مشاكل التأمين وعدم تصليح

[maryam5]

السلام عليكم ورحمة الله وبركاته

تعرضت سيارتي لحادث وكان الحادث خشن شوي وتأثر الجزء الامامي من السيارة
وانا متضرر من الحادب حسب تقرير المرور وتأمين الطرف الثاني يتحمل تصليح السيارة
رحت للتأمين وانصدمت ان التصليح بقطع مستعملة او تجارية وانا سيارتي موديل 2009
وماعليها حوادث. طبعاً انا رفضت وطلع القانون الي عطاني ياه رئيس قسم الشركة ملغي
وكان يوم حافل بين المرور والشركة ومصرف قطر المركزي وبالاخير تبي الشركة تمشي كلامها
يقولون قطع مستبدلة من سكراب؟!

وانا عند الشركة اتصل لي على واحد يقول انه يشتغل في المحكمة وقال اذا تبي قطع اصلية تدفع 50٪‏
قلت خوش والله خراب سيارة وخراب بيوت والي دعمني حاط ريل على ريل وانا متضرر ادور من مكان
لمكان ادور حقي.

ما الحل؟!

[سلطان قطر]

نفس المشكلة صارتلي وموتري لكزس
قالولي التامين نصلحلك بقطع مستعملة

ضبطت مع راعي الكراج انه يبلغهم انه ماحصل قطع مستعملة

بس موتري خاس شهر وشي بالكراج

[بـن عدوان]

اذا انت على حق وعارف القانون حط محامي واشتغل بالتعوضيات النفسية عليهم

[بعيد النظر]

المشكلة انك اذا محتد بتطول !

[asulaiti]

اخوي مالك إلا المحاكم ... وراح تاخذ حقك إن شاء الله ..

انا صار لي هذا الامر من فترة طويلة جداً .. تضررت سيارتي بشكل كبير جداً .. لدرجة لازم تنقلها سحب ..

وماشفت إلا مماطلة من شركة التأمين بشكل استفزازي .. تميت حوالي اسبوعين وانا مراجعة ومحاولة لتصليح سيارتي
بقطع غيار اصلي .. وهم مصرين إما تجاري أو أدفع 50% من سعر الأصلي .. وهذا ظلم الصراحة .. أنا مالي ذنب في الحادث
اللي أمن عندهم هو الغلطان .. ليش أنا أتحمل خطأ غيري !!

المهم بعد فشل المحاولات بدأت في اجراءات المحاكمة .. ووكلت محامي ..

المحامي اقترح أن نبدأ مع التأمين بشكل ودي .. ولما جاء اتصال لهم من المحامي ..
تيقنوا أنني فعلاً أنفذ وعيدي .. وأنني فعلاً بدأت في اجراءات مقاضاتهم ..
هنا تم تنفيذ طلبي .. وتم تصليح سيارتي في الوكالة (وليس كراج) كنوع من الترضية الظاهر ..
هذا اللي صار معاي ذاك اليوم ..

المهم .. القانون في صالحك يا المتضرر .. ولا أعتقد أن القاضي سيحكم لصالح التأمين لأن ستكون في ذمته إلى يوم الدين ..
نعم .. هناك قوانين توضح متى يسمح للتأمين بشراء قطع تجارية .. ومتى يدفع العميل نصف السعر في القطع الأصلية ..
لكن طالما أنك متضرر .. فالقانون والعرف في صالحك .. لكن المشكلة الوحيدة هي طول مدة جلسات المحكمة وإجراءاتها وغيرها ..

اخوي .. حاول توضح لهم أنك ماتقبل إلا قطع غيار أصلي لنفس موديل سيارتك .. وإنك مالك ذنب في الحادث ويتم تحميلك نصف السعر ..
وأنك إذا لم يتجاوبوا معك فإنك مضظر لرفع قضية عليهم وأنك ستطلب تعويض لحقك الضائع وحتى تعويض عن المدة التي ستقوم أنت بتأجير سيارة طوال فترة المحاكمة ..الخ

اترك المحامي يضبط لك الموضوع .. والله يسهل أمرك وينصرك عليهم ..

بالتوفيق ،،

[maryam5]

السلام عليكم ورحمة الله وبركاته

والله يا اخوان انا ما ادري ليش المتضرر هو المتبهذل في السالفة؟ المصيبة اني متضرر ومع ذلك يقولك بنركب قطع مستعملة؟
قلت له اشلون قطع مستعملة وانا قطع سيارتي جديدة واصلية قبل الحادث حتى لو السيارة موديل 2009
قالي السيارة مستهلكة؟؟ وهل قيمتها سنة 2009 نفس قيمتها سنة 2016 قلت اكيد طبعاً لا قال عيل نفس الفكرة
قلت له انا ما استهلك غير التواير والفرامل والزيت والآيل ليش حد قالك انا استهلك جسم السيارة؟
وهل حد قالك ان قانون 1992 هو نفسه قانون 2010 بشأن تصليح المركبات
والا حد قالك ان سيارتي تجارية او مركب لها قطع مستعملة؟؟

قالي حتى لو اشتكيت ماراح تحصل شي عندنا وايد راحوا المحاكم والزمتهم المحكمة لو يبون قطع اصلية يدفعون 50% من قيمة القطع الاصلية واتصل على واحد وانا عنده واساأله وقال نفس الكلام والله اعلم من هالشخص لنه مارضى اكلمه او يقوله يعطيني القانون الي يقول عنه.

قانون 2010 لم يلزم المتضرر بدفع اي شي لكن هم يقولون لازم تدفع اشلون ماتدري. ولا حد يعرف شنو هاللعبة والخربطة.

[monatee]

وهل قيمتها سنة 2009 نفس قيمتها سنة 2016 قلت اكيد طبعاً لا قال عيل نفس الفكرة

وقطعه غيار لسياره 2009 مش نفس سعرها الحين واحنا ب 2016



قالي حتى لو اشتكيت ماراح تحصل شي عندنا وايد راحوا المحاكم والزمتهم المحكمة لو يبون قطع اصلية يدفعون 50% من قيمة القطع الاصلية واتصل على واحد وانا عنده واساأله وقال نفس الكلام والله اعلم من هالشخص لنه مارضى اكلمه او يقوله يعطيني القانون الي يقول عنه

اكيد بيقولك هالكلام عشان تشيل من بالك فكره تروح المحاكم ،، وليكون صدقته ؟!

[maryam5]

وقطعه غيار لسياره 2009 مش نفس سعرها الحين واحنا ب 2016




اكيد بيقولك هالكلام عشان تشيل من بالك فكره تروح المحاكم ،، وليكون صدقته ؟!

بصراحة يأست ما اعرف وين اطق براسي. من عنده حل ومتأكد منه لني تجادلت معاهم وتهاوشت وحسيت ان مافي فايدة.

[اللوز]

السلام عليكم ورحمة الله وبركاته

تعرضت سيارتي لحادث وكان الحادث خشن شوي وتأثر الجزء الامامي من السيارة
وانا متضرر من الحادب حسب تقرير المرور وتأمين الطرف الثاني يتحمل تصليح السيارة
رحت للتأمين وانصدمت ان التصليح بقطع مستعملة او تجارية وانا سيارتي موديل 2009
وماعليها حوادث. طبعاً انا رفضت وطلع القانون الي عطاني ياه رئيس قسم الشركة ملغي
وكان يوم حافل بين المرور والشركة ومصرف قطر المركزي وبالاخير تبي الشركة تمشي كلامها
يقولون قطع مستبدلة من سكراب؟!

وانا عند الشركة اتصل لي على واحد يقول انه يشتغل في المحكمة وقال اذا تبي قطع اصلية تدفع 50ظھ‏
قلت خوش والله خراب سيارة وخراب بيوت والي دعمني حاط ريل على ريل وانا متضرر ادور من مكان
لمكان ادور حقي.

ما الحل؟!

في البداية الحمد لله على السلامة في الحديد ولا فيكم لان هذا القانون صاير عندنا للاسف
ناس تدعمك وانت أخرتها تدفع قطع الغيار
والحمد لله ان سيارتكم تويوتا مش بنتلي او روز جان ما نمت من تكاليف قطع الغيار

اولا : انا بسأل ما هو علاقة مصرف قطر المركزي بالحادث ؟ ممكن توضيح أكثر
ثانيا : التأمين ملزوم بتحمل كافة تكاليف الصبغ والسمكرة فقط للموديلات القديمة
ثالثا: اذا تبي توفر شوف الكراج وخله يكتب لك قطع الغيار المراد المطلوبة وروح الوكالة بيعطونك خصم زين وجيبهم انت واعطي الكراج علشان يبتدون في الشغل
رابعا: كلم شركة التامين يعطونك كراج محترم شغله وانصحك بكراج النورماندي شارع 5 الصناعية واذا قالوا لك بنعطيك كراج من عندنا روح شوف الكراج قبل ما تودي السيارة فمثلا اذا شفت كراج تصليح سيارات عند بابه ( نقعة ماي ) فاعرف ان هذا ما يعرف يشتغل ( بعضهم مش الكل ) مع ملاحظة نظافة الكراج من الداخل - اماكن الصبغ - السمكرة
خامسا : اشتري كفر حق الكراسي لان بعض العمال يلبسون (الاوفررول ) ويكون عليه آيل وحتى السكان ركب عليه بلاستيك كفر علشان ما يخربونه باصابعهم الذهبية مع ملاحظة اغلاق نوافذ السيارة علشان ما تدخل الاتربة داخل السيارة
سادسا : قطع غيار تويوتا تعتبر رخصية جدا مقارنة بباقي السيارات والوكالة بعض الاحيان تعطيك خصم تقريبا من 20% الى 30 %
فما يسوى صدام من التشليح قيمته مثلا 500 ريال والصدام في الوكالة سعره 1000 ريال ومع الخصم يطلع عليك 700 ريال يعني زيدها 200 وأخذ لك صدام جديد
وبالتوفيق