تجاربكم مع بناء فيلا عظم

[Chanel]

مساء الخير جميعا
اخواني ممكن ترشحون لي شركة مقاولات لبناء فيلا عظم من تجاربكم الشخصيه

[معماري7]

شركة بن بحر للتجارة والمقاولات .
حسب تجربتي الخاصة. شغل نضيف والوقت ممتاز

والإدارة ممتازة . ومالك الشركة رجل فاضل.

بالتوفيق ان شاء الله

[معماري قطري]

انصحك بعقد كامل أفضل وأي شيء فيه اختيار خله عليك الشراء والنقل والفحص والتخزين والتركيب على المقاول .. أشياء معينة مثل الأبواب والنوافذ خل الاتفاق عليها عن طريقك وشرط المقاول الرئيسي يرتب لها للتركيب ويعتني بها ويحميها لين تستلم المنزل .. أو خل المقاول الثاني يركبها قبل السكن بس فتحاتها تكون جاهزة .. للأبواب sub-frame بمقاسات مضبوطة وللنوافذ حتى لو حبيت تحط إطار حجر أحلى بيطلع .. حتى الصبغ خله على المقاول ولو تقدر حدد الاختيار قبل أفضل أو اترك الاختيار للأخير

الجبس اتفاق خاص والمقاول عليه تركيب الليتات والحماية ومسؤولية الموقع ككل .. صدقني بتفتك من وجع الراس والمقاولين ألحين مصدومين لأن الكيكة راح أغلبها لناس معينيين ومن برز الدواء قبل الفلعة بيبقى عنده لين يخترب وسهل تحصل مقاول متوسط قادر يسوي لك كل اللي تبي بسعر معقول

[hamadazoz]

شركة الصباح

[Bozizoo]

كونستنتس للانشاءات
شركتي
تحت اشراف فني و مالي قطري

[Qt.1]

والله في شركه يبنون بيت صوب بيتي , ماشاء الله عليهم اقل من 6 شهور توني مار على البيت يسمحونه بلاستر والبيت مهب صغير !! ماشاء الله عليهم وبيوت انبنت قبلهم وللحين كل اسبوع ايسوون شي , اذا تبين بمر باقرى اسم الشركه ,,

[معماري قطري]

كثير من الشركات تعاني من مشاكل كثيرة خصوصاً الصغيرة منها

شركة كنت ماخذ عنها فكرة زينة طلع مديرها وصاحبها يشتغلون في بيع الفيز وتغريق السوق بعمالة سايبة ومع التفات الحكومة لهذي النوعية من الشركات انسجن المدير الأجنبي لأن التهمة لابسته .. المالك القطري عليه بس دفع الفلوس اللي كسبها من قبل لتسفير العمال أو رواتب لهم بدون ما يشتغلون شغل يناسب لأن مؤهلاتهم على قد الحال

اللي يدور شركة يشوف شركة مستقرة وعندها قوة للعمل