحب
بن لادن
24-01-2016, 06:20 PM
يعطيك العافية اخوي شكلك طيار ..
الله يعافيك ياطويل العمر ، بس العب فلاي سيموليتر فالبيت .
بن لادن
24-01-2016, 06:24 PM
ههههه اخوي بن لادن احرجتني بمعلوماتك ... لحظة بفتح الجيكت سيت و بنسحب
عزيز وغالي ياطويل العمر وهذي معلومات عامة يالشيخ ، مع الأستعانه بـ جوجل ..
الحاقول
24-01-2016, 07:43 PM
المضيف = خادم او خادمه
ونحن نكرم القطريين عن العمل في تلك المهن
إمــا قطـــر فوق والا مالنا خانه.
بانغ بانغ
24-01-2016, 08:00 PM
الرسول صلى الله عليه وسلم اشتغل في الرعي وبعض الانبياء عليهم الصلاة والسلام اشتغلوا في حرف بسيطة
بعض رؤساء الدول اشتغلوا في مهن عادية قبل الترشح للرئاسة
بعض الشخصيات العالمية كانوا فيما مضى بسطاء في مهنهم
اعيال امراء وشيوخ امتهنوا وظائف عادية كجنود او موظفين في بلدانهم
بعض الاعضاء حسسوني ان القطري اما مستواه وظيفة مرموقة او قاعد في بيته امعزز امكرم
في ناس من هل قطر واعيال قبايل شغالين سكيوريتيه .... او موظفي استقبال في جهات حكومية وغيرها
احمدوا النعم ولا اتعايرون اللي قدره حطه في الطيران او الفنادق او مندوب او مراسل او او او
منطق غريب
قال تعالى ... " وقل اعملوا فسيرى الله عملكم ورسوله والمؤمنون " صدق الله العظيم
aloosh
24-01-2016, 08:31 PM
لا اويد
كلها تبيع خمور ونسبه الدخل من الخمر
راجي الْعفو
24-01-2016, 08:40 PM
مساك الله بالخير يا شيخ المشايخ
الاخوان كفوا و وفوا في الآراء
وانا أميل الى عدم الموافقة
لان بيئة العمل غير صالحة
ولوجود فرص كثيره
تحياتي الليلية
بانغ بانغ
24-01-2016, 08:44 PM
مساك الله بالخير يا شيخ المشايخ
الاخوان كفوا و وفوا في الآراء
وانا أميل الى عدم الموافقة
لان بيئة العمل غير صالحة
ولوجود فرص كثيره
تحياتي الليلية
هلا بشيخنا .... سلام الله عليك
انت وين مختفي عاد تذكرتك وانا في الw ...
سعود.
24-01-2016, 09:29 PM
الرسول صلى الله عليه وسلم اشتغل في الرعي وبعض الانبياء عليهم الصلاة والسلام اشتغلوا في حرف بسيطة
بعض رؤساء الدول اشتغلوا في مهن عادية قبل الترشح للرئاسة
بعض الشخصيات العالمية كانوا فيما مضى بسطاء في مهنهم
اعيال امراء وشيوخ امتهنوا وظائف عادية كجنود او موظفين في بلدانهم
بعض الاعضاء حسسوني ان القطري اما مستواه وظيفة مرموقة او قاعد في بيته امعزز امكرم
في ناس من هل قطر واعيال قبايل شغالين سكيوريتيه .... او موظفي استقبال في جهات حكومية وغيرها
احمدوا النعم ولا اتعايرون اللي قدره حطه في الطيران او الفنادق او مندوب او مراسل او او او
منطق غريب
قال تعالى ... " وقل اعملوا فسيرى الله عملكم ورسوله والمؤمنون " صدق الله العظيم
الامثلة الي ذكرتها صحيحة واتفق معك بس ؟؟
هل كان وضعهم وقتها نفس وضع المواطن القطري الان ؟
( الأعلى دخل في العالم ) وعددنا ماتعدى نص مليون ؟
الشغل مب عيب بس سالفة اني اصب قهوة وشاي ( سفرجي )
مايقبلها اي قطري . الحمد الله الدولة مب مقصرة بشي .
مدري ليش طرت علي قصة ( مملكة سبآ ) ؟؟
Charisma
24-01-2016, 09:35 PM
و انشاء الله دووم كويسين
والله مشتاقلك أخوي بايلوت و لمشاركاتك
و مواضيعك المميزة الي تطرحها
و الناس تناقش و تحط الحلول و الألية لها.
و بخصوص الوصف أغلب ربعي فالطيران بين مهندسين و بين امن و ادارة
و أخو دنياي و اقرب شخص لي بهالكون طيار
يعني عارف جداولكم و الروستر عندي أول بأول حاطه بالكلندر بجوالي اعرف رحلاته ههههههه.
الله يوفقكم يا رب و ترا هالوصف دعابة من سنة 2008 لما دخل يدرس طيران و انا ماسكها عليه و على الطيارين اتمنى ما يكون فيها حساسية او مضايقة
شهاده وأعتز فيها من أمثالك ياخوي يعقوب ،، والله يديم المحبه والخوة بينكم .
الله يوفقك ويبلغك ماتتمنى .:victory:
راجي الْعفو
24-01-2016, 09:35 PM
هلا بشيخنا .... سلام الله عليك
انت وين مختفي عاد تذكرتك وانا في الw ...
هلا وغلا استاذنا
وعليكم السلام و رحمة الله و بركاته
اسمحلي والله منشغل شوي عنكم
واضحك الله سنك
عاد دبليو ^_^
راعي الكورفت
24-01-2016, 09:47 PM
الشغل الشريف مش عيب لكن لو سالت اي مواطن عن سبب امتناعه عن هالشغلات بيكون رده
( عيب القطري يشتغل في هالوظايف) :)
khalid525
25-01-2016, 01:42 AM
الاسباب الاقتصادية هي الفيصل في مثل هذه المواضيع ، وحاليا ما فيه سبب اقتصادي يخلي المواطن يشتغل بمثل هالمهن ، ولا من مصلحة البلد ان المواطنين الاقلية يشتغلون بمهن يدوية في هذا الوقت لاننا محتاجين عدد كبير من المواطنين فقط لكي يسدوا الوطائف التي يعمل فيها الاجانب ، لكن ان زاد عدد القطرين او نقص دخل الدوله لا سمح الله بعدها راح تحصل المواطن والمواطنة يشتغلون في اي وظيفة ، وياليت نتذكر ايام الفقر كيف ابائنا واجدادنا اشتغلوا عمال في شل (شركة البترول) ولا احد كان يشوف ان هذي الوظيفة فيها اهانه .
مختلف جداََ
25-01-2016, 06:33 AM
قطر تبنى بسواعد أبنائها .
كل حسب مؤهله و خبرته و الفرص المتاحة أمامه .
(( و لكل مجتهد نصيب ))
Boost
25-01-2016, 07:31 AM
بما ان سوق العمل مفتوح للقطريين للشباب من الجنسين ...
كثير منهم يرفضون وظائف معينة بحجج مختلفة ،
وبعدين ايقولون بطالة مقنعة ...
العمل كمضيفين او في الفنادق ... اصبح حكرا على الاجانب ...
وذلك بسبب عزوف المواطنين عن بعض المهن الحيوية ...
فهل تؤيد هذه النوعية من الوظائف في هالظروف الحساسة سواء للبنت او الرجل !!!!!
المفروض يكون على عددنا القليل ونسبتنا المتواضعة في البلاد وفرص التعليم والتطوير المتاحة
لأ
الله مكثر الخير, لكن اللي يرفضون الفرص بدون سبب ويرفضون تطوير أنفسهم ويتركون الدراسة بدون مبرر وفقط بسبب الكسل أو التخاذل يتحملون اللي يجيهم
طبعا هالكلام اللي فوق كله إنساه لأن أي شخص عنده إلتزامات مستحيل يقدر يكمل دراسته وخاصة إن الدراسة محتكرة على المتفرغين عندنا :) يعني إذا تبي تشتغل وتدرس في نفس الوقت بخلاف باقي دول العالم المتقدمه والمتخلفه إحنا عندنا عراقيل داخليه والجهات الحكوميه متعسفه من هالناحية والفرص المتاحة "فعليا" صارت شبه معدومه
عسكريه ومش حالك :weeping:
CH Engineer
26-01-2016, 04:44 PM
مدراء ورؤساء أقسام في القطرية وفي الفنادق
عدد القطريين مب كبير ماله داعي ينزلون فالسلم الوظيفي لتحت
Powered by vBulletin® Version 4.2.5 Copyright © 2024 vBulletin Solutions Inc. All rights reserved.