استشارة عاجلة بخصوص الاستشاري ؟؟

[وحيد-الشوق]

السلام عليكم

هل اكمل مع الاستشاري؟ انا بنيت عظم وكنت حاط استشاري من نفس الشركة الي سويت عندها الخريطه كان عليه ملاحظات وايد والمقاول يقولي هو استلم مني الشغل مب شغلي (والمقاول بعد غبي الله يهديه انا خاصم عليه تأخير 3 شهور ومابنى لي المخزن الخارجي ويقولي انت ظلمتني وانا النفروض اطالبك بفلوس !!! اشراف الاستشاري كان اي كلام وفي ملاحظات وايد انا قاعد اشطب رحت لاستشاري ثاني من طرف احد الاصدقاء وقالي ما اخذ شغل تشطيب وبعضهم يخافون يستلمون من شركة ثانية اخاف اروح لشخص ثاني وبعدين لازم الاستشاري نفسه يختم لي اتمام بناء لأنه المقاول ختم لي وباقي ختم الاستشاري

ارجو المشوره يا اخوان

[معماري7]

السلام عليكم
الله يعينك ان شاء الله
وتطلع من كل المشاكل.
نظرتي الخاصة لا تكمل مع الاستشاري. بس المشكلة اغلب المكاتب لا تشرف على مواقع منفذة.

[شموخ دائم]

,

,


مرحبا


اخوي الكريم

ياريت كتبت لنا عن الامور الي مضايقتك بالضبط

ما وضحت لنا شنو نوع ( الملاحظات ) الي عندك على الاستشاري
هل هي امور بسيطه !!! او اخطاء كبيره بالمبنى !! وهل نفذ الخريطه مثل ماهي على الواقع

يعتمد انت شنو مضايقك من الاستشاري !!
اذا امور بسيطه كمل معاه
واذا امور كبيره ومايهتم بزياره الموقع
اتركه

لكن تاكد 90% من الاستشاريين نفس الطبع ونفس الاهمال
عنده بيوت كثيره ومزحوم وبيقصر بالبيت واكثرهم يهتم بالمشاريع الكبيره يحط لهم مهندس جيد
اما الفلل والمشاريع الصغيره فتعتبر عندهم تحصيل حاصل ويحطون اي مهندس
والمهندسين بدون خبره ويتعلمون بالمكتب الاستشاري
يبقى متابعه صاحب البيت ضروريه جدا جدا

والمكاتب المصنفه a وb اسعارهم غاليه

انت بين نارين

تبي استشاري رخيص تحمل ( علاته )

:)

لكن الشي المهم ( لاتشطب ) بدون استشاري جيد
شغل التشطيبات يبي استشاري يتابع جوده العمل اول باول

,

,

[وحيد-الشوق]

السلام عليكم
الله يعينك ان شاء الله
وتطلع من كل المشاكل.
نظرتي الخاصة لا تكمل مع الاستشاري. بس المشكلة اغلب المكاتب لا تشرف على مواقع منفذة.

يعين الجميع اخوي معماري

شاكر لك تواصلك واهتمامك

:)


,

,


مرحبا


اخوي الكريم

ياريت كتبت لنا عن الامور الي مضايقتك بالضبط

ما وضحت لنا شنو نوع ( الملاحظات ) الي عندك على الاستشاري
هل هي امور بسيطه !!! او اخطاء كبيره بالمبنى !! وهل نفذ الخريطه مثل ماهي على الواقع

يعتمد انت شنو مضايقك من الاستشاري !!
اذا امور بسيطه كمل معاه
واذا امور كبيره ومايهتم بزياره الموقع
اتركه

لكن تاكد 90% من الاستشاريين نفس الطبع ونفس الاهمال
عنده بيوت كثيره ومزحوم وبيقصر بالبيت واكثرهم يهتم بالمشاريع الكبيره يحط لهم مهندس جيد
اما الفلل والمشاريع الصغيره فتعتبر عندهم تحصيل حاصل ويحطون اي مهندس
والمهندسين بدون خبره ويتعلمون بالمكتب الاستشاري
يبقى متابعه صاحب البيت ضروريه جدا جدا

والمكاتب المصنفه a وb اسعارهم غاليه

انت بين نارين

تبي استشاري رخيص تحمل ( علاته )

:)

لكن الشي المهم ( لاتشطب ) بدون استشاري جيد
شغل التشطيبات يبي استشاري يتابع جوده العمل اول باول

,

,

وعليكم السلام

مراحب اخوي شموخ

الاخطاء ربما تكون بسيطه عند البعض مثلا حمامين ومطبخ بدون مكان شفاط الدرايش قياساتها مب مضبوطه وفيها تعرج وعندي دريشه الصاله الي فوق مايله بدال ماتتوسط ومسوي باب حمام 70 سم البلاستر شغل اي كلام ومن الخارج لو تطالع البيت تلقى البلاستر متعرج ومايل وعندك عامودين خارج البيت عند مدخل البيت شغلهم خرابيط وغير اشياء ثانية الله العالم بتظهر عقب أو لا صحيح مب هو الي اشتغل لكن ليش ما تابع مع المقاول وخلاه يعدل اخطائه والحين طايح لي في سباك بنغالي رافع ضغطي

المشكلة التشطيب عوار راس امور وايد صعب اقيمها اذا صحيحة او خاطئة مادري شلون البعض ماشاء الله عليهم متعاقد مع كذا شخص مبلط وسباك وكهربائي وصباغ وفني جبس وتعال اتصل عليه ليش ما استغل اليوم حتى الاستشاري مايقدر يشرف على كل شخص :)

[شموخ دائم]

,

,

مرحبا


الله يعطيك العافيه

اخوي الكريم

هي نفس المشاكل الي انا متوقعها و90% هي نفس المشاكل الي يطيح فيها الجميع

انت الحين عندك ( مشكلتين )

1- مشكله المقاول مالك تعبان وعمالته ماتنفع وهم عمال البلاستر وعمال النجاره واكيد عمال التبليط ... الخ

2- مشكله الاستشاري لانه ( تبعهم ) وهو مع المقاول بنفس الشركه وهذا خطا


الحل

1- تغيير المقاول وتجيب مقاول ثاني ( للتشطيب ) ويكون معروف بتشطيبه الجيد

2- تغيير الاستشاري تروح لمكتب احسن وتتحمل مبلغ اظافي


انت الان بمرحله التشطيب وهي مرحله مهمه وممكن الان تخفي عيوب العظم ويطلع بيتك مرتب وراقي ان شاء الله ومافيه عيوب باينه
اذا قدرت تجيب عماله خبره بالتشطيب
للتبليط والصبغ والالمنيوم والابواب

وخاصه

البيب فيتر والكهرباء ( تحتاج تيم قوي ) وخبره ومواصفات جيده

على سبيل المثال نخفي عيوب البلاستر اما باعاده عمل المناطق الي فيها عيوب
او تركيب حجر على الواجهه للتغلب على العيوب بالبلاستر والميول في الشبابيك او الاعمده المشوهه

وكذلك الصبغ والمعجون يخفي بعض الامور اذا اخترنا انواع معينه


الله يساعدك

,

,

[معماري قطري]

يعين الجميع اخوي معماري

شاكر لك تواصلك واهتمامك

:)



وعليكم السلام

مراحب اخوي شموخ

الاخطاء ربما تكون بسيطه عند البعض مثلا حمامين ومطبخ بدون مكان شفاط الدرايش قياساتها مب مضبوطه وفيها تعرج وعندي دريشه الصاله الي فوق مايله بدال ماتتوسط ومسوي باب حمام 70 سم البلاستر شغل اي كلام ومن الخارج لو تطالع البيت تلقى البلاستر متعرج ومايل وعندك عامودين خارج البيت عند مدخل البيت شغلهم خرابيط وغير اشياء ثانية الله العالم بتظهر عقب أو لا صحيح مب هو الي اشتغل لكن ليش ما تابع مع المقاول وخلاه يعدل اخطائه والحين طايح لي في سباك بنغالي رافع ضغطي

المشكلة التشطيب عوار راس امور وايد صعب اقيمها اذا صحيحة او خاطئة مادري شلون البعض ماشاء الله عليهم متعاقد مع كذا شخص مبلط وسباك وكهربائي وصباغ وفني جبس وتعال اتصل عليه ليش ما استغل اليوم حتى الاستشاري مايقدر يشرف على كل شخص :)

الحلول موجودة ومشاكلك سهلة بس يبي لها فلوس وتخطيط ومجهود وكل ما غفلت عنها تفاقمت

الشغل الصح له قيمته

[وحيد-الشوق]

,

,

مرحبا


الله يعطيك العافيه

اخوي الكريم

هي نفس المشاكل الي انا متوقعها و90% هي نفس المشاكل الي يطيح فيها الجميع

انت الحين عندك ( مشكلتين )

1- مشكله المقاول مالك تعبان وعمالته ماتنفع وهم عمال البلاستر وعمال النجاره واكيد عمال التبليط ... الخ

2- مشكله الاستشاري لانه ( تبعهم ) وهو مع المقاول بنفس الشركه وهذا خطا


الحل

1- تغيير المقاول وتجيب مقاول ثاني ( للتشطيب ) ويكون معروف بتشطيبه الجيد

2- تغيير الاستشاري تروح لمكتب احسن وتتحمل مبلغ اظافي


انت الان بمرحله التشطيب وهي مرحله مهمه وممكن الان تخفي عيوب العظم ويطلع بيتك مرتب وراقي ان شاء الله ومافيه عيوب باينه
اذا قدرت تجيب عماله خبره بالتشطيب
للتبليط والصبغ والالمنيوم والابواب

وخاصه

البيب فيتر والكهرباء ( تحتاج تيم قوي ) وخبره ومواصفات جيده

على سبيل المثال نخفي عيوب البلاستر اما باعاده عمل المناطق الي فيها عيوب
او تركيب حجر على الواجهه للتغلب على العيوب بالبلاستر والميول في الشبابيك او الاعمده المشوهه

وكذلك الصبغ والمعجون يخفي بعض الامور اذا اخترنا انواع معينه


الله يساعدك

,

,


شكراً اخوي شموخ افهم من كلامك ان وايد ناس طايحين بنفس المشاكل المقاول الي يشطب لي حالياً شركة ثانية صبغ وجبس وتبليط بس الكهربائي والسباك هو ونفسه بنغالي شغله في الكهرباء زين بس السباكه مب مرتاح معاه شوي ومتردد اكمل معاه واجيب واحد ثاني يكون أفضل ولا اخلي حد فاهم يشرف عليه وعلى باقي الشغل ؟

طيب سؤال اخير اكمل مع الاستشاري الحالي ولا اجيب حد ثاني وشنو اسوي اذا مالقيت شخص ثاني يشرف ؟





الحلول موجودة ومشاكلك سهلة بس يبي لها فلوس وتخطيط ومجهود وكل ما غفلت عنها تفاقمت

الشغل الصح له قيمته

الله يبارك فيك يامعماري والشكر موصول لجميع من في المنتدى

[معماري قطري]

من رايي البلاستر لا تعطيه ويه خصوصا الخارجي .. سو صبغ رش مثل جوتاشيلد وبيحل عيوب البلاستر وبيعمر عندك

الفنيين شلون تحكم عليهم وما عندك استشاري زين واستشاريك دخلك في هذي المشاكل .. أبسط شيء للبلاستر يشوف شلون وزنيته من البداية وما اعتقد سووا وزنية ولا اعتقد شاف .. وبعد الانتهاء يشيك بقطعة ألمنيوم مستقية أو بليت أبيض أو بميزان ليزر حتى الليزر اللي من الدكان ينفع .. لو فيه حماية للمشتكي ومن أول شكوى كان بيعتدل كل استشاري أسود ويه وبيسون شغلهم صح

بالنسبة للبلاستر هو لإخفاء العيوب وفي بعض الدول يركبون الطابوق صح ويصبغون مباشرة عليه

انا اشوف شغل البنقالي من خلال الصور زين بس هو يسئلك أسئله منطقية ويقول لك تديني نظيف أسلمك نظيف

[وحيد-الشوق]

شكراً اخوي معماري بارك الله فيك