لصوص الواي فاي !!! [الأرشيف] - منتديات شبكة الأسهم القطرية

مشاهدة النسخة كاملة : لصوص الواي فاي !!!

مشاكل

04-02-2016, 01:59 PM

السلام عليكم ورحمة الله وبركاته

لن اطيل عليكم

لاحظت مراراً وتكراراً تواجد مجموعات من الهنود والاسيويين وهم متسمرين امام تلفوناتهم بالقرب من منازل المواطنين ،، وخذني الفضول كي اعرف السبب اللي يدعوهم للتواجد بشكل متكرر في نفس نقاط التجمع
كبست على اثنين من الجنسية البنغالية ولاحظت انهم شغالين ع النت ،،، ولما سألتهم مع الضغط عليهم انهاروا واعترفوا انهم شغالين على واي فاي البيت اللي واقفين احذاه
وعندهم برنامج يفك شفرة الباسوورد ويدخلهم مباشرة ع النت
كررت الكبسة مع مجموعة ثانية من الدريولية من الجنسية الهندية ،،، ونفس الشي انهاروا بشكل جماعي واعترفوا على طول

لذلك انبهكم اخوانب واخواتي اذا شفتوا حد منهم واقف قدام بيوتكم تأكدوا من الموضوع لأنهم قاعدين يستخدمون بياناتكم في الدخول على الانترنت

والله من وراء القصد

بانغ بانغ

04-02-2016, 02:14 PM

والله وهقة . هل يعاملون معاملة لصوص او موجود في القانون ... نص بمحاسبتهم ؟

النهار

04-02-2016, 02:21 PM

سؤال موجه ل اوريدو ممكن حد من القسم الهندسي عندهم يفيدنا لتلافي هذه المشكله
والله مصيبه لواستغل بينات العميل في اشياء مخله او اي شي اخر

راجي الْعفو

04-02-2016, 02:22 PM

وعليكم السلام و رحمة الله و بركاته

والله هذي مصيبة

الظاهر لازم نستخدم باسوردات مشفرة

راجي الْعفو

04-02-2016, 02:23 PM

نهار الذهب

مبروك على تغيير اللون

شكلك غير و انت بحُلّتك الجديدة ^_^

النهار

04-02-2016, 02:26 PM

نهار الذهب

مبروك على تغيير اللون

شكلك غير و انت بحُلّتك الجديدة ^_^

هههههههههههههههههه
الله يبارك فيك راجي
ايش اسوى تعبث في في لوحة التحكم حصلت خانه من الخانات عدلتها وطلعت النيجيه مثل مانت شايف

بانغ بانغ

04-02-2016, 02:31 PM

نهار الذهب

مبروك على تغيير اللون

شكلك غير و انت بحُلّتك الجديدة ^_^

اخر جملة فكرتني بسنيكرز

راجي الْعفو

04-02-2016, 02:32 PM

اخر جملة فكرتني بسنيكرز

طيحته في خاطري ^_^

اسمح لنا اخوي مشاكل عالازعاج في موضوعك ^_^

الحياة الخالدة

04-02-2016, 02:35 PM

بانغ بانغ

04-02-2016, 02:38 PM

و عليكم السلام و رحمة الله و بركاته

بالفعل هالشي ملاحظ و ما كنّا فاهمين السر بس عقب عرفنا
لكن هل يحق لنا نشتكي عليهم لو لقيناهم لاصقين في الطوفة والا يصيح الطق و التلشط من قبل راعي البيت
ولو سواها هل عليه أي مسؤولية جنائية ؟؟

ما اتوقع ان توصل لهالدرجة بس يمكن تنبيه او ايحطون باسوورد

بس هل حد ممكن ايعلمنا ايش هالجهاز اللي ايفك شفرات وكيف انحكر له

وين المبرمج صلاح !!!

مشعل العطاوى

04-02-2016, 02:47 PM

لازم الشفره تكون اكثر من 12 وفيها رمز او 2 على الاقل .. حروف وارقام .. وراح ينتهى الوضع :)

مشعل العطاوى

04-02-2016, 02:57 PM

اتوقع ان اوصل لهالدرجة بس يمكن تنبيه او ايحطون باسوورد

بس هل حد ممكن ايعلمنا ايش هالجهاز اللي ايفك شفرات وكيف انحكر له

وين المبرمج صلاح !!!

فيه طريقتين .. واحده عشوائيه عن طريق ارسال باتش للمودم واستخدام الباك تراك

وهذا يفصل النت على المستخدم ويرجع يشبك وبعدها تستلم انت باتش الكلمه السريه

وتحطها ببرنامج وملف الكلمات العشوائيه .. ويحتوى على عشرات الملايين من الكلمات السريه العشوائيه

يحلل البرنامج الكلمه السريه المشفره ويقارنها بما هو موجود بملف الكلمات العشوائيه حتى تتطابق مع الشفره

وان كانت الكلمه السريه غير موجوده يفشل البرنامج ويخبرك انها غير موجوده . والعمليه تستغرق ساعات وربما ايام

على حسب سرعتة الجهاز وقوته فى انجاز المقارنه بسرعه .

---

الطريقه الثانيه : بااستخدام المودم عن طريق معرفة رمز او السيريل الخاص به

---

الافضل حول المودم من تشفير wep الى wap2

---

اما الباسوورد برقم الهاتف ... فهو باسوورد الاغبياء :) لانه اسهل باسوورد وفكه 5 دقائق

العقل المدمر

04-02-2016, 03:32 PM

مساكين
فقارة ماعندهم فلوس يفتحون انترنت
شكثر بيسحب جوالهم يعني
عليهم بالعافية :(

بانغ بانغ

04-02-2016, 03:37 PM

فيه طريقتين .. واحده عشوائيه عن طريق ارسال باتش للمودم واستخدام الباك تراك

وهذا يفصل النت على المستخدم ويرجع يشبك وبعدها تستلم انت باتش الكلمه السريه

وتحطها ببرنامج وملف الكلمات العشوائيه .. ويحتوى على عشرات الملايين من الكلمات السريه العشوائيه

يحلل البرنامج الكلمه السريه المشفره ويقارنها بما هو موجود بملف الكلمات العشوائيه حتى تتطابق مع الشفره

وان كانت الكلمه السريه غير موجوده يفشل البرنامج ويخبرك انها غير موجوده . والعمليه تستغرق ساعات وربما ايام

على حسب سرعتة الجهاز وقوته فى انجاز المقارنه بسرعه .

---

الطريقه الثانيه : بااستخدام المودم عن طريق معرفة رمز او السيريل الخاص به

---

الافضل حول المودم من تشفير wep الى wap2

---

اما الباسوورد برقم الهاتف ... فهو باسوورد الاغبياء :) لانه اسهل باسوورد وفكه 5 دقائق

والله اني دخت
لهالدرجة متخصصين

شيخ الديرة

04-02-2016, 03:58 PM

والله اني دخت
لهالدرجة متخصصين

لا تدوخ, كل الناس اللي متجمعين قريب منهم انترنت وايرلس مفتوح, بدون باسوورد

الدوحه1

04-02-2016, 04:20 PM

دورت في الانترنت وفعلا حصلت في عشرات البرامج اللي ممكن تفك باسورد الواي فاي!!!

ياجماعه الموضوع خطير تخيلوا اذا بغيت اودي حد ورا الشمس فما علي الا اني اروح عند طوفة بيتهم واستخدم برنامج الحصول على الباسورد وادش على تويتر واسب احد الحكام العرب؟؟؟؟؟

فاكيد بعد ملاحقة مصدر الكلام بيطلع المصدر من هالبيت باستخدام ال ip؟؟؟؟؟

العقل المدمر

04-02-2016, 04:59 PM

R 7 A L

04-02-2016, 05:09 PM

والله مادري هل فسها خطورة على واعي الخط ولا لا
خصوصاً اذا عرفنا ان الاماكن الكبرى مثل الكورنيش ومستشفى حمد فيها واي فاي مفتوح وهل يختلف عن الي في بيوتنا ولا لا الله اعلم ؟

بصمة قطرية

04-02-2016, 07:22 PM

توني أعرف أن عندهم برامج عشان يستخدمون الواير لس ..!!
والله طول هالفترة مفتكرة الناس مخلينه من غير باسوورد ..!!!!!
بصراحة هالشي المفروض ما يتهاونون فيه
لازم يتحاسبون لأنه يعتبر سرقة ..

الأغر

04-02-2016, 07:51 PM

أفضل طريقه للباسوورد عدم وضع ارقام متسلسلة او احرف متتابعه وادخال رمز مع مراعاة وجود حرف كبير وحرف صغير ما يقل عن ثمانيه ارقام واحرف

المبرمج صلاح

04-02-2016, 07:57 PM

لا تدوخ, كل الناس اللي متجمعين قريب منهم انترنت وايرلس مفتوح, بدون باسوورد

صحيح معظم البيوت اللي تلاقي الناس عند الطوفة
اما الرواتر ماعليه باسورد ومفتوح
اما الرواتر كان عليه باسورد ومع مرور الزمن لردائة نوع الرواتر يرجع الى البرمجة الاصلية بدون باسورد وصاحب البيت ما يدري عنه

الرواترات الحديثة التى يوجد فيها تشفير من wpa2 يستحيل اختراقه الا باستخدام اجهزة خاصة وبرامج ونظم تشفير وتاخد وقت حسب صعوبة الباسورد ممكن تصل الى ايام وشهور وهذه الاجهزة والبرامج ما تشتغل على الجوالات ولا حتى الكمبيوترات العادية

يعني العامل المسكين اللي جاي يسرق نت لازم يشتري اجهزة متخصصة تقدر بالاف الدولارت وكمان يكون مستخبي في سيارة فان عشان يحل باسورد الرواتر

لهذا كلام اخوي شيخ الديرة صحيح 100 % الرواتر بيكون مفتوح بدون باسورد او حد من داخل البيت اعطاهم الباسورد

دورت في الانترنت وفعلا حصلت في عشرات البرامج اللي ممكن تفك باسورد الواي فاي!!!

ياجماعه الموضوع خطير تخيلوا اذا بغيت اودي حد ورا الشمس فما علي الا اني اروح عند طوفة بيتهم واستخدم برنامج الحصول على الباسورد وادش على تويتر واسب احد الحكام العرب؟؟؟؟؟

فاكيد بعد ملاحقة مصدر الكلام بيطلع المصدر من هالبيت باستخدام ال ip؟؟؟؟؟

الجهات الامنية المتخصصة ليست بهذه السذاجة
معروف في حالة الشكاوي الالكترونية بياخدون معلومات عن الجهاز اللي دخل عالانترنت غير الايبي واكثر ثقة من الايبي
الايبي ماحد بياخد فيه الان كدليل ملموس الا انه يعتبر مفتاح على اول الطريق لايجاد الجهاز المعني وصاحبه ومكانه

المبرمج صلاح

04-02-2016, 08:03 PM

الزبدة في الموضوع كلها الموضوع غير مهم وليس موثر الا على سرعة النت لمن يشبكون ممكن يبطئ النت عندك فقط لا غير

اذا ما تبي حد يستخدم الانترنت الخاص فيك تاكد ان كل الرواترات اللي في البيت محمية بكلمة سر وغالبا معظم الرواترات الحديثة من 3 سنوات كلها تعمل بالتشفير wpa2 فلهذا مستحيل حد يخترقها الا اذا انت او حد من البيت اعطاهم كلمة السر او انك حاطط الباسورد 12345678 هههههههههه

ولاتقلق ولا تخاف اذا حصلت مافي باسورد ماحد يقدر يتجرأ ويسوي شي عاساس انه يضرك باستخدام النت الخاص بك في قطر
كل شي وكل جهاز وحتى رقم جوال وحتى جوال من غير شريحة الاجهزة الامنية تقدر توصله بكل سهوله اذا فكر يسوي شي بغض النظر استخدم النت الخاص بك او استخدم النت العام اللي الحدائق

بالتوفيق للجميع ان شاء الله

SouthK

04-02-2016, 10:45 PM

في طريقة تغني عن الباسوورد لدخول النت و هي ان كل الاجهزة تتم اضافتها للراوتر و انا بحاول احط موضوع عنها لفايدة الكل

شيخ الديرة

04-02-2016, 10:53 PM

[size=5][color="#0000cd"]
دورت في الانترنت وفعلا حصلت في عشرات البرامج اللي ممكن تفك باسورد الواي فاي!!!

كلها لا تعمل, جربها وستجدها انها كذب وخداع, والغالب انها برامج فيروسات

احب قطر

05-02-2016, 02:01 AM

انا كل يوم اشيك عاللي شابكين واحصل ناس يشبكون عندي ، وصلو عندي اللي حاطهم في البلاك لست اكثر من 30 شخص.

معماري قطري

05-02-2016, 02:26 AM

ما شاء الله عليك اخوي مشاكل

النت عندنا وايد يستوي ضعيف وحولنا مباني تجارية وبيت عزوب وأوقات اشوف سيارات توقف ما ادري وين الأمن والتحريات عن هذي الأُمور

زقرتي ومزاجي

05-02-2016, 03:58 AM

شلون اعرف اذا حد شابك معاي او لا

شيخ الديرة

05-02-2016, 09:42 AM

شلون اعرف اذا حد شابك معاي او لا

انا استخدم هذا التطبيق على موبايلي، يجب ان يكون الموبايل مربوط على نفس الروتر لاكتشاف الاجهزة الاخرى
https://lh6.ggpht.com/gIvUMrQosB1BL1YdoCCnUAgqWEIaZcj_aM0L2yAFlY6MpGoPxH sIQgOftZQNX4EYR_M=h900

وهذا رابط التطبيق لاجهزة الاندرويد
https://play.google.com/store/apps/details?id=com.overlook.android.fing

المبرمج صلاح

05-02-2016, 03:29 PM

شلون اعرف اذا حد شابك معاي او لا

نزل برنامج اسمه

Fing

من الابل ستور او جوجل بلاي

https://itunes.apple.com/us/app/fing-network-scanner/id430921107?mt=8

تاجر كشخة

05-02-2016, 06:35 PM

اختراق الرويتر كلام فارغ

زقرتي ومزاجي

06-02-2016, 01:20 AM

نزل برنامج اسمه

Fing

من الابل ستور او جوجل بلاي

https://itunes.apple.com/us/app/fing-network-scanner/id430921107?mt=8

شلون اقدر احظرهم ؟؟؟؟

المبرمج صلاح

06-02-2016, 01:56 AM

شلون اقدر احظرهم ؟؟؟؟

تقدر تحظرهم عن طريق اخد الماك ادرس ( MAC Address ) وتحطه في البلاك ليست في الرواتر طبعا لازم الرواتر يكون بيدعم هالخاصية
او تغير اسم وباسورد الويرلس وخلاص

الماك ادرس هو عبارة عن سيريال فريد من نوعه لاي جهاز اتصال الكتروني في العالم مستحيل يتشابه اثنين بنفس الماك ادرس

بوخالد911

07-02-2016, 12:48 AM

ومنكم نستفيد.

بعيد النظر

07-02-2016, 06:45 AM

الحمدلله وايرسلنا يالله يالله يوصل حجرتي .. مافي امل يوصل برع !

وصراحة انتبهت عليهم من فترة .. وهم في نفس الزاوية ..
يتيمعون وكل واحد ماسك تلفونه ! لكن ما ياتني اللقافة اسالهم شتسوون

الوالد الله يحفظه .. يتضايق منهم وكل ما راح يصلي يقولهم لا توقفون هني
كل واحد يروح يوقف قدام بيييته !