استفسار ؛ عن سواتر النوافذ الخارجيه او عازل الشمس ( الضوء )

[سليمان احمد]

السلام عليكم ورحمة الله وبركاته

اسأل عن الشترات الخارجيه اللي تتركب خارج النوافذ وتتسكر عن الشمس او الاضاءه

هل هي تحجب الضوء تماما ولا فقط شكليه لان الغرفه عندي جايه مباشره عالشمس والستاره عندي

ماتحجب الاضاءه عدل رغم اني ركبت ستاره دبل لكن ما نفع وهل هي تعزل لي الصوت الخارجي

ومن يعرف محلات زينه اللي يركبون مثل هالشترات او السواتر

يفيدنا لاهنتم

[سعود.]

الشتر وظيفتة الاساسية حجب الضوء 100%

اما انه يعزل الصوت ماعندي خبر .

[سليمان احمد]

سعود . : بيض الله وجهك على الرد السريع

حلو عرفنا جزئيه مهمه انه يحجب الضوء ولا يعزل

ننتضر باقي الاخوان يفيدونا بتجاربهم او ينصحونا بمحلات مجربه

لاهنت ياسعود

[eXpert*]

في شئ أسمه بلاك أوت ، هي قطعة من القماش ثقيلة الخامة تجي تحت الستارة .

هل أنت مركبها ؟ العادة تحجب النور كما في غرف الفنادق .

الشترات ماعندي علم بها والله أعلم .

[ضوى]

الشترات شفتها بالكويت من 25 سنة ماشاء الله ، مايستغنون عنها لانه تحجب الضوء والغبار ومفيدة جدا اذا الواحد مسافر وبيته خالي مافيه احد عالاقل يكون نظيف البيت

[سليمان احمد]

في شئ أسمه بلاك أوت ، هي قطعة من القماش ثقيلة الخامة تجي تحت الستارة .

هل أنت مركبها ؟ العادة تحجب النور كما في غرف الفنادق .

الشترات ماعندي علم بها والله أعلم .



مركبها وحجبت النور لكن اطراف الدريشه الاربع مبين النور

وانا غرفتي عالشمس مباشره ف عشان كذا فكرت في السواتر كحل

بعد ما عجزت احجب الضوء تماما

عالعموم : قواك الله وننتضر باقي الاعضاء يفيونا لاهنتم جميع

[معماري قطري]

الشترات شفتها بالكويت من 25 سنة ماشاء الله ، مايستغنون عنها لانه تحجب الضوء والغبار ومفيدة جدا اذا الواحد مسافر وبيته خالي مافيه احد عالاقل يكون نظيف البيت

انا كنت متخوف من نقطة الغبار وانها تخرب آلية الفتح

آتوقع عند الاختصاصي لليو بي في سي شوف اعلانهم أعلى الصفحة .. واحتمال عند العدساني وغيره من المختصين بالأبواب الخارجية الكهربية .. تركيبها سهل لو كان البوكس خارجي وفيه نوع يجي مدمج مع الحايط يتطلب شغل أكثر وفيه نوع يجي البوكس داخلي وهذا معقد أكثر لكن محمي من الغبار

فيه اللي فيه فتحات صغيرة تنفتح للنور الخفيف .. وأنواع يدوية وأنواع كهربائية .. والنوع المعقد اللي يجي الشتر من الزجاج ولا تحتاج حتى ستاير وممكن يستوي الزجاج أسود بالكامل ويستوي شفاف بالكامل ويستوي يدخل النور لكن حاجب للرؤية وكله الكتروني بس ما ادري اذا بدوا يجيبونه أو لا .. ألحين يصنع في الصين وبرخيص

[معماري قطري]

انا سويت عندي حل غريب شوي .. سويت أكتاف تغطيها الستارة والعازل والبورد فوق يغطي من فوق وكسرة للستارة تكون غايصة في الحايط