عملية منظار الجيـــوب الأنفيــــــــــــة

[هذال]

السلام عليكم

عندي استفسار للي اجرى عملية منظار الجيوب الانفية الشائعة عن مابعد العملية .. والفتيلة ( الاسفنجة )
الي توضع في الانف سمعت انها تألم جداً اثناء اخراجها .. فمدري ياليت توضيح ممن عنده تجربة هل تطول عملية ازالتها ..
وهل ممكن اخذ بنج كامل آخر لجل يزيلونها ؟ والالم يحتمل أو كيف ........ :secret:

مع الشكر

[بصمة قطرية]

و عليكم السلام و الرحمة

سويت هالعملية من سنة تقريباً*
كانت عبارة عن ثلاث عمليات
إنحراف غضروفي و جيوب أنفية و لحميات ..

بالنسبة للفتايل :(
تجربة مريرة و قاسية و مؤلمة جداً جداً جداً
بس الحلو إنها ما تستغرق ثواني وقت ما يطلعونها
و إذا سويتها في الفتحتين
نصيحة من إختك
شيلهم ورا بعض على طول
قول للدكتور
إذا طلبت ترتاح شوي صدقني ما بتخليهم يشيلون الثانية
أنا الممرضة قالت لي هالشي ..
عموماً الدكتور لازم بيكون معاه أكثر من ممرضة
لازم ما تتحرك خصوصاً بعد ما يشيلونها ..
أنا بالإضافة للفتايل كان حاط لي دعامات ..
توكل على الله
ألم دقايق و لا تعب سنين ..
إن شاءالله ما عليك شر أخوي ..

[ميمّ]

^

مثل ماذكرت أختي الفاضله , نفس حالتج تماما
اللهم وقت الفتيله يوم شالو الاولى ارتحت يادوب ثواني او دقيقه وشالو الثانيه
الالم انا عن نفسي اكيد تحملته شكبري واصارخ ! بس يادوب طلعت صوت تنهيده ههههه
لاتفكر بالالم كثر ماتفكر بالنتيجه وان الله معاك وانك مأجور على الالم < كل هذا يخفف عليك = )

[شمس المغيب]

الأخت بصمة قطرية والأخ او الأخت ميم
ممكن استسفار
ممكن اعرف وين سويتوا العملية
وعند اي دكتور
هل المقصود ورا بعض يعني نزع الفتيلة في نفس الوقت

وجزاكم الله خير وسلامتكم من كل شر

[بصمة قطرية]

الأخت بصمة قطرية والأخ او الأخت ميم
ممكن استسفار
ممكن اعرف وين سويتوا العملية
وعند اي دكتور
هل المقصود ورا بعض يعني نزع الفتيلة في نفس الوقت

وجزاكم الله خير وسلامتكم من كل شر

سويتها عند الدكتور حندوسة في مستشفى مغربي
سألت قبل العملية الكل مدح لي الدكتور
إستخرت و توكلت على الله ..

ورا بعض مثل ما قالت إختي ميم
يا دوب دقيقة أو أقل ..

الله يجزي الجميع كل خير
و يسلمك ..

[بـن عدوان]

ممكن احد يشرح لي شنو الفتيلة وليش الم ؟

[ميمّ]

الأخت بصمة قطرية والأخ او الأخت ميم
ممكن استسفار
ممكن اعرف وين سويتوا العملية
وعند اي دكتور
هل المقصود ورا بعض يعني نزع الفتيلة في نفس الوقت

وجزاكم الله خير وسلامتكم من كل شر

انا سويتها عند الدكتور عبدالعزيز الجفيري ف الرميله
اي ورا بعض عشان تحسين بالالم مره وحده مب ترتاحين وعقب تردين تتألمين مره ثانيه
الله يسلمج من الشر = )




ممكن احد يشرح لي شنو الفتيلة وليش الم ؟

الفتيله هي نفس الشاش تقريبا , يحطونها داخل الخشم
لان عقب العمليه ينزل دم من الخشم ف هم يحاولون يخففون النزيف
نفس الجرح يحطون عليه بلاستر لين يخف الدم ,
طبعا شي طبيعي عقب ماتنشال الفتيله يصب دم من خشمك بس يخف تدريجيا
وماعليكم شر = )

[الجـــوديّ]

سلامتكم كلكم وماتشوفون شر ..

بغيت اعرف اذا ممكن وشي اعراض الجيوب اللي حدتكم على العملية ..؟

وشكراً ..

[بصمة قطرية]

سلامتكم كلكم وماتشوفون شر ..

بغيت اعرف اذا ممكن وشي اعراض الجيوب اللي حدتكم على العملية ..؟

وشكراً ..

الله يسلمج و يجيرج من الشر الجودي ..
أنا كنت أعاني دوم من صداع و ألم في الجيوب
افتحي قوقل و إكتبي صداع الجيوب و شوفي أماكن وجود الجيوب ..
و مرات كثيرة كان يجيني رعاف
يوم سويت الأشقة المقطعية والرنين طلع معاي كيس
مسبب لي إنسداد جهة اليمين بنسبة 90%
سابقاً أتعب وايد من الروايح القوية و البخور ..
و مرات كثيرة لما تلتهب الجيوب ماقدر أتتفس من خشمي ..

[بانغ بانغ]

الجيوب مثل عنقود العنب يتكون في بعض اماكن الوجه

حتى بعد العملية بثلاث اربع سنين ترجع وتتكون

في علاج بالكوي / الكي بس ايخففها .

سويت العملية عند الجفيري ... جيد بس متابعاته مب شي واحين ارجعت بعد اربع سنين وضرب ادوية

[هذال]

و عليكم السلام و الرحمة

سويت هالعملية من سنة تقريباً*
كانت عبارة عن ثلاث عمليات
إنحراف غضروفي و جيوب أنفية و لحميات ..

بالنسبة للفتايل :(
تجربة مريرة و قاسية و مؤلمة جداً جداً جداً
بس الحلو إنها ما تستغرق ثواني وقت ما يطلعونها
و إذا سويتها في الفتحتين
نصيحة من إختك
شيلهم ورا بعض على طول
قول للدكتور
إذا طلبت ترتاح شوي صدقني ما بتخليهم يشيلون الثانية
أنا الممرضة قالت لي هالشي ..
عموماً الدكتور لازم بيكون معاه أكثر من ممرضة
لازم ما تتحرك خصوصاً بعد ما يشيلونها ..
أنا بالإضافة للفتايل كان حاط لي دعامات ..
توكل على الله
ألم دقايق و لا تعب سنين ..
إن شاءالله ما عليك شر أخوي ..

مرحبا اختي ،
ابشرك عاملت نفس عمليتك لحمية + حاجز انفي وحمدلله عدت ..
لكن بسألك بما انك صاحبة تجربة تورم الانف بعد العملية طبيعي .. لكن انا مر اسبوعين على عمليتي لازال هناك تورم طفيف وحجم الانف
اكبر بشوي .. مدري طبيعي وراح يخف او تغير معاك شكل الانف ؟؟
وكم احتاج حتى يعود طبيعي ؟ لاني خايف امانه !

[حليتان*]

خرعتزني ياجماعه المفروض اسويها بس سحبت وشكلي بهون

[بصمة قطرية]

مرحبا اختي ،
ابشرك عاملت نفس عمليتك لحمية + حاجز انفي وحمدلله عدت ..
لكن بسألك بما انك صاحبة تجربة تورم الانف بعد العملية طبيعي .. لكن انا مر اسبوعين على عمليتي لازال هناك تورم طفيف وحجم الانف
اكبر بشوي .. مدري طبيعي وراح يخف او تغير معاك شكل الانف ؟؟
وكم احتاج حتى يعود طبيعي ؟ لاني خايف امانه !

هلا أخوي ..
الحمدلله على سلامتك
أجر و عافية يارب ..
بالنسبة للتورم تم معاي أكثر من شهر ..
و مرات ياخذ وقت أطول ..
لا تحاتي كله بيروح ان شاءالله ..
و فترة التشافي من العملية تحتاج ست شهور
لين ترجع وضعك الطبيعي ..
أهم شي النتيجة اللي تحصل عليها ..
حاسب أخوي و إسمع نصايح الدكتور و طبقها ..
أنا طلعت مرة وحدة بعد العملية بأسبوع
و كنت حاطة كمام ..
ما ترقعت و تميت شهر كامل مع الإلتهاب
و البكتيريا و الحرارة ..

[بصمة قطرية]

خرعتزني ياجماعه المفروض اسويها بس سحبت وشكلي بهون

سوها و توكل على الله ..
مافي شي بدون ألم
كل العمليات فيها ألم ..

[بونووف]

شككتوني .. انا مسوي جيوب وانحراف شهر 6 الي راح عند دكتور برافين في العمادي.. بس حط لي نفس قطعه بلاستيك عالطرفين وشلهم بعد اسبوع من غير الم بالعكس حسيت براحه .. والدم وقف ثالث يوم وماكان في اي تورم ..!!

[بصمة قطرية]

شككتوني .. انا مسوي جيوب وانحراف شهر 6 الي راح عند دكتور برافين في العمادي.. بس حط لي نفس قطعه بلاستيك عالطرفين وشلهم بعد اسبوع من غير الم بالعكس حسيت براحه .. والدم وقف ثالث يوم وماكان في اي تورم ..!!

هاذي الله يسلمك دعامات ..
الأغلبية منا اللي سوا هالعملية
سوا معاها عملية ثانية
إحتاجت دعامات و فتايل ..
عن نفسي سويت ثلاث عمليات مرة وحدة ..

[هذال]

خرعتزني ياجماعه المفروض اسويها بس سحبت وشكلي بهون

بالعكس اخوي أنا عن نفسي ماحسيت بأي ألم وكثير بالغوا في الامر ..
لكن البلاستيك الخاص بعملية الانحراف متعب لانك تقعد اسبوع في البيت بها تتنفس بالفم ، متعب مش مؤلم .

[بونووف]

هاذي الله يسلمك دعامات ..
الأغلبية منا اللي سوا هالعملية
سوا معاها عملية ثانية
إحتاجت دعامات و فتايل ..
عن نفسي سويت ثلاث عمليات مرة وحدة ..

انا سويت جيوب وانحراف .. ولا احتجت للفتيل الحمدالله

[بونووف]

بالعكس اخوي أنا عن نفسي ماحسيت بأي ألم وكثير بالغوا في الامر ..
لكن البلاستيك الخاص بعملية الانحراف متعب لانك تقعد اسبوع في البيت بها تتنفس بالفم ، متعب مش مؤلم .

صحيح اكثر شي تعبني التنفس بالفم لدرجة صادني جفاف حاد في الشفايف وتم معاي الجفاف اكثر من شهر

[بصمة قطرية]

انا سويت جيوب وانحراف .. ولا احتجت للفتيل الحمدالله

جيوب و انحراف و ما أحتجت فتايل و دعامات ...!!!!
متأكد ..!!!!

[بونووف]

جيوب و انحراف و ما أحتجت فتايل و دعامات ...!!!!
متأكد ..!!!!

بس دعامات

[بصمة قطرية]

بس دعامات

غريبة ..!!
كل اللي سوو عملية الجيوب حطوا لهم فتايل ..
و الدعامات للحاجز الغضروفي ..