ماي على السجاد ( الزولية )

[الحياة الخالدة]

السلام عليكم و رحمة الله

غبنا عن البيت يومين رجعنا لقينا الكوولر داخل الصالة مسرب ماي على الزولية و خمرت و طلعت ريحة مب حلوة
طبعاً ما تنشال ( موكيت ) أعتقد اسمه جذي ( احنا من زمن الطيبين كلهم نسميهم زولية ههههههههه )

المهم الحين .. شلون أنشف المكان لأنه بعيد عن الشمس .. هي الكمية مب وايد يعني مب ناقع الماي
و شلون أتخلص من الريحة .. مهما بخرت ما دام الزولية رطبة أكيد الريحة ما تروح

قصة حياتي أدري بس عشان أوصل الصورة كاملة

جزاكم الله خير

[بريق الحق]

يبي استشوار ونشفي النقعه
اما الريحه في مال الملابس جربي

[الحياة الخالدة]

يبي استشوار ونشفي النقعه
اما الريحه في مال الملابس جربي

جربت الطريقة بس السشوار صغير و مساحة المنطقة شوي كبيرة عورني ظهري وانا أنشف :(
شنو قصدك مال الملابس ؟؟ مثل كمفورت يعني ؟؟
هي يبيلها شي يسحب الرطوبة

[ضوى]

جيبي بطانية والا كوالت شوي سميك وحطيه على الزولية ومرري عليه السشوار واكثر من سشوار سشوار الصالونات اللي هواه قوي، وعقب اكوي المساحة المبلله وعقب حطي بودرة السجاد مالت الموكيت وخليها نص ساعة وعقب خمي بالمكنسة بتضبط معاج ان شاء الله

[shgawia]

جيبي قطعة الشمليدر مالت السيارات وخليها تمتص الماي واعصريها وكرري الحركه وتحملي تكوينها لانها بتحترق

[الحياة الخالدة]

خواتي :
ضوى
شقاوية

تسلمون على اقتراحاتكم من خبراتكم المنزلية
لا خلا ولا عدم

[poor]

السلام عليكم

صباح الخير اختي العزيزة

ممكن اعطيك حل وتضحكين منه ولكن عن تجربة شخصية اخذي فحم وحطيه مكان الماء او مكان البقع اللي يطلع منها ريح وهذي عبارة عن بكتيريا وحلها الوحيد هو الفحم

وقيس على هذا الموضوع الموكت اللي فالسيارة او ريحة السمك او اللحم او غيرها اذا ماراحت من الغسيل الحل هو الفحم تحطينه في المكان اللي ممكن يطلع منه ريحه كريهة

وعطيني النتيجة بعد التجربة والافضل يومين او ثلاث ايام حتى تختفي الروائح

[Dana’1]

نظفيه بكمفورت مخفف بماء وعقب مثل ماقالوالبنات
او استعيني بشركات التنظيف بعد ما تفركونه بالكمفورت
يجيبون المنشف حق السجاد ( زي الاستششوار بس كبير مخصص للموكييت) وينشفونه

[نعيمه علي]

جيبي شركة تنظيف تنشف لج الزولية وتغسلها وتروح الريحة تماما
انا جربت هالشي ونفع معاي فعلا

[الحياة الخالدة]

السلام عليكم

صباح الخير اختي العزيزة

ممكن اعطيك حل وتضحكين منه ولكن عن تجربة شخصية اخذي فحم وحطيه مكان الماء او مكان البقع اللي يطلع منها ريح وهذي عبارة عن بكتيريا وحلها الوحيد هو الفحم

وقيس على هذا الموضوع الموكت اللي فالسيارة او ريحة السمك او اللحم او غيرها اذا ماراحت من الغسيل الحل هو الفحم تحطينه في المكان اللي ممكن يطلع منه ريحه كريهة

وعطيني النتيجة بعد التجربة والافضل يومين او ثلاث ايام حتى تختفي الروائح
و عليكم السلام و رحمة الله و بركاته
هلا و مرحبا
أنا اعرف ان الفحم يمتص الروائح حتى ينحط في الثلاجة بعد عشان يشفط الروائح الكريهة
لكن شلون أحطه على الموكيت ؟؟!! بيلعوز الدنيا

[المحاميه]

عليكم السلام

ههههه الله يعينكم

انا اقترح اتجففينه بالسشوار (الهير دريار)
يعني جففيه عدل
عقب رشي عليه معطر السجاد او عطر او بخري المكان وكان الله غفورا رحيما
او
فيه منتجات تنباع اعتقد ف النزيه وغيره اللي هي تختص بتنظيف السجاد والكراسي تقدرين تاخذينهم وتنظفين المكان عشان تروح الريحه ويرجع نظيف ويديد

وبالتوفيق :nice:

[حبيبة أمها]

رشي عليه بيكربونات صوديوم وبعدها بيوم نظفيه

[بشائر]

وصلت متأخر .. لكن عادي :)

بعض المكانس مثل ريمبو تشفط الماي من على الموكيت والرخام ..
أو انك أول شي تجففين المكان عدل بمناشف المطبخ بس تكون ثقيلة شوي علشان تتشرب الماي أكثر وعقب تغسلينه بصابون والبرش وتنظفينه وتشطفينه وبعده حطي عليه شوية كومفورت وردي جففيه مرة ثانية يدويا بالمناشف
وآخر شي حطي الدفاية ( اللي بالزيت ) على المكان و شغليها وخليها منها تدفون ومنها تجفف المكان عدل !
واليوم الثاني لما يجف الموكيت رشي عليه بودرة السجاد المعطرة واكنسيه بعد 5 دقايق ..
ولكن إن استمرت الريحة فغيري الموكيت أفضل .

[بصمة قطرية]

السلام عليكم

صباح الخير اختي العزيزة

ممكن اعطيك حل وتضحكين منه ولكن عن تجربة شخصية اخذي فحم وحطيه مكان الماء او مكان البقع اللي يطلع منها ريح وهذي عبارة عن بكتيريا وحلها الوحيد هو الفحم

وقيس على هذا الموضوع الموكت اللي فالسيارة او ريحة السمك او اللحم او غيرها اذا ماراحت من الغسيل الحل هو الفحم تحطينه في المكان اللي ممكن يطلع منه ريحه كريهة

وعطيني النتيجة بعد التجربة والافضل يومين او ثلاث ايام حتى تختفي الروائح

فعلاً الفحم عجييييب يمتص كل الروايح ..
من فترة محملين في السيارة قباقب
سرب شوية ماي من الكيس و كانت الريحة في السيارة لا تطاق
يومياً الدرايش كلها مفتوحة و الشمس
تضرب السيارة
انغسلت السيارة اكثر من مرة مافي فايدة
بخرت بكل شي مافي فايدة
لين قال لي شخص حطي فحم في السيارة
اخذي عشر حبات تقريباً ووزعيها
ماشاءالله يومين بس واختفت الريحة عن بكرة ابيها ..

[بصمة قطرية]

و عليكم السلام و رحمة الله و بركاته
هلا و مرحبا
أنا اعرف ان الفحم يمتص الروائح حتى ينحط في الثلاجة بعد عشان يشفط الروائح الكريهة
لكن شلون أحطه على الموكيت ؟؟!! بيلعوز الدنيا

حطي تحته قطعة نايلون و لا قصدير
المهم تحطينه عشان يمتص الريحة ..



و التجفيف جيني فوطه و خليها تتشرب الماي
خلي اليهال يدوسونها بيستانسون بياحذونها لعبة
انتي المستفيدة عشان تتشرب الماي من الزولية ..

[حقيقه]

فيه انواع من الموكيت ماينفع معاها شيء

والمشكله الحين الجو بارد ومافيه شمس قويه

الافضل تجربين شركات التنظيف

[الحياة الخالدة]

جزاكم الله خير خواتي واخواني

الريحة طبعاً راحت الحمد لله : يمكن لأن التسريب كان خفيف
كل اللي سويته نشفت بالسشوار و حطيت المبخر في المنطقة
و استعملت المكنسة الكهربية أكثر من مرة و خليت المنطقة مكشوفة

لكن ما يمنع أني استفدت و أكيد غيري استفاد من خبراتكم
لا خلا ولا عدم

تحياتي للجميع