فلم اليوم : يو اند مي اند ديوبير .. تعال وشوف بنفسك ..

[المخلب]

السلام عليكم

كيف الحال يا شباب ..

اليوم جايب لكم فلم جديد (( بالنسبه لي )) توني رايحه بدايه الاسبوع :looking:

وقلت خلنا نحطه لكم عن طريق الصور ..

الفلم كوميدي من الدرجه الاولى .. (( ولكن لا تخلوا كوميديا الامريكان من الافعال المشينه .. )) ..

اسم الفلم ..

YOU , ME and Dupree ..

http://www.youmeanddupree.com/images/splash_games_02.jpg


السموحه اشوي .. بجهز الفلم بالترتيب واجيكم ان شاء الله ..

جهزوا النفيش (( البكون )) والبيبسي :looking: (( اقصد العصير :deal: )) وتعالوا نكتشف الفلم ..

[بنت الحرمي]

ماشاءالله عليك المخلب

دوووم متميز

ونحن بانتظار تقرير الفلم :D


يعطيك العافية

[حمد1977]

لا انصح بمشاهدة الفيلم لكثرة الايحاءات الجنسية والالفاظ الغير مقبولة

فلم فكاهي ولكنه لايناسب مجتمعنا المحافظ

[خاربه خاربه]

:looking: :looking: :looking: :looking: :looking:

[غزلان]

نادر ما اروح سينما

شكرا

[المخلب]

الفلم يبتدي بمقطع مقطوع تقريبا نصه !! (( هذا بدايه الفلم .. )) :looking:

حيث يتزوج فتى من الطبقه العاديه من فتاه من الطبقه الغنيه ( في امريكا ) ..

ولكن قبل الحفل بساعات يستقبل الرجل صديقه ديبري .. (( المليغ )) ..

( وصدقني لو انك تحضر الفلم بتحس انه مليغ من قلب ! :funny: ) ..

http://www.c5c6.com/File/1158237503.jpg (http://www.c5c6.com)

وهذي صوره دبريي الملغ ! ..

http://www.c5c6.com/File/1158238136.jpg (http://www.c5c6.com)

المهم .. دبري المليغ انسان يعيش حياه المراهقه ..

يعني للحين ماكبر عقله .. يذكر ايام الشباب والعزوبيه وايام ماكان يمضي حياته في اللهو واللعب ! ..

الانسان هذا من كثر انه مايبالي لا بشغل ولا بشئ .. (( وصاير عاله على المجتمع )) ..

انطرد من شغله .. فصار كله يرقد بالحانه ! (( يعني بالقطري بالقهوه .. )) .. << بس قهوتهم غير ترى :looking:

فقرر صديقه انه يعزمه على بيتهم ليوم او يومين .. وبعدين يدبر حاله ! ..

http://www.c5c6.com/File/1158238693.jpg (http://www.c5c6.com)

بس طلع دبري ماينعطى وجه انسان مللييغ كما ذكرت لكم .. وتعالوا نشوف وشو سوى ..

طبعا اول ما وصلوا البيت الزوجه قالت لزوجها .. مايصير !! ترى الرجال جاينا واحنا تونا متزوجين !! ماكملنا شهر العسل :funny: ..

قالها يبنت الناس كلها يومين ويمشي وهذا من اصدقاء الثانويه .. مايصير اهده يتشحط بالشارع ..

فوافقت ودش البيت .. وبدى بملاغته من اول يوم ! ..


http://www.c5c6.com/File/1158238455.jpg (http://www.c5c6.com)


طبعا من الملاغه بهدل لهم البيت كله !! .. خرب الحمامات (( الله يعزكم ! )) ..



ومن الاشياء الي تبط الكبد .. انه دبري الملغ .. اشترك في مجموعه قنوات افلام ! ..

(( شركه تقدم خدمه الافلام ! مثل شوتايم ! والاوربيت )) من دون علم صديقه او زوجت صديقه .. بس كذا من مزاجه !! الي خلى زوجته صديقه تهدده بالطرد ! ..

http://www.c5c6.com/File/1158238838.jpg (http://www.c5c6.com)


فقرر دبريي انه يسكتهم بس بطريقه ثانيه انه يقدم على وظيفه بس اي كلام !! ..

ولكنه تعمد انه مايخليهم يوافقونه عليه ..



علشان يبقى عند رفيجه اكثر مده ممكنه (( علشان يخلي رفيجه يحب ويلعب معها مثل ايام زمان ) .. ولكن تجري الرياح بما لا تشتهي السفن ..

http://www.c5c6.com/File/1158239063.jpg (http://www.c5c6.com)

فعمل عزيمه له ولربعه .. وخلى البيت مثل المزبله (( الله يعزكم )) ..

http://www.c5c6.com/File/1158240262.jpg (http://www.c5c6.com)

....

http://www.c5c6.com/File/1158239933.jpg (http://www.c5c6.com)



كان عباله كذا انه بيخلي الناس تحبه .. ولكن صار العكس .. حيث انه حرق البيت (( الصاله )) بسبب غبائه ..


وريفيجه .. حس انه ملغ بعد ماحرق البيت ... وطرده ..

(( من جهه اخرى كان ابو زوجه الرجل هذا !! يحاول يملغ هو الاخر علشان يطلق زوج بنته من بنته !! علشان ما يجيبون عيال وتندثر اسم عايله الابو !! :con2: .. والله زمن ! )) ..

http://www.c5c6.com/File/1158239348.jpg (http://www.c5c6.com)


نرجع لدبريي .. دبريي هنا حس انه غلطان .. ولكن بعد فوات الاوان .. وصار مهجور وصار بالشارع لا مئوا ! ولا رفيج !! ولا غيرهم !!! ..

لكن زوجه الرجال قالت خلاص خلنا نسامحه ويرجع ولا يتم بالشارع ..

رجع البيت .. وبدى يمشي على الطريق السليم ..

وطق صحبه مع زوجته رفيجه !! الي خلى رفيجه يشك فيه ..

وفي يوم من ايام تم عزم الاب ودبري والزوج وزوجته على مائده الطعام !! ..

وبدى الابو يسولف مع دبريي الملغ وهد الزوج !! ذاك حس انه دبريي ملغ عليهم وخرب حياته كلها !! .. وطب عليه وحاول انه يقتله ! ..:D

ولكن الزوجه دافعه عن دبريي .. فأدى ذلك الى طرد الزوج ! في الشارع بدل دبريي المليغ ! :court:

(( والله زمن عشنا وشفنا .. ينطرد الزوج والرفيج في بيته متونس ! ومع من مع مرته !! )) ..

http://www.c5c6.com/File/1158239765.jpg (http://www.c5c6.com)

ولكن بعد المستشفى ومعالجه دبريي من الكسر الي صاد رقبته ! ..

صارت الدنيا ضيقه في عين الزوجه وتبي ترجع زوجها البييت !! ..

فقرر دبريي انه يصير رجال .. ويرجعهم لبعض ..

فبحث عن صديقه .. ورجعه للبيت !! ولكن قبل لا يرجعه ساعد صديقه على انه يحقق امنيته ويسكت ابو زوجته عند حده ! .. وهذا الي صار راحوا الشركه ووقفوه عند حده ! ..

http://www.c5c6.com/File/1158240415.jpg (http://www.c5c6.com)

ورجع الزوج لزوجته ..

وعاشوا بحياه سعيده .. وهو راح بحاله ..

وتوتا توتا خلصت الحتوته .. :eek2:

شرايكم ان شاء الله الفلم اعجبكم :D


خلاصه القول :

الفلم كوميدي ولازم البسمه تطلع على شفايفك ..

مشكله الفلم المقاطع العاريه الي مهما قطعوا فيها يطلع منها شوي ! ..

يصلح للي تزوجوا حديثا ..

لا يسمح بصطحاب الاطفال دون 18 سنه ! ..

لاتنسى اصطحاب البكون .. والعصير الى داخل السينما ..

ولاتنسى ايظا رفع رجلك على الكرسي الي قدامك !! وتسندح على راحتك :D .. وافصخ الغتره بس لا تفصخ الطاقيه ..

وتمتع بمشاهده الفلم ..

تحياتي لكم .. المخلب . :strong

[خاربه خاربه]

:app: :app: :app: :app:


رائع سردك للفلم والله تنفع كاتب سيناريو

اكتب مسلسل حق رمضان السنه الجايه شرايك والأنتاج علي omen

والممثلين من عندنا بعد من شبكتنا الحلوه شرايك :shy: :app:

[الكتاروني]

رائع رائع رائع
أسلوبك في الصياغة متميز جدا
شكرا

[المخلب]

خاربه خاربه

الكاتروني

غزلان

بنت الحرمي

اشكركم على التعقيب :)

تحياتي لكم

[بنت الحرمي]

روووعه اخوي المخلب

ما قصرت يعطيك العافية

:app:

[وطن]

شكله حلو

يبي له روحه الصراحة

شكرا اخوي على التقرير

[المخلب]

بنت الحرمي , وطن ..

ثانكس فري ماتتش :)