رسائل دعائيه بالغصب !!!!!!

[MAZEN37]

السلام عليكم
الرسائل اللدعائيه الي تجي عن طريق التلفون ما تعتبر تعدي ؟
اذا كلمت اوريدو يوقفونها يقولك ما نقدر
طيب حلو
اذا هالرسايل من غير طلب او موافقه مني
من الجهه المسؤله هل اوريدو او حماية المستهلك او قسم الجرائم الالكترونيه ؟
احد مختص او يعرف وين اروح ؟
لاحد يقولي اسوي وقف لجميع الرسايل هذا حل متعب

[ضوى]

ايه والله بالغصب شي ينرفز

المشكلة حتى اشعارات تويتر قامت تجيني مسج اشلون مدري

[معماري قطري]

من تجيك رسالة سو بلوك أو طنش انا شكثر ما اقراهم حتى

[Riku3]

المشكلة مرات تسمع صوت رنة المسج وتطنش من كثر هالاعلانات .

[ya3coub]

اليوم من الصبح وطني الحبيب يتكلمون عن هالشي


و ابشركم اتصلت

و الطريقه

بدال البلوك


ترسلون مسج على 92600
و تكتبون فيه unsub all

بتوصلكم رساله بأن تم إلاغاء الإشتراك <<<< الي من الأصل انا ما طلبته

و بتوقف كل الإعلانات ان شاء الله

الكل قايم عليهم اليوم عالراديو


للعلم مسجات مطراش و اوريدو ال مختصه فيك كمشترك
و حتىالعيادات الي يرسلون لرقمك مو للكل بتم توصل ان شاء الله

و ننطر و انشوف اذا في اعلانات او لا بتوصل

[بانغ بانغ]

انا ذبحتي الافريقان ( المشايخ السحرة ) استانس يوم يتصلون اخليهم ايبربرون ساعه وعقب اصارخ في اذانيهم واسكر في ويههم

[مختلف جداََ]

انا ذبحتي الافريقان ( المشايخ السحرة ) استانس يوم يتصلون اخليهم ايبربرون ساعه وعقب اصارخ في اذانيهم واسكر في ويههم

هههههههه
قسم بالله ضحكت و مالي خلق أضحك

[قلب الحدث]

نزل برنامج truecaller وفي للرسائل وعمل بلوك للي تبيه وريح راسك

[qatara]

انا ذبحتي الافريقان ( المشايخ السحرة ) استانس يوم يتصلون اخليهم ايبربرون ساعه وعقب اصارخ في اذانيهم واسكر في ويههم

جننه الي قالك انا اعرفك قوله وش اسمي اسائله

اسئله مجهوله بيعصب عليك بيعرف انك صايد السالفه

خخخخخ

بس تحمل يقولون بعضهم يسحر بالصوت لعنهم الله

[بانغ بانغ]

جننه الي قالك انا اعرفك قوله وش اسمي اسائله اسئله مجهوله بيعصب عليك

خخخخخ

بس تحمل يقال بعضهم يسحر بالصوت لعنهم الله

هههههههههههه

شنو ؟ يسحر بالصوت ؟ اعنبوا دي جي مب ساحر هههههههه

[حرف]

ليش مكبرين السالفه
اعداد بسيطة من الرسايل شنو بتضر عليكم

[دايموند]

هاي هالموضوع يهون..اللخين فجأه يوصلك مسج وتفتحه تلاقي مكتوب تم تفعيل اشتراكك في خدمه مادري شنو قيمه الاشتراك 10 ريال اسبوعيا !!!انزين متى اصلا انا طلبت اني اشترك بالاساس!!!!والله نصب

[qatara]

هههههههههههه

شنو ؟ يسحر بالصوت ؟ اعنبوا دي جي مب ساحر هههههههه

أي تطور سحري شتفكر ماعندهم تطور
حتا بالصوره فتكنولوجيا عندهم
اكيد الحين وصلت للصوت

4g

خخخخ

والله يخوي مثل ما سمعنا من البعض انه يسحرون بالصوت

والله العالم

[Right]

المشكلة الأدهى والأمر أن عميل أورديو يتفاجأ بصدور فاتورة بها خدمات لم يطلبها العميل أبداً


وتحسب الرسوم عليها، مثل: Information and Fun - Mozaic Mobile Portal


والتي تحدث لي بكل فاتورة وهي للمرة الخامسة على التوالي ، الله يستر من السادسة :weeping:


وعند التواصل مع أوريدو ، يقولون: هذا طرف ثالت أنت يالعميل اشتركت معهم !!


بالرغم أنني لا أعلم من هو الطرف الثالث ، ولم اشترك بخدمة من الأصل !!


أين حماية العميل يا أورديو ؟!


الشيء الغريب أن أوريدو تبي تصير شركة عالمية ، والخدمات عندها تعبانة جدا !

[معماري قطري]

انا ذبحتي الافريقان ( المشايخ السحرة ) استانس يوم يتصلون اخليهم ايبربرون ساعه وعقب اصارخ في اذانيهم واسكر في ويههم

بيشكون إن السحر إنقلب عليهم زين تسوي

[سليمان احمد]

على فكره شركه اوريدو تستغفل العملاء وتحديدا هو

انه بامكان اي شخص لديه شركه او مؤسسه ان يقدم دعايه عن طريق شركه اوريدو

وهي عن طريق ان الشخص صاحب المؤسسه يتفق مع اوريدو على ارسال رسائل دعائيه

ويختار اللغه والفئه والعدد ويتم ارسالها من قبل سيرفر اوريدو وليس سيرفر الشركه واعني بذلك

الدعايات اللي تاتيك على رقمك الخاص بطريقه مباشره دون تزويد الشركه بالرقم

وانا اتحدى اوريدو بذلك لانها من خلال ردودها في كثير من الردود تفيد ان بامكان الشخص

ان يعمل بلوك على الارقام لعدم استقبال رسائل وهذا معروف ولكن بالنسبه للدعايات والاتصالات الخارجيه

المشكله في الدعايات الداخليه واختراق خصوصيات المشتركين عن طريقكم انتم وبشكل مدفوع فانت تدفع لهم

في بدايه الاشتراك وكذلك يعملون عروض للاشتراك للشركات بارقام العملاء وهذا بحد ذاته استغلال ومخالفه

لانك كشركه ومزود للخدمه لم تحافظ على خصوصيتي كعميل بل اكبر من ذلك استخدام رقمي والسماح لاي شركه

ان ترسل لي دعايه وهنا تكمن المشكله وانا اتحدى بذلك احد من شركة اوريدو ان ينكر هذا الشي ومن يريد ان يتاكد

يتصل على شركة اوريدو عن طريق خدمة العملاء ويطلب خدمه الاعلان للشركات للعملاء سيتم تحويلك على قسم

المعني بذلك ويتم التنسيق معاك على الطريقه اللي تريد ان تعلن فيها سواء باللغه واليوم والوقت والعدد وووووو

انا الان في امريكا لي اكثر من ثلاث شهور ومنذ اشتركت في خدمه التي موبايل لم تصلني ولارساله دعائيه واحده

عن طريق اي شركه عن طريق الشركه المزوده بسبب ان الشركه لاتبني ارباحها على حساب العميل بل تبني ارباحها

من كسب العميل والاتصال الداخلي مجانا والرسائل مجانا

فلماذا يا اريدو هذا الاستغلال والاسوأ من الاستغلال الاستغفال عن طريق بيع قاعده البيانات للعملاء لمن اراد من

الشركات واختراق خصوصياتنا من اجل كسب المال على حساب استغلالنا

[Boost]

السلام عليكم
الرسائل اللدعائيه الي تجي عن طريق التلفون ما تعتبر تعدي ؟
اذا كلمت اوريدو يوقفونها يقولك ما نقدر
طيب حلو
اذا هالرسايل من غير طلب او موافقه مني
من الجهه المسؤله هل اوريدو او حماية المستهلك او قسم الجرائم الالكترونيه ؟
احد مختص او يعرف وين اروح ؟
لاحد يقولي اسوي وقف لجميع الرسايل هذا حل متعب

الخدمه مقدمه منهم وكانت يتم الإعلان عنها للشركات في فرع كيوتل اللاندمارك قبل أكثر من 10 سنين قدام عيني وفي الفرع اللي كان قدام الميغا مارت إذا تذكرون ميغامارت اللاند
طبعا ما كانت عن طريق موظفين كيوتل نفسهم لكن موظفين دعايه وأظن كان عليها إشتراك لمره واحده 10 الاف ريال

والحين يقولون ما نقدر :) لأن الخدمه مقدمه منهم بإشتراك والشركات تدفع فلوس عليها

يعني كذابين ويرسلون لك راسيل مزعجه وإذا تبي توقفها بيتهربون

[Boost]

انا ذبحتي الافريقان ( المشايخ السحرة ) استانس يوم يتصلون اخليهم ايبربرون ساعه وعقب اصارخ في اذانيهم واسكر في ويههم

وبعدين إقعد إشتك من الطبوب والسحور اللي صارت لك

ياخي لا ترد عليهم :eek5: أي رقم من افريقيا = سكر الخط وبلوك على طول

[بانغ بانغ]

وبعدين إقعد إشتك من الطبوب والسحور اللي صارت لك

ياخي لا ترد عليهم :eek5: أي رقم من افريقيا = سكر الخط وبلوك على طول


ههههههههههههههههههههههههههههه

المشكلة الربع ايردون عليهم وايسلموني الخط

احين مب هاي المشكلة , كتارا ايقول ايسوون سحر بالصوت ...

والله بلشة

[ya3coub]

تلفوني مقطوع !!!!

اليوم برجعلهم اتفاهم او برد حق فودافون عالأقل قوداقون كل شهر و ترك الواحد يجيك الفاتورة و يدقق وراهم هذولة اصلن قاتورة ما يطلعون انطر لين ما تطلع بالتاريخ الفلاني و ادفع حاليا و بس :anger1:
عمره ما انقطعت فاتورتي الحين مرتين مع هالأوريدووو

[شبح الصمت]

وعليكم السلام ورحمة الله وبركاته ،،

موضوعك صحيح ما اعرف من يعطيهم ارقامنا ..

اتوقع الضرب عشوائي يصير والارسال

عندك قاعدة بيانات بالارقام بس send

وسندر العالم ..

وشيء ثاني الاتصال من بعض الفنادق والعروض الي ما لها لزمه والحاح وتعال شارك معانا ولك عروض ولك ..
وتقول لهم مابي ويردون بعد فترة يتصلون فيك !!


بالغصب والا شالسالفه . !!؟

[الحياة الخالدة]

بس الشي الزين ان قام يطلع اسم البلد تحت الأرقام الغريبة اللي يكلمونا منها

[بونووف]

اليوم من الصبح وطني الحبيب يتكلمون عن هالشي


و ابشركم اتصلت

و الطريقه

بدال البلوك


ترسلون مسج على 92600
و تكتبون فيه unsub all

بتوصلكم رساله بأن تم إلاغاء الإشتراك <<<< الي من الأصل انا ما طلبته

و بتوقف كل الإعلانات ان شاء الله

الكل قايم عليهم اليوم عالراديو


للعلم مسجات مطراش و اوريدو ال مختصه فيك كمشترك
و حتىالعيادات الي يرسلون لرقمك مو للكل بتم توصل ان شاء الله

و ننطر و انشوف اذا في اعلانات او لا بتوصل

مشكلة unsub all يلغي لك كل المسجات من غير تحديد
ومن المسجات اللي احتاجها ارامكس ومسجات تذكير المواعيد للعيادات الخاصه وغيرها

[نعيمه علي]

اليوم من الصبح وطني الحبيب يتكلمون عن هالشي


و ابشركم اتصلت

و الطريقه

بدال البلوك


ترسلون مسج على 92600
و تكتبون فيه unsub all

بتوصلكم رساله بأن تم إلاغاء الإشتراك <<<< الي من الأصل انا ما طلبته

و بتوقف كل الإعلانات ان شاء الله

الكل قايم عليهم اليوم عالراديو


للعلم مسجات مطراش و اوريدو ال مختصه فيك كمشترك
و حتىالعيادات الي يرسلون لرقمك مو للكل بتم توصل ان شاء الله

و ننطر و انشوف اذا في اعلانات او لا بتوصل


انا جربت وارسلت هالمسج ولا في فايده للحين تجينا المسجات

[ضوى]

مشكلة unsub all يلغي لك كل المسجات من غير تحديد
ومن المسجات اللي احتاجها ارامكس ومسجات تذكير المواعيد للعيادات الخاصه وغيرها

لا ماتنلغي

انا لاغيتها ومسجات ارامكس ومواعيدي تجيني عادي حتى المحلات اللي حطيت رقمي عندهم تجيني منهم للحين

[بونووف]

لا ماتنلغي

انا لاغيتها ومسجات ارامكس ومواعيدي تجيني عادي حتى المحلات اللي حطيت رقمي عندهم تجيني منهم للحين

جربتها في 2014 حتى مسجات الخدمه الوطنيه ماكانت توصلني ..

اي الارقام اللي تسجلين عندهم بعد العمليه توصلج مسجاتهم

[المحاميه]

هي جات عالرسايل

سو بلوك حق هالرقم وخلاص


شوف اللي يسون دعايات فالمجمعات
غصب توقف وتشوف وغصب تاخذ!!

خير؟

[PowerQ]

ياخوي انا كل يومين تجيني اتصالات من السنقال ونيجيريا وقبل امس جايني اتصال من روسيا وانت زعلان على مسجات لاراحت ولاجات..
المشكلة ماعرف من اللي قاص عليهم ومعطيهم رقمي وقايل لهم عندي فلوس

[المحاميه]

^

نفس الحاله
بس طنش

هم ماواصلوا هالسالفه الا لان فيه ناس انقص عليها وعطوهم اللي يبون

[ya3coub]

مشكلة unsub all يلغي لك كل المسجات من غير تحديد
ومن المسجات اللي احتاجها ارامكس ومسجات تذكير المواعيد للعيادات الخاصه وغيرها

حسب كلامهم لا لأن ارامكس و العيادات و مطراش و الخ بيطرشون على رقمك انت فقط

اذا قصدك إعلانات ارامكس صحيح المفروض ما توصل

بس الي فهمته بأنه الإعلانات العامة الي تروح لمجموعه كبيرة من الناس

بينما المسجات المختصة لرقم جوال معين لا المفروض توصلك





انا جربت وارسلت هالمسج ولا في فايده للحين تجينا المسجات

مرحبا اختي غريبة انا من امس ولا مسج وصلني الصبح بعد ما سويت الحركة
و بانتظار بحاول امر اذا عندي عيادة او اي شي ابي اتأكد من مسج المواعيد يوصل او لا

[MAZEN37]

يااا اوريدو مطلوب منكم فقط تعديل السيستم بحيث اقدر افتح هالنوع من الرسايل واعمل بلوك
لانه هالرسايل تجيك من جهة باسم ونحاول نفتح الاعداد الخاص بها وما تقدر توقف اوتحطه رقم عشوائي