فتحت مطعم ياليت تساعدوني بخصوص الدعاية

[fantasy]

السلام عليكم
بفضل الله فتحت مطعم بالوكرة صارله شهر تقريبا و حاب اسوي دعاية له شنو بظنكم أفضل طريقه اللي تخلي الناس تعرف المطعم لان مطعمي يوفر ارخص وجبات في قطر كلها يعني وين تحصلون فلافل هالايام سندويتش بثلاث ريال مثلا حتى الشوارما الحجم العادي ب ثلاث ريال صراحه ابي استغل هالاسعار و انشرها بين الناس الحمدلله اللي ماجرب يروح يجرب و يحكم
ياليت الافاده ابي اعلان ينحط فيه هالعبارات للمحل فياليت الله يجزيكم خير تفيدوني

[لـبـيـه]

حط اسم المطعم يارجال وانا اول من يشتري من عندك وابشر بلربع كلهم بعد افا عليك وين نحصل ندعم الشباب القطري

[عاشق العديد]

مشاهير السناب ..

توب بيبي او دكتور حمود قدمي وجبات مجانيه مثلا لخمسين شخص .. وان شاء الله .. بينتشر اسم المطعم

[مختلف جداََ]

اخوي

طرش لي اسم المطعم على الخاص

و ابشررررر

[النهار]

لعبتك مختلف من قدك شواما ب 3 ريال
ياخوي محلك مشاءالله مايبي له دعايه اذا بهذه الاسعار
ترى العالم تدور الرخص الي جرب ياكل من المطعم اكيد بيعلم ربعه

[مختلف جداََ]

لعبتك مختلف من قدك شواما ب 3 ريال
ياخوي محلك مشاءالله مايبي له دعايه اذا بهذه الاسعار
ترى العالم تدور الرخص الي جرب ياكل من المطعم اكيد بيعلم ربعه


شوف
بصراحة
اذا عرفت المطعم

وأكله نظيف
و الله والله لأنشر خبر المطعم لوجه الله تعالى

و بعطيكم رايي فيه هني

[fantasy]

الله يرحم والدينكم كلكم ماقصرتو على دعمكم مادري اذا ممنوع الاسم احطه بس يالله لو انحذف الله بيعوض اسمه دونر شاورما واللي قديم بالوكرة بيعرفه لانه حل محل معصرة الطيبات اللي كانت هناك مشهورة
وللعلم المحل على لفة الشارع التجاري ماغيره عبدالرحمن بن جاسم بعد ريتيل مارت بميتين او ثلاثمية متر في حلاق ساعه صفا و لفه وياه بيكون المطعم هناك
وللامانه الايجار اقل من الايجارات المتعارف عليها و عشان كذا قيمة السندويتشات فيها الرخيص مثل مابينت.
شكري الخاص لكم و باخذ نصيحه اخونا عاشق العديد و اي ملاحضات حق اللي بيروح يبلغني او الشيف اللي اثق فيه هناك و فالكم طيب

[ضوى]

الله يوفقك يااارب ، تستاهل الدعم والتشجيع

[fantasy]

الله يجزاكم الخير و انا اقولها والله يشهد مافتحته الا عشان اوازن بين الربح وبين أن اهل قطر يحصلون شي طيب و سعره يكون بسعر ايام الطيبين,, طبعا للي بيروح ترى في سندويتشات ب 6 و ب 10 بس هذه تكون نفس الصاروخ انا اقولكم روحوا جربوا العادي و خلكم عليه و عادي عندي تحطون الملاحظة هني ان ماعجبكم لان والله هدفي ان المطعم يخدم الكل بدون مايتأثر اي شي في جودته والله يوفقكم ويانا

[بانغ بانغ]

صراحة كلت من عندكم من كم يوم

احلى جبدة في الدوحة صراحة والشوارما ممتازة

الدونر شي صراحة نفس مال الاتراك

اموفق اخوي بس الشف شايفة قبل عند يم يم تري لو تتوسعون اتسوون باستا وفطاير بكون ممتاز

[بانغ بانغ]

بوصالح وينك عازمك على جبدة

[السكين]

الله يوفقك أسعارك رائعة ومميزة.

نفس ما قالك الأخ عاشق العديد عليك بالانستغرام والسناب سريع ويوصل للشريحة المطلوبة اللي هي الشباب ومنها هم ينشرونها لك .

توب بي بالسناب كل كم يوم مسوين عنده التجارعروض توزيعات مجانية منها ينشهر حسابة ومنها ينشهر صاحب الدعاية ، فيه ناس توزع له ستيكرات بمحلاتها أيضاً ، لو وزعت 500 سندويش والله تنقلب بالوكرة زحمة :nice: واللي يعجبه بيرجعلك ويجيب لك معارفه.. جرب وبالتوفيق .

[fantasy]

ههههه لا انشالله بتواصل ويا توب بي بي تصدق انا مفكر توب بيبي هو نفسه د حمووود,, ههههه
اخوي بانغ عليك بالعافيه قريب انشالله بنسوي فطاير
بالفعل الشيف اللي عندي كان في يم يم تري و هو حبيب الشعب يعرف كثير من الشباب والحريم واللي كانوا يتعاملون وياه قبل في يم يم تري و ياما ساعد ناس يعني عادي جاي و ناقصك ريال ريالين والله نمشيها لكم أفا عليكم
الله يوفقكم جميعا

[بعيد النظر]

عسى الله يوفقك ويرزقك ..

وانا توني منزل استفسار عن الدعاية .. حق مشروع بسيط ف انستقرام !

اذا عندك مطعم .. اسهل شي عن طريق wheretoeatqtr ..
طرشله ايميل .. وان شاء الله يلبي دعوتك ..


حسابه جدا قوي .. بس مشكلته من هل الريان ..
على كل حال هل الوكرة فيهم الخير والبركة ..

واذا عرفو ان راعي المحل قطري ..
مب مقصرين والله يوفقك

[fantasy]

تسلم فديتك بابعثله مسج و اشوف رده ماقصرت مب غلط يمكن فادني رغم كونه في الريان

[مخطط قطري]

اذا الله وفقك و رتبت امورك افتح لك فرع في الدوحه لانه في ناس وايد ماتفرق معاه السعر يفرق معاه الجوده والذه في الطعم وبعدين هل الدوحه والريان والمناطق الشماليه اذا بيتعنا للوكره مب جايك عشان 3 ريال او 5 ريال في الساندويتش لانه بيخسر اضعاف هالرقم في البترول بيتعنا عشان جوده الطعام عشان هشكل عامل السعر لوحده مب عامل جذب لجمهور المستهلكين خصوصا من هم خارج الوكره

[fantasy]

صادق اخوي مخطط بكل كلمه قلتها وانت ذكرتني بشي، اذا تخبرون يم يم تريي يسوي عصير رمان بعشر ريال بس لذيذ صراحه و الشيف عندي يسوي نفس العصير كان مقترح نفس السعر قلت له لا خله ب ثمان و مشالله اقبال كبير من اسبوعين جاي واحد متعني من الخور يقول رفيجه خبره عن الرمان و جه يجرب هالعصير و طالب له كم سندويتش عاد انا كنت متواجد و خبرت الشيف ان العصير خله علا حساب المطعم و بلغت الريال استانس يحليله
الله يجيب الخير للجميع انشالله

[fantasy]

اش رايكم في اعلانات اللي تحطها الناس و توصل مسجات اس ام اس كم تكلف و هل زينه يقدرون يحطون كلام باختياري مثل الاسعار و لا اتم على اللي اقترحوه الشباب مثل الدكتور حموود و توب بي بي

[ضوى]

حمستوني اجرب

ان شاء الله لنا زيارة لهالمطعم

[المحاميه]

المشكله بعيد
ولا جان جربنا :weeping:

الله يوفقك ف مشروعك

[المبرمج صلاح]

ان شاء الله اذا الله اراد بودي الاهل الوكرة اخر الاسبوع وبنمرعليك نجرب المطعم
عندك توصيل لمنازل الوكرة لو عندك توصيل ارسلي رقم تلفون واسم المطعم عالخاص

الله يبارك لك فيه ويوفقك باذن الله

[Bin Hood]

الله يوفقك يالشيخ

تستاهل كل خير

عليك بالانستغرام والسناب شات

وفي شي ممكن يفيدك وهو الباكنق (التغليف) حاول ان يكون حلو علشان يشجع على التصوير!

[معماري قطري]

شكلنا بنتعنى من الدوحة للوكرة والبترول غلى .. نطالب بخصم أكثر للأعضاء اللي من الدوحة

[بانغ بانغ]

شكلنا بنتعنى من الدوحة للوكرة والبترول غلى .. نطالب بخصم أكثر للأعضاء اللي من الدوحة

بوعبدالله لاني من سكان الوكرة قطر ... انت بس تعال وبنكلم مختلف وبعزمكم على مخ ومصارين .... وبنودي حق " بعض الناس " اشوي ...

الا يا فانتسي عندنكم مخ ومصارين ولا بس حمسة جبدة !

[الرايــق]

اخوي شنو اسم المطعم ووين موجود؟؟

[fantasy]

حمستوني اجرب

ان شاء الله لنا زيارة لهالمطعم
الله يعطيكم العافيه و بنتشرف انشالله

[fantasy]

المشكله بعيد
ولا جان جربنا :weeping:

الله يوفقك ف مشروعك
الله يجزاكم خير و انشالله تجي فرصه و شاكر لج مرورج يالمحامية

[fantasy]

ان شاء الله اذا الله اراد بودي الاهل الوكرة اخر الاسبوع وبنمرعليك نجرب المطعم
عندك توصيل لمنازل الوكرة لو عندك توصيل ارسلي رقم تلفون واسم المطعم عالخاص

الله يبارك لك فيه ويوفقك باذن الله

شرف لنا يا استادنا وانشالله ان رحت هناك بتحصل التركي اللي اسمه فكرت انسان محترم جدا مابي احط ارقام بس عشان قوانين المنتدى

[fantasy]

اخوي بن هوود انشالله باتعنى عشانهم و انشالله تكون خيرة لنا هالبرامج
معماري قطري ابشر والله ان وصلت انت او اي احد من الاخوان كلمو فكرت الشيف قولو له انتو من شبكة الأسهم و اطلبو منه يكلمني و فالكم طيب والله اكلمك جد يالغالي
اخوي الرايق بعد ريتيل مارت بمسافه بسيطه في لفه يمين اسمه دونر للشاورما سهل مابتضيع
اخوي بانغ ضحكتني والله عليك بالعافيه الشيخ

[وحيد-الشوق]

مافي خصم لسكان الوكرة ههههههههه

امزح ربي يوفقك ياخوي وعليك بالانستغرام وغيره

[Lavander]

بالتوفيق :victory:

[بوخميس]

اليوم العشا عندك

كل اسبوع على الاقل مرتين اجي الوكرة، بس ما جربت هالمطعم

[U Welcome]

جرب تحط مطعمك في برنامج للمطاعم اسمه
Entertainer Qater

والله يوفقك

[*اللورد*]

مبااااااااااااارك محلك و تشوف فيه كل خير ان شاء الله ..
نصيحه اخويه : marketingمهم في زيادة الانتاجيه و ذلك بالتميز بتقديم الخدمات ..كيف ؟
ا*اليونيفورم للستاف يكون موحد , نظيف .و ذا الوان مريحه للنظر..
* سلوك الستاف و تعاملهم بروح مرحه
* طريقة التغليف و نوع ورق التغليف مهم لأضفاء الاهتمام و الجوده على المنتج
*small trick:عند تقديم اي وجبة شاورما ان يكون معها مغلف صغير يحتوي على مناديل مرطبه معطره تحمل اسم المحل .كذلك بأمكانك ان تضع ضيافه لجميع زوار المحل و هو عباره عن شاي او نسكافيه او قهوه عربيه و يتم تقديمها للزبائن الذين ينتظرون طلبهم ..و يكون على كاسات الورق المقدمه..
هذه امور بسيطه و لكن لها مردود كبير في نفسية الزبون..
و اللي تحتاجه من نصائح ان شاء الله ما نقصر معاك و مع الشباب الطيبه..

[بونواف78]

هلا اخوي
يبيلك دعايه بالانستغرام ومواقع التواصل الاجتماعي
وهل عندك توصيل للمنازل لان ربعنا يحبون الراحات
وغير جذية عط اي حد يوزع لك المنيو على البيوت
والسيارات مثل بعض المحلات وشوي شوي الاسم بينتشر
وبيعرفونه الناس واهم شي مستوى الاكل والنظافه علشان
تحافظ على زباينك وبالتوفيق

[QtrGate]

اهم طريقة للدعاية وكسب الزبون
العروض المفاجآة
تخلي العصير مجانا او الشاي مجانا

[fantasy]

السلام عليكم جميعا
اشكركم فتحتوا عيوني للامانه لشغلات جاهلها
اخوي اللورد كلامك صح اي والله و سبحان الله امس ماره اخت من البلدية و نبهتهم بتوحيد الزي مع ان واحد بس ماكان لابس الزي و غريبة خبرونا نسكر الباب على طول، مشددين وايد
امس ايضا واحد كان يتعشى و عقب عرفني بنفسه من جريدة نفس الوسيط اظن اسمهاالاسبوعية و يوزعون الاعلانات قالي سوو خمسين الف مينيو هذا سعره لحاله بحدود خمس الاف و عقب اعطيهم بيوزعون في ازدانات الوكرة كلها توزيع حول العشر الاف نسخه بيكون بحدود الفين ريال والاسبوع اللي بعده مثلا نفس الشي اخليهم يوزعون،، كبداية باخذ نصيحتكم باستخدام الانستغرام و الشباب مثل د حموود و توب بي بي
للامانه انا جدا فاشل في الاعلانات و اشكركم على تعاونكم و مشاركاتكم ماقصرتوا والله

[بن هجرس]

الف مبروك اخوي

ربي يوفقك ويوسع عليك من اوسع ابوابه

الاخوان والخوات ماقصروا بيض الله وجيهم

ندعي ربي يوفقك ويسهل عليك

[عاشق العديد]

السلام عليكم جميعا
اشكركم فتحتوا عيوني للامانه لشغلات جاهلها
اخوي اللورد كلامك صح اي والله و سبحان الله امس ماره اخت من البلدية و نبهتهم بتوحيد الزي مع ان واحد بس ماكان لابس الزي و غريبة خبرونا نسكر الباب على طول، مشددين وايد
امس ايضا واحد كان يتعشى و عقب عرفني بنفسه من جريدة نفس الوسيط اظن اسمهاالاسبوعية و يوزعون الاعلانات قالي سوو خمسين الف مينيو هذا سعره لحاله بحدود خمس الاف و عقب اعطيهم بيوزعون في ازدانات الوكرة كلها توزيع حول العشر الاف نسخه بيكون بحدود الفين ريال والاسبوع اللي بعده مثلا نفس الشي اخليهم يوزعون،، كبداية باخذ نصيحتكم باستخدام الانستغرام و الشباب مثل د حموود و توب بي بي
للامانه انا جدا فاشل في الاعلانات و اشكركم على تعاونكم و مشاركاتكم ماقصرتوا والله
والله اذا بتسوي اعلان للأسف انا اشوف انه ع فاضي ..

بذمتك متى اخر مره استلمت اعلان عن محل او مطعم وقعدت تشوفه وتشوف اكله .؟

يمكن اخر مره قبل ثلاث سنوات او اربع ..

انا اقولك جرب توب بي بي او دكتور حمود معني انصح فتوب بي بي اكثر .. لانه هو الله يجزاه خير دايم يساعد من هالناحيه ..

[fantasy]

معناه انشالله اخلي هالدعايات على جنب بتواصل ويا الاثنين انشالله و بخلي يوم الخميس بعد الجاي على اعتبار ان اجازة هالفتره و باحصل كثير اللي رايحين سيلين هذا غير المتابعين بوزع وجبات بالتساوي توتال اربع ميه وجبه لكل من يجي عن طريقهم اعتقد جيدة هالطريقة؟

[JN000N]

شكلي اليوم بروح اجرب
بس كيفك لو ما عجبني شي بكتب لك هني

[بوخميس]

مريته امس

كنت اتصور محل كبير نوعاً ما

بس هو أقرب للمعصرة، وصغير وايد. ومكانه مب ظاهر عدل.

ما اعتقد تحتاج دعاية إلا حق عيال الفريج.

[المحاميه]

يقولك مكان معصره ويقولك فلافل وشاورما
يعني شلون تخيلته؟؟
الله يهديك الموضوع واضح

الله يفتحها عليك اخوي

[بانغ بانغ]

شكلي اليوم بروح اجرب
بس كيفك لو ما عجبني شي بكتب لك هني

اذا بتمرين وانت قلتي سابقا ما تحبين الجبدة ... اطلبي مخ اتوقع عنده .

بون ابتيتي مقدما

[JN000N]

اذا بتمرين وانت قلتي سابقا ما تحبين الجبدة ... اطلبي مخ اتوقع عنده .

بون ابتيتي مقدما

الجبده رالمخ كنت اكلهم وانا ياهل يقصون علي
الحين لا والف لااااا
استغفر الله
باكل شاورما
يمكن اروح الدوحه ماظنتي اكل اليوم او باجر بس بحاول

[امـ حمد]

بالتوفيق يارب اخوي
الله يرزقك ويرزق جميع المسلمين

[fantasy]

يا اخوان ماعندنا مخ ههههه الله يهداك بانغ شكلك ماكل مخ بمطعم غلط
اختي جنون اكيد اذا ماعجبج او في ملاحظه ابي اعرفها عشان نعالجها ولا كيف بنخدمكم
بوخميس فديتك المحل فعلا كان معصرة و ياليتني خذت اللي جنبه بس وقتها ماكنت مفكر صح للاسف لكن هذا حجمه وتدري اخدم في اهل الوكره و الكل بعد
يعطيج العافيه يالمحامية انشالله تحصلين فرصه تجربينه و يعجبك

[بانغ بانغ]

صباحكم دونر وجبدة

اموفقين ياخوي فنتاسي ( لا تزعل مني انت النك مالك هل انت واحد او وحدة لاننا انخاطبك كواحد )

شكرا

[بوخميس]

يا اخوان ماعندنا مخ ههههه الله يهداك بانغ شكلك ماكل مخ بمطعم غلط
اختي جنون اكيد اذا ماعجبج او في ملاحظه ابي اعرفها عشان نعالجها ولا كيف بنخدمكم
بوخميس فديتك المحل فعلا كان معصرة و ياليتني خذت اللي جنبه بس وقتها ماكنت مفكر صح للاسف لكن هذا حجمه وتدري اخدم في اهل الوكره و الكل بعد
يعطيج العافيه يالمحامية انشالله تحصلين فرصه تجربينه و يعجبك

الشيبة بو نظارات قالي المحل اللي جنبه بنسويه حق باستا

يعني اللي جنبه مب لك؟؟

[الغريب70]

اخوي فانتاسي عسى الله يوفقك ويبارك لك في حلاك ويزيدك من فضله.
انا للامانه مريت وذقت عصير الرمان ماشاء الله روعه والشاورما ممتازه ولي عوده علشان اجرب الكبده الي اخونا بانغ بانغ يمدحها وناطر الفطاير . بس لاتنسى تخبرنا عنها.
بالتوفيق ان شاء الله.

[بانغ بانغ]

اخوي فانتاسي عسى الله يوفقك ويبارك لك في حلاك ويزيدك من فضله.
انا للامانه مريت وذقت عصير الرمان ماشاء الله روعه والشاورما ممتازه ولي عوده علشان اجرب الكبده الي اخونا بانغ بانغ يمدحها وناطر الفطاير . بس لاتنسى تخبرنا عنها.
بالتوفيق ان شاء الله.

جعله مداخيل العافية ياخوب الغريب خلاص اذا جيت الوكرة بعزمك على حساب الطيب فانتاسي

[JN000N]

رحت المطعم الله يبارك لك فيه
وخذت منه واحد شاورما والطعم حلو ونظيف
والسعر كان 6 ريال

[fantasy]

ماقصرتو اخواني و الله يخليكم ان طلبتو قولو لهم نبي الشوارما اللي بثلاث
اي والله يا بوخميس ناوين وانشالله ان صار فبيكون من نصيبنا المحل الثاني لانه حاليا مش لنا
اعذرونا هم اربع اتراك و واحد اللي يعرف عربي بس بنحلها انشالله قريب

[fantasy]

اخوي الغريب تسلم فديتك وابشرك الفطاير موجودة قريب جدا و اذا انت من الوكرة تبشر بتوصيل لان الشيف عندي يوصل للاماكن القريبه
اعذرونا علا القصور اخواني

[عثرة جواد]

الله يوفقك ويسهل رزقك

[KHALiDiSH]

وين مكان واسم المطعم ؟؟؟