جا معة قطر وعد م حماية الطلاب من ضلم بعض الدكا تره

[mnal]

السلام عليكم ورحمة الله وبركا ته
السا دة اعضاء المنتدى الكرام
هل تصدقون بان هناك في جا معة قطربان الدكتورفي الجا معه يستطيع يجعلك ترسب في ما دته بسبب انك نا قص درجة واحده واذا ترا جع المسولين يقولون كل شي في يد الدكتور واذا عندك شي ارفع تظلم وعند ما ترفع تظلم تكون اللجنه من زملاء الدكتور نفسه ويعملون معه في نفس الكليه في ودايم هم يجعلون الدكتور على حق
وعند مرا جعة ريس الجا معة تلاقي السكرتير ومجموعة من الموظفين والمتخصصين في تصريفك بحجة ان ريس الجا معة في اجتما ع وانه ليس له خص والا يتدخل في موا ضيع الدكا تره
وهل تعلمون بان الدكتور يستطيع منحك اكثر من خمس درجات اكرا ميه
يعني واحد يرسبك بسبب نقص درجة واحده وواحد يزودك خمس درجات
بالمعنى الصحيح حسب كرم وبخل الدكتور ودون حسيب او رقيب مماء جعل اغلب الطلبه ينفرون من جا معة قطرويتوجهون الى الجا معات في الخا رج
والموضوع الثا ني
قبل فتره اعلنت جا معة قطر بان هناك عدة قرارات اغلبهافي مصلحة الطلاب والا كن هل تصدقون بان تلك القرا رات لم تصدرللكليات ولم يعمل بها ونما تمت في ادارة الجا معة حتى اليوم
كان املنا كبير في ريس الجا معة الجديدولكن حتى الا ن لم يحقق املناء فيه فهل تستمرجا معة قطرعلى هذا الوضع والى متى .

[مختلف جداََ]

صباح الخير

شلون يعني ترسب اذا نقصت درجة وحدة !!!!

[Dexter]

ياختي اذا انتي جايبة 59 من 100 هذي درجة رسوب.. صح باقي درجة على الـ 60 لكنها مازالت تعتبر درجة f، إذا هو ما نقصك عمدًا والدرجة فعلا تستحقينها ما تقدرين تشتكين على حد ليش ما يرفعك

والدكتور اذا بيزيدك فهذي ترجع له فيه دكاترة يرضون وفيه دكاترة ما يرضون والامر يرجع لهم، فيه دكتور كنت 84.4 ولا رضا يرفعني 85 وفيه دكتور من 81 طيرني لين 85..

في النهاية هذي الدرجات الاضافية كرم من الدكتور، ومب حق لنا عشان نشتكي اذا حد مارفعنا ( ركزي اني اتكلم عن الدرجة لو مستحقتها، لكن لو منزل الدرجات عمد هني غير الكلام وياليت توضحين )

و القرارات الي تقولين ماتطبقت ممكن تقول لنا شنهي؟ وشلون عرفتي انها ماتطبقت؟

[durra]

احمدوا ربكم ان الدكاترة ما يستخدمون معاكم سياسة المنحنى في الدرجات..
سياسة يا ما انظلموا فيها طلاب حتى المتفوقين..
التقييم اليوم في الجامعه فيه تنوع في توزيع الدرجات.. واذا رسب طالب وما نجح في تغيير نتيجته..فلا يستسلم ويخليها نهاية العالم، وياما طلاب رسبوا ظلم من تسلط بعض الدكاترة ومع ذلك تخرجوا بتفووق

[سهم ماينزل]

ليش أوصل نفسي لمرحلة أن درجة وحدة تنجحني

الدكتور ممكن يزيد درجات وهذا حق من حقوقه ولكن الزيادة اللي في صلاحيته تكون وفق مبررات مستحقة للرفع وليست بالهوى ولا اعتقد أن أنا سوف ارسب اذا ما رفعتني درجة مبرر كاف للرفع ولكن الجهد اللي يبذله الطالب طوال الفصل مع تفاعله وحرصه ومن ثم يخفق هنا يحبذ من الدكتور أن يرفع بحدود وبكرم وليس مجبراً

[JN000N]

صراحة على السبلنغ والقرامر مادري شلون وصلتي مرحلة الجامعه :rolleyes2:

[عيسى111]

صراحة على السبلنغ والقرامر مادري شلون وصلتي مرحلة الجامعه :rolleyes2:

يمكن دراستها كانت كلها باللغة الإنجليزية ومن هذا السبب ضعيفة في العربية وحتى في الطباعة لأن بعض الكلمات مفصولة بمسافة مثل ( الجا معة، مرا جعة ) والله أعلم

[JN000N]

يمكن دراستها كانت كلها باللغة الإنجليزية ومن هذا السبب ضعيفة في العربية وحتى في الطباعة لأن بعض الكلمات مفصولة بمسافة مثل ( الجا معة، مرا جعة ) والله أعلم


اي وظلم صارت ضلم وكلمات مفصول نصها وملصق ف الكلمه الثانيه
امانه انتو قدرتو تقرون عدل؟
وبعدين شلون دراسه بالانجليزي وتدرس ف جامعة قطر
معليه بالتمس العذر
لكن مافيها شي لو راجعت كتابتها قبل تعتمد
عورت عيني وانا اقرا حتى حاولت اتعاطف مع الموضوع كوني طالبه متخرجه من جامعة قطر ومريت بالظروف الصعبه فيها لكن ماقدرت صدعت وانا اقرا اول سطرين

[لبيبة]

بصراحة عانيت وانا أقرا هالموضوع، في البداية لما شفت ضلم في العنوان قلت يمكن ما تعرف تفرق بين ض و ظ، وكنت ناوية ادخل واقول ما الوم الدكتور لو عطاها درجات نازلة على هالاغلاط في الكتابة، وتأكد ظني لما دخلت وشفت الكم الهائل من الاخطاء والمسافات المزعجة في منتصف الكلمات.

اما اذا باتكلم عن الموضوع نفسه بعد ما حاولت افهم كلامج، كله كلام مرسل بلا دليل ومجرد تذمر من الدكاترة وتعليق فشل الطلاب على الدكاترة، مثل الفاشل اللي يدور عن شماعة يحملها فشله، اذا كنتوا كطلاب فاشلين، لا تلومون الدكتور على درجاتكم، واعملوا على تحسين مستواكم بجد، ولحد يلوم الا نفسه.

واضح ان هالطالبة وغيرها من الجيل الي يدرس في جامعة قطر حاليا من نتائج المجلس الاعلى للتعليم الفاشل، وقلت من قبل في المنتدى انه فاشل، ولا زلت اقول نتايج فشله بتمتد لأجيال.

احنا درسنا في مدارس وزارة (التربية والتعليم)، ولله الحمد درسنا في جامعة قطر وواجهنا صعوبات كثيرة منها كثافة المناهج وشدة الدكاترة، وكل هذا تجاوزناه بفضل من الله وبنتائج نفتخر بها ولله الحمد. ما عندنا أخطاء املائية ولا ضعف في القواعد والاملاء او التعبير، وكل هذه الاساسيات انتوا كطلاب تعانون منها ولا تلومون الدكاترة لما ينقصون درجاتكم بسبب معاناتهم في قراءة اجابتكم اللي كلها اغلاط، اعتقد انهم حتى كرماء في اعطائكم الفرص وقراءة اجاباتكم ويعطونكم بها درجة لحفظ ماء الوجه، لو انا مكانهم اكس كبير وصفر ولا اتعب نفسي اقرا هالاجابات والاملاء تعبان.

[R 7 A L]

كسرت خاطري راعية الموضوع ):

[kitmat]

اصلا معظم الدكاتره ظلام ومنعمين في جامعتنا لاشرح وطايحين طيحة في الطلاب من يوم احنا كنا في الجامعة اشلون الحين الدكتور اذا حب الطالب ارفعة فوق على كيفهم كل شي ومافي محاسبه للدكتور مايقولون له ليش عندك رسوب هالكثر ايوصل متاخر على المحاضرة عادي مافي حد ايحاسبه مايشرح عدل عادي مافي حد ايحاسبه نصهم بدون ذمة وظمير على ايامي والله كلهم بدون ذمه وظمير مايشرحون ولا يشرحون لك شي والامتحان شي ثاني اللي كانو يشرحون بظمير اهمه القطريين وانا اشهد لهم انهم كانو على كفاءة وهمهم القطري الحين الله يعين القطرين تقلص عددهم

[مخطط قطري]

العجيب انها مسجله من 11 سنه في المنتدى يعني من ايام الابتدائية يبلها كورس لغه عربيه عند سامي المناعي
بعدين بنسبه لموضوعج شدي حيلج واتفق معاج فيه دكاتره الله بالخير ومقاليد الامور في يدهم يسقطك عشان درجه
ودكاتره العكس انت دي ستيودنت عنده يطيرك ايه ولا بي بلس وبنسبه لمدير الجامعه مانحط في هالمكان الا عشان الطلبه المفروض ماتكون حواجز بينه وبين طلبته وحسب علمي عنده حساب بتويتر يقدر الطالب يدش ويتواصل معاه دايركت وبعدين لاتحطين عمرج في شي محرج عشان درجه او ظ¢ تكلمين دكتور

[H H]

كسرت خاطري راعية الموضوع ):

سيم سيم :(

[عايش فرحان]

صراحة على السبلنغ والقرامر مادري شلون وصلتي مرحلة الجامعه :rolleyes2:

هذي مخرجات المجلس الأعلى للمهايط .. الله لا يرده..

[ضوى]

هذي مخرجات المجلس الأعلى للمهايط .. الله لا يرده..

والله ماشوف له علاقه ،عيالي كلهم خريجين مستقلات ماشاء الله في العربي والانجليزي تمام لا اخطاء املائيه ولا اسلوب ركيك مدري وين المشكله بالضبط بس الواحد يقول كلمه الحق ماعانيت مع عيالي من مستقلات والا من مجلس اعلى

[mr. abdulla]

اي وظلم صارت ضلم وكلمات مفصول نصها وملصق ف الكلمه الثانيه
امانه انتو قدرتو تقرون عدل؟
وبعدين شلون دراسه بالانجليزي وتدرس ف جامعة قطر
معليه بالتمس العذر
لكن مافيها شي لو راجعت كتابتها قبل تعتمد
عورت عيني وانا اقرا حتى حاولت اتعاطف مع الموضوع كوني طالبه متخرجه من جامعة قطر ومريت بالظروف الصعبه فيها لكن ماقدرت صدعت وانا اقرا اول سطرين


اتوقع قاعدة تكتب من اي فون*جديد*فانا*أعاني*من*نفس*المشكلة...*أكتب*والآي*ف ون*يصحح*على*كيفه

[بانغ بانغ]

مسكينة بدال ما تتعاطفون معاها وتساعدونها ... قاعدين استهزاء فيها

مب عدلة

[مختلف جداََ]

(( و الله عيب
كول واحيد فيكوم صاير سيباويه
ما ييسوا عالا البنيه انها عبرت عان اللي في خاطيرها .
المافروض تواضحون لاها بدون سوخرياه
إذا بينصيد الأغلاط تارا ماحد ياكتب بيدون آي إغلااط .

نازليين تاقطيع فيها
الله ياهديكوم باس .
بالنيسبه للفاراغات
آعتاقيد إناه موب مينها ، واضيح إناه مين البارناماج اللي هو إستاخدامتاه. ))

يالله هذا أنا غلطت أكثر منها

عيشوا حياتكم مع الرد أعلاه


ملاحظة فقط :
والله إني ما أعرف صاحبة الموضوع
و لا يهمني إني أعرفها

بس الأسلوب غلط

استغفر الله العظيم

[معماري قطري]

صراحة على السبلنغ والقرامر مادري شلون وصلتي مرحلة الجامعه :rolleyes2:

سبقتيني كنت باعلق على هذي النقطة وعندي بنت نفس الشيء تقريباً .. خبرت الجامعة يكتبونها مثل ما انا كاتبها مب مقصوصة من النص .. والظلم هو الظلم أما الضلم ما ادري شتعني

[معماري قطري]

(( و الله عيب
كول واحيد فيكوم صاير سيباويه
ما ييسوا عالا البنيه انها عبرت عان اللي في خاطيرها .
المافروض تواضحون لاها بدون سوخرياه
إذا بينصيد الأغلاط تارا ماحد ياكتب بيدون آي إغلااط .

نازليين تاقطيع فيها
الله ياهديكوم باس .
بالنيسبه للفاراغات
آعتاقيد إناه موب مينها ، واضيح إناه مين البارناماج اللي هو إستاخدامتاه. ))

يالله هذا أنا غلطت أكثر منها

عيشوا حياتكم مع الرد أعلاه


ملاحظة فقط :
والله إني ما أعرف صاحبة الموضوع
و لا يهمني إني أعرفها

بس الأسلوب غلط

استغفر الله العظيم

انا الحمد لله حتى اعترفت إن عندي بنت كله تغلط في الكتابة

[معماري قطري]

ما شاء الله انا ما عرفت المنتدى الا في 2012

سامحينا يا بنت بلادي هذي المشاكل حلوة ونقاشنا ما ينقص منج بالعكس يزيدج ومارسي الكتابة هنا وبتتحسن كتابتج واحتمال كبير عادة وسهل التخلص منها عن الظاء والضاد ما اتوقع قطري ما يلخبط بينهم في بعض الكلمات وأولهم انا

[السيف5]

كلامج صج
حسب كلام بنت اختي اللي توها متخرجة

[mnal]

حبيت اردعلى كل من jn000n و عيسى111ولبيبة ومخطط قطري
انا اعلم بان اسلوب كل واحد فيكم يدل على تربيته مما جعل كل واحد منكم يا خذ الموضوع بالرد بتجريح الا خرين
لذلك يكون في علم كل واحد فيكم بانه لايستحق ان احد يردعليه لكون مستواه عند اقدامه وتجرد كل منكم من ادب التعبير
لذلك لايشرفني بان امثا لكم يدخلون موا ضيعي او يردون عليها .

[bus3od]

حبيت اردعلى كل من jn000n و عيسى111ولبيبة ومخطط قطري
انا اعلم بان اسلوب كل واحد فيكم يدل على تربيته مما جعل كل واحد منكم يا خذ الموضوع بالرد بتجريح الا خرين
لذلك يكون في علم كل واحد فيكم بانه لايستحق ان احد يردعليه لكون مستواه عند اقدامه وتجرد كل منكم من ادب التعبير
لذلك لايشرفني بان امثا لكم يدخلون موا ضيعي او يردون عليها .

هدي اعصابج اختي هم ما يقصدون يغلطون عليج هم يبون ينصحونج بس يمكن اسلوبهم كان جاف شوي

بالنسبه للدكاتره انا عمري ما رسبت في المدرسه و لما وصلت الجامعه رسبني واحد من الدكاتره في مادته و حاولت معاه و رفض ينجحني مع اني شايفه رافع واحد من الطلاب 12 درجه قدامي
لكن الصراحه انا السبب لاني ما شديت حيلي في الوقت المناسب
اخذي نفس الماده عند دكتور ثاني و بتنحسب لج الدرجه الأعلى و بالعكس اعتبريها تحدي و اذا انتي مب في سنة تخرج أحسن انها جات الحين ولا في سنة التخرج
أما اذا الدكتور متعمد أنه يرسبج فإذا عندج اثبات ارفعي تظلم لادارة الجامعه اما اذا مجرد اعتقاد ما ينفع

أتمنى من الاخوان افادة الاخت و عدم التجريح

[لبيبة]

حبيت اردعلى كل من jn000n و عيسى111ولبيبة ومخطط قطري
انا اعلم بان اسلوب كل واحد فيكم يدل على تربيته مما جعل كل واحد منكم يا خذ الموضوع بالرد بتجريح الا خرين
لذلك يكون في علم كل واحد فيكم بانه لايستحق ان احد يردعليه لكون مستواه عند اقدامه وتجرد كل منكم من ادب التعبير
لذلك لايشرفني بان امثا لكم يدخلون موا ضيعي او يردون عليها .

أعتقد يا اختي منال انج خذتي ردي بشكل شخصي، وما كان الهدف انه يكون موجه لج شخصيا بقدر ما هو تبيين

سبب فشل جيلكم والسبب كما وضحت هو المجلس الاعلى للتعليم.

الرسالة اللي ابي اوصلها لج، ولغيرج من طلاب جيلكم، صحيح ان المجلس الاعلى للتعليم اخطأ بحقكم خطأ فادح،

وانتوا بالفعل تعانون من تبعات اخطائه، لكن لا يعني انكم تكتفون بالصمت والتذمر من وضعكم الحالي،

وضعكم هذا بتعانونه لو كنتوا في اي جامعة في العالم، لأنكم ما تأسستوا صح،

حاولت اقدم الحل لج ولغيرج في ردي السابق اللي اعتبرتيه تجريح - ولا اشوف اي تجريح فيه - علشان تعملون على تحسين انفسكم بجد،

جيبوا مدرسين لغة عربية عندكم في البيت يدرسونكم، يعلمونكم الكتابة والقواعد، لأنها اساسيات ما اعرف كيف اجتزتوا مراحل الدراسة بدون اتقانها،

جيبوا لكم مدرسين في اي شي اخر تعانون ضعف فيه، حسنوا من انفسكم وطوروها،

لا زلت اقول ما الوم الدكتور اذا تكتبون له اجابات بهالاغلاط والاملاء اللي محد يقدر يقراه براحة.

هل تتوقعون ان اي دكتور بيقدر يقرا اجابات 30 او اكثر من الطلاب اللي كلهم بمستوى ضعيف في الكتابة بهذا الشكل وبيتحملكم ويعطيكم درجات؟

مستحيل اتوقع من الدكتور هالشي. حاولت ابين لج ان هناك نقص وفشل عندكم ولازم تعلمون على تطوير انفسكم،

ممكن تنظلمين من دكتور 2 او 3 لكن لو وضعج في الكتابة والتعبير بالطريقة هذي راح تعيشين عقدة الاضطهاد من كل دكاترة الجامعة،

وانصحج تشتغلين على نفسج و تشدين حيلج، انتي وغيرج من طلاب جيلكم،

علشان تفتخرين بنفسج في المستقبل مثل ما جيلي يفخر بنفسه بدلا من إلقاء اللوم على دكاترة الجامعة،

كلامي ما وصل للتجريح في شخص ما او نشأته او تربيته او مستواه، واتمنى لج التوفيق.

[معماري قطري]

(( و الله عيب
كول واحيد فيكوم صاير سيباويه
ما ييسوا عالا البنيه انها عبرت عان اللي في خاطيرها .
المافروض تواضحون لاها بدون سوخرياه
إذا بينصيد الأغلاط تارا ماحد ياكتب بيدون آي إغلااط .

نازليين تاقطيع فيها
الله ياهديكوم باس .
بالنيسبه للفاراغات
آعتاقيد إناه موب مينها ، واضيح إناه مين البارناماج اللي هو إستاخدامتاه. ))

يالله هذا أنا غلطت أكثر منها

عيشوا حياتكم مع الرد أعلاه


ملاحظة فقط :
والله إني ما أعرف صاحبة الموضوع
و لا يهمني إني أعرفها

بس الأسلوب غلط

استغفر الله العظيم

انت ما يبي لك مدرس لغة عربية 10 مع بعض يدرسونك .. إختلفت يا مختلف

[مختلف جداََ]

انت ما يبي لك مدرس لغة عربية 10 مع بعض يدرسونك .. إختلفت يا مختلف


عربي زعيف :weeping:

[khalid Qtr]

مشكلة كثير من الطلاب أنه ما يعرف حقوقه، الجامعة تعطي الطالب حق التظلم على درجته إذا احس انه مظلوم، والأمر سهل ولا يحتاج سوى إجراء الكتروني من خلال الموقع.
الأمر الآخر، كثير من الطلاب يضع نفسه في هذا الموقف الصعب، ولو التزم بالمراجعة أولاً بأول لتجنب كثير من المشاكل.
أنا لا أنكر أن هناك بعض الأساتذة وخاصة من غير القطريين يتعمد التشديد على الطلاب ليظهر بمظهر جيد أمام إدارة الجامعة، فلا هو الذي كسب الطلاب، ولا هو الذي أرضى إدارة الجامعة.

[ميمّ]

راعية الموضوع .. البعض يمكن تشوفين رده ان ممكن انتي تكونين غلطانه , بس انا حاسه فيج
لان موقفج مشابه لموقفي ..

كنت فآخر كورس وكانت عندي مادة تدريب , اول كلاس ماحضرته لان كان عندي ظرف
وفالكلاس الثاني سجلت حضور وكنت أكلم الدكتورة : وين مكاني فالتدريب لان يكون مقسم اكثر من قسم
قالت بنشوف فالكلاس الثاني .. قلت ماعليه يمكن للحين مب مرتبه !
اكتشف ان الاقسام بدت التدريب الا انا مهمشه ! ويوم قعدت احن طرشتني تدريب .. وبدت معاناتي !
طرشتني لناس وصتهم فيني ! ماقصرو فدرجاتي كلها تحت .. مع ان الكل يشهد اني مب مقصره مب مدح بس كانت مادة التخرج يعني شي طبيعي اني بشد حيلي !
وانفصلت لان تطاولو علي بدون أي سبب وانا كرامتي ماتسمح!
وحطتيني بمكان ثاني ! وعقبها غيرت مكان تدريبي اكثر من 3 مرات ! كل هذا لاني ماحضرت اول كلاس مع اني شرحت لها عدم حضوري وشكلها ماصدقتني !
لعبت فيني لعب بالتنقل طول هالكورس ! لين اخر شي انفصلت وخلتني بدون تدريب !!
كانت تقول تعالي فاليوم الفلاني والوقت الفلاني وكنت انقع من 8 الصبح لين 12 او 11 ! عشان حضرتها تشرف !!! تواعدني وتكشت !! ومب مره !! عد واغلط
لدرجه اني رحت بكلم عميدة القسم بس اكتشفت انها معاها ! وضد الطالب !
وكنا فجلسة نقاش احنا الثلاثه ووقطت علي كلام جارح وكلام ماتوقعت ان اسمعه من دكتورة فالجامعه !
وكانت تكلمني بقمة التكبر لدرجة ان قامت وطلعت وكنت اتكلم ! ولا حتى احترمت العميده < بس اكتشفت متاخر انهم ربع !
ونزلت دموعي قهر .. لان ياما سمعت عن ظلم هالجامعه وجربت ظلمهم بس ماوصلت معاي ان تنزل دموعي وادعي عليهم !

اللي بقوله لج , مافي حد بيتخرج من هالجامعه سالم ! بس خلي طموحج الشهادة وتناسي باقي الآمور ..
موفقه = )

[حليتان*]

حبيت اردعلى كل من jn000n و عيسى111ولبيبة ومخطط قطري
انا اعلم بان اسلوب كل واحد فيكم يدل على تربيته مما جعل كل واحد منكم يا خذ الموضوع بالرد بتجريح الا خرين
لذلك يكون في علم كل واحد فيكم بانه لايستحق ان احد يردعليه لكون مستواه عند اقدامه وتجرد كل منكم من ادب التعبير
لذلك لايشرفني بان امثا لكم يدخلون موا ضيعي او يردون عليها .

بال ترا صج اسلوب الله بالخير



بس بعد صح الدكاتره الله بالخير على يحبون الي يروح ويترجاهم وهم يتعززون وعن نفسي مستحيل اروح اطلب دكتور حتى لو درجة وحده يبي يعطيني اياها حياه الله مايبي فثم جلب