قوانين التأمين على السيارات - ضروري يا شباب

[SouthK]

السلام عليكم و رحمة الله و بركاته

بغيت اعرف اذا شركة التأمين لسيارة شخص تسبب في حادث يحق لها تطالبني بدفع أي مبلغ كنسبة تحمل من تصليح سيارتي إذا كنت انا الطرف المتضرر سواء كان التصليح في الوكالة أو في أي جهة ثانية و إذا كانت سيارتي قديمة (أكثر من 5 سنوات) أو جديدة؟؟

إذا ممكن أحد يفيدني قبل ما اروح التأمين و خاصة ان عندي سيارتين وواحدة منهم رحت التأمين و عطاني ورقة إما لتصليح الضرر او تحمل 50% من الاجمالي و على كلامهم ان القانون تغير.

[ya3coub]

ما تسوى اهم ما عليك سيارتك اخوي

ادفعها و بعد هواش و حنه و ورقلة ممكن ينزلونها انت و أسلوبك و معرفتك الشخصية للموظفين

اذا السيارة غالية عليك و انت ادرى بحالتها توكل على الله

اذا مدعومة و عادية يعني مو من النوع الي انت محافظ عليه جدا خل يصلحونها.



من شهر تقريبا سيارة أخوي مرسدس فالبيت اندعمت قالو لازم تدفع نص قيمة صدام كامل او تصلحه طبعا هاي اول حادث للسيارة دفعنا و امرنا لله.


و قبله بفتره كنت مسوي انا حادث خشن و غلطتي و اول حادث لي ايضا عالسيارة نزلو النسبة لين 20% من غير رضاهم لمعرفتي الشخثية بأحد الموظفين للأسف.

مافي قانون واضح لا من التئمين ولا من المرور و كل واحد على كيفه

ولا تسوى عليك الحساير و المشاوير و التعطيل للأسف

[SouthK]

ما تسوى اهم ما عليك سيارتك اخوي

ادفعها و بعد هواش و حنه و ورقلة ممكن ينزلونها انت و أسلوبك و معرفتك الشخصية للموظفين

اذا السيارة غالية عليك و انت ادرى بحالتها توكل على الله

اذا مدعومة و عادية يعني مو من النوع الي انت محافظ عليه جدا خل يصلحونها.



من شهر تقريبا سيارة أخوي مرسدس فالبيت اندعمت قالو لازم تدفع نص قيمة صدام كامل او تصلحه طبعا هاي اول حادث للسيارة دفعنا و امرنا لله.


و قبله بفتره كنت مسوي انا حادث خشن و غلطتي و اول حادث لي ايضا عالسيارة نزلو النسبة لين 20% من غير رضاهم لمعرفتي الشخثية بأحد الموظفين للأسف.

مافي قانون واضح لا من التئمين ولا من المرور و كل واحد على كيفه

ولا تسوى عليك الحساير و المشاوير و التعطيل للأسف

جزاك الله خير على التوضيح اخوي ..

على علمي المرفوض ما في نسبة تحمل بصفتي الشخص المتضرر لكن يبيلهم زيارة ثانية و شكلي بامر على محامي من الربع للتوضيح!

[ضوى]

اخوي يعقوب ماحبيت سلبيتك ، ادفع وامرك لله ، اذا انا صاحب حق اطالب فيه لين اخر رمق مب اخلي شوية نصابين يلعبون علي ويستربحون من وراي

[khaldoon]

اخوي شركات التأمين بعد تجارب معهم و كذا شركه مب وحده و لا اثنتين يبيعونا كلام فاضي..... يقولون و يقولون و كله كذب في كذب.... بكل بساطه قلهم ممكن اشوف الكلام اللي تقولونه مكتوب بالعقد و الا لا و قبل ما تسوي هالشي شيك وثيقة التأمين بينك و بينهم .....لانه في الحقيقه هم يدعون هالكلام حسب علمي سابقا و حاليا اامن ضد الغير فما اعرف لو تغير القانون

[khaldoon]

لا توافق على شي الا لما تشوفه مكتوب و بس و خلك حازم و كلمتك ما تتغير و اطلب مقابلة المدير و ارفض الدفع..... تدري لو كلامهم كذب للحين بينزلون السعر على الاقل من 50% الى 20% و يمكن يسوونها ببلاش انت و شطارتك

[SouthK]

لا توافق على شي الا لما تشوفه مكتوب و بس و خلك حازم و كلمتك ما تتغير و اطلب مقابلة المدير و ارفض الدفع..... تدري لو كلامهم كذب للحين بينزلون السعر على الاقل من 50% الى 20% و يمكن يسوونها ببلاش انت و شطارتك

مشكور اخوي على مداخلتك ..

انا الطرف المتضرر في الحادث يعني تأمين اللي داعمني هو المتكفل بالتصليح .. اللي اعرفه اني المفروض ما اتحمل أي تكاليف لكن لما شفت الورقة اللي عطوني اياها شفت فيها تحمل 50% و هذا اللي خلاني ادور على القانون لكن للأسف ما في شي واضح.

[khaldoon]

مشكور اخوي على مداخلتك ..

انا الطرف المتضرر في الحادث يعني تأمين اللي داعمني هو المتكفل بالتصليح .. اللي اعرفه اني المفروض ما اتحمل أي تكاليف لكن لما شفت الورقة اللي عطوني اياها شفت فيها تحمل 50% و هذا اللي خلاني ادور على القانون لكن للأسف ما في شي واضح.

طالما في عقد او وثيقة تأمين مكتوب فيها انك بتتحمل 50% فهذا عقد بينك و بينهم انت موافق و موقع عليه ولابد انك تلتزم .... ..... بس اي قطعه ممكن تشتريها من السكراب او تجاريه المفروض تكون ببلاش ...حتى لو ما كنت انت الغللطان بالحادث تلاقي تأمين المتسبب بالحادث يطالبك بالدفع!!!!!

[A-Alansari]

معليش سؤال للي عندهم خبره واليوم كنت افكر بنفس الموضوع

الحين انا متضرر سواء سيارتي جديده او قديمة ليش ادفع 50% من قيمة التصليح

اذا انا كنت متسبب بالحادث ممكن لكن انا متضرر وادفع ماتدش المخ

المفروض في رقابه على شركات التأمين وهالنصب الي صاير وخاطري اعرف وين مكتوب اني لازم ادفع 50 % من قيمة التصليح هم مايكتبونها الا لما تروح تبي تاخذ ورقة التأمين عشان تعطيها القرج يكتب عليها جذي

[عثرة جواد]

اخوي يختلف التامين شامل او ضد الغير


ف الشامل تتحمل 50 ف المية بس ف الغير عليك تصلح سيارتك

[ya3coub]

اخوي يعقوب ماحبيت سلبيتك ، ادفع وامرك لله ، اذا انا صاحب حق اطالب فيه لين اخر رمق مب اخلي شوية نصابين يلعبون علي ويستربحون من وراي

أتفق معاج أختي ضوى و هاي ليش ذكرت هالشي انا من الناس الي تضررت كثير بسبب التئمين و الزحمة و النفسية و بالنهاية للأسف انا او احنا الي بحاجة لهم للتصليح و للورقة و اصلن الورقة ما يعطيج إياها إلا عليها ختم التئمين و مكتوب فيها النسبة.

غير انهم يختارون قراجات على كيفهم و يحددون لسته من القراجات و لما تطالبين بقراج زين و له سمعه طيبة يقولج ممنوع لأن سيارتك قديمة و ما نحول على هالقراج لأنه غالي.


انا شنو ذنبي اذا متضرر و مو تأميني اطلع من دوامي و اروح انقع لين ما احصل موقف , بعد ما احصله اوقف بطابور طويل بشركات التئمين يوميا اقسام الحوادث, و اذا الواحد راح الصبح المسؤول او المدير محد, اتعطل عندهم و لما اوصل للمدير يعطيني معاملة و كلام اسوء من الموظف نفسه و لازم المحاورات الطويلة علشان اختار القراج او يوافقون عليه.

و سببهم حسب كلامهم انه السيارة على على سيارتك مستعملة صارلها 5 سنين يعني مو بحالة الوكالة لما كانت جديدة تم استخدامها.

اما تركب سكرات و شي عدل, او تجاري "اهني ابي اعرف حماية المستهلك و وزارة التجارة وين" او اذا تبي اصلي و من الوكالة تدفع الشخص فقط يدفع اذا القطع من الوكالة و غير متوفره بالسوق كــتجاري او سكراب.

مرات ما تسوى الواحد صج يكون متضايق و اتمنى يتغير القانون يخلي المتسبب اهو الي يدفع مو المتضرر



مشكور اخوي على مداخلتك ..

انا الطرف المتضرر في الحادث يعني تأمين اللي داعمني هو المتكفل بالتصليح .. اللي اعرفه اني المفروض ما اتحمل أي تكاليف لكن لما شفت الورقة اللي عطوني اياها شفت فيها تحمل 50% و هذا اللي خلاني ادور على القانون لكن للأسف ما في شي واضح.

تحمل 50% من القطع أخوي فقط لأنها من الوكالة, و اذا بتدخل بالقانون بيطلعونلك قانون المرور مذكور فيه ولما تتصل بالمرور يقولون احنا مالنا شغل.



معليش سؤال للي عندهم خبره واليوم كنت افكر بنفس الموضوع

الحين انا متضرر سواء سيارتي جديده او قديمة ليش ادفع 50% من قيمة التصليح

اذا انا كنت متسبب بالحادث ممكن لكن انا متضرر وادفع ماتدش المخ

المفروض في رقابه على شركات التأمين وهالنصب الي صاير وخاطري اعرف وين مكتوب اني لازم ادفع 50 % من قيمة التصليح هم مايكتبونها الا لما تروح تبي تاخذ ورقة التأمين عشان تعطيها القرج يكتب عليها جذي

صحيح اللهم يكتبون قيمة التحمل لما تكون غلطتك بس لما ما تكون بالعادة تتعامل مع شركة أخرى او حتى لو شركتك اذا المتسبب بالحادث مئمن بنفس الشركة.

[ya3coub]

اخوي يختلف التامين شامل او ضد الغير


ف الشامل تتحمل 50 ف المية بس ف الغير عليك تصلح سيارتك

اذا شامل و غلطته يدفع 50 % على قطع الغيار الأصلية فقط.
اذا تجارية ولا شي و اذا سكرات ولا شي و اذا تصليح ايضا ولا شي

و اذا مو غلطته ما يخصه بتئمينه شامل او ضد الغير
انما تئمين المتسبب بالحادث
يغطي التصليح و التركيب و الصبغ ولكن القطع على حسب موديل السيارة و اذا يبيها من الوكالة و أصلية يدفع 50% من قيمة القطع.

اذا اراد ايضا و سيارته مو موديل السنة بأن يصلح سيارته فالوكالة يدفع 50% من قيمة كلشي يعني شغل اليد و الصبغ و التصليح و الخ و بتطلع عليه غالية جدا جدا بس أهون من انه شخص يتسبب بحادث و تئمينه ضد الغير اهني يصلح سيارته بنفسه لما يكون اهو المتسبب

[عثرة جواد]

اذا شامل و غلطته يدفع 50 % على قطع الغيار الأصلية فقط.
اذا تجارية ولا شي و اذا سكرات ولا شي و اذا تصليح ايضا ولا شي

و اذا مو غلطته ما يخصه بتئمينه شامل او ضد الغير
انما تئمين المتسبب بالحادث
يغطي التصليح و التركيب و الصبغ ولكن القطع على حسب موديل السيارة و اذا يبيها من الوكالة و أصلية يدفع 50% من قيمة القطع.

اذا اراد ايضا و سيارته مو موديل السنة بأن يصلح سيارته فالوكالة يدفع 50% من قيمة كلشي يعني شغل اليد و الصبغ و التصليح و الخ و بتطلع عليه غالية جدا جدا بس أهون من انه شخص يتسبب بحادث و تئمينه ضد الغير اهني يصلح سيارته بنفسه لما يكون اهو المتسبب


اخوي هاي قوانين قديمة الحين القوانين الجديدة


الخيار لك تبي وكالة او لا او موازية

ال50 ف المئة تكون ع قطع الغيار الوكالة

خدمة طريق ع طول السنة ف حال صار لك حادث اختربت السيارة أي شي

شغل اليد تكون ع التامين ف الشامل

[((ولدالدوحة))]

أرجوا التوجه إلى مصرف قطر المركزي الي على إشارات المنتزة
إدارة الإشراف والرقابة على التأمبن
وقدم شكوتك هناك وبيقولون لك شتسوي أو بيحلون لك الموضوع