رسالة لوزير/ وزيرة الصحة

[لـبـيـه]

قبل تدخل المركز الصحي وزحمه وطابور وتعالج اسنانك بنفس اليوم وتطلع

الحين نفس المرض ونفس المركز ونفس المريض وتدخل المركز 1/1/2016 ويعطونك موعد 1/3/2016

باختصار

نظام قديم ونخلص ونعالج بنفس الوقت ولانظام جديد ومانخلص ولانعالج الى بعد شهرين وزود

[ضوى]

لا ويوم تدش المركز تلقاه فاضي وكل طبيب يتكلم مع ممرضاته

[Riku3]

صح وكان في رقم خاص للقطريين ويدخلونك تاخذ رقم قبل العالم الي واقفه .. اهم شي توصل قبل الساعة 4 بدقايق .. وبهالحالة اي مواطن يقدر يعالج اسنانة بنفس اليوم !! ..

النظام كله سيء ومثله مثل كل الانظمة الي يخترعونها ربعنا فجأة ويتمون معاندين الا تنجح المبادرة حتى لو كل الناس يذمون فيها !! .. حتى الدكاترة نفسهم مب عاجبهم الوضع ..

من فترة ارتفعت حرارتي .. اتصلت قالوا موعدك بكره .. قلت معليه نستحمل .. رحت الموعد وللاسف مثل النظام السابق .. 5 دقايق الا يقولك الدكتور روح الصيدلية (دقيقة للكشف و4 دقايق يدخل الوصفة في الكمبيوتر) ..

خذت الادوية يومين ما جابت نتيجة .. اتصلت قالوا موعدك بكره .. رحت الموعد بالادوية الا الدكتور الجديد يقولي لا وقف هالادوية مالها دخل في حالتك .. وكتبلي وصفه جديدة وبإذن الله طبت نفس اليوم :rolleyes2: ..

[لـبـيـه]

لا ويوم تدش المركز تلقاه فاضي وكل طبيب يتكلم مع ممرضاته

والله كلامج صحيح والكل لاحظ هلشي

لانه المريض يوصل وياخذ موعد ويضطر يرجع البيت ومايستحمل المرض ويروح عياده خاصه ويهمل موعده

والدكاتره ابد خاصه مال الاسنان حتى نفسياتهم تغيرت

[ضوى]

اتفق معاك والله شوف عيوني شفتهم فاضين ويوم سالت قالوا لي مواعيد انزين وينهم وين المرضى ؟

[شبح الصمت]

اخبر الطبيب موجود لراحة المريض


سبحان الله


ما نعرف هالمواعيد اشلون تنعطى وما نبي ندخل في الذمم
بالذات مواعيد الاسنان حطو نفس قبل كروت او ارقام
ويحددون في اليوم عدد معين للدكتور ويفتك ..
اما موعد وضرسك ضارب عليك وإلا انتظر لين يجي دورك صراحة
مالك الا فلوسك ويجردونك المستشفيات الخاصة

[سليمان احمد]

احيانا بعض محاولات تطبيق انظمه بحجة انها مطوره تعقد الوضع اكثر

النظام قديم كان زين وسلس والامور ماشيه حتى وان كان فيه زحمه على الاقل

فيه دوران للعجله الحين انظمه واليات عمل وتطوير في كل شي الا الاهم وهو الناتج او المحصله كما يسمونها

لذلك انا اعتقد والله اعلم بعد فتره سنسمع بالغاء هذا النظام في المستقبل بعد ما يتم التاكد فعلا انه فاشل

[الحياة الخالدة]

المشكلة الحقيقية هي إن بعض الأنظمة يتم تغييرها لأن أصحاب القرار وجدوا أنها ماشية و ناجحة في دول أخرى
فحبوا يطبقونها عندنا
لكن الخلل يكمن في أن تلك الدول تطبق نظام معين أو برنامج في نطاق منظومة كاملة متكاملة .. بمعنى عندها المؤهلات اللي تضمن سير العمل بطريقة صحيحة ترضي الزبون أو المستهلك أو المريض في حالتنا هاذي

لكن عندنا يطبقون و في أشياء كثيرة ناقصة تعيق تطبيق النظام بالصورة الجميلة اللي شافوها برا
نواقص في الخطوات المؤدية للنظام النهائي : ابتداء من أصغر إلى أكبر موظف في المنظومة
يعني الأساس اللي قاعدين يبنون عليه ضعيف و متهالك
فمستحيل يتحمل البنيان فوقه

[لـبـيـه]

استغرب ليش نظام المواعيد في مركز صحي

اذا هم حابين يدخلون نظام المواعيد للي يبي المواعيد يعملون ايام معينه وبلمساء للمواعيد

اما مريض وياخذ موعد ليش طالب مقابلة وزير ترى مريض ويبي علاج وكل الوقت الي بياخذه مابين خمس الى ربع ساعه عند الدكتور واخرتها ترى بندول وبروفين

[لـبـيـه]

والمصيبه رقم للرسبشن ورقم للحراره ورقم للدكتور ورقم للصيدليه يعني تطلع عينك لين تخلص هذا مب تطور هذا تاخر

[لـبـيـه]

كنت في تايلند وصدفه مرضت ودخلت المستشفى الامريكي الساعه 4 العصر بدون موعد والمستشفى يجونه من كل دول العالم وزحمه المهم دخلت 4 العصر

سويت اشعه ودخلت الدكتور وخذت الادويه و 5.30 انا راجع فندقي

[عثرة جواد]

قبل كم ميوم رحت المركز الصحي مريت بروتين من رقم ونتظار


المهم الرقم ف الشاشة يبين ف 3 قدامي وانا انطر اشوي والا اطلعت الدكتورة تنادي با الاسم

هاي يدل ع ان النظام من غير دراسة والا حتى متابعة ...

ع ساك ع القوووة

[بانغ بانغ]

والمصيبه رقم للرسبشن ورقم للحراره ورقم للدكتور ورقم للصيدليه يعني تطلع عينك لين تخلص هذا مب تطور هذا تاخر

حشا كراج مب مركز طبي ..

صحيح خاصة عندنا في الوكرة ... اتدش مكتب الcia اسهل خاصة في الاسنان صار لي كم يوم اتألم ومشيت عيادة خاصة وارتحت ( الله ايخلي اكسا )

مستغرب لين مافي عيادات تخصصية في كل مركز لهل قطر

[مختلف جداََ]

قبل كم ميوم رحت المركز الصحي مريت بروتين من رقم ونتظار


المهم الرقم ف الشاشة يبين ف 3 قدامي وانا انطر اشوي والا اطلعت الدكتورة تنادي با الاسم

هاي يدل ع ان النظام من غير دراسة والا حتى متابعة ...

ع ساك ع القوووة

أختي وين المشكلة انها تنادي بالإسم ؟؟

[عثرة جواد]

أختي وين المشكلة انها تنادي بالإسم ؟؟


ههههههه

الأرقام ماتمشي لانها با المواعيد فهمت ....

[حرف]

صحيح ان النظام ما اعجبني
بس شالفرق حالياً بينهم وبين العيادات الخاصة الي ندفع فيها فلوس لازم يكون فيه موعد مسبق

[لـبـيـه]

صحيح ان النظام ما اعجبني
بس شالفرق حالياً بينهم وبين العيادات الخاصة الي ندفع فيها فلوس لازم يكون فيه موعد مسبق

ب الاشهر ؟؟

[بن غيث]

حسبي الله ونعم الوكيل ..

[الدكتور عزوز]

قبل تدخل المركز الصحي وزحمه وطابور وتعالج اسنانك بنفس اليوم وتطلع

الحين نفس المرض ونفس المركز ونفس المريض وتدخل المركز 1/1/2016 ويعطونك موعد 1/3/2016

باختصار

نظام قديم ونخلص ونعالج بنفس الوقت ولانظام جديد ومانخلص ولانعالج الى بعد شهرين وزود

المفروض والشي الطبيعي إن المريض اللي مستعد انه ياخذ موعد وينتظر انه يروح للعيادات الخارجية في مستشفى حمد وينتظر المواعيد ونظامهم الفاشل

في المركز الصحي ليش الموعد؟

وليش التخبط في عمل أنظمة المواعيد

يعني مثلا في مركز الريان الصحي مافيه تفضيل بين المواطن والمقيم ارقامنا وحدة وننتظر مع بعض ، لكن لو في نفس اليوم تروح مركز الغرافة الصحي فيه أولوية للقطريين ونظام الارقام الخاصة بالمواطنين تختلف ومواعيدهم اسرع

قرارات خاطئة وتنفيذ سيء للقرارات

المفروض المركز الصحي تروح وتخلص امورك وتطلع وانتهى الموضوع بلا مواعيد بلا غيره اللي يبي موعد ويقدر ينتظر الموعد يدل العيادات الخارجة في مستشفى حمد

[الحياة الخالدة]

النظام ممكن يطبق على الأمور و الحالات القابلة للانتظار
لكن مريض يعاني و يتألم ليش نلعوزه و نعطيه مواعيد ؟؟!!

[المحاميه]

انزين
شلون يعني يعطوني موعد بعد شهرين؟ مافي استثناءات مافي طواري؟
لو حاله مستعجله؟

[بوخميس]

انزين
شلون يعني يعطوني موعد بعد شهرين؟ مافي استثناءات مافي طواري؟
لو حاله مستعجله؟

عادي أنا كنت في مستشفى الوكرة محول من الطواري (عاجل)

عطوني موعد بعد شهرين وشوي، قلت لهم خلوه لكم

الله يخلي نسيم الربيع

[لـبـيـه]

الله المستعان

نتمنى الحل السريع

[ضوى]

طالبين لي موعد ارجنت لرميلة

اليوم اتصلوا فيني قالوا لي الموعد شهر 9

[لـبـيـه]

طالبين لي موعد ارجنت لرميلة

اليوم اتصلوا فيني قالوا لي الموعد شهر 9

شر البليه مايضحك

[بانغ بانغ]

لوزيرة الصحة ....

[لـبـيـه]

لوزيرة الصحة ....

لوزيرة الصحه ولاتزعل مع اني موضوعي قبل تغير الوزير

على العموم اتمنى تصحيح الي حاصل في المراكز الصحيه من نظام المواعيد

لانه من غير المعقول 90 % من المرضى غير راضيين عنها وخل نقول في ناس راضيه لاكن الاغلبيه العظمى غير راضيه

ياوزيرة الصحه الي يدخل المركز مادخله عشان ياخذ موعد دخل عشان ياخذ علاج

تريحون الموظفين والدكاتره والمريض يزيد مرضه وتزيد معاناته عيل نغير مسمى المركز الصحي الى مركز نقاهه

[بانغ بانغ]

لوزيرة الصحه ولاتزعل مع اني موضوعي قبل تغير الوزير

على العموم اتمنى تصحيح الي حاصل في المراكز الصحيه من نظام المواعيد

لانه من غير المعقول 90 % من المرضى غير راضيين عنها وخل نقول في ناس راضيه لاكن الاغلبيه العظمى غير راضيه

ياوزيرة الصحه الي يدخل المركز مادخله عشان ياخذ موعد دخل عشان ياخذ علاج

تريحون الموظفين والدكاتره والمريض يزيد مرضه وتزيد معاناته عيل نغير مسمى المركز الصحي الى مركز نقاهه



لا طال عمرك نقزة للوزارة

افا عليك موضوعك مهم جدا يخوي

[بانغ بانغ]

نقزة والله

[R 7 A L]

فعلاً التأخير بالمواعيد اكبر مشكلة يعاني منها هذا القطاع

[شيخ الديرة]

الله يكون بعون الوزيرة, التوظيف متوقف, الرواتب نقصت, مشاريع متوقفة, السكان يزيدون, ونريد خدمات متطورة.

مستشفى الوكرة جاهز من 3 سنين, ولحد الأن ما متوفر الكادر الكافي للأستفاده منه, والسدرة قصة أطول بعد

[نايم سهران]

المدير الي اقترح نظام المواعيد والنظام الجديد في المراكز الصحيه مفروض إعدام على طول من غير تهاون ،،

كل من مسك منصب قام يألف ويخربط على كيفه ،،

مسوين نظام الحالات الحرجه والحالات العاديه ،،

يا متخلف يا معاق يا صاحب النظام الجديد ،، عمرك شفت أحد بيروح المركز الصحي وبتكون حالته حرجه !!!!

الحالات الحرجه دايما يتوجهون حق الطوارئ مافي شي اسمه حاله حرجه وجاي مركز صحي ،،

قسم بالله كل الدكاتره قاعدين ع الفاضي وسوالف مع الممرضات ومع ربعهم وشاي وخرابيط !!!!

رجعوا لنا النظام القديم وريحونا ،،،

نتمنى من الوزير الجديد إرجاع النظام القديم ومحاسبة المتخلف صاحب التأليف الجديد

وشكرا

[لـبـيـه]

هدي اعصابك يانايم وباذن الله تقوم من النوم وتشوف كل شي احسن وماخذ المسار الصحيح ونتامل خير في الدكتوره حنان

[معماري قطري]

المشكلة الحقيقية هي إن بعض الأنظمة يتم تغييرها لأن أصحاب القرار وجدوا أنها ماشية و ناجحة في دول أخرى
فحبوا يطبقونها عندنا
لكن الخلل يكمن في أن تلك الدول تطبق نظام معين أو برنامج في نطاق منظومة كاملة متكاملة .. بمعنى عندها المؤهلات اللي تضمن سير العمل بطريقة صحيحة ترضي الزبون أو المستهلك أو المريض في حالتنا هاذي

لكن عندنا يطبقون و في أشياء كثيرة ناقصة تعيق تطبيق النظام بالصورة الجميلة اللي شافوها برا
نواقص في الخطوات المؤدية للنظام النهائي : ابتداء من أصغر إلى أكبر موظف في المنظومة
يعني الأساس اللي قاعدين يبنون عليه ضعيف و متهالك
فمستحيل يتحمل البنيان فوقه

يجيبون هناك عدد متناسب من الأطباء مع العدد المتوقع من المرضى ويحطون احتمالية مريض يحتاج علاج سريع وللمواعيد يتم العلاج بطريقة متكاملة مب نص وربع علاج

[الحياة الخالدة]

http://e.top4top.net/p_32qqeo0.jpeg (http://up.top4top.net/)

[الحياة الخالدة]

صوتك وصل .. الحمد لله
و الفال لبقية الأخطاء يتداركونها و يصلحونها

[بانغ بانغ]

قلنا لكم متفائلين بالوزيرة ....

الى الاعلى دائما !

[لـبـيـه]

الحمد لله