وين نلقى ملاعب للأيجار؟؟

[jassim_007]

السلام عليكم


شباب ماعليكم امر لو تعرفون ملاعب صالات داخلية (indoor football) في النوادي الرياضية او المدارس للأيجار ياليت تفيدونا ؟
احنا كنا ناجر في نادي برزان ولكن من تغير الشخص المسؤول عن الحجوزات كل ما نكلمه يقول لنا في عرس ! طول الاسبوع اعراس :rolleyes2: حشى لو كلامه صح كان كل اهل قطر تزوجو احين !! ماندري اشسالفتة بس يبط الجبد :anger1:


فبليز يالربع الي عنده ارقام يسدحهم هني ترا الكرشة قامت تبين من القعدة الزايدة :rolleyes2: همتكم

[بعيد النظر]

وعليكم السلام ..


انا العب صوب الثمامة .. مادري اذا قريب منكم ولا لا ؟

[ضوى]

صج والله مافي في برزان

مسكين ولدي متعته هالصالة اشوفه قاعد في البيت ومتملل ولين قلت له قال مافي مكان

وين دور مؤسسة الشباب والرياضة ؟ هذا دورهم والا انا غلطانة ؟

[بعيد النظر]

المؤسسات الشبابية .. يظبطون بعضهم وربعهم ..
ومكتفييين باللي عندهم .. واذا توفر ملعب ولا غيره ..


ارقدو عليه حتى لو مب مستخدمينه !

[ضوى]

المؤسسات الشبابية .. يظبطون بعضهم وربعهم ..
ومكتفييين باللي عندهم .. واذا توفر ملعب ولا غيره ..


ارقدو عليه حتى لو مب مستخدمينه !

واللي مب من ربعهم ؟ حرام يعني وين يروحون العيال

اخبر في النوادي لازم تكون مسجل طيب اللي مايبي يسجل يبي يروح يتونس كل ويك اند وين يروح ؟

ليش مافي صالات خاصة لهالفئة ؟ ليش مافي ملاعب بكل فريج ؟

[ضوى]

اتذكر مرة اقترحت هنا بالمنتدى انه كل منطقة اهلها ياخذون ارض عاد هبه والا عطيه من الدولة مدري شيسمونها ويبنونها على مستوى راقي جدا بيحث تخدم عيال المنطقة بس ، يحطون فيه مكان للرماية بالقوس مثلا ، مربط خيل ، حمام سباحة ، صالة رياضية ، ملعب كرة قدم ، انشطة متنوعة يعني ، ويخصصون يوم للشباب ويوم للبنات ، اتوقع بهالطريقة راح نقضي على ساعات الفراغ اللي عند شبابنا وبناتنا وراح يتوجه تفكيرهم لامور اهم واعمق ، غير هذا جدام عين الاهل وقريب من منطقتهم مايتعنون مكان بعيد ، وهاي كله يكون بجهد فدري من اهالي المنطقة يعني يعتمدون عالدولة في الاستفادة من خبراتها في هالمجال

[بعيد النظر]

واللي مب من ربعهم ؟ حرام يعني وين يروحون العيال

اخبر في النوادي لازم تكون مسجل طيب اللي مايبي يسجل يبي يروح يتونس كل ويك اند وين يروح ؟

ليش مافي صالات خاصة لهالفئة ؟ ليش مافي ملاعب بكل فريج ؟



معظم الفرجان فيها ملاعب حشيش صناعي .. وتاجر بالساعة ..
من الهلال لي المرخية .. كل فريج اتوقع فيه ملعب او اثنين !


اغلب صالات المدارس تاجر بعد .. بس صيدلك مدرسة ..
لان اللي يحجز .. يحجز بالسنة .. يعني كل ثلاثاء الساعة 6 ..
سنة كاملة علة نفس الموعد .. ياخذ ربعه ويروح !


من فترة جفت نادي السد مسوين ملاعب حلوة .. خارجية ..
مساحتها اصغر من الصالة وتنفع لشلة بو 10 .. وتاجر بالساعة !

[jassim_007]

وعليكم السلام ..


انا العب صوب الثمامة .. مادري اذا قريب منكم ولا لا ؟

هلا اخوي بعيد النظر
عادي اي مكان لو بالمريخ بس نبي نلعب :(

[بعيد النظر]

اتذكر مرة اقترحت هنا بالمنتدى انه كل منطقة اهلها ياخذون ارض عاد هبه والا عطيه من الدولة مدري شيسمونها ويبنونها على مستوى راقي جدا بيحث تخدم عيال المنطقة بس ، يحطون فيه مكان للرماية بالقوس مثلا ، مربط خيل ، حمام سباحة ، صالة رياضية ، ملعب كرة قدم ، انشطة متنوعة يعني ، ويخصصون يوم للشباب ويوم للبنات ، اتوقع بهالطريقة راح نقضي على ساعات الفراغ اللي عند شبابنا وبناتنا وراح يتوجه تفكيرهم لامور اهم واعمق ، غير هذا جدام عين الاهل وقريب من منطقتهم مايتعنون مكان بعيد ، وهاي كله يكون بجهد فدري من اهالي المنطقة يعني يعتمدون عالدولة في الاستفادة من خبراتها في هالمجال

اقتراح طيب .. واتمنى من وزارة الشباب والرياضة الاهتمام ..
وترك الشكليات

[jassim_007]

صج والله مافي في برزان

مسكين ولدي متعته هالصالة اشوفه قاعد في البيت ومتملل ولين قلت له قال مافي مكان

وين دور مؤسسة الشباب والرياضة ؟ هذا دورهم والا انا غلطانة ؟

اختي ضوى المشكلة في الي ماسك الحجوزات في برزان ،، ماصارت مشكلة الحجوزات الا يوم غيرو الشخص المسؤول و من يومه كل مانتواصل معاه يقول محجوز للاعراس !! و امس علشان اتأكد كلمته من رقم ثاني و قلت له الحجز لشركة و كان بيحجز لنا !!

[بعيد النظر]

جاسم امسح كم رسالة من عندك خل اطرشلك

[بعيد النظر]

اختي ضوى المشكلة في الي ماسك الحجوزات في برزان ،، ماصارت مشكلة الحجوزات الا يوم غيرو الشخص المسؤول و من يومه كل مانتواصل معاه يقول محجوز للاعراس !! و امس علشان اتأكد كلمته من رقم ثاني و قلت له الحجز لشركة و كان بيحجز لنا !!

اذا صرف زباينه اعرف انه ناوي يرفع السعر ..

[ضوى]

اخوي جاسم هذا تحايل واستخدام صلاحيات المنصب في غير محله بلغوا عنه شوفوا مهو اللي اكبر منه وبلغوه

[jassim_007]

جاسم امسح كم رسالة من عندك خل اطرشلك

تمام الشيخ حذفتهم توني :) جزاك الله خير

[jassim_007]

اذا صرف زباينه اعرف انه ناوي يرفع السعر ..

رفعو السعر من سنه تقريباً من200 صارت 250 بالساعه و ماتكلمنا ،،
ماتوقع علشان السعر لاني يوم كلمته من رقم ثاني عطاني نفس السعر

[jassim_007]

اخوي جاسم هذا تحايل واستخدام صلاحيات المنصب في غير محله بلغوا عنه شوفوا مهو اللي اكبر منه وبلغوه

صحيح اختي تواصلت مع ادارة برزان اليوم ووصلت لهم الكلام،،خذو رقمي و بيتواصلون معاي