تأجير السيارات الشخصيه !

[jasjar85]

السلام عليكم
حد له خبره واجر سيارته على محل او على شركه؟
شلون الطريقه وشرايكم بالفكرة؟

[بعيد النظر]

وعليكم السلام

للأسف ما عندي خبرة ..
وبالنسبة لي مستحيل ااجرها حتى لو بسافر ..
لان الكيلومترات بتزيد وانا اللي بدفع الصيانة ..

وفي حال لا قدر الله صار حادث ..
وحط ريله محد يضمن حقي !




على كل حال بالتوفيق

[qatarman8008]

الافضل انك ماتاجرها لمحل..
لو بتاجرها لشخص تعرفه وتعرف اشلون يسوقها يحافظ عليها ويسوي لها صيانة ممكن..
لكن محل .. ما اعتقد فكرة زوينة..

[محلل واقعي]

مانصحك كلش اول شي الموضوع بهطريقه يعتبر عشوائي وعايه غرامه حكوميه في حال تم اثبات التأجير عليك وماعندك رخصه للتأجير والاستئجار وعليه مخالفه 5000/10000 ريال وفحاله الحوادث التأمين يقدر انه مايصلح لك السياره اذا ماكنت تسخدمها انت لنا في تأمين شخصي وفي تأمين شركات والموضوع معقد اذا حبيت تدخل فيه خذ لك رخصه ليموزين وفتح مكتب ابرك اك

[سلطان قطر]

في بعض الدول العربية الي سافرت لها
كنت استأجر سيارات مب ملك للمكتب
ملك ناس كانت تاجر سياراتها على مكاتب تأجير السيارات
لكن بقطر ماعرف يجوز ولا لا

[الجوكر90]

اغلب المواتر الكشخه فالمكاتب مب ملك للمكتب
حق اشخاص وياجرونها ع المكتب
هاي اذا انت شاري موتر ومتوهق فيه او ماتقدر ع اقساطه تقدر تاجره ع المكتب وهم يعطونك مبلغ زين
بس لازم تاخذ شيكات من المكتب
وراعي الشيك لازم يكون قطري وتسال عن راعي الشيكات اذا عليه سوابق او عنده شيكات فالمحكمه

[ya3coub]

ما اعتقد قانونيا يصير

بس بعد ممكن اذا سيارتك فارهه جدا او رياضية جدا و أجارها غالي بتضمن شي يجيك و فوق هاي المكتب يستفيد منها

بنفس الوقت تعرف اذا أجرت سيارتك انها بترجع في حالة مزرية للأسف بسبب ثقافة التأجير عندنا الأغلب لما يأجر سيارة يكسرها و يجرب فيها كلشي ما يقدر يجربه بسيارته الشخصية.

اذا مو محتاجها تقدر تبيعها و توفر فلوسها إلى ان تحتاج سيارة و تشتري غيرها أخوي لأن بكل الحالات اجربتها او لا قيمتها بتم تنزل و العداد بيزيد و تكاليف الصيانة راح تزيد مما بيزيد عليك الصرف

والله يوفقك ان شاء الله حسب علمي بدون عقد او شي رسمي ممنوع

[بومحمد86]

ممنوع قانون المرور صريح اذا حصلو سيارة في مكتب تأجير السيارات بأسم شخصي مب بأسم المكتب يقفلون المحل دايركت

[لـبـيـه]

عندك منظمة الوره

[حليتان*]

ممنوع