تلفوني مقطوع؟؟؟

[المحاميه]

السلام عليكم

ياجماعه ممكن حد يوضحلي الموضوع لاني مافهم ف هالسوالف


الله يسلمكم اوريدو اقطعوا تلفوني يوم الخميس لان كانت علي فاتوره حروة ال 1000 المهم دفعت تقريبا 700 وشي ورجعوا لي الخدمه
اتفاجا اليوم ردوا اقطعوا الخدمه وكاتبين فاتورتج 900 وشي؟؟

اتصلت استفسر يقولي انتي مستهلكه انترنت
سالته شلون يعني مستهلكه ومخلصه الحد المسموح يقولي من فيديوهات اونلاين
طيب انا كلش مابطل لنكات ولا ادش على فيديوهات

كل استخدامي سناب وواتس
واول مره تصادفني هالمشكله
السؤال هل ممكن ان الانترنت كله يروح عالواتس والسناب؟؟؟

وسالته الانترنت راح على شنو يقول مايبين وقالي ازور اقرب فرع عشان اعرف

ياريت اللي يعرف ف هالسوالف يفيدني
يعني فاتورتي كل يومين تصك 1000 عشان واتس وسناب؟ ولا شلون؟

توضيح
يعني الدردشه والمكالمات في الواتس تحسب علي؟

وشكرا

[Qatari 1980]

أختي بالنسبة لبيانات الأنترنت صعب انك تتحكمين فيها
لكن أنتي ذكرتي أنك تستخدمين الواتس أب و سناب شات
وهالبرنامجين يستهلكون كبيرة كبيرة من البيانات لأن يرسل من خلالها صور و مقاطع فيديو أحيان يكون حجمها كبير
علشان كذا ممكن أنتي تستهلكين كمية بيانات كبيره وأنتي ما تدرين

الحل :
1- تستخدمين التطبيق الي من خلاله تقدرين تعرفين كم كمية البيانات التي تستهلكينها يوميا وممكن تحددين لمت معين لكمية البيانات
2- الاشتراك في الباقة الي تناسب استخدامك لبيانات الانترنت

اتمنى اني أفدتك

[المحاميه]

مشكور اخوي

بس انا فقط دردشه
هل المكالمات تستهلك انترنت؟ اقصد مكالمات الواتس؟

[Qatari 1980]

نعم أختي بعد مكالمات الواتس اب تستهلك كمية كبيرة من الانترنت
بس بنسبة أقل من الفيديو ( غالباً )

[مختلف جداََ]

يس ، صحيح

[المحاميه]

شنو يس صحيح

[مختلف جداََ]

المكالمات بالواتس تحرق الفاتورة
لأنها عبارة عن استخدام بيانات
واعتقد الواحد جيجا بيانات ب 550 ريال خارج الباقة

[إينشتاين]

نصيحة اختي استخدمي باقة الانترنت الغير محدود ب 400 ريال شهريا وارتاحي،، انا استخدامي الشهري مايقل عن 25 جيجابايت مع أن استخدامي في حدود المعقول

[ضوى]

الواتس مايستهلك هذا كله ، انا الواتس شغال عندي من سبع الصبح لين ثنتين الظهر استقبل فيديوهات واطرش صور واتكلم مكالمات واتس لكن فاتورتي ابدا ماتتعدىً300ريال وهذا اقصى شي ممكن
في خلل بفاتورتج روحي راجعي اقرب فرع لج احسن

[المحاميه]

الحين ناس تقول يحرق وناس تقول لا

الشي الوحيد اللي تغير هالفتره هو استخدامي للاتصالات من خلال الواتس هل هذا السبب؟

ضوى يمكن انتي شابكه واي فاي

[المبرمج صلاح]

هلا اختي اذا انتي بستخدمي الانترنت بكثرة عالشبكة الفورجي
فالافضل انك تشتركي في باقة الانترنت المفتوحة ب 400 ريال شهريا عشان ما يحسب شي عالفاتورة

مكالمات الواتس لا يستهلك بيانات بهذا المبلغ ممكن السناب او الواتس لو بتشوفي وبتحملي فيديو كتيير يستهلك

ولكن المشكلة الاكبر هي انك تعديتي الليمت المخصص لكي لنفرض انا باقتك 1 جيجا في الشهر بمجرد ان تخلص
يبدأ يحسب عليكي على ميجا نص ريال وهذا مبلغ كبير يعني فيديو واحد خارج الباقة ممكن يوصل 10 ريال

اتوقع هذه هي مشكلتك انك بستخدمي النت بعد الباقة ما تخلص او الباقة المشتركة فيها ما بتكفي استخدامك

فلهذا نصيحتي لكي اشتركي في الباقة المفتوحة وريحي نفسك ماحد يقدر ينزل عليكي ريال بخصوص النت بعدها

يعني 400 ريال نت شهريا + باقة الشهري 250 بيكون الاجمالي 650 ريال في الشهر ومعاكي نت مفتوح ومكالمات مفتوحة طول الشهر

[بعيد النظر]

السناب هو اللي يستهلك بيانات بكمية خيالية ..
جربته في السفر وصراحة قصصصصصصصصف !!

وكل الفيديوات اللي تحمل والصور في الواتساب تستهلك بيانات ..
اذا انتهت باقة النت عندج .. بالراحة توصل لـ هالسعر ..

[ضوى]

الحين ناس تقول يحرق وناس تقول لا

الشي الوحيد اللي تغير هالفتره هو استخدامي للاتصالات من خلال الواتس هل هذا السبب؟

ضوى يمكن انتي شابكه واي فاي

اشبك عالفور جي

[راعي الكورفت]

أفضل طريقه مع اوريدو هي تشتكين عليهم في وطني الحبيب صباح الخير .

[ضوى]

السناب هو اللي يستهلك بيانات بكمية خيالية ..
جربته في السفر وصراحة قصصصصصصصصف !!

وكل الفيديوات اللي تحمل والصور في الواتساب تستهلك بيانات ..
اذا انتهت باقة النت عندج .. بالراحة توصل لـ هالسعر ..

صح السناب هو اللي يستهلك

[مدور عقلي]

نصيحة اذا مب محتاجه خط فتوره خلج على كرت هلا وقطعت برودباند ( مع لمت مفتوح بـ 400 شهرياً ) . وريحي بالج .

[monatee]

عشان ترتاحين

1 دفعي الفاتوره الحين كامله

2 اشتركي باقه انترنت غير محدود 400 ريال

3 اشتركي بباقه مكالمات 100 ريال ( اذا مكالماتج بسيطه )

4 ارفعي لمت تلفونج الى 1000 ريال او فوق

شهريا راح تكون فاتورتج 500 ريال فقط لاغير ... ماعدى المكالمات الخارجيه او الاشتراكات الاخرى

[@north_star@]

اهم شي روحي على الاعدادات اللي بالواتس اب ولا تخلي تنزيل الفيديوهات والصور تلقائي

[بونووف]

اي باقة عندج الشهري و الانترنت ؟

توني شايف استخدام السناب للانترنت 2gb لمدة خمس ايام بس ,والانستقرام 2.4 gb




اذا جهازج اندرويد تقدرين تحطين لمت للانترنت قبل لايوصل للمت يعطيج تنبيه ومن يوصل يفصل النت عليج

[السكين]

إسألي مجرب ولا تسألي طبيب ، مبدأياً لا تراجعينهم أنا متأكد إن السناب وفيديوهات الواتس هي السبب .

أنا عندي باقة مفتوحة للإنترنت كان عرض من إوريدو مجاني الانترنت طوال سنة 2015 بسبب شرائي للآيفون من أوريدو ، بعد ما انتهت السنة رجعت باقتي نفس قبل 250 ريال وأعتقد 2 غيغا ، تفاجأت باني بتاريخ 3 يناير تعديت اللمت وزاد عليّ 12 ريال وكله من السناب واللي يقولك ما يصرف صدقيني غلطان السناب يستهلك بطارية وانترنت وكاميرا كله مع بعض فطبيعي يشفط شفط بطارية وفاتورة، لهالسبب رجعت لباقة الـ 400 ريال .

الحل الأنسب هو اختيارك لباقة 400 ريال انترنت غير محدود وشوفي مكالماتك لو قليلة عندك من 55 ريال شهرياً وبالتدريج ترتفع حسب حاجتك وفيها بعد أرقام هواتف مجانية للاتصال ممكن رقم ممكن رقمين على حسب تقدريرك أول للباقة .

بعدين ادخلي على الإعدادات إلغي الاشعارات من البرامج اللي ما تحتاجينها والغي خاصية التحميل التلقائي الخاصة بالواتس ، والسناب على الواي فاي إذا حبيتي تتمي على الباقة الحالية .

[قلب صادق]

الاخوان كفو ووفوا وإذا تريدين ممكن بعد ان تنتهي باقة النت الموجودة معك تقدرين تشتري بطاقة نت ابو 100 ريال وتعطيك نت 6 جيجا او 200 ريال تعطيك 25 جيجا

[شبح الصمت]

ريحي بالج

اشتركي في باقة الـ 415

انا اشتركت فيها يوم خفضوها لين 350

مكالمات محلية مجانية
300 دقيقة مجانية دولية
60 قيقا انترنت


مرتاح وادفع فاتورتي
لانه اكثر شيء يستهلك يمكن انتي دفعتي اوووكي بس تاريخ استحقاق الفاتوره بداية 6

وانتي دافعه قبل فما راح يجددون لك الباقة الا في تاريخ 6

فستهلكتي نت فدبلوو عليج ..

[العنيده]

مكالمات الواتس تصرف لانها تستخدم البيانات الا في حاله الشبك على الواي فاي ..
بس ضروري تتاكدون احيانا اي ضعف في شبكه الواي فاي يتحول اتوماتيكي على البيانات على حسب الاعدادات ..

مكالمات الواتس والسناب حسب خبرتي لدفع الوالده الله يحفظها ان شاء الله اكثر شيئين يصرف ..
والافضل الاشتراكات الشهريه اللي تكون محدده افضل عشان لمت الفاتوره يكون واضح و الكل يعرف كم عنده وعليه

[bohilal191]

السناب ياكل من البيانات الاخضر واليابس

[bohilal191]

شوفي اختي عندي لج اقتراح كلمي اوريدوا واسأليهم كم استهلاكج للبيانات خلال الثلاث شهور السابقة مثلا اذا قالولج 4 جيجا كل شهر فعليج البقاء على 1جيجا الخاصة بالباقة وتشترين كرت تعبئة حق النت ب100 ريال فيه 6 جيجا فيصير المجموع 7 جيجا أو تاخذين كرت ب 80 ريال فيه 3 جيجا فيصير المجموع 4 جيجا أنا اتبعت هالحل والحين مرتاح لان الاستهلاك يكون من كرت التعبئة أول شي وعقب من الباقة الشهرية

[المحاميه]

جزاكم الله خير اوضحت الصوره عندي شوي
بعد شوي باروح اوريدو وباشوف السبب شنو بالضبط

ياجماعه فيه نقطه نسيتوها
اللي هي انا من زمان استخدم واتس وسناب ولا مره صادفتني هذي المشكله
بس السبب اظن ان قبل كنت استخدم كرت ثاني للنت وللسناب ورقمي بس اتصالات وواتس
من دمجتهم كلهم على رقمي جاتني هالمشكله
اظاهر استهلك انترنت بشكل جنوني وانا مادري

دافعين دافعين
بس باحاسب
مش معقوله كل 4 ايام 1000 ريال
:weeping:

وياريت تتفقون هل مكالمات الواتس تستهلك ولا لا
انا صور وفيديوهات كلش مانزل الا شي بسيط جدا جدا

وشكرا على تفاعلكم الطيب

[غير البشر]

الله يعينج اختي المحاميه

نفس ماقالو لج الاخوان وطبعا راح تتضح لج الامور اكثر لما تروحين حق اوريدو

واذا عندج رغبه تستخدمين السناب والواتس اب اشتركي في باقه الانترنت غير محدود 400 ريال
انا ولدي ياخذون تلفون وحارق اليوتيوب كم يوم الا واصلتني 3000 ريال
مع اني مشترك في باقه عاديه مش الي بــ 400 ريال

والحين بحولها باقه انتر نت لا محدود وبريح راسي :nice:

[JN000N]

السناب بالذات يستهلك واااااايد
عموما فكي عمرج خذي اشتراك شهري ب400 نت غير محدود ومابتصك فاتورتج هالكثر

[المحاميه]

جزاكم الله خير

اتوقع كلامكم صح بخصوص السناب لان فعلا كنت اتابع السناب ف كرتي الثاني والامور طيبه من نقلته على رقمي جاب العيد معاي

[ميمّ]

بصراحه .. انا متندمه بالحيل لاني ماحولت فوني ( هلا ) من زمان !
انا توني محوله فوني هلا بدايه السنه .. وكنت نفس حالتج !
وانا لا استهلك نت ولا فون .. وتصك فاتورتي 800 و900 واللمت 1000 مخليته والنت اللي كنت مشتركه فيه باقة 6 جيجا
لاتقولين سناب ولا واتس والله يادوب استخدم انا اعرف نفسي مب كل وقت ماسكه الفون واشوف النت

الحين عقب ماحولت فوني هلا 100 نت 6 جيجا وماستخدمت الا 2 من اول السنه !
مع ان استخدم النت فالهلا اكثر من الفاتوره ابي اشوف النت صج يروح نفس مايقولون بالفواتير؟
سنابات ومكالمات واتس وغيره بس بعد ماطار !!!
و100 رصيد واذا خلصت عبيته بس لحين ماخلصت ! << مقهوره على فواتيري اللي كنت ادفعهم
يعني كله نصب ف نصب !!
واغلب اهلي نفس حالتي كله يتشكون من فواتيرهم !
يدفعون الفاتوره من هنا عقب اسبوع الا قاطعينها ! وساعات توصل فواتيرهم 10 الاف ! ومو ذاك الاستخدام المفرط
نصيحه جربي تحولين هلا لمده شهر والا شهرين واذا ماجاز لج الوضع ردي على الفاتوره = )

[المحاميه]

شكرا عالنصيحه
ماحب هلا
مرتاحه عالفاتوره لكن ماقد جات فاتورتي 1000 حتى وانا مسافره هذي اول مره
فالعاده 300 400 جذي

:(

لازم اعرف السبب شنو

[مختلف جداََ]

ينقل للإستفسارات :tease:

[بانغ بانغ]

ينقل للإستفسارات :tease:

بوصالح خل نستفيد ياخي :telephone: ... لان صارت لي نفس المشكلة وانا في دبي

دافع وبعدها بيومين انقطع

[غير البشر]

بوصالح خل نستفيد ياخي :telephone: ... لان صارت لي نفس المشكلة وانا في دبي

دافع وبعدها بيومين انقطع



هالسوالف قديمه مع كيوتل

اذكر في بدايه التسعينات كنت شاري تلفون سياره اكيد الطيبين يذكرونه ههههه
اشتريته مستعمل ودفعت جميع فواتيره وحولنا الاسم وخلصنا
وبعدها بيومين انقطع والسبب عليه فاتوره قديمه
قلت لهم المفروض قبل لايتحول الاسم يكون خلاص مصفي من جميع الفواتير القديمه والجديده

ودفعوني ذيك الايام فاتوره اضافيه 3000 ريال :rolleyes2:

[المحاميه]

بوصالح خل نستفيد ياخي :telephone: ... لان صارت لي نفس المشكلة وانا في دبي

دافع وبعدها بيومين انقطع

شلون دافع وبعدها بيومين انقطع؟

وفيه شي مافهمته لما يقولون فاتوره غير مدرجه شنهي المب مدرجه بعد

[بانغ بانغ]

ايقولون فواتير ما اندفعت ... اعتبوا ما اطلعت الا احين

[غير البشر]

لما يقولون فاتوره غير مدرجه
يعني عليج فاتوره جديده ومانزلت في السيستم لما تبغين تدفعين اون لاين

يعني لما تدخلين موقعهم وتبغين تدفعين مايكون عليج مبلغ 0
لكن لو تكلمينهم يبين عندهم بالسيستم ان عليج فاتوره مانزلت للحين

[ya3coub]

اشوه يعني مو بوحي دافع فاتورتي و مصفر كلشي تاريخ 8/1

تاريخ 18/1 يعني بعدها بعشر ايام مقطوع جوالي !!!!

يقولون التفاصيل ما تبين ادفع و ارفع اللمت علشان ينفتح موقت.

عندي باقة 10 جيجا شهريا !!!!

سويناها و افاجأامس بأن مصبحين علي بمسج جوالي مقطوع و الفاتورة 1455 معنى اللمت 1000

و طبعا متوهق طول اليوم راحت علي اشياء بسبه هالقطع و رحت فالليل ساعتين عندهم عالفاضي مضيعه وقت بالنهاية لازم الواحد يدفع و يرفع اللمت.
و لما تطلع الفاتورة يبيلها 3 ايام

يقولون مستهلك 900 و شوية ريال انترنت !!!

و انا من حولت عندهم شهر 8 ما تعديت ولا قربت من 7 قيجا استهلاك و فوق هاي مساقر كنت و جوالي مبند. اشلون خلال اقل من 10 ايام استخدم 11 جيجا ؟!!!
الحسبة ايضا اختي المحامية و النصب فيها اذا ماخذه باقة بدون ما تضيفين انترنت اي ميجا اضافي يكون بــ.55 ريال
انما لو تاخذين اقل باقية انترنت فوقها بيكون اي ميجا اضافي بــ10 درهم و هاي الي يصير فيها اللعب و النصب و التحايل

[السكين]

يدفعون الفاتوره من هنا عقب اسبوع الا قاطعينها ! وساعات توصل فواتيرهم 10 الاف ! ومو ذاك الاستخدام المفرط
نصيحه جربي تحولين هلا لمده شهر والا شهرين واذا ماجاز لج الوضع ردي على الفاتوره = )

فاتورة بعشر آلاف ريال وإستخدام بسيط ؟؟ بس فهموني هالمعضلة ؟؟:nice:

أرجع وأقولك المحامية انتي تستعملي النت كثير أنصحك بالإنترنت الغير محدود وقدري مكالماتك شهرياً وبناءاً عليها حددي الباقة المضافة 55 أو 100 أو 150 .. إلخ

النت المفتوح مريح ومافي تعب راس صدقيني .

[المحاميه]

السكين
انا عندي ذي بو 400 اللي الحين شابكه منه وصحيح حارقه النت والامور طيبه

يعقوب ايوا هذي هي
نفس مشكلتي انت
وانا بعد سافرت وسكرت تلفوني
احس السالفه فيها نصب عشان جذي مابي اسكت
لاتقولون فيديو ما فيديو انا اصلا ماستقبلهم ولا افتح شي الا عدد لايذكر يعني فالشهر 2 مب اكثر
عشان جذي كنت استفسر اذا مكالمات الواتس هي السبب او لا

ودوم حجتهم مايبين ومب مذكور
عيل شاللي يبين؟ شفط فلوسنا؟؟

[غير البشر]

فاتورة بعشر آلاف ريال وإستخدام بسيط ؟؟ بس فهموني هالمعضلة ؟؟:nice:

أرجع وأقولك المحامية انتي تستعملي النت كثير أنصحك بالإنترنت الغير محدود وقدري مكالماتك شهرياً وبناءاً عليها حددي الباقة المضافة 55 أو 100 أو 150 .. إلخ

النت المفتوح مريح ومافي تعب راس صدقيني .



واحد من الربع كل مره فواتيره مابين 13 الى 20 الف
اذا نزل عن 8000 ريال يعتبر انجاز ههههه

[المحاميه]

سؤال اخير
اذا ابي اراجع او اشتكي عند من؟ من المسؤول؟ لاتقولونلي فرع ما فرع
ذيله موظفين مايدرون وين الله حاشرهم

[السكين]

سؤال اخير
اذا ابي اراجع او اشتكي عند من؟ من المسؤول؟ لاتقولونلي فرع ما فرع
ذيله موظفين مايدرون وين الله حاشرهم

شوفي أنا أمس ماخذ كارت هلا وشريت موبايل وركبته فيه وأهديته لشخص طلع الكارت مب شغال ، قدمت شكوى أمس بالليل واليوم الصبح والكل يقوللي شوي ويشتغل .. آخر شي رجعت لهم الفرع قبل ساعة - وأنا بالشغل وصعب أطلع - ورحت للموظف وقال لي روح غير الموبايل وجرب ، قلت له مب شغلي أشيل وأبدل كروت وموبايلات ..راح جاب موبايل وجرب طلع مب شغال .. جاب لي نموذج ثاني وعبيته وغير لي السيم كارد ونفس الشي .. آخر شي قال لي اصبر كم يوم أنا قدمت لك شكوى ، قلت نفس هاذي قصدك وراويته رقم الشكوى اللي جاتني امس عالتليفون ولا حد عبرني فيها! يقول لي هالمشكلة صادفتنا كثير الاسبوع اللي طاف، وإالحين أنا متوهق موبايل جديد وكارت ما يشتغل يعطيني ( لم يوضع بالخدمة ) .
مسج لم يوضع بالخدمة المفروض لو شخص فاهم يقولك الخلل بالسستم مش بالموبايل لأنه لو فيه خلل بالموبايل ما يقدر يقرا الشريحة ويعطي ( هذا الشخص لا يمكن الإتصال به الآن ) لأنه بالسستم المفروض الموبايل مغلق ؟

تخيلوا قبل 20 سنة نشتري سيم كارد ويشتغل علطول والحين بـ 2016 وهذا ردهم.

يعني باختصار ولا حد راح يتصل ولا حد راح يعبرك .. حاولي توصلي لمسؤول ويكون فاهم شغله.

[المحاميه]

:anger1:

حسبي الله عليهم

[للصبر اخر]

اختي المحامييه
اول شي الله يعينج عليهم
ثاني شي
معروف ان مكالمات الواتس اب تصرف كم كبير من بيانات الانترنت
وكذلك السناب شات
بس عندي سوال
انتي خطج فاتوره شهريه او اشتراك شهري كل شهر تدفعين مبلغ محدد
؟؟؟

[المحاميه]

مافهمت سؤالج الصبر
شالفرق

رحت تفاهمت معاهم
والله جاني هبوط من كثر ماكنت معصبه ماسوت علي
قالي مخلصه الانترنت ومستخدمه زياده وقالي اكثر شي من اليوتيوب والسناب الباقي اشيا بسيطه
وقلتله انا من سنين وماتعرضت حق هالموقف ابد
قالي مغيره تلفونج؟ يعني البلا من تلفوني اليديد؟ مادري شدخل

المهم دفعت ربع المبلغ وافتحوا تلفوني
وخلاص ماني بعازة نتكم يااوريدو الحراميه

[مختلف جداََ]

مافهمت سؤالج الصبر
شالفرق

رحت تفاهمت معاهم
والله جاني هبوط من كثر ماكنت معصبه ماسوت علي
قالي مخلصه الانترنت ومستخدمه زياده وقالي اكثر شي من اليوتيوب والسناب الباقي اشيا بسيطه
وقلتله انا من سنين وماتعرضت حق هالموقف ابد
قالي مغيره تلفونج؟ يعني البلا من تلفوني اليديد؟ مادري شدخل

المهم دفعت ربع المبلغ وافتحوا تلفوني
وخلاص ماني بعازة نتكم يااوريدو الحراميه


الحين عادي يرفعون عليج قضية ترى

[CH Engineer]

شكلهم هاليومين يلعبون عالمشتركين

انا عندي قيقا اشتراك مع الشهري و9 قيقا مجانيه
يجيني مسج يومي كم باقي من البيانات صارلي شهرين يجي المسج كم باقي من القيقا و9 قيقا لازم اتصل فيهم واسال

حركة فيها خبث وين اتصل وأتم اتابع اكيد يبوني استخدم إنترنت زياده وتطلع الفاتوره الف والفين
عندهم ال2 قيقا ب500 ريال بدون الاشتراك

انصحج خذي الشهري 100
450 دقيقه مجانيه ورقم مجاني
وضيفي 100 إنترنت 30 قيقا

[المحاميه]

يعني انا مادري كيف تغير كل شي بين يوم وليله
سنين فاتورتي نفسها فجاه ف شهر تطلع 2000 ؟؟؟

الله يعينا على حركاتهم

مختلف خير يبه؟

[المبرمج صلاح]

اختي الكريمة المحامية مشكلتك حلها بسيط جدا قومي بسداد فاتورتك بالكامل وثم قومي بتفعيل خدمة الانترنت المفتوح

نت مفتوح 400 + اذا كنتي تكلمي مكالمات كثير ( باقة شهري 250 ) = 650 ريال

وبعدها محد يتجرأ ويقدر يرفع عليكي ريال واحد الا اذا كنتي تكلمي دولي او بتستخدمي النت خارج قطر

اي شخص بيكلم كتيير وبيستخدم النت بكثرة ياخد هذه الباقة وان شاء الله بيرتاح بعدها

استغرب من الاشخاص اللي يقولون 2000 و 8000 هذا اكيد عقله مش معاه

لو انا اب وعندي 5 اولاد وزوجة يعني 7 اشخاص وكلهم بيكلمون على حسابي نت مفتوح ومكالمات مفتوحة لكل قطر طوال الشهر
7 * 650 = 4550 ريال

اشلون هذا شخص فاتورته وصلت 8000 مع احترامي له هذا مش واعي ههههههه

[ابوعلي]

حقج ضايع مع اوريدوا

ومثل ما ذكروا الي قبلي سدد المبلغ الي عليج واشتركي في النت المفتوح وريحي عمرج

واذا ما تداركتي الأمر بتحصلين الفاتورة الجاية اكثر

ياما ذقت الويل من اوريدوا

[Locale]

انا فاتورتي ماتتعدى 120 ريال
لكن لما خذت راحتي فالسناب لمدة 4 ايام بس
وصلت 1000 ريال

والحين حولت تعبئه كروت
قالولي عبي 100 انترنت وبترتاحين وبيتم عندج لين شهر
اسبوعين وخلص الانترنت بعد من السناب !!

الحين برجع احول فاتوره لان ندمت اني حولته تعبئه*
مافي حولي دكان يوصل وانسى اعبي اتم يوم كلمل ماعندي رصيد
ارجع عالفاتوره ابرك

[بعيد النظر]

اذا السالفة فيها سفر ..
لازم تخلون الشبكة على المانيول .. وتختارون الشبكة اللي محددتها كيوتل !
لان كل ما يحول من شبكة لي شبكة حتى وانت مفعل خدمة جواز السفر .. يااخذون دبل البيانات ..

ف تخلص الباقة في يومين 3 .. وعقبها يبلش السحب ..
وطبعا نت برع الدوحة وبدون باقة .. قصصصصصصصصصصصصصصصصصصف !!

[العتوي]

صارت معاي من قبل
واكتشفت انه السناب جات والانستقرام يشفطووون من النت وانا ماكنت اعرف
الحين اشغل البيانات وقت اللي احتاجه
واطفيها ماخليها 24 ساعه شغاله ومرتاح

[للصبر اخر]

اختي المحاميه
قصدي في السوال انت لج باقات شهري
والا تدفعين حسب مكالماتج
؟؟

انا كنت قبل مشتركه ببباقة 100 ريال 6 جي بي تقريبا
وماكنت اتكلم بالتلفون الا ناادر
كانت فاتورتي 1000 وشي
ولما قطعت النت صارت الفاتوره بس 90 ريال
ولاتصدقيين انهم بيعرفون يردون عليج عن تجربه
الموضوع وما فيه
ان سرعة 4 جي دبل سرعة 3جي
والبيانات اللي تصرفه سرعة 4 جي اعلى ب 100 مره من بيانات 3 جي
هالشي لو شنو اوريدو وموظفينها مايعرفونه لني تعبت وانا اناقشهم
نصييحه
برود باند راوتر ب 400 ريال ان لمتدر وعيشي حياتج شبكيه على 15 جهااز بعد عادي

[المحاميه]

المبرمج صلاح كلامك عين العقل

[المحاميه]

انا فاتورتي ماتتعدى 120 ريال
لكن لما خذت راحتي فالسناب لمدة 4 ايام بس
وصلت 1000 ريال

والحين حولت تعبئه كروت
قالولي عبي 100 انترنت وبترتاحين وبيتم عندج لين شهر
اسبوعين وخلص الانترنت بعد من السناب !!

الحين برجع احول فاتوره لان ندمت اني حولته تعبئه*
مافي حولي دكان يوصل وانسى اعبي اتم يوم كلمل ماعندي رصيد
ارجع عالفاتوره ابرك

ايوه نفس مشكلتي
اظاهر السناب نكبه
لان هو الشي الوحيد اللي فتحته ف تلفوني اليديد

وبخصوص كروت التعبئه هاللي ماحبه ادري باتمشكل كل يومين تعالي دوري كرت وسالفه عشان جذي مافضل كرت هلا

ونفس ماعلمونا الاعضاء مافي الا نحول على باقة 400 وامورنا فل

[المحاميه]

اذا السالفة فيها سفر ..
لازم تخلون الشبكة على المانيول .. وتختارون الشبكة اللي محددتها كيوتل !
لان كل ما يحول من شبكة لي شبكة حتى وانت مفعل خدمة جواز السفر .. يااخذون دبل البيانات ..

ف تخلص الباقة في يومين 3 .. وعقبها يبلش السحب ..
وطبعا نت برع الدوحة وبدون باقة .. قصصصصصصصصصصصصصصصصصصف !!

ايه شبكت على الشبكه اللي هم ذاكرينها
وطار بسرعه لان فتحت اليوتيوب والسناب
بس بعدها سكرت كل شي فما حسب علي

:nice:

[المحاميه]

اختي المحاميه
قصدي في السوال انت لج باقات شهري
والا تدفعين حسب مكالماتج
؟؟

انا كنت قبل مشتركه ببباقة 100 ريال 6 جي بي تقريبا
وماكنت اتكلم بالتلفون الا ناادر
كانت فاتورتي 1000 وشي
ولما قطعت النت صارت الفاتوره بس 90 ريال
ولاتصدقيين انهم بيعرفون يردون عليج عن تجربه
الموضوع وما فيه
ان سرعة 4 جي دبل سرعة 3جي
والبيانات اللي تصرفه سرعة 4 جي اعلى ب 100 مره من بيانات 3 جي
هالشي لو شنو اوريدو وموظفينها مايعرفونه لني تعبت وانا اناقشهم
نصييحه
برود باند راوتر ب 400 ريال ان لمتدر وعيشي حياتج شبكيه على 15 جهااز بعد عادي

اتوقع انا باقه
وكلامج صحيح وعدل 100%
انا دخلت على موظف بط جبدي مب عارف قلتله حولني عالمسؤول
لكن المسؤول فهمني وقالي نفس كلامج ان ال 4 جي تسحب اكثر والبلا كله من النت
انا طايفه الحد المسموح لي الضعف مرتين

وشكلي باحول حق باقة 400
ماحب نظام البرود باند
لان لازم اشل قطعه معاي كل مكان ولازم اجرجها
ورفيجتي تقول مرات تفصل

[المحاميه]

جزاكم الله خير جميع واشكركم واحد واحد
والله ماقصرتوا معاي
لما شفت ردودكم دريت ان مب بروحي وهونتوا علي

ترا قريت كل الردود ومانسيت ولا رد
مع اني مارديت الا على كمن عضو
السموحه منكم
لكن الله شاهد علي اني قريت ردود الجميع
وفعلا اقولها لكم مب مجامله ماقصرتوا وهونتوا علي

[مختلف جداََ]

خلاص

سكرو الموضوع :)

[المحاميه]

^

ماطلبت يسكرونه
ليش انت تطلب؟

[السكين]

بعدين في نقطة حلوة بالنت الغير محدود ، تقدري تشبكي بقيه الأجهزة عليه بالهوت سبوت.

أنا شلت كرت الأيباد وصرت أشبكه من النت عن طريق باقة الآيفون.

أهم شي قبل لا تحولي لنت غير محدود قدري حجم مكالماتك صح وضيفي الباقة المناسبة على الـ 400 ريال ، وافتكي من عوار الراس .. سناب ويوتيوب وواتس ما ينفعلهم غير باقة 400 ريال .

[السكين]

خلاص

سكرو الموضوع :)

بس يا شعبولا :nice:

[حمد 2002]

مع احترامي لج انتي عندج جهل بالجوالات الحديثه ، وانصحج تدربين عليها وعلى خفاياها ...

سمعي انتي .. اكيد بتصير عليج فاتوره ومبلغ وقدره ، لانه اتشاهدين فيديوهات الي ايطرشونها لج الناس .. وهالفيديوهات اتخلي الفاتوه توب وخصوصا الي باليوتيوب ..


نصيحه .. سكري بيانات الهاتف ... واخذي لج جهاز واي فاي متنقل وباشتراك شهري 400 ريال فقط ،، وخلي الوايرلس شغال بس ..


شكرا ..


خبير التكنلوجيا والباحث الاجتماعي والكاتب الصحفي ..


حمد 2002

[المحاميه]

^

السكين اشكرك وان شاء الله باشترك ف هالباقه

حمد
هههه شكرا يالخبير

[مختلف جداََ]

^

ماطلبت يسكرونه
ليش انت تطلب؟

خلاص لا تسكرونه :(

[مختلف جداََ]

بس يا شعبولا :nice:

حااااااااضر

[أم محمد 90]

اختي المحامية ليش تعورين راسج اشتري الانترنت الغير محدود ب400 وحولي فاتورتج باقة 250
وارتاح

[حليتان*]

رتبي باقتج احسن لج


نفسي كانو كل يومين الا رساله ووصلت اللمت مادري 80% من اللمت وعلى هالحال

لين ما توافيت مع رجاال ماسك فرع وقعدت احش فاوريدو قالي تعالي باجر المكتب ومابتطلع الا مستانس

يوم رحت الا قالي باقتك مخربطه فوووق تحت ضبطها لي خلاها 650 ريال فالشهر بس

مكالمات ان لمت ب 250
ونت ان لمت 400

[المحاميه]

شكرا ياساده

الحين انا استخدم تلفونين
واحد نت غير محدود
والثاني مكالمات ومسجات وواتس اب

والله يعينا
وشكرا للجميع
بس اوريدو عروضهم شكليه

[حليتان*]

انزين عيل فتحي الواي فاي من النلفون الي فيه نت انلمت واشبكي الثاني عليه وبس توته خلصت الحتوته




شكلج مب مالت تكنلوجيا يمدحون لبليب:tease:

[بوخالد911]

الاشتراك بباقة 150 ريال
هو الافضل