ليش شوارع قطر مرقعه !

[عبدالعزيز 9]

سؤال استنكاري ليش شوارع قطر مرقعه ؟ الحمدلله الحكومه مب مقصره في ضخ المليارات للشوارع والبنيه التحتيه

بس السؤال ليش الشوارع مرقعه هل شهادات المهندسين مزوره؟ لان الوضع في ازدياد ومصخت الصراحه وارجوا ضرب يد من حديد لـ كل مسؤول مقصر في عمله
انا ماكتبت الموضوع الا لغيره على وطني لان حرام المليارات في مشاريع و شوارع تقعد كم شهر وتتسكر مره ثانيه هل يعقل شارع صار له اقل من خمس شهور يتسكر !!
وبالنسبه لجسر الخريطيات والجسر الثاني الخيسه هل يعقل يتسكر وماصار له مده طويله

[مدور عقلي]

بأختصار يالغالي ، بعد ما يتم انشاء الشارع يصير التالي :
1- كهرماء تجيك تقولك تمديدات لأنها ما مددت قبل انشاء الشارع
او المقاول يبي فلوس اكثر ويتفقع في الشارع

[عبدالعزيز 9]

بأختصار يالغالي ، بعد ما يتم انشاء الشارع يصير التالي :
1- كهرماء تجيك تقولك تمديدات لأنها ما مددت قبل انشاء الشارع
او المقاول يبي فلوس اكثر ويتفقع في الشارع
الله المستعان

[بعيد النظر]

بلللللللللللللل اكثر شي ينرفزني في الفرجان ..
والله الشارع من كثر ما رقعوه صار منتهييييييييي !!


الواحد يكره السواقة بسبة الشوارع

[Boost]

أفا ! من قال لك مرقعه؟

لا يايبه شوارعنا مصممينها فنانين محترفين على ثيم أتاري


https://www.youtube.com/watch?v=jvli9CXSqP4

[راعي الكورفت]

السبب يعود الى أشغال والشركات التي تتعاقد معها أشغال لرصف الشوارع والطرقات.


شوارعنا صارت مكسره ومرقعه و تحس انك تسوق في سيرلانكا.

جميع شوارع الدوحه ماعدا الكورنيش صارت مثل شوارع الصناعيه تشوف الشاحنات في كل مكان على مدار الساعة والطرق الضيقه والمكسره في كل الشوارع وهذا غير الزحمه.


الواحد صار يكرهه يطلع من البيت :(

[حمد بن سعد]

دام في سرقه ومحد ايحاسب الحرامي بتلقى الرقعه حتى عقب 2030

[ضوى]

اكيد في مشكلة في المواد المستخدمة اكيد واكيد ماتطابق المواصفات القياسية اللي يستخدمونها الدول الاخرى

[عثرة جواد]

شارع الخور القديم من يوم احنا صغار ماتغير لا المواد كانت من غير غش


بس الشوارع الجديدة صارت تخرع من كثر الحفر والله مب مجرد تكسير حفر كبيرة


اشغال قاعدة ترجع وبس الترقيعة تكون ادها وامر

عساااك ع االقوووة

[نعيمه علي]

الشوارع مرقعة لأنه الضمير غائب
فالشوارع تُبنى بنصف السعر المقرر له والمُصرف له
ويعمل على انهاء الشارع عدة جهات لا تخطط معا ولا تنسق عملها معا

وحالما يغيب الضمير والتنظيم فعلى شوارعنا السلام

.

[mr. abdulla]

اخوي الموضوع بسيط.. اشغال توظف ناس على معاشات تعبانه ... فاللي ايي من برع يا يكون منتهي يا ياي تصبيرة الى ان يحصل وظيفة في ابوظبي او الرياض او غيره... و الشباب القطري اذا فعلا شاطرين يشتغلون مع شركات الأجنبية في قطر او فاتح له مكتبه و مجابل شغله ... ربعنا قح يحبون الرخص... Pay peanuts get monkeys

[الدكتور عزوز]

السبب يعود الى أشغال والشركات التي تتعاقد معها أشغال لرصف الشوارع والطرقات.


شوارعنا صارت مكسره ومرقعه و تحس انك تسوق في سيرلانكا.

جميع شوارع الدوحه ماعدا الكورنيش صارت مثل شوارع الصناعيه تشوف الشاحنات في كل مكان على مدار الساعة والطرق الضيقه والمكسره في كل الشوارع وهذا غير الزحمه.


الواحد صار يكرهه يطلع من البيت :(

كنت في سيريلانكا قبل 5 شهور ، شوارعهم أفضل للأمانة في كثير من المناطق

[شيخ الديرة]

اخوي الموضوع بسيط.. اشغال توظف ناس على معاشات تعبانه ... فاللي ايي من برع يا يكون منتهي يا ياي تصبيرة الى ان يحصل وظيفة في ابوظبي او الرياض او غيره... و الشباب القطري اذا فعلا شاطرين يشتغلون مع شركات الأجنبية في قطر او فاتح له مكتبه و مجابل شغله ... ربعنا قح يحبون الرخص... Pay peanuts get monkeys

صدقت

وألأهم من ذلك, الشركات المحلية ليست شركات, والدليل أعطني شركة واحدة محلية حصلت مقاولات خارج قطر

[العنيده]

مب ترقيعة الشوارع عندي مشكله وحده بس ليش ليش ليش ليش فتحة المجاري ماتكون بمستوى الشارع ليش ..
شارع جديد بالوان مربع جزء جديد نمشي نلاقي لون فاتح يعني مسكين هالجزء حاسب فيه وفجاه منخفض جوي لفتحة المجاري اللي ماعرف اذا في سبب يمنعها انها
تتكون بمستوى الشارع :)
ميزانيه توضع المفروض فعليا وشكليا الشارع يكون كامل من ناحية الخدمات بس الحمدلله على كل حال
والله المستعان ..

[Qtr37]

الله المستعان

[بانغ بانغ]

العيب في المادة والارض والتضاريس والجو

مساكين مسئولينا مالهم خص رجاءا

[الحياة الخالدة]

انا أتوقع السبب ماي المكيفات

[غير البشر]

مب ترقيعة الشوارع عندي مشكله وحده بس ليش ليش ليش ليش فتحة المجاري ماتكون بمستوى الشارع ليش ..
شارع جديد بالوان مربع جزء جديد نمشي نلاقي لون فاتح يعني مسكين هالجزء حاسب فيه وفجاه منخفض جوي لفتحة المجاري اللي ماعرف اذا في سبب يمنعها انها
تتكون بمستوى الشارع :)
ميزانيه توضع المفروض فعليا وشكليا الشارع يكون كامل من ناحية الخدمات بس الحمدلله على كل حال
والله المستعان ..


اختي العنيده حتى لو فتحت المجار كانت بنفس مستوى الشارع
بعد فتره ومن كثر الدوس دار مادارها يا تنزل الارضيه وتكون الفتحه نفس الحزم بالشارع

السؤال ليش ماتكون فتحه المجاري بطرف الشارع وجنب الرصيف !!

دايما بنص الشارع :rolleyes2:

[غير البشر]

انا أتوقع السبب ماي المكيفات



هههههههه :secret:

[المحاميه]

هذا الله يسلمك نفس لما جانا المطر ومعالمنا اغرقت :)
اللي مب متحاسب اليوم بيتحاسب باجر

[بانغ بانغ]

قالها الاعربي الصديق من المغريب ....


خيرنا لغيرنا

[بوخميس]

عشان كل ما تطب في حفرة أو تطير من مطبة تعطي اشغال حسنات

[ya3coub]

اول شي اولويات البنية التحتية


مثلا عندكم المشاف و بعض المناطق الجديدة المفروض الواحد ما يبتدي يبني إلا

كرماء مخلصين توصيلاتهم, و مزودي خدمات الإتصالات "اوريدو و يمكن فالمستقبل فودا او اي شركة مسموح لها توصل ارضي" فايبر اوبتك كهرة الكيتات و أكسسوارات الطرق و بعدها اخر شي يتم تزفيت الشارع عالأخر لين ما الناس تبني بيوتها و عقبها يصير ناقص الرصيف و الأنترلوك ماله و خلاص بكل بساطة.


اما الناس تبني و مافي شوارع
و بعدها تجي كل شوي جهة معينة و تشيل بهالإنترلوك الجديد و يردون يحطونه بفارق الألوان بسبب المدة الطويلة الي صارت\و بعدها بفتره يجونك كيوتل يحفرون و يكسرون و يرقعون فالبيت علشان الإنترنت المووقت يقولك الكيبل واصل مكان فالحوش ما ندري خلنا نكسر و اندوره.

و بعدها بكم شهر يجعون او سنة و شوي علشان يوصلون الألياف الضوئية.


و قس على ذلك هاي بس فبيت العمر الي الواحد توه ساكن 3 سنين من حياته بالترقيعات.
اشلون عن الشوارع

تعالو فريع العلي بالهلال و شوفو بعض الشوارع الله لا يراويكم شارع تقريبا 500 متر فيه اكثر من 25 رقعه و غير الحفر الي ليلحين ما ردموها اللهم اهل الفريج يحطون رمل بدون اي فايدة.

يمر شخص كبير فالسن او مرة حامل او شاب مسوي عملية بروستات شنو بيصير فيهم.


التعاون اشياء وايد زينة بقطر المشكلة بس الجهات ما تحب تتعاون مع بعضها ولا تتناشق للأسف الشفافية بين الجهات معدومة ولا حتى التواصل ابسط شي يقطون اللوم على غيرهم.

لو تصير لجنة فيها أغلب الوزارات و هالجهات المهمة و يتعاونون والله كلشي بيكون ارخص و احسن. لأن الشغل بيكون مرة وحدة مو متكرر عدة مرات.


من فترة في مطبات و حفر و سالفه بأحد المناطق فالدوحة و اهل هالمنطقة بين اشغال و البلدية و كل جهة تقط عالثانية فالنهاية المرور ما قصرو ولو انه مو اختصاصهم تكفل بهالشي "إزالة او إقامة مطبات" كانت سبب بعرقلة السير او كثرة الحوادث والله اعلم <<< موجودة بالتويتر من سنتين تقريبا السالفة

[لـبـيـه]

عشان تكون علامه مميزه لقطر

يمكن تقوم من النوم تشوف الجو حلو تنسى نفسك وتحسب انك في لندن وتركب موترك وتشوف الحواجز الحمر والاشغال والمنهولات في نص الشارع وتتذكر انك بقطر

[أم محمد 90]

التحدي الحقيقي هو انك تشرب كوب شاي بدون ما تنكت منه ولا نقطه وانت تسوق :)

[بانغ بانغ]

التحدي الحقيقي هو انك تشرب كوب شاي بدون ما تنكت منه ولا نقطه وانت تسوق :)

هههههههه خوش تحدي

تعالي الوكرة ان تم شي في الجلاص .... زين

[أم محمد 90]

هههههههه خوش تحدي

تعالي الوكرة ان تم شي في الجلاص .... زين
أبشّرك انا من سكان الوكير :) واعرف الوضع عدل

[معماري قطري]

سكنت مرة مجمع سنة 1990 وكانت الشوارع الداخلية متشابكة فيه وحق كل شارع إسم ورقم الشقة تحصله متكرر لازم تروح الشارع وبعدين تدور الشقة

المهم الطريق عالي الجودة بس شوي استوى باهت .. ويجيبون شركة ترشه بقار خاص أسود من قلب ويغطي قطع الحصى الصغيرة ويستوي معزول وخططوه في أيام معدودة .. عندنا تخطيط شارع الوعب لهم شهور يشتغلون فيه وباقي قطع ما سووها ما ادري شقصتها

بالنسبة للترقيع حطيت مرة مقطع لسيارة ترش الحفرة بماي مضغوط وبعدين نفس الهوز يدفع هواء صاخن ينشف الماي ويطير الغبار وبعدين يرش قار مع خلطة ترقع الشارع .. والرقعة تجي بخليط بلون الشارع ما تبين .. مثل المثل اللي يقول حلاة الثوب رقعته منه وفيه .. وبالنسبة لتخطيط الشوارع لزقات خاصة مب صبغ يومين ويطير

عندنا أشغال كله ما فيه معلوم ولو مقاول يجيب هالآليات ما بيخلونه يشتغل لأن شغلهم محجوز لحبايبهم

بنشوف سعادة الوزير الجديد شبيغير بعد ما اندمرت مالطة والله يعينه والله .. هو التقيت به في السابق وكان متفهم ومنتبه واداري حاذق وشخصية قطرية طيبة بس دواعيس البلدية أو كما يطلق عليها الكثيرون (البلاء والأذية ) ممن يشتغلون فيها وايد وتتعب اللي ما يتعب ولازم بتمر أشياء كثيرة

[معماري قطري]

التحدي الحقيقي هو انك تشرب كوب شاي بدون ما تنكت منه ولا نقطه وانت تسوق :)

سواقتج تخوف هشكل

[معماري قطري]

اول شي اولويات البنية التحتية


مثلا عندكم المشاف و بعض المناطق الجديدة المفروض الواحد ما يبتدي يبني إلا

كرماء مخلصين توصيلاتهم, و مزودي خدمات الإتصالات "اوريدو و يمكن فالمستقبل فودا او اي شركة مسموح لها توصل ارضي" فايبر اوبتك كهرة الكيتات و أكسسوارات الطرق و بعدها اخر شي يتم تزفيت الشارع عالأخر لين ما الناس تبني بيوتها و عقبها يصير ناقص الرصيف و الأنترلوك ماله و خلاص بكل بساطة.


اما الناس تبني و مافي شوارع
و بعدها تجي كل شوي جهة معينة و تشيل بهالإنترلوك الجديد و يردون يحطونه بفارق الألوان بسبب المدة الطويلة الي صارت\و بعدها بفتره يجونك كيوتل يحفرون و يكسرون و يرقعون فالبيت علشان الإنترنت المووقت يقولك الكيبل واصل مكان فالحوش ما ندري خلنا نكسر و اندوره.

و بعدها بكم شهر يجعون او سنة و شوي علشان يوصلون الألياف الضوئية.


و قس على ذلك هاي بس فبيت العمر الي الواحد توه ساكن 3 سنين من حياته بالترقيعات.
اشلون عن الشوارع

تعالو فريع العلي بالهلال و شوفو بعض الشوارع الله لا يراويكم شارع تقريبا 500 متر فيه اكثر من 25 رقعه و غير الحفر الي ليلحين ما ردموها اللهم اهل الفريج يحطون رمل بدون اي فايدة.

يمر شخص كبير فالسن او مرة حامل او شاب مسوي عملية بروستات شنو بيصير فيهم.


التعاون اشياء وايد زينة بقطر المشكلة بس الجهات ما تحب تتعاون مع بعضها ولا تتناشق للأسف الشفافية بين الجهات معدومة ولا حتى التواصل ابسط شي يقطون اللوم على غيرهم.

لو تصير لجنة فيها أغلب الوزارات و هالجهات المهمة و يتعاونون والله كلشي بيكون ارخص و احسن. لأن الشغل بيكون مرة وحدة مو متكرر عدة مرات.


من فترة في مطبات و حفر و سالفه بأحد المناطق فالدوحة و اهل هالمنطقة بين اشغال و البلدية و كل جهة تقط عالثانية فالنهاية المرور ما قصرو ولو انه مو اختصاصهم تكفل بهالشي "إزالة او إقامة مطبات" كانت سبب بعرقلة السير او كثرة الحوادث والله اعلم <<< موجودة بالتويتر من سنتين تقريبا السالفة

كهرماء في غالبية المناطق عندهم ما يسمى crossing ducts جاهزة للتمديد بدون حفر بس شغل المقاولين نص الكم يجي يحفر أسهل له .. أول شيء إختصار لطريق الكيبل وثاني شيء جهل ولا يعرف وين القناة الجاهزة وثالث شيء يكون اشتغل وخرب كل شيء وخذ فلوسه

الشيء اللي ما يدخل عقلي ليش للحين معتمدين على الحفر الغزيرة للصرف الصحي لتحريك الصرف بالجاذبية والعالم حتى الفقير يستخدم قنوات أُفقية ومضخات وبعضها ظاهر فوق الأرض؟

[معماري قطري]

فريجنا اللي يسمونه جديد وهو من 50 سنة وفيه شارع محوري ضيقوا الشارع بدال ما يوسعون وسووا أرصفة بدال ما تكون مواقف سيارات مخططة .. ونزلوا الكهرباء الهوائية اللي معلقة على عمدان تحت الأرض .. وسووا الانترلوك فوقها .. أول رشة مطر تسرب الماي للكيابل من جودة شغلهم واستوى شوط وسمعت يقولون نار تبين من الأرض وبندت الكهربة .. زين جاء المقاول المختص كوم الانترلوك على جنب وحفر وصلح وراح .. زين تعال ركب الانترلوك قال ما فيه معلوم سنو كلام .. واذكر 10 سنين على هالوضع كل ما امر اشوف الانترلوك وصارت هذي الحفريات في كم مكان

كلمت عضو المجلس البلدي عنها قال جبت مسؤول كبير وشاف وهز راسه وقال المشكلة مب مذكور في العقد .. حتى لو مب مذكور فيه شيء إسمه إتمام العمل صح مب لزوم اصلاح الشيء الفلاني نخرب الشيء الفلاني

في اوروبا ما يستعملون الانترلوك الا نادر .. بلاط مربع كئيب واسمنتي لكن مصنوع بجودة .. يركبونه على دفان جيد ومدكوك صح وبدون مونة حتى ينشال في لحظات .. وشفتهم بعيني شالوا وعزلوا المكان واشتغلوا وخلصوا ورجعوا كل شيء كما كان في فترة يمكن اسبوع بس بدون ما يضايقون حد

[أم محمد 90]

هههههه ضحكت اليوم ع الكورنيش

الحين قبل اليوم الوطني صكرو فيه للتعديل

للحين مش فاهمة شلون مخرج اول شي لسيارتين يصير لسيارة! ههههههههه

[جبر ال جبر]

هههههه ضحكت اليوم ع الكورنيش

الحين قبل اليوم الوطني صكرو فيه للتعديل

للحين مش فاهمة شلون مخرج اول شي لسيارتين يصير لسيارة! ههههههههه

ليش ماتدرين انه شارع الكورنيش هب هو بعد في عمليات التكميم وسوى رجيم

[معماري قطري]

ليش ماتدرين انه شارع الكورنيش هب هو بعد في عمليات التكميم وسوى رجيم

يفترض من زمان جايه التطوير

تطوير ياخذ في الاعتبار التوسعة جهة البحر وعمل كورنيش مشاة مرتب وزيادة المواقف وابعاد كورنيش المشاة عن مرور السيارات بحديقة كبيرة وعمل ترتيب ياخذ في الاعتبار بعد جزيرة النخيل وشبكها بجسر للمشاة .. عمل الشارع اللي للسيارات سالك لين الأبراج بدون تقاطع واشارات وأي تقاطع ينعمل جسر يودي لأَي جهة

وضع التصور كامل بحيث بعد تكون فيه حلول لمنطقة الأبراج والبريد وما حوله ورميلة .. صراحة اللي أشوفه يستوي واللي اعرفه إن كل منطقة مخططينها بدون امتداد وتواصل مع المنطقة اللي حولها .. والمواقف تحت الأرض مسوينها بعيدة ول 7000 سيارة .. ما ادري هل فيه ممرات بسيور متحركة تحت الأرض توصل للكورنيش وللجهات المهمة كوزارة الداخلية والصحة

الكورنيش والأبراج ووادي السيل وارميلة الى سوق واقف هذي كلها منطقة مهمة للغاية وتحتاج حلول سهلة ومنطقية للمواصلات وللمواقف ولازم يدخل فيها الريل .. ولا ننسى نادي قطر والمنشآءات الرياضية حوله يبقى جزء من هذا التخطيط .. وما نركز على شيء بسيط وهو شلون ننقل الزائر من المطار عبر البحر للأبراج .. لو وسعنا الكورنيش بحيث يضمن سلاسة الحركة ولا وجود لدوار أو إشارة وعملنا التقاطعات اليه ومنه كلها جسور بيكون كل شيء سهل