مساعدة في ترتيب المطبخ ؟ وأي خامة اركب ؟

[وحيد-الشوق]

السلام عليكم

ممكن احد الاخوان يساعدني جزاه الله خير في ترتيب المطبخ الداخلي لأنه السباك مدد البيبات بس ما استقريت على تصميم وقلت يمكن اغير في نقاط كهرباء وتوزيع عشوائي حالياً الدريشه تحتها المغسله والفرن قلت بخليه يسار غاز وفكرت اخلي وحدة في الوسط مع فرن كهربائي وجلسة من كم كرسي ؟؟ بس اعتقد لازم امدد كهرباء في الارض وبالنسبة لشفاط الفرن هل يفضل يكون خلفه الجدار على الخارج ؟ المخزن حولته غرفة غسيل مع غسالتين اوتوتامتيك ونشافه هل الفكره عملية ؟؟ والمخزن بيكون خارجي والمكيف ينفع سبليت في المطبخ !! :rolleyes2:

http://i863.photobucket.com/albums/ab200/w7ed-qatar/5D94F8DB-C389-46C3-BD07-C3952BBD06ED_zpsgfgaehlj.jpg (http://s863.photobucket.com/user/w7ed-qatar/media/5D94F8DB-C389-46C3-BD07-C3952BBD06ED_zpsgfgaehlj.jpg.html)

اخيراً وين القى مطابخ حلوة وراقية بس ماتكون خشب

[Bo3essa]

اخوي روح رافكو او المطابخ الحديثه وهم بيسوون لك التصميم الي يناسب المطبخ

[سعود.]

عندي ملاحظة : ليش مكيفين في المطبخ !!!

مساحة 5x5.5 كفايه عليه مكيف واحد

ايكيا روح لهم مع الخارطة وهم يوزعون لك المطبخ

[معماري قطري]

لو عندك رسمة الاوتوكاد باقدر اسوي لك توزيعة جيدة

مقترحي هو تسوي كاونتر المغسلة صوب الدريشة وجدامه تسوي كاونتر بشكل جزيرة بعيد عن كاونتر المغسلة 1.1 - 1.3 متر بس حتى تكفي المساحة وتكون الحركة من قريب وسهلة خطوتين قصيرتين حتى للالتفاف سهل ولحمل أي غرض .. هشكل بنكون خلصنا خل نقول 1.7 متر من العرض لزاوية المخزن اللي = 3.3 ويتبقى لنا 1.6 متر للجزيرة وبيكون شوي وايد تقدر تقلل ل 1.2 وتوسع الممر بين الكاونتر والجزيرة ل 1.5 أو تدخل الجزيرة داخل 20 سم من الزاوية وتسوي كاونتر مرتفع للأكل في طرف الجزيرة وتحته تدخل الكراسي الطويلة

شوف هذا سكتش سريع بدون مقاسات لكن يوضح كلامي فوق .. مبين عندك انحراف والمطبخ مب جاي حوايطه كلها سيدة يمكن من الصورة .. لو هذا الحال عندك ممكن تسوي الكاونتر اللي ملاصق للدريشة سيدة حسب الحايط التحتي متوازي معاه .. ممكن يكون من الطرف اليسار عرضه 50 أو 45 سم واليمين يزيد بالتدريج حسب انحراف الحايط .. في يمين الكاونتر نقدر نسوي تجويف للثلاجة بالجبس أو الخشب وهذا التجويف يخفي ويحسن من الانحراف + المغسلة تكون مقابلة الدريشة والفرن يكون على الجزيرة الوسطية اللي بالأحمر مقابل المغسلة وممكن نخلي يسار الكاونتر تجويفات خاصة لفرن بخار + فرن شوي مرتفع لسهولة الإستخدام أو فرن فخار حتى للخبز والبيتزا وكلهم كهرباء .. المستطيل الأخضر هو الجزء المرتفع ككاونتر لتناول الطعام .. إرتفاعه يكون 1.1 وارتفاع الجزيرة 85 سم - 90 سم حسب الرغبة

http://i.imgur.com/bBOztgh.jpg

[وحيد-الشوق]

اخوي روح رافكو او المطابخ الحديثه وهم بيسوون لك التصميم الي يناسب المطبخ

شكراً عالافادة ياخوي بمر عليهم ان شاء الله


عندي ملاحظة : ليش مكيفين في المطبخ !!!

مساحة 5x5.5 كفايه عليه مكيف واحد

ايكيا روح لهم مع الخارطة وهم يوزعون لك المطبخ

في الرسومات بس مكيفين لكن هو مكيف واحد ايكيا مطابخهم حلوة لكن كلها خشب وانا مابي خشب حتى للمطبخ الداخلي

شكراً لك ياخوي

[وحيد-الشوق]

لو عندك رسمة الاوتوكاد باقدر اسوي لك توزيعة جيدة

مقترحي هو تسوي كاونتر المغسلة صوب الدريشة وجدامه تسوي كاونتر بشكل جزيرة بعيد عن كاونتر المغسلة 1.1 - 1.3 متر بس حتى تكفي المساحة وتكون الحركة من قريب وسهلة خطوتين قصيرتين حتى للالتفاف سهل ولحمل أي غرض .. هشكل بنكون خلصنا خل نقول 1.7 متر من العرض لزاوية المخزن اللي = 3.3 ويتبقى لنا 1.6 متر للجزيرة وبيكون شوي وايد تقدر تقلل ل 1.2 وتوسع الممر بين الكاونتر والجزيرة ل 1.5 أو تدخل الجزيرة داخل 20 سم من الزاوية وتسوي كاونتر مرتفع للأكل في طرف الجزيرة وتحته تدخل الكراسي الطويلة

شوف هذا سكتش سريع بدون مقاسات لكن يوضح كلامي فوق .. مبين عندك انحراف والمطبخ مب جاي حوايطه كلها سيدة يمكن من الصورة .. لو هذا الحال عندك ممكن تسوي الكاونتر اللي ملاصق للدريشة سيدة حسب الحايط التحتي متوازي معاه .. ممكن يكون من الطرف اليسار عرضه 50 أو 45 سم واليمين يزيد بالتدريج حسب انحراف الحايط .. في يمين الكاونتر نقدر نسوي تجويف للثلاجة بالجبس أو الخشب وهذا التجويف يخفي ويحسن من الانحراف + المغسلة تكون مقابلة الدريشة والفرن يكون على الجزيرة الوسطية اللي بالأحمر مقابل المغسلة وممكن نخلي يسار الكاونتر تجويفات خاصة لفرن بخار + فرن شوي مرتفع لسهولة الإستخدام أو فرن فخار حتى للخبز والبيتزا وكلهم كهرباء .. المستطيل الأخضر هو الجزء المرتفع ككاونتر لتناول الطعام .. إرتفاعه يكون 1.1 وارتفاع الجزيرة 85 سم - 90 سم حسب الرغبة

http://i.imgur.com/bBOztgh.jpg

اذا ماني غلطان قبل سنة سويت لي تصميم للمطبخ لكن مب متذكر وين راح بالضبط طيب في بالي فرن غاز والاخر كهرباء احد الاخوان قالي الفرن خل وراه حايط عالخارج وجنب الدريشه عشان مخرج الشفاط !! هل ضروري الشفاط يكون قريب من الدريشه والمغسلة مكانها مناسب تحت الدريشه وسط المطبخ أو احولها يسار المطبخ في الزواية مقابل حائط غرفة الغسيل

السموحه ياخوي ثقلت عليك

[معماري قطري]

مسموح يا اخوي لا تثقيل ولا حاجة .. على التصميم ذيه اللي لازم يتطور أكثر حسب الشركة اللي بتسوي لك خل الفرنين في المستطيل الأحمر ومقابلهم الكاونتر وفوقهم المدخنة .. عندك حول الدريشة كبتات طوال واحد فيه ثلاجة وفريزر من النوع الواقف .. القسم الثاني تقدر تحط فيه الفرن اللي يجي مدمج مع الكبت للشوي ولو تحب فرن البخار أو الفرن الفخاري بعد تقدر تحط .. وتقدر تحط متعدد الإستعمالات .. بس اللي للجدور والطبخ العادي خلهم في الجزيرة وفوقهم المدخنة وبهالطريقة تكون استغليت الحايط بكبتات كاملة والجزيرة من تحت بأدراج وأرفف

المستطيل الأزرق للثلاجات بس شكله بيكون غلط أما يكون متصل مع كاونتر المغسلة جهة الدريشة ولا تلغيه وتكبر الجزيرة شوي .. المسافة المثالية بين الجزيرة والكاونتر جهة الحائط 4 أقدام = خطوتين قصار = 120 سم وتقدر تقللها لمتر و 10 بس أقل تطلع مزعجة ولو خليتها كبيرة متعبة وخطر السقوط موجود .. التمديد للغاز تحت الأرض ببايب بلاستيك 2 إنش وبطريقة محنية حتى تقدر تدخل فيه بايب نحاس بدون وصلات .. يعني يكون جاي شكل قوس بدال لفات 90 درجة بعد ما يركب البايب تنسد الفتحات من برا ومن داخل برغوة

عاد لو ما جهزت له تقدر بعد تقص وتسوي ولو تبي الحل السهل ما لك الا المطبخ التقليدي كله صوب الطوفة

[معماري قطري]

فرنين لهم حل ثاني بس تخسر منطقة ال built - in appliances ومساحة الكبت اللي ملاصق للحايط بالكامل وبيكونون الأفران جنب بعض .. ممكن تخلي المغسلة في الجزيرة وبعد بتحتاج لتمديدات

شوف مصممين المطابخ تصميم وتنفيذ وشوف وشي مقترحاتهم لدمج تخزين المطبخ مع عدة المطبخ .. مع ملاحظة المخزن عندك صغير .. حتى تستغله أنسب استغلال خل الباب وسطي وبعرض 70 أو 80 سم أكثر شيء حتى توفر مكان للأرفف من الجهتين بعرض 45 سم أو 40 للتخزين .. يعني الأرفف تتركب صفين والباب وسطها ولو تشوف شركات الأرفف تطلب منهم النوع القوي المعدن ويثبتونه ببراغي في الطوفة بيكون أفضل وأسهل للتنظيف

[وحيد-الشوق]

ماشاء الله عليك يامعماري ملاحظاتك في الحسبان بشوف وبفكر المشكلة انا ادور على مطابخ ماتكون خشب pvc مثلا او المنيوم بشكل راقي وحلو لأنه استخدامنا دفش ومافي مطبخ خارجي حالياً

[al saad]

الشيخ نصيحه ابعد عن الميرة وارض المطابخ شغل وموعيد غش

[معماري قطري]

ماشاء الله عليك يامعماري ملاحظاتك في الحسبان بشوف وبفكر المشكلة انا ادور على مطابخ ماتكون خشب pvc مثلا او المنيوم بشكل راقي وحلو لأنه استخدامنا دفش ومافي مطبخ خارجي حالياً

جرب الستانلس ستيل عملي أكثر

[Qt.1]

انا عندي نصيحتين , الااولى ابعد عن مطابخ ايكيا اذا كان المطبخ خارجي , الثانيه اشتر فرن كهربائي يكون ايطالي وريح راسك .

[سعود.]

انا عندي نصيحتين , الااولى ابعد عن مطابخ ايكيا اذا كان المطبخ خارجي , الثانيه اشتر فرن كهربائي يكون ايطالي وريح راسك .

مطابخ ايكيا ليش ابتعد عنها ؟؟

انا في بالي اركبها اذا عندك شي فيدنا .

وشكرآ

[معماري قطري]

اللي يبي مطابخ زينة ياخذ مطابخ كرابتري الانجليزية خشب أبيض كامل وينصبغ حراري في أفران .. عندي من حول 11 سنة والحمد لله من أحسن ما يكون

الشركة فاتحة ورشة تصنيع في السعودية وأسعارهم رخيصة .. قبل كان فيه وكيل لهم في قطر وخسر وسكر .. سوى لي 3 مطابخ إثنين خشب وواحد ألمنيوم خارجي الداخلي عبارة عن واحد ونص وكلفوني بدون رخام ومغاسل 35000 سنة 2005 .. اللي بيدور عنوانهم في النت بيحصلهم ويقدر يراسلهم ويتفق معاهم

[ولد المنصور]

المطابخ القطريه عن تجربه ممتازين...