شتسوي/ن علشان تطلع حرتك/ج؟ او تنفس/ين عن عصبيتك/ج؟

[غريب الدّار]

صباح الخير :)

كل شخص عنده طريقة معينة ينفّس فيها عن عصبيته وانفعالاته:anger1::anger1::anger1:


اللي ممكن يصارخ علشان يطلع حرته
اللي ممكن يكسر شي

........................إلخ


انتوا شنهي طريقتكم ؟

[عوآآآآشـي]

أحط حرتي فالاكل

أو اروح مجمع أتغرض

:nice:

[ميمّ]

انعزل عن الناس .. وانام -_-"

[qatari911]

اقول الي بقلبي والي فيها فيها
واذا ماقدرت
اتكلم بصوت مسموع كأن فيه شخص قدامي :shy:
لان الكتم مو زين يكفي كتمت غيضي وصادني طنين في الاذن صار لي سنتين :( ماراح

[حمد 2002]

استغفر الله واتوضا وأصلي

[الحياة الخالدة]

السلام عليكم
يعتمد على درجة الحرة و الموقف نفسه
يعني المكان اللي انا فيه و الناس اللي تسببوا لي في العصبية و الحرة

اذا بين اهلي و امون عليهم اتكلم باللي في خاطري عادي لأنهم عارفيني عدل و يقدرون و يتقبلون مني
عقب اخليهم و اروح غرفتي اصيح
اذا ناس غرب وانا على حق اتكلم واطالب بحقي قدر الامكان
اذا مالي قدرة اوصل للي خلاني اعصب مثل لف علي بالسيارة أو سوا حركة سخيفة و راح اتحلطم وانا بروحي في السيارة و اتصل بأختي اقول لها اللي صار بس عشان ابرد قلبي و القى حد يتعاطف معاي هههههههههه

في اغلب الاحيان اروح اقعد بروحي استغفر و اصيح

[ya3coub]

اركب سيارتي و اتجه إلى دخان و من هناك على بو سمرة اوصل الدوار و ارجع البيت.


او اركب الدراجة و نفس المشوار او اتجه للخور و من ثم انزل الدوحة من خط الشمال و اتجه إلى مستشفى الكوبي على امل اني اروح لزكريت و اول ما اوصل اكل فماك دخان و اعبي بترول فدخان و ارجع الدوحة

ليش مادري شنو اسمع اغاني هادية Yanni او كلاسيك جاز

[المحاميه]

لازم اتكلم مع حد فالموضوع اللي مسببلي توتر عشان انفس عن نفسي شوي

وطبعا اللجوء الى رب العالمين احسن حل بعدها الواحد بيحس بالراحه لان وكل امره لربه ومهما صار اكيد ماراح يضره ..

[للصبر اخر]

ادخل غرفتي واسكر الاب علي لين ثاني يوم ما اشوف حد ولا ارد على حد

[Dana’1]

تفرق حسب الموقف كايد والا
مره وحده كسرت شي كان بيدي وفريته بقوة بغيت اكسره على راس شسمونه بس طق الجدار وصار شقف:<!

أما غالبا اتعوذ من الشيطان وأصد عنهم لمخدتي الجميله .. شويات لين أروق
ومرات أكلم ناس مثل البلسم عالقلب مو شرط اقولهم متضايقه أو يعرفون إني متنرفزه بس سماع صوتهم وسوالفهم تسعدني

ومرات أمشيييي بالحي بالذات اذا الجو حلو


وحاليا افكر أشتري المجسم الي يستحدمونه بصالات التدريب عشان الته بووووكسات شفته في السوق الصيني وجاز لي:shy:

[<اضرب واشرد>]

لان الكتم مو زين يكفي كتمت غيضي وصادني طنين في الاذن صار لي سنتين :( ماراح

أخوي ما أظن (الهموم وكتم الهموم) تسبب طنين في الأذن ؟
والمشكلة أنه (مستمر/دائم) عندك
راجع طبيب الله يحفظك
https://www.youtube.com/watch?v=VhEvxSWVQpY

[qatari911]

أخوي ما أظن (الهموم وكتم الهموم) تسبب طنين في الأذن ؟
والمشكلة أنه (مستمر/دائم) عندك
راجع طبيب الله يحفظك
https://www.youtube.com/watch?v=VhEvxSWVQpY

ربي يجزاك الخير
هذا رد لي بموضوع العضو غريب الدار


الله يرحمه ويغفر له
انا عندي دوخه وساعات احس الم في راسي كأني راكب طياره وفيها ضغط وعندي طنين في الاذن من سنتين لغاية الان
يقولون اني سليم مافيني شي هذا غير وجع الظهر الي عندي
ولما طلبت تقرير عن اذني ادكتور بنفسه يقول ماراح تسافر على حساب الديون الغبي مايدري اني ابي التقرير علشان اروح اراسل الدول الي بالخارج علشان اشوف شنو ردهم
وبالاخير كاتب في التقرير اني سليم ولا اشكوى شي شلون ما اعرف مااستفد من التقرير وهو معطيني علاج لان الدوخه كانت واضحه لما سوى لي فحص
ما اقول الا حسبي الله ونعم الوكيل



ماخليت مستشفى وفحص ويقول سليم
والدكتور هو مره قال تجي وتكون على طول اذا نمت وانت معصب وكاتم
والله الدكاتره عندنا مايدرون شي
الله المستعان

[qatarman8008]

هو حضرتك انا مهندس..
والمهندس في الغالب مايكون بسيط..
المهم ماعلينا انا اذا اجوع اعصب تماتيك..
والعلاقة طردية يعني كلما زاد الجوع زاد الحارج..
والله لاني اعرف سبب العصبية ف اداويها باللتي هي الداءو..
اروح مطعم واطلب مال ثلاث اشخاص..
واعطيها لييييييين يسيل العرق..
ف يزول الشعور بالعصبية تدريجيا..:nice:

[حليتان*]

اممممم ما اعصب !!!