المساعد الشخصي الرقمي

مشاهدة النسخة كاملة : كرسي الحمام المعلق بالجدار وأفضل سعر ؟ واستشاري كهرباء ؟


وحيد-الشوق
29-01-2016, 10:15 AM
السلام عليكم

الله يرضى عليم عندي خمس حمامات تكرمون نويت اركب كراسي الحمام المعلقه في الجدار وابغي شيء جودة واوروبي وبسعر معقول

لقيت عرض سعر من شركة روكا في المطار التابعه لمجموعة الفطيم منتجات اسبانية 5 كراسي معلقه ب14 الف بعد الخصم ( الكرسي والخزان من روكا )هل تنصحوني اشتري منهم لأن السعر مقارب لكافود ويمكن ارخص ؟ او في شركات اخرى طبعاً غير نابينا توتو ماعجبني صراحه واغلبه صيني وكافود عنده ايدل ستاندرد اعتقد يقولي الماني بس شفت مغاسل من نفس الشركة يقولي هاي مصري وهاي صيني !! ومتردد من عند من اشتري لأني سمعت الاخوان يقولون خزانات جروهي او جيبرت أفضل وموجودين في السوق وانا محتار

أخيراً محتاج مهندس كهربائي وشخص فاهم في السباكة يقدر يمر البيت او يفيدني اذا عندي اخطاء في الشغل مع دفع قيمة الاستشارات او بمقابل مالي
وحيد-الشوق
30-01-2016, 09:04 PM
وينكم ياخبراء :(
وحيد-الشوق
01-02-2016, 02:38 PM
افكر ارد على روحي :)

وينكم يا جماعة وماهي افضل واسلم طريقة لتركيب الخزان ؟
@north_star@
01-02-2016, 05:03 PM
http://www.qatarshares.com/vb/showthread.php?615329-%DF%D1%D3%ED-%C7%E1%CD%E3%C7%E3-%C7%E1%E3%DA%E1%DE-(-%C7%DA%D2%DF%E3-%C7%E1%E1%E5-)-%C7%D3%CA%DD%D3%C7%D1
وحيد-الشوق
01-02-2016, 06:32 PM
الف شكر لك استفدت من الموضوع مادري شلون ما انتبهت له
معماري قطري
02-02-2016, 09:12 AM
ما ادري إنت في أي مرحلة بس أي شخص بيركب هالنوع يشتري الفريم قبل ويركبه في الحائط .. والأحلى عمل حائط ملاصق للحائط له بارتفاع يغطي الفريم وبدال ما يترسونه له اسمنت يركبون عليه فريم خشب مارين بلايوود ويركبون البلاط عليه بلاصق قوي

لازم ننتبه لإرتفاع الكرسي لأن هذي الأنواع من الفريم تجي قابلة للتعديل وتنزل شوي وترتفع شوي حسب الرغبة .. إرتفاع 43 سم مناسب لكن لكل نوعية كرسي ارتفاع معين للبرغي المثبت وهذا ناخذه من المورد
معماري قطري
02-02-2016, 09:16 AM
سويت عندي في الحمام الرئيسي حائط ممتد فاصل الحمام قسمين وبارتفاع 1.2 متر ونازل ل 80 سم جهة البدية وكنت متخوف من ثباته ومن المارين بلايوود والحمد لله 11 سنة للآن سووا صيانة مرة وحدة وسريعة وبواسطة واحد خبرته قليلة بدال ما ينظف الفلتر غير ميكانيكية السيفون بالكامل ومشى الحال .. والخشب تحت ما ينعرف الا لو حد ضرب على البلاط
وحيد-الشوق
03-02-2016, 09:53 AM
ما ادري إنت في أي مرحلة بس أي شخص بيركب هالنوع يشتري الفريم قبل ويركبه في الحائط .. والأحلى عمل حائط ملاصق للحائط له بارتفاع يغطي الفريم وبدال ما يترسونه له اسمنت يركبون عليه فريم خشب مارين بلايوود ويركبون البلاط عليه بلاصق قوي

لازم ننتبه لإرتفاع الكرسي لأن هذي الأنواع من الفريم تجي قابلة للتعديل وتنزل شوي وترتفع شوي حسب الرغبة .. إرتفاع 43 سم مناسب لكن لكل نوعية كرسي ارتفاع معين للبرغي المثبت وهذا ناخذه من المورد


سويت عندي في الحمام الرئيسي حائط ممتد فاصل الحمام قسمين وبارتفاع 1.2 متر ونازل ل 80 سم جهة البدية وكنت متخوف من ثباته ومن المارين بلايوود والحمد لله 11 سنة للآن سووا صيانة مرة وحدة وسريعة وبواسطة واحد خبرته قليلة بدال ما ينظف الفلتر غير ميكانيكية السيفون بالكامل ومشى الحال .. والخشب تحت ما ينعرف الا لو حد ضرب على البلاط

الف شكر لك ياباش مهندس معماري اذا امكن ترسل لي صورة عالخاص تسوي خير لأني كنت افكر اسويه بأسمنت والبلاط من فوق اسكره ببراغي
معماري قطري
03-02-2016, 10:58 PM
ما يبين في الصورة الفريم مثبت على الحديد وفوقه ملبس بلاط .. فتحة الصيانة هي الصغيرة بس .. ويبقى عندك من داخل مجوف ومحمول بالحامل الحديد لو بتسويه باسمنت بيسونه ما عندهم مشكلة بس الاسمنت بيغطي غالبية الأجزاء الداخلية وبتستوي صيانته شبه مستحيلة
وحيد-الشوق
04-02-2016, 10:57 PM
شكراً اخ معماري ولو اني ما استوعبت ماشرحته لحد الان وماهو المقصود بالمارين بلايوود ومن وين اجيب فريم هههههه اسمحلي اخوك عليمي ومنك نتعلم
معماري قطري
05-02-2016, 02:01 AM
الفريم اللي هو الحديد اللي تثبت فيه الكرسي والمارين بلايوود هو اللي بنقول عنه بليوت خشب بس خاص بالماي قوي وبتحصله عند محلات بيع الخشب .. فيه بلجيكي هو الأساس وهو الأقوى واندونيسي وغيره فاشلين شوي

المارين بلايوود تحطه للأبواب بعد تحت الفريم ويتثبت عليه الفريم يسمونه سآب فريم
وحيد-الشوق
06-02-2016, 09:12 AM
شكراً اخ معماري بارك الله فيك
معماري قطري
06-02-2016, 10:19 AM
العفو اخوي والله يوفقك

شغل التشطيب يحتاج فكرة مبدئية وتمشي على أساسها من البداية أما بعد ما تجهز تستوي الأُمور صعبة وتضطر للبدائل اللي ممكن ما تعجبك ولا لعمل الشغل مرتين .. من ضمن البدائل تسوي الكرسي العادي المثبت على الأرض
الســـهم
07-02-2016, 09:21 AM
السلام عليكم ورحمة الله وبركاته ..

بالرغم من اني مركب ماركة فيلوري اند بوخ , ولكن انصحك بماركة (كوتو) عند شركة عبدالله عبيدان بجانب مطعم الساحة ، اسعارهم مناسبة جدا وهالماركة اخت (توتو) اللي وكيلها نابينا وبنص السعر تقريبا , بإذن الله ماتدخل هالمحل وتطلع منه الا وانت شاري بضاعتك من عنده لانك راح تتعامل مع ناس طيبين وصادقين ..
معماري قطري
07-02-2016, 11:10 AM
توتو صناعة يابانية متطورة بس عيبهم تصنيعهم درجات والياباني اللي جودته عالية محد يستورده .. لو حصلت توتو ياباني خذه وانت مغمض
وحيد-الشوق
07-02-2016, 01:57 PM
العفو اخوي والله يوفقك

شغل التشطيب يحتاج فكرة مبدئية وتمشي على أساسها من البداية أما بعد ما تجهز تستوي الأُمور صعبة وتضطر للبدائل اللي ممكن ما تعجبك ولا لعمل الشغل مرتين .. من ضمن البدائل تسوي الكرسي العادي المثبت على الأرض


الجميع يامعماري بالامس السباك ركب لي خزان بس كان مكسر الطوفه قلت لا ابي تركبه على طول قالي بجيب لك طابوق وبشتغل وبشوف هو يقول فاهم وانا معلوم شغل انت كله خوف لأني ملعوزه وايد وكنت بلغي الشغل معاه بس الي يقولي كمل معاه خلاص الله يعين


السلام عليكم ورحمة الله وبركاته ..

بالرغم من اني مركب ماركة فيلوري اند بوخ , ولكن انصحك بماركة (كوتو) عند شركة عبدالله عبيدان بجانب مطعم الساحة ، اسعارهم مناسبة جدا وهالماركة اخت (توتو) اللي وكيلها نابينا وبنص السعر تقريبا , بإذن الله ماتدخل هالمحل وتطلع منه الا وانت شاري بضاعتك من عنده لانك راح تتعامل مع ناس طيبين وصادقين ..

فيلوري اند بوخ اطقمهم حلوة بس سعرها غالي صراحه توتو للأمانه ماعجبني وايد اغلبه صيني عارف انه مصنع بس ودي بشيء الماني او اوروبي بحت تدمر عندهم كارمخ الماني بس موديلين عندهم والي عجبني بعد نوع اسمه باثكو اسباني (طبعاً قلت له ماباخذ منك الا عقب ما اشوف شهادة المنشأ )شكله حلو وسعره 1500 للمعلق و1600 للback to wall والثاني حلو تصميمه صرف ارضي ولاصق في الجدار شكل حلو ومرتب وتوايفورد بعد ممتاز جداً انجليزي وجودة وروكا وكيله الفطيم اسباني وعندهم شغلات حلوة بس عيبهم اغلب الاقطع بالطلب وتاخذ 8 لين 10 اسابيع باخذ لي جوله ان شاء الله عند محل عبيدان واشوف

شكراً لك ياخوي

‏http://i863.photobucket.com/albums/ab200/w7ed-qatar/961C743F-B09B-4FB9-90C8-2035473CABF1_zpsszesspfb.jpg (http://s863.photobucket.com/user/w7ed-qatar/media/961C743F-B09B-4FB9-90C8-2035473CABF1_zpsszesspfb.jpg.html)

هذا توايفورد ب3000 تقريبا بدون الخزان

‏http://i863.photobucket.com/albums/ab200/w7ed-qatar/FD2E49EF-AC36-459D-8693-52E2D5CD77A3_zpsih5wqffc.jpg (http://s863.photobucket.com/user/w7ed-qatar/media/FD2E49EF-AC36-459D-8693-52E2D5CD77A3_zpsih5wqffc.jpg.html)

‏http://i863.photobucket.com/albums/ab200/w7ed-qatar/541DE147-1BCD-4C28-97FA-F9A24346AE5A_zpsv1nzirs3.jpg (http://s863.photobucket.com/user/w7ed-qatar/media/541DE147-1BCD-4C28-97FA-F9A24346AE5A_zpsv1nzirs3.jpg.html)

كارمخ حمام معلق عند تدمر عندهم موديل واحد فقط والمغاسل سعرها حلو بعد حدود 600 ريال



‏ http://i863.photobucket.com/albums/ab200/w7ed-qatar/004D48F2-4699-4BA2-87FC-19CD1EEEAD88_zpssrzihgyb.jpg (http://s863.photobucket.com/user/w7ed-qatar/media/004D48F2-4699-4BA2-87FC-19CD1EEEAD88_zpssrzihgyb.jpg.html)

باثكو اسباني شكل ممتاز جداً وسعره 1500 او اقل بشوي


http://i863.photobucket.com/albums/ab200/w7ed-qatar/C4B47CAE-F8A9-4864-AD9C-5600AF914E41_zpsdgjvj5iv.jpg (http://s863.photobucket.com/user/w7ed-qatar/media/C4B47CAE-F8A9-4864-AD9C-5600AF914E41_zpsdgjvj5iv.jpg.html)

http://i863.photobucket.com/albums/ab200/w7ed-qatar/812C77D8-8EC3-4943-9565-E5A29837DDD1_zpsmgfkqxgr.jpg (http://s863.photobucket.com/user/w7ed-qatar/media/812C77D8-8EC3-4943-9565-E5A29837DDD1_zpsmgfkqxgr.jpg.html)

وهذا الback to walk صراحه انصح الي مايبون عوار الراس بهذي الانواع شكل حلو ومسكر

‏http://i863.photobucket.com/albums/ab200/w7ed-qatar/F184A366-B0CA-4391-B92B-70852C020EBA_zpsvjswmbjz.jpg (http://s863.photobucket.com/user/w7ed-qatar/media/F184A366-B0CA-4391-B92B-70852C020EBA_zpsvjswmbjz.jpg.html)

‏duravit وكيله المتحده اكثر شيء عجبني بس ان شاء الله باخذ منه طقم كامل لحمام واحد فقط




توتو صناعة يابانية متطورة بس عيبهم تصنيعهم درجات والياباني اللي جودته عالية محد يستورده .. لو حصلت توتو ياباني خذه وانت مغمض

هذا الي رددني في توتو اخوي معماري
معماري قطري
07-02-2016, 02:07 PM
ميزة اللي يجيك في الطوفة تسويه اخل الحايط يطلع أرتب ولو تسوي الحايط من الأساس مجوف .. يعني طابوق من جهة الخارج وبعدين غشاء بسيط من الجبس بفريم خشب أو بليوت عليه بلاط ومن ضمنه الخزان .. وتقدر تسوي فتحات تزيينية مثل الروشنات في الحائط المجوف .. هذا للي للحين ما بدأ يسوي
وحيد-الشوق
08-02-2016, 11:25 AM
ميزة اللي يجيك في الطوفة تسويه اخل الحايط يطلع أرتب ولو تسوي الحايط من الأساس مجوف .. يعني طابوق من جهة الخارج وبعدين غشاء بسيط من الجبس بفريم خشب أو بليوت عليه بلاط ومن ضمنه الخزان .. وتقدر تسوي فتحات تزيينية مثل الروشنات في الحائط المجوف .. هذا للي للحين ما بدأ يسوي

يعطيك العافية. طيب ياخوي معماري كيف اقيم واحكم على شغل السباك البنغالي ركبه عالحائط حاليا وثبته بالبراغي ويقولي لازم تقولي كم الدفان بيكون والبلاط عشان اسويه لك مضبوط واذا بسويه حايط اجهز قبل مايثبت الخزان او بعد ؟؟

http://i863.photobucket.com/albums/ab200/w7ed-qatar/805567DA-2837-4737-9FAB-5284B79359FB_zpsqxaxwnyx.jpg (http://s863.photobucket.com/user/w7ed-qatar/media/805567DA-2837-4737-9FAB-5284B79359FB_zpsqxaxwnyx.jpg.html)
معماري قطري
08-02-2016, 04:13 PM
كيف هذي يا اخوي يبي لها استشاري متابع

تبي تسوي الشغلة بنفسك تقدر بس بتكون صعبة عليك .. وهو هشكل يقط عليك سؤال يضيعك مع إنه المفروض ينسق مع المقاول اللي بيبلط أو الاستشاري المشرف .. أول شيء لازم تعرفه إرتفاع الكرسي المناسب حسب مواصفات الماركة اللي بتركبها .. أو حسب رغبتك والسنتيمتر يفرق من 43 - 46 مريح وحتى تقدر تضبط الارتفاع هذا لازم تحدد مستوى البلاط وين بيكون بخط أزرق واضح على كل الجدران

تحديد مستوى البلاط ما فيه أسهل منه والمفروض معمول في رسومات الاستشاري اللي هو ffl = finished floor level وفي العادة يكون حسب التصميم ويجي 10 سم فوق الصبية الأرضية .. اللي هي ارضية الغرف .. وأرضية الحمام أنزل في العادة ب 30 سم أو 25 .. المفروض تشوف المبلط يحدد مستوى التبليط للغرف بخط واضح ومنه ينتقل للحمام وبعدين تقول للبنقالي من هذا الخط اطلع 45 سم .. أحياناً يقيس على مكان برغي التركيب والكرسي مرتفع فوق البرغي كم سم وهنا تستوي مشكلة يطلع لك الكرسي مرتفع أكثر من اللازم

إنتبه بعضهم خصوصا المصريين يلعبون في مستوى البلاط لعبة ويسون لك الدرج مب متساوية عتباته .. يعني ضبط المستوى لازم يبدأ من تحت ومع أول عتبة لفوق
معماري قطري
08-02-2016, 04:36 PM
لا تنسى وهذي نصيحة للكل أما تسوي جدار كامل يغطي الخزان ويعطيك شكل حلو وتقدر تسوي فيه روشنات لو حبيت أو تسوي جدار نص ويكون مثل الرف وتسويه قبل لاتسوي العزل وتكمل التمديدات
@north_star@
08-02-2016, 05:20 PM
اضافة الى كلام اخوي معماري لا تبلط على التانكي المخفي خاصة على براغي التثبيت الي تشيل المرحاض الا تعرف المسافة بين البراغي بناء على المرحاض اللي بتشتريه لانه ستاندر القياسات 18 سم او 23 سم
وحيد-الشوق
08-02-2016, 08:26 PM
كيف هذي يا اخوي يبي لها استشاري متابع

تبي تسوي الشغلة بنفسك تقدر بس بتكون صعبة عليك .. وهو هشكل يقط عليك سؤال يضيعك مع إنه المفروض ينسق مع المقاول اللي بيبلط أو الاستشاري المشرف .. أول شيء لازم تعرفه إرتفاع الكرسي المناسب حسب مواصفات الماركة اللي بتركبها .. أو حسب رغبتك والسنتيمتر يفرق من 43 - 46 مريح وحتى تقدر تضبط الارتفاع هذا لازم تحدد مستوى البلاط وين بيكون بخط أزرق واضح على كل الجدران

تحديد مستوى البلاط ما فيه أسهل منه والمفروض معمول في رسومات الاستشاري اللي هو ffl = finished floor level وفي العادة يكون حسب التصميم ويجي 10 سم فوق الصبية الأرضية .. اللي هي ارضية الغرف .. وأرضية الحمام أنزل في العادة ب 30 سم أو 25 .. المفروض تشوف المبلط يحدد مستوى التبليط للغرف بخط واضح ومنه ينتقل للحمام وبعدين تقول للبنقالي من هذا الخط اطلع 45 سم .. أحياناً يقيس على مكان برغي التركيب والكرسي مرتفع فوق البرغي كم سم وهنا تستوي مشكلة يطلع لك الكرسي مرتفع أكثر من اللازم

إنتبه بعضهم خصوصا المصريين يلعبون في مستوى البلاط لعبة ويسون لك الدرج مب متساوية عتباته .. يعني ضبط المستوى لازم يبدأ من تحت ومع أول عتبة لفوق

هلا اخوي معماري المشكلة اذا بجيب استشاري مافي غيره الاولي الي مسك مرحله العظم وماودي اتعامل معاه رحت لكذا واحد يقولي تشطيب بيت ما استلم منك لأنه يدري ماراح توفي معاه والسباك من ويهه ولا يعرف شيء يقولي انا معلوم وكذا مره مكلمه وكنت بوقف الشغل معاه يقولي انا كم نفر يسوي شغل باط جبدي وبطيء في الشغل


لا تنسى وهذي نصيحة للكل أما تسوي جدار كامل يغطي الخزان ويعطيك شكل حلو وتقدر تسوي فيه روشنات لو حبيت أو تسوي جدار نص ويكون مثل الرف وتسويه قبل لاتسوي العزل وتكمل التمديدات

لو بتم مع البنغالي شكلي بعلقه بدال الحمام :)

اضافة الى كلام اخوي معماري لا تبلط على التانكي المخفي خاصة على براغي التثبيت الي تشيل المرحاض الا تعرف المسافة بين البراغي بناء على المرحاض اللي بتشتريه لانه ستاندر القياسات 18 سم او 23 سم

البياعين اغلبهم خبروني خذ الخزان وانت متطمن اي نوع كرسي يركب على القروهي وانا خذت بكلامهم

يا اخوان اذا في سباك شاطر وفاهم في التركيب ومايكون بنغالي يليت حد يرسلي رقمه
معماري قطري
09-02-2016, 12:30 PM
الحين من الصورة مبين بيب التصريف ارتفاعه عن الأرضية زين وفيه مجال للسلوب والتركيب زين لكن باقي ينحط بلاستر على بايبات الماء لسد التكسير الكبير في الطابوق وذلك بعد فحصها عن أي تسريب ومسئلة ضبط مستوى الجلوس من مستوى الأرضية وفهمتك شلون .. والفني اللي يركب معاه عذره لأن شغل البلاط هو اللي يحدد المستويات .. بعدين انت تقريباً ركبت .. وتبي الصج الواحد يتأقلم معاه مرتفع شوي أو نازل شوي لكن الكبار مريح لهم بإرتفاع بين 40 و 45

لأَي شخص بيركب لو عنده كبار في السن يركب لهم الحديد المساعد على النهوض وهذا ممكن يركبه حتى بعدين وببراغي وسهل ما ياخذ ربع ساعة
وحيد-الشوق
09-02-2016, 04:10 PM
الحين من الصورة مبين بيب التصريف ارتفاعه عن الأرضية زين وفيه مجال للسلوب والتركيب زين لكن باقي ينحط بلاستر على بايبات الماء لسد التكسير الكبير في الطابوق وذلك بعد فحصها عن أي تسريب ومسئلة ضبط مستوى الجلوس من مستوى الأرضية وفهمتك شلون .. والفني اللي يركب معاه عذره لأن شغل البلاط هو اللي يحدد المستويات .. بعدين انت تقريباً ركبت .. وتبي الصج الواحد يتأقلم معاه مرتفع شوي أو نازل شوي لكن الكبار مريح لهم بإرتفاع بين 40 و 45

لأَي شخص بيركب لو عنده كبار في السن يركب لهم الحديد المساعد على النهوض وهذا ممكن يركبه حتى بعدين وببراغي وسهل ما ياخذ ربع ساعة

والله يامعماري البنغالي ماصرت متطمن له قالي بسوي لك حايط بطابوق وبعدين بركب لك الخزان وانا اشوف هذا المفروض يصير اسوي الحائط وبعدين اركب الخزان وشفت طرق في يوتيوب مركبين دعامات خشب ومثبته ببراغي في الارض وبعدين سكروها بفريمات بس ماعرفت ايش خامتها وبعدها ببلاط بس احنا وين عندنا الي يشتغل شغل نظيف كل همهم يربح من وراك ولايهتم للجوده
معماري قطري
09-02-2016, 05:11 PM
كل حمامات بيتي جزء طابوق ماسك الفريم وواجهة الفريم خشب والرئيسي الواجهة ومن خلف وملبس بلاط وداخلين على 11 سنة ولله الحمد ما ندري شالموجود داخل .. واللي اشتغلوا بتان ثرى وتعبت شوي معاهم وكانت أول مرة أركب هالنوعية

حق السب فريم للأبواب ركبت نفس نوع الخشب مارين بلايوود ويوم شافه مدير الشركة قال لو ادري ركبت حق بيتي .. فوق السطح سويت تظليل للمكيفات من نفس الخشب بس الشمس خربته شوي وماشي الحال .. يعني هو مقاوم للرطوبة لكن مقاومته للشمس ضعيفة
معماري قطري
09-02-2016, 05:13 PM
اللي في اليوتيوب مقاطع لبيوت حوايطها كلها من الخشب وبدون نزول لخرسانة الحمام .. ذيك طريقة واللي عندنا طريقة
$الملياردير$
09-02-2016, 07:41 PM
جزاكم الله خير جميعا .... اخوي معماري الله يبيض وجهك ع المعلومات القيمة
معماري قطري
09-02-2016, 10:00 PM
جزاكم الله خير جميعا .... اخوي معماري الله يبيض وجهك ع المعلومات القيمة

العفو يا اخوي وما عليك زود
@north_star@
11-02-2016, 08:17 AM
البياعين اغلبهم خبروني خذ الخزان وانت متطمن اي نوع كرسي يركب على القروهي وانا خذت بكلامهم

يا اخوان اذا في سباك شاطر وفاهم في التركيب ومايكون بنغالي يليت حد يرسلي رقمه[/quote]

نعم يركب على كل الحمامات بس براغي التثبيت اللي تشيل المرحاض لها مقاسين بالسوق يا 18 أو 23 ولازم تظبط المسافة بينهم على حسب نوع المرحاض اللي شريته قبل لا تبلط عليها[/SIZE]
الســـهم
11-02-2016, 10:33 AM
يعطيك العافية. طيب ياخوي معماري كيف اقيم واحكم على شغل السباك البنغالي ركبه عالحائط حاليا وثبته بالبراغي ويقولي لازم تقولي كم الدفان بيكون والبلاط عشان اسويه لك مضبوط واذا بسويه حايط اجهز قبل مايثبت الخزان او بعد ؟؟

http://i863.photobucket.com/albums/ab200/w7ed-qatar/805567DA-2837-4737-9FAB-5284B79359FB_zpsqxaxwnyx.jpg (http://s863.photobucket.com/user/w7ed-qatar/media/805567DA-2837-4737-9FAB-5284B79359FB_zpsqxaxwnyx.jpg.html)

بالنسبة لتثبيت القاعده عندي فالفيلا ..

خليتهم يسوون قاعده من الخرسانه وثبت التانكي ببراغي فالخرسانه وبراغي فالحائط ..

يعني الحمل توزع بين الطوفة والارضيه , سويتها احتياطا وحرصا واتوقع اللي انت مسويه يكفي وخصوصا ان التانكي راح يتسكر عليه بـ اسمنت وبلاط ..

وحبيت انوه ان افضل ارتفاع للمرحاض عن الارض بعد التشطيب وهذا الستاندر يكون بين 41 سم و42 سم , عندي طلع بحدود 44 سم وحسيته مرتفع ..
وحيد-الشوق
15-02-2016, 11:50 AM
كل حمامات بيتي جزء طابوق ماسك الفريم وواجهة الفريم خشب والرئيسي الواجهة ومن خلف وملبس بلاط وداخلين على 11 سنة ولله الحمد ما ندري شالموجود داخل .. واللي اشتغلوا بتان ثرى وتعبت شوي معاهم وكانت أول مرة أركب هالنوعية

حق السب فريم للأبواب ركبت نفس نوع الخشب مارين بلايوود ويوم شافه مدير الشركة قال لو ادري ركبت حق بيتي .. فوق السطح سويت تظليل للمكيفات من نفس الخشب بس الشمس خربته شوي وماشي الحال .. يعني هو مقاوم للرطوبة لكن مقاومته للشمس ضعيفة


اللي في اليوتيوب مقاطع لبيوت حوايطها كلها من الخشب وبدون نزول لخرسانة الحمام .. ذيك طريقة واللي عندنا طريقة

المشكلة يامعماري التفلسف وايد عندنا والشغل كله مش حالك حالياً موقف شغل هالفتره والله فيني قهرر من الي قاعد يصير في البنيان الناس ما عندها ذمه ولاضمير غش واستغفال ونصب حتى من الاصدقاء واحد يقولي لاتستغرب انت مب أول واحد اخوي نسيبه ضحك عليه وغشه في البنيان ليش مانكون نفس المانيا السباك والنجار والحلاق والميكانيكي الكل عندهم شهادات وتعال شوف الشغل اذا مايعرف يقولك ما اعرف وجيب شخص ثاني بس عندنا انا كله معلوم كهربائي وسباك ونجار وعامل بناء في نفس الوقت ولاحسيب ولارقيب


جزاكم الله خير جميعا .... اخوي معماري الله يبيض وجهك ع المعلومات القيمة

ويجزاك الجنة ياخوي ومعماري مايقصر الله يجزاه خير


البياعين اغلبهم خبروني خذ الخزان وانت متطمن اي نوع كرسي يركب على القروهي وانا خذت بكلامهم

يا اخوان اذا في سباك شاطر وفاهم في التركيب ومايكون بنغالي يليت حد يرسلي رقمه

نعم يركب على كل الحمامات بس براغي التثبيت اللي تشيل المرحاض لها مقاسين بالسوق يا 18 أو 23 ولازم تظبط المسافة بينهم على حسب نوع المرحاض اللي شريته قبل لا تبلط عليها[/quote]

شكراً لك ياخوي نورث :)


بالنسبة لتثبيت القاعده عندي فالفيلا ..

خليتهم يسوون قاعده من الخرسانه وثبت التانكي ببراغي فالخرسانه وبراغي فالحائط ..

يعني الحمل توزع بين الطوفة والارضيه , سويتها احتياطا وحرصا واتوقع اللي انت مسويه يكفي وخصوصا ان التانكي راح يتسكر عليه بـ اسمنت وبلاط ..

وحبيت انوه ان افضل ارتفاع للمرحاض عن الارض بعد التشطيب وهذا الستاندر يكون بين 41 سم و42 سم , عندي طلع بحدود 44 سم وحسيته مرتفع ..

ماقصرت ياخوي انا موقف شغل حالياً منتظر عرض من احد السباكين الهنود من طرف صديق ثقه يعيد لي الشغل من الألف الى الياء أو اكمل مع البنغالي مع وجود استشاري رغم أني استبعد ذلك

الف شكر لكم يا اخوان[/SIZE]
الســـهم
15-02-2016, 01:58 PM
السلام عليكم ورحمة الله وبركاته ..

وراك وراك ياوحيد الشوق لين ماتقتنع انك تسوي الافضل , خسارتك اليوم ماديا وبشغل نظيف راح تكون لك مكسب مستقبلا , لا تغلط غلطاتنا وتسترخص على بيتك ..

اذا تبي ارقام بايبفيتريه ثقه وتخصص بالمراحيض المعلقه (يكرم القارئ) راح اطرشهم لك عالخاص , ماقولك ارضى بالسعر اللي بيعطونك اياه على طول , من حقك تكاسرهم , ولكن توكل الله مع واحد من هالاثنين ، واحد منهم مصري (فنان) وله سمعة كبيرة بين اكبر المحلات والثاني (هندي) وبنفس المستوى تقريبا ..

صدقني اكثر شي ندمت عليه فبيتي اني ماسلمت شغل البايبفيتر حق واحد من هالاثنين , واضطريت علشان الترقيع ادفع مبالغ لين تجاوزت بالتكاليف الاجمالية القيمة اللي عطوني اياها ، واحتجتهم ودفعت لهم علشان اصلح الاخطاء اللي صادفتني ..
معماري قطري
15-02-2016, 02:02 PM
نصيحتي لا تغفل الاستشاري وسو عقدك تحت اشرافه وهذي نصيحة ما تتغير وللكل
captin
15-02-2016, 02:14 PM
السلام عليكم ورحمة الله وبركاته ..

وراك وراك ياوحيد الشوق لين ماتقتنع انك تسوي الافضل , خسارتك اليوم ماديا وبشغل نظيف راح تكون لك مكسب مستقبلا , لا تغلط غلطاتنا وتسترخص على بيتك ..

اذا تبي ارقام بايبفيتريه ثقه وتخصص بالمراحيض المعلقه (يكرم القارئ) راح اطرشهم لك عالخاص , ماقولك ارضى بالسعر اللي بيعطونك اياه على طول , من حقك تكاسرهم , ولكن توكل الله مع واحد من هالاثنين ، واحد منهم مصري (فنان) وله سمعة كبيرة بين اكبر المحلات والثاني (هندي) وبنفس المستوى تقريبا ..

صدقني اكثر شي ندمت عليه فبيتي اني ماسلمت شغل البايبفيتر حق واحد من هالاثنين , واضطريت علشان الترقيع ادفع مبالغ لين تجاوزت بالتكاليف الاجمالية القيمة اللي عطوني اياها ، واحتجتهم ودفعت لهم علشان اصلح الاخطاء اللي صادفتني ..


صدقت :nice:

You Only Get What You Pay For
وحيد-الشوق
15-02-2016, 05:55 PM
السلام عليكم ورحمة الله وبركاته ..

وراك وراك ياوحيد الشوق لين ماتقتنع انك تسوي الافضل , خسارتك اليوم ماديا وبشغل نظيف راح تكون لك مكسب مستقبلا , لا تغلط غلطاتنا وتسترخص على بيتك ..

اذا تبي ارقام بايبفيتريه ثقه وتخصص بالمراحيض المعلقه (يكرم القارئ) راح اطرشهم لك عالخاص , ماقولك ارضى بالسعر اللي بيعطونك اياه على طول , من حقك تكاسرهم , ولكن توكل الله مع واحد من هالاثنين ، واحد منهم مصري (فنان) وله سمعة كبيرة بين اكبر المحلات والثاني (هندي) وبنفس المستوى تقريبا ..

صدقني اكثر شي ندمت عليه فبيتي اني ماسلمت شغل البايبفيتر حق واحد من هالاثنين , واضطريت علشان الترقيع ادفع مبالغ لين تجاوزت بالتكاليف الاجمالية القيمة اللي عطوني اياها ، واحتجتهم ودفعت لهم علشان اصلح الاخطاء اللي صادفتني ..

وعليكم السلام ورحمة الله وبركاته

الله يجزاك خير ياخوي مب مشكلة الغلط المهم نتعلم من الاخطاء

يليت ترسلي ارقامهم عالخاص الله يرضى عليك


نصيحتي لا تغفل الاستشاري وسو عقدك تحت اشرافه وهذي نصيحة ما تتغير وللكل

شكراً يامهندس معماري



صدقت :nice:

You Only Get What You Pay For

:)
الســـهم
16-02-2016, 09:28 AM
شيك الخاص اخوي وحيد الشوق
سوبر
16-02-2016, 10:54 AM
عندك مركز العمودي في طريق سلوى معظم بضاعتهم من اوروربا وموديلات راقية
معماري قطري
16-02-2016, 01:03 PM
عندك مركز العمودي في طريق سلوى معظم بضاعتهم من اوروربا وموديلات راقية

صحيح والله العمودي من الكبار عيبهم بس في الخدمة والمخازن هم وشبيب وعلي العطية أما المواد والأسعار عن تجربة من خلال النت ومن سوق دبي عندنا أرخص والمقارنة مادة بمادة من عند هالوكيلين الكبار لكن عيبهم الخدمة والمخازن .. ما يوصلون ( كانوا ) والاستلام من المخزن عذاب ويدورون القطعة فترة طويلة .. اللي يشتري عدة قطع انصحه يودي المقاول يستلم ويسجلها في عقده بأن المقاول مسؤول عن الاستلام والنقل والمحافظة على القطع مسؤولية تامة ويستبدلها على حسابه لو انكسرت أو استلمها مكسورة بدون تدقيق
الإكسير
27-06-2016, 06:26 PM
يعطيك العافية. طيب ياخوي معماري كيف اقيم واحكم على شغل السباك البنغالي ركبه عالحائط حاليا وثبته بالبراغي ويقولي لازم تقولي كم الدفان بيكون والبلاط عشان اسويه لك مضبوط واذا بسويه حايط اجهز قبل مايثبت الخزان او بعد ؟؟

http://i863.photobucket.com/albums/ab200/w7ed-qatar/805567DA-2837-4737-9FAB-5284B79359FB_zpsqxaxwnyx.jpg (http://s863.photobucket.com/user/w7ed-qatar/media/805567DA-2837-4737-9FAB-5284B79359FB_zpsqxaxwnyx.jpg.html)

يالشيخ ولا عليك امر من وين شريته ؟؟
وحيد-الشوق
28-06-2016, 04:41 AM
اذا قصدك الخزان من تدمر ياخوي سعره حول ال1100 تقريباً
بوخالد911
28-06-2016, 05:03 AM
موووفق.
captin
02-07-2016, 04:24 AM
عليك بالماركات المعروفة

مثل توايفورد الانجليزية عند شبيب وعلى العطية

او ماركة دوروفيت الالمانية عند المتحدة ماركة راقية جدا

انا اخذت لكافة الحمامات توايفورد المعلق على الحائط wall mounted
عند شبيب العطية.

بالتوفيق