2 مليون و423 ألفاً عدد سكان قطر

[غريب الدّار]

الدوحة - الراية : بلغ عدد السكان في دولة قطر مليونين و423 ألف نسمة خلال شهر يناير الماضي، مسجلاً بذلك ارتفاعاً سنوياً بنسبة 8.9 بالمئة مقارنة مع الشهر المماثل من العام الماضي، حيث تجاوز عدد السكان حينها مليونين و224 ألف نسمة.

وذكرت وزارة التخطيط على موقعها الإلكتروني أن عدد الذكور بلغ مليوناً و853 ألفاً ، بينما بلغ عدد الإناث نحو 570 ألفاً.




المصدر : جريدة الراية القطرية ، الصفحة الأولى ، عدد اليوم الأربعاء 3/2/2016

[R 7 A L]

اعتقد بيخفون بعد كم شهر بعد التفنيشات

[بعيد النظر]

توقعت ان العدد اكثر من جي !

[الحياة الخالدة]

ياليتهم ذكروا نسبة القطريين

[بعيد النظر]

ياليتهم ذكروا نسبة القطريين

كلاسيفايد انفورميشن @@

[عثرة جواد]

والله زين عدد الذكور اكثر ع بالي العكس

[khaldoon]

والله زين عدد الذكور اكثر ع بالي العكس

لا مب زين .....يمكن مليون منهم او اكثر عمال عزوبيه بس

[عثرة جواد]

لا مب زين .....يمكن مليون منهم او اكثر عمال عزوبيه بس


اكيد عزوبية ....وهااي المفروض الدولة تلتفت لة وتحسب االف حساب


لانهم يعتبرون قمبلة موقت

[الحياة الخالدة]

كلاسيفايد انفورميشن @@

امممممم عرفت السبب .. الله يحفظنا و يكفينا الشر

[راعي الكورفت]

ياليتهم ذكروا نسبة القطريين

عدد القطريين حوالي 250 الف نسمه .

شامل الأطفال والشباب والشيوخ والنساء.

نسبة المواطنين 10% من تعداد سكان البلاد.

[الحياة الخالدة]

عدد القطريين حوالي 250 الف نسمه .

شامل الأطفال والشباب والشيوخ والنساء.

نسبة المواطنين 10% من تعداد سكان البلاد.

هههههههههه يقول لك كلاسيفايد انفورميشن رحت كشفت المستخبي

[سـ ع ـود]

عدد القطريين حوالي 250 الف نسمه .

شامل الأطفال والشباب والشيوخ والنساء.

نسبة المواطنين 10% من تعداد سكان البلاد.

ياهل250 الف اللي تعيديون وتزيدون فيها
هالعدد من سنة 96 معقوله لين 2016 ماتغيير
عدد السكان القطريين تجاوز 650 الف مواطن ومواطنه وانتو لين اللحين معجعجيين في 250
:)

[غريب الدّار]

نقطة نظام ياجماعة :

لا اللي يقول 250 عنده مصدر
ولا اللي يقول 650 عنده مصدر
فبالتالي الكل يقول رقم من عنده


كم عدد القطريين فعلا؟ الله وحده اعلم ، ثم الأشخاص المختصين فقط

هناك تكهنات واستنتاجات واحصائيات غير دقيقة

لكن شي رسمي على حسب علمي مافي

واذا كان في ياليت حد ينوّرنا به

وجزاكم الله خير

[الحياة الخالدة]

ياهل250 الف اللي تعيديون وتزيدون فيها
هالعدد من سنة 96 معقوله لين 2016 ماتغيير
عدد السكان القطريين تجاوز 650 الف مواطن ومواطنه وانتو لين اللحين معجعجيين في 250
:)

صحيح كلامك .. أكيد الحسبة تغيرت
و عجبتني كلمة معچعچين .. كلمة أصلية :nice:

[سـ ع ـود]

نقطة نظام ياجماعة :

لا اللي يقول 250 عنده مصدر
ولا اللي يقول 650 عنده مصدر
فبالتالي الكل يقول رقم من عنده


كم عدد القطريين فعلا؟ الله وحده اعلم ، ثم الأشخاص المختصين فقط

هناك تكهنات واستنتاجات واحصائيات غير دقيقة

لكن شي رسمي على حسب علمي مافي

واذا كان في ياليت حد ينوّرنا به

وجزاكم الله خير

عندي مصدري اخوي ومصدري هو من اورقة التخطيط التنموي والاحصاء
ماقول كلام منيه والطريج مش متأكد منه
:)

[سـ ع ـود]

صحيح كلامك .. أكيد الحسبة تغيرت
و عجبتني كلمة معچعچين .. كلمة أصلية :nice:

فعلا العدد لازم يتغير سواء بالزياده او النقصان بس مستحيل العدد مثل ما هو اكثر من عشر سنين
وبخصوص معجعجيين هههههههه لازم نحيي ونعيد ظهور الكلمات المندثره في لهجتنا اللي اختلطت في السنوات الاخيره ودخلت عليها كلمات ما انزل الله بها من سلطان
:)

[.قطر.]

ياهل250 الف اللي تعيديون وتزيدون فيها
هالعدد من سنة 96 معقوله لين 2016 ماتغيير
عدد السكان القطريين تجاوز 650 الف مواطن ومواطنه وانتو لين اللحين معجعجيين في 250
:)

والله زين قلت لنا العدد الحالي من سنه يدي كلنا كنا نقول 250 الف لين اليوم
اللي يقول 250 الف مره ثانيه نتله من علباه هاهاهاهاها

[راعي الكورفت]

ياهل250 الف اللي تعيديون وتزيدون فيها
هالعدد من سنة 96 معقوله لين 2016 ماتغيير
عدد السكان القطريين تجاوز 650 الف مواطن ومواطنه وانتو لين اللحين معجعجيين في 250
:)

96218

الاحصائيه في جريدة الوطن 2014 تشير ان كان عددنا 278 الف نسمه.

مستحيل في خلال سنه عدد المواطنين يزيد إلى 650 الف نسمه

[الدكتور عزوز]

بناء على موقع ويكيبيديا اللي تقريبا كل معلوماته صحيحة ،، في تعداد سنة 2013 وفي الاحصائيات عدد القطريين 278000 الف مواطن قطري يعني تقريبا كانت النسبة 12% من تعداد السكان في دولة قطر

الرابط هنا https://en.wikipedia.org/wiki/Qatar

حسب معلوماتي ان هذا الموقع ما يحط أي معلومات الا اذا كان فيه ادلة موثقة عن المعلومات اللي راح يحطها

اما 650000 هذا رقم بعيد عن الواقع حسب تصوري لأن مستحيل ان العدد يوصل 650000 خلال سنتين الا في حالة التجنيس الغير مدروس لأكثر من 350000 خلال سنتين

وهذي الصورة توضح تعداد السكان في قطر بحسب الجنسية في سنة 2013

http://e.top4top.net/p_33ov561.jpg (http://up.top4top.net/)

[بانغ بانغ]

ياهل250 الف اللي تعيديون وتزيدون فيها
هالعدد من سنة 96 معقوله لين 2016 ماتغيير
عدد السكان القطريين تجاوز 650 الف مواطن ومواطنه وانتو لين اللحين معجعجيين في 250
:)

هههههه اي والله صادق وانا صغير اسمع هالرقم

مب مشكلة الحوادث لها دور فرضا

بس السؤال كم نسبة الفئة العاملة لو استثنينا الكبار في السن واليهال والمواليد

ما نصك خمسين الف يمكن

[غريب الدّار]

عندي مصدري اخوي ومصدري هو من اورقة التخطيط التنموي والاحصاء
ماقول كلام منيه والطريج مش متأكد منه
:)

اخوي مع احترامي لك الكل يقول عندي مصدري واحنا مب عارفين من صاحب المصدر او الكلام ولا عارفين عنه شي

تدري ليش أقول لك هالكلام ؟

علشان محد يجي عقبك ويقول عدد القطريين خمسة مليار وعندي المصدر !! مثلا يعني :)

اللي انا اعتقده (مجرد اعتقاد فقط) غير مبني على مصادر اطلاقا
مجرد إحساس
مجرد تخمين (اللي هو)
ان عدد القطريين مايوصل 300 الف

من وين جبت الرقم؟
من عندي :nice:
مجرد إحساس وتخمين فقط لاغير بدون مصادر
ماعندي أي مصدر رسمي بس اعتقد مجرد اعتقاد

يعني ممكن اعتقادي يطلع صح
وممكن يطلع غلط
شي طبيعي :)

[Qt.1]

بناء على موقع ويكيبيديا اللي تقريبا كل معلوماته صحيحة ،، في تعداد سنة 2013 وفي الاحصائيات عدد القطريين 278000 الف مواطن قطري يعني تقريبا كانت النسبة 12% من تعداد السكان في دولة قطر

الرابط هنا https://en.wikipedia.org/wiki/Qatar

حسب معلوماتي ان هذا الموقع ما يحط أي معلومات الا اذا كان فيه ادلة موثقة عن المعلومات اللي راح يحطها

اما 650000 هذا رقم بعيد عن الواقع حسب تصوري لأن مستحيل ان العدد يوصل 650000 خلال سنتين الا في حالة التجنيس الغير مدروس لأكثر من 350000 خلال سنتين

وهذي الصورة توضح تعداد السكان في قطر بحسب الجنسية في سنة 2013

http://e.top4top.net/p_33ov561.jpg (http://up.top4top.net/)

مالقيت الا اكس بيديا , هالموقع يعتبر اكثر موقع ممكن انك تدخل اتعدل فيه اي شخص يقدر يدخل ويعدل ويكتب الي يبيه , ويعتبر من اضعف المواقع ,,

[Qt.1]

اخوي مع احترامي لك الكل يقول عندي مصدري واحنا مب عارفين من صاحب المصدر او الكلام ولا عارفين عنه شي

تدري ليش أقول لك هالكلام ؟

علشان محد يجي عقبك ويقول عدد القطريين خمسة مليار وعندي المصدر !! مثلا يعني :)

اللي انا اعتقده (مجرد اعتقاد فقط) غير مبني على مصادر اطلاقا
مجرد إحساس
مجرد تخمين (اللي هو)
ان عدد القطريين مايوصل 300 الف

من وين جبت الرقم؟
من عندي :nice:
مجرد إحساس وتخمين فقط لاغير بدون مصادر
ماعندي أي مصدر رسمي بس اعتقد مجرد اعتقاد

يعني ممكن اعتقادي يطلع صح
وممكن يطلع غلط
شي طبيعي :)

انا تقريبا اتفق معاك , هل قطر مابقى منهم حد بسبة هالحوادث الله يكافينا الشر .

[قطر خضراء]

مجرد إحساس
مجرد تخمين [/U](اللي هو)
ان عدد القطريين مايوصل 300 الف

:nice:

ماشاء الله احساسك وتخمينك صح
وتقريبا في غضون 4 - 6 سنوات قادمة إن شاء الله يوصل عدد القطريين 300 ألف

[khaldoon]

اخوي مع احترامي لك الكل يقول عندي مصدري واحنا مب عارفين من صاحب المصدر او الكلام ولا عارفين عنه شي

تدري ليش أقول لك هالكلام ؟

علشان محد يجي عقبك ويقول عدد القطريين خمسة مليار وعندي المصدر !! مثلا يعني :)

اللي انا اعتقده (مجرد اعتقاد فقط) غير مبني على مصادر اطلاقا
مجرد إحساس
مجرد تخمين (اللي هو)
ان عدد القطريين مايوصل 300 الف

من وين جبت الرقم؟
من عندي :nice:
مجرد إحساس وتخمين فقط لاغير بدون مصادر
ماعندي أي مصدر رسمي بس اعتقد مجرد اعتقاد

يعني ممكن اعتقادي يطلع صح
وممكن يطلع غلط
شي طبيعي :)

متفق تماما معاك و انا اقول نفس الشي

[الدكتور عزوز]

مالقيت الا اكس بيديا , هالموقع يعتبر اكثر موقع ممكن انك تدخل اتعدل فيه اي شخص يقدر يدخل ويعدل ويكتب الي يبيه , ويعتبر من اضعف المواقع ,,

اخوي الكريم هذا موقع الويكيبيديا صحيح ممكن بعض المواضيع يتم التعديل عليها من القارئ ولكن لا تتم الموافقة على عمل التعديل الا بعد التأكد من مصادر وصحة المعلومات ومن ثم نشر التعديلات

وأيضا المعلومات للدول دائما مصدرهم هو اجهزة الاحصاء في الدول ، ولا يوجد أي خيارات للتعديل على المواضيع الرسمية للدول ورؤساء الدول وكبار الشركات وغيره

[SouthK]

10% أو 12% .. هالنسبة صار لها 15 سنة ما تغيرت ..

[mr. abdulla]

عددنا 340,157 .. و يمكن كم واحد زيادة اذا تعدون مواليد اليوم الصبح... انا عادكم واحد وحد.. مصدر mr. Abdulla ... بعدين لاحظ اسمي فيه mr. يعني مصدر موثوق...

اذا كنا 200,000 فالحمدالله و اذا كنا 600,000 فالحمدالله...عن نفسي اتمنا عددنا يزيد و أقتصاد بلادنا يعتمد على عيال اكثر من الاجانب

[وحيد-الشوق]

مستحيل 650 الف عدد القطريين تذكرت واحد تحداني قبل فتره وقالي مصادر خاصة ومستعد اخليك تسمع بأذنك قلت له يلا وماشفت شيء منه

بالعقل يا اخوان لو 650 الف وينهم ليش لين دخلنا مجمعات او غيرها نلقى كم قطري فقط !!! الاحصاء صرحوا بس النسبة قليلة وكذا مصدر ذكر نسبة القطريين 14% ولايمكن التصريح بها لاسباب خاصة انا اجزم ان القطريين لايزيدون عن 300 ألف

[.قطر.]

انزين ليش مايقولون كم عددنا ؟؟!

[مسك روز]

باااااااااااال هذا واحنا 300 الف وتقشف وخاصمين بدلات وحاله

عيل لو يوصل عددنا مثل مصر 60 مليون شبيصير في حالنا :con2:

[بانغ بانغ]

باااااااااااال هذا واحنا 300 الف وتقشف وخاصمين بدلات وحاله

عيل لو يوصل عددنا مثل مصر 60 مليون شبيصير في حالنا :con2:

الله يهداك اي ستين مليون

احنا كم نفر ... وضرب حسد وحقد وواسطات

[سـ ع ـود]

اخوي مع احترامي لك الكل يقول عندي مصدري واحنا مب عارفين من صاحب المصدر او الكلام ولا عارفين عنه شي

تدري ليش أقول لك هالكلام ؟

علشان محد يجي عقبك ويقول عدد القطريين خمسة مليار وعندي المصدر !! مثلا يعني :)

اللي انا اعتقده (مجرد اعتقاد فقط) غير مبني على مصادر اطلاقا
مجرد إحساس
مجرد تخمين (اللي هو)
ان عدد القطريين مايوصل 300 الف

من وين جبت الرقم؟
من عندي :nice:
مجرد إحساس وتخمين فقط لاغير بدون مصادر
ماعندي أي مصدر رسمي بس اعتقد مجرد اعتقاد

يعني ممكن اعتقادي يطلع صح
وممكن يطلع غلط
شي طبيعي :)

في فرق لما اقول عندي مصدري وفي فرق لما اخمن من عندي انا كلش ماجبت طاري التخمين في ولا رد من ردودي
انا ماقلت الكلام الا وانا متأكد منه
قلت اللي عندي حاب تصدقه خير وبركه ماحبيت براحتك
:)

[سـ ع ـود]

96218

الاحصائيه في جريدة الوطن 2014 تشير ان كان عددنا 278 الف نسمه.

مستحيل في خلال سنه عدد المواطنين يزيد إلى 650 الف نسمه

ارد عليك بنفس الرد اللي كتبته للي فوق
^^^^^^^^^

[qatari911]

العدد الكلي 2463.460
75% ذكور
25%اناث
بس مو محددين العدد الكلي للقطريين :telephone:

[<اضرب واشرد>]

ياهل250 الف اللي تعيديون وتزيدون فيها
هالعدد من سنة 96 معقوله لين 2016 ماتغيير
عدد السكان القطريين تجاوز 650 الف مواطن ومواطنه وانتو لين اللحين معجعجيين في 250
:)

إذا 250 في 96
المفروض في 2016 = 386 تقريبا
بضرب 250 في 1.022 سنويا (نسبة تقريبية للزيادة الطبيعية: المواليد)
فمن أين جاء باقي رقمك 650 ؟ هل جنسوا 264 ألف نسمة من 1996 للآن ؟

[غريب الدّار]

في فرق لما اقول عندي مصدري وفي فرق لما اخمن من عندي انا كلش ماجبت طاري التخمين في ولا رد من ردودي
انا ماقلت الكلام الا وانا متأكد منه
قلت اللي عندي حاب تصدقه خير وبركه ماحبيت براحتك
:)
لا يالحبيب مافهمتني اخوي سعود

اللي أقوله ان سالفة انا عندي مصدر وانا عندي مصدر ماخوذ خيرها
تدري ليش؟
لان اللي يتكلم احنا أصلا مب عارفينه ولا عارفين مصدره

يعني مجرد كلام في الأخير (ولا تزعل مني )


وانا لما قلت لك إحساس او تخمين ترى كنت اقصد نفسي :
انا فعلا حاس بالكلام اللي قلته في مشاركتي عن عدد القطريين
ليش قلت انه إحساس اوتخمين ؟ مابي حد يفهم من كلامي غلط ان عندي مصدر
ماعندي مصدر
وادعو الناس للتصديق او عدم التصديق لانه إحساس في الأخير

الكلام من راسي فقط بدون مصادر

مسالة التصديق او عدم التصديق :
اكيد ان كل شخص من حقه يصدق او يكذب أي خبر

بس الفرق بين اللي انا كتبته واللي انت كتبته شي واحد :
انا مادعيت احد لتصديقي اطلاقا لاني قلت واعترفت ان كلامي بدون مصدر


انت دعيت (ولو بشكل غير مباشر ) لتصديقك لما ذكرت ان عندك مصدر :)
طيب شنو المصدر ؟ الله اعلم !
وين المصدر؟ الله اعلم !
مدى مصداقية المصدر ؟ الله اعلم !

من صاحب النك علشان يقول مصدر ؟ الله اعلم !!

هذا كل الموضوع
ومداخلتك على العين والراس اخوي فكل انسان يخطئ ويصيب
لا كلامي وحي ولا كلامك (وهذا اللي قلته انا في البداية)

وبعدين اخوي من ناحية عملية ومنطقية :
سألوك الأعضاء اكثر من سؤال ومارديت عليهم :)

وانت مطالب انك اترد الحين ولا بتفقد مصداقيتك لنك قلت عندك مصادر
انا محد سألني عن كلامي لاني قلت من البداية إحساس وبدون مصادر

عرفت الفرق طال عمرك؟ :)


تفضل جاوب ولا عليك امر
والسموحة ان طولت عليك ياولد الاجواد

[قطر خضراء]

الكلام أن عدد القطريين بلغ 250 ألف سنة 1996
غير صحيح بتاتا
عدد القطريين أواسط سنة 2010 بلغ بالضبط 237,921 قطري وهو مانسبته أكثر بقليل من 14% من عدد السكان آنذاك حيث بلغ العدد الكلي للموجودين على أرض قطر 1,699,435
وبدون دخول في التفاصيل أؤكد أن تخمين الأخ غريب الدار قريب جدا من الرقم الصحيح

[مخطط قطري]

عدد القطرين هو رقم سري ماراح حد يعرفه الا اشخاص معنين ،،،،، والارقام الي تنكتب وحاصرينها مابين 250-300 الف هي كلها تكهنات وتوقعات مبنيه على اسس خاطئة
والعدد الحقيقي للقطرين ولا رقم من الي ذكرتوهم فوق
الله يجمعنا في طاعته ولايفرقنا

[<اضرب واشرد>]

مقال يقول أن العدد في 2010 بلغ 240 ألفا، ((وبضربه في 1.022 خمس مرات = 267 ألف نسمة في 2015))
أي 11% من السكان فقط


تم تنفيذ آخر تعداد للسكان في قطر في نيسان (إبريل) 2010. وكما في تعداد العام 1997، نشرت السلطات فقط بيانات عن السكان الذين تتراوح أعمارهم من 10 سنين وما فوق. ووفقاً لهذا التعداد، فإن عدد المواطنين بأعمار تتراوح بين عشر سنين وأكبر بلغ 174,279. وإذا أضفنا 65,763 –الولادات ناقص الوفيات الرضع – خلال العقد السابق للتعداد – فإن النتيجة هي أن عدد السكان الأصليين القطريين بلغ 240,042 في أواخر نيسان (إبريل) 2010.

ويستنتج التقرير أنه في الأعوام بين 2004 و 2010 جُنِّسَ حوالي 13400


الإستنتاج الوحيد المعقول هو أنه، خلال الفترة بين هذين التعدادين، كان هناك تجنيس أعداد كبيرة حوالي 13،400 نسمة، يمثلون حوالي 5.6 في المئة من مواطني البلد في تعداد العام 2010.

ويقول أن سكان قطر في 1904 كان 27000
ثم تراجع في الثلاثينيات والأربعينيات إلى أن بلغ حوالي 16000 منتصف الأربعينيات
ثم عاد إلى 25-30 ألفا في 1950 بعد تصدير النفط في 1949



أفاد أول تقدير عن عدد سكان قطر، الذي وضعه جون غوردون لوريمر من وزارة الخارجية البريطانية في العام 1904، بأن مجموع السكان في الإمارة الخليجية الصغيرة بلغ حوالي 27،000 نسمة. قبل إكتشاف النفط، كان صيد اللؤلؤ هو الدعامة الإقتصادية للإمارة؛ ومع ذلك، فقد أدّى تطوّر صناعة اللؤلؤ اليابانية المتحضّرة في بداية ثلاثينات القرن الفائت، جنباً إلى جنب مع الكساد العظيم، وبداية الحرب العالمية الثانية، إلى ركود إقتصادي حاد صاحَبَه إنخفاض حاد في عدد السكان في قطر إلى حوالي 16،000 نسمة بحلول منتصف أربعينات القرن الفائت. ومع بداية تصدير النفط في العام 1949 إنعكس هذا الإتجاه الإقتصادي. ونتيجة لذلك، دخل المزيد والمزيد من الناس إلى الإمارة، وبحلول العام 1950، قُدّر عدد سكان قطر بحوالي 25،000-30،000 نسمة.

وأنه بين الأعوام 1970-1986 كان هناك تجنيس

http://www.asswak-alarab.com/archives/8568

[BoFahed]

مقال يقول أن العدد في 2010 بلغ 240 ألفا، ((وبضربه في 1.022 خمس مرات = 267 ألف نسمة في 2015))
أي 11% من السكان فقط



ويستنتج التقرير أنه في الأعوام بين 2004 و 2010 جُنِّسَ حوالي 13400



ويقول أن سكان قطر في 1904 كان 27000
ثم تراجع في الثلاثينيات والأربعينيات إلى أن بلغ حوالي 16000 منتصف الأربعينيات
ثم عاد إلى 25-30 ألفا في 1950 بعد تصدير النفط في 1949



وأنه بين الأعوام 1970-1986 كان هناك تجنيس

http://www.asswak-alarab.com/archives/8568



يعني اخوي من التقرير اللي ارفقته نسنتنج بانه تقريبا عدد القطريين من 250-270 الف نسبة القطريين الاصليين لا تتعدى 25%

[<اضرب واشرد>]

يعني اخوي من التقرير اللي ارفقته نسنتنج بانه تقريبا عدد القطريين من 250-270 الف نسبة القطريين الاصليين لا تتعدى 25%

العدد في 2010 = 240
بالزيادة الطبيعية يكون حاليا = 270 تقريبا

حسب مفهومك "للأصليين" أخوي بوفهد
- إن كنت تعني ال 16000 الذين صمدوا في الكساد الاقتصادي ولم يرحلوا، فعددهم كان 16 في 1945 وحاليا 90 ألف تقريبا ((33% السكان))
- وإن أضفت الذين عادوا (أو وفدوا لأول مرة) في 1950 بعد تصدير النفط، فعدد السكان كان 25-30 في 1950 وهم حاليا 125-152 تقريبا ((46%-56% من السكان))

[جبر ال جبر]

ومنهم الاصلين حسب مفهومكم وشلون عرفتم انه عددهم 33%

[Diamond]

ومنهم الاصلين حسب مفهومكم وشلون عرفتم انه عددهم 33%

الاصليين اللي كانوا في 1945 عددهم 16 الف.. اضربهم في نسبة الزياده السنويه.. ضرب 71 سنه .. تقسيم عدد السكان الحالي يعطيك النسبه

[BoFahed]

ومنهم الاصلين حسب مفهومكم وشلون عرفتم انه عددهم 33%

الاصليين اللي وضحهم نص قانون الاسكان المتواجدين والمسجلين بسجلات الدولة قبل 1930

ومسؤول في الاسكان ذكر قدامي انه ما ينطبق عليهم قانون الاسكان حول ال 50 الف

احتمال رقم غير صحيح وبالاخير كلنا اخوان وعيال عم و زناد لهذي البلد المعطاء

[<اضرب واشرد>]

ومسؤول في الاسكان ذكر قدامي انه ما ينطبق عليهم قانون الاسكان حول ال 50 الف


يمكن يقصد 25 ألف حالة زواج (زوج+زوجة) في 7 سنوات (من 2008 سنة إصدار القانون إلى الآن)

لكن على الأغلب يقصد أعدادهم كاملة (نساء + رجال + أطفال) .. وتفسير كون الرقم صغير أن "المجنسين" الذين قدموا للدولة في الخمسينيات والستينيات من الإمارات وشرق السعودية والساحل الفارسي ..إلخ، وكان جزء/بعض من قبيلتهم في قطر قبل 1930، أُلحقوا بهم وسُجلت كل القبيلة على أنها "قبل 1930"

أما من جاء من السعودية ولم يكن بعض أفراد قبيلته في قطر قبل النفط، فسُجلوا على أنهم مجنسين، ومثلهم من جاء من اليمن والعراق وسوريا

50 ألف، منهم بضعة آلاف جُنسوا بين 2004-2010 من العراق وسوريا

[وحيد-الشوق]

الله يهداك اي ستين مليون

احنا كم نفر ... وضرب حسد وحقد وواسطات

والله صدقت يابانغ عددنا قليل والبعض يحسد ويحقد عالثاني !!!

اذكر اكتتاب مسيعيد كان عدد المكتتبين 200 الف حسب تصريح الجرائد وفي نسبة ما اكتتبت طيب نقول 100 الف ما اكتتبوا وين ال300 الف الباقي :)

[بوخالد911]

ومتى بنصير الفئة الأكبر كقطريين ف قطر؟

[H H]

ومتى بنصير الفئة الأكبر كقطريين ف قطر؟


اذا خلصت كل اعمال البناء والبنيه التحتيه فقطر , وانتهت الحاجه الى العمّال , وقتها يمكن ينزل الرقم ل 700 الف ويشكّل المواطن منهم 400 الف.

[غريب الدّار]

نقطة نظام يااخوان :

الموضوع عن عدد السكان
شنو قطري اصلي وقطري تقليد وحسد وحقد ومادري وشو !!

وش قاعدين تتكلمون عنه انتوا؟


يااخوان خلكم في صلب الموضوع

اللي يبي يعبر عن راي في الموضوع اهلا وسهلا

لحد يجي يقول أي راي وخلاص ويحاول يفرضه على غيره

وش علاقة الحسد والحقد بعدد السكان ؟

وبعدين شسالفة القطريين بيصيرون نادرين والقطري بينقرض ومن هالكلام الفارغ صراحة ؟

ياجماعة الوضع اللي احنا فيه حاليا فرضته علينا عوامل عديدة منها مشاريع كاس العالم والبنية التحتية

لو نلاحظ ونركز :
المفروض أصلا عدد القطريين يزيد عقب ماينقص والأجانب يقلون

للعوامل التالية على سبيل المثال لا الحصر :
1- استراتيجية قطر 2030 وتركيزها وتركيز الدولة والقيادة على التعليم واصحة يجب ان يؤدي الى زيادة سكانية
2- بما ان في تركيز على التعليم والتطوير فمن المفترض ان القطريين يحلون مكان أجانب وايد في مختلف القطاعات ، ومااتكلم بس عن الوظايف الإدارية ، أتكلم بشكل عام (وراح أوضح قصدي باذن الله في موضوع منفصل قاعد ارتب له حاليا)
3- المشاريع والنمو المتسارع ماراح يستمر الى مالانهاية وهذه سنة الله في خلقه ، فبالتالي العمالة تدريجيا راح تقل ، يمكن مب الحين ، ولا يمكن بعد سنة او سنتين او خمس او ست ، لكتن لا بد ماتقل .


يعني أتمنى النقاش يكون في هالمحاور بعد اذنكم :
سبب الزيادة السكانية (او أسباب الزيادة السكانية)
تأثير الزيادة على الوضع في البلاد من مختلف النواحي (اقتصادية ، اجتماعية ، امنية )
أسباب اختلال التركيبة السكانية

واللي يبي يناقش في أي محور آخر انا ماذكرته وله علاقة بصلب الموضوع يامرحبا


اما مواضيع ثانية فغير مرحّب بها ابدا
أقول لكم الصراحة


واشكر كل من اثرى الموضوع وعلّق
وأخص بالذكر الأخ اضرب واشرد على احصائياته اللي أوردها

والشكر للجميع مرة أخرى



غريب الدّار

[غير عنهم]

القطريين لايتجاوزون285 الف هذ والله اعلم

[غريب الدّار]

القطريين لايتجاوزون285 الف هذ والله اعلم

في مصدر اخوي ؟

ولا إحساس مثلي :nice:

[جبر ال جبر]

اخر شي القطريين يطلعون 185 الف بس تخيلو واحنا نحسب عمرنا اكثر بصراحه انا عن نفسي لو يقلون لي القطريين اقل من هالرقم بصدق يرجل في الشارع في المجمعات في الاماكن العامه صرنا مانشوف الا ناس حسر(يعني بدون غتره وعقال وقحفيه)

[العرابي]

جزاك الله خير

[مابدل العادات]

في تصوري الشخصي هذا العدد غير حقيقي والعدد الحقيقي اكبر بكثير عادي قريب ال 3 مليون

لأنه المحسوبين هم الي قاعدين بشكل قانوني والي غير قانوني موب محسوبين وياكثرهم

[غريب الدّار]

في تصوري الشخصي هذا العدد غير حقيقي والعدد الحقيقي اكبر بكثير عادي قريب ال 3 مليون

لأنه المحسوبين هم الي قاعدين بشكل قانوني والي غير قانوني موب محسوبين وياكثرهم
يعني اخوي في تصورك الشخصي (لو قلنا ان العدد 3 مليون) ان في 577000 شخص مقيمين بصورة غير شرعية ؟؟؟ !!!
كلام كبير حتى لو كان تصور شخصي بصراحة :)