عندي مشكلة في الأبل ستور

[السكين]

السلام عليكم ورحمة الله وبركاته ،،،

من سنوات وأنا أستخدم حساب الأبل وآدخل على جميع أجهزتي منه ، بس حالياً أشوف عندي تحديثات كثيرة فوق الخميس طالعة على الأيكون وكل ما أسوى تحديث سواء تحديث كلي أو تطبيق معين ما يقبل ، جربت واي فاي وفور جي وكل شي ما ضبط !!

اللي صادفته هالمشكلة يفيدنا الله يجزيكم خير.

[لبيبة]

وعليكم السلام ورحمة الله وبركاته،

شيك عالمساحة، هل توجد مساحة تتوفر لهالتطبيقات؟

شيك على حجم التحديث وقارنه بالمساحة المتوفرة

سكر الايفون وافتحه، أحيانا تنفع هالطريقة.

[السكين]

وعليكم السلام ورحمة الله وبركاته،

شيك عالمساحة، هل توجد مساحة تتوفر لهالتطبيقات؟

شيك على حجم التحديث وقارنه بالمساحة المتوفرة

سكر الايفون وافتحه، أحيانا تنفع هالطريقة.



شيكت على المساحة وجهازي 128 gb وجربت اعادة التشغيل نفس الشي.

شكراً للمساعدة.

[لبيبة]

طيب جرب تطلع من حسابك في ابل ستور وترجع تدخل

[غريب الدّار]

طبعا بعد تطبيق حلول الأخت لبيبة انصح بالتالي :
حاول اخوي انك تسوي لهم واحد واحد

ادري بتقول انهم وايد وبياخذون منك وقت

لكن حاول انك تسوي حق واحد بروحه شوف وش راح يصير وياك
اذا نفع جرب الثاني

وانت رايح

[السكين]

طبعا بعد تطبيق حلول الأخت لبيبة انصح بالتالي :
حاول اخوي انك تسوي لهم واحد واحد

ادري بتقول انهم وايد وبياخذون منك وقت

لكن حاول انك تسوي حق واحد بروحه شوف وش راح يصير وياك
اذا نفع جرب الثاني

وانت رايح

جربت يا خوي ما تحدث ولا %1 ، اليوم بقعد له قعدة بالليل وبشوف قصته .

تسلم اخوي غريب .

[آخر حبه]

- روح علے الضبط
- خروج من حساب الاب ستور
- خروج من حساب الاي كلاود
- ريستارت للجهاز

وارجع سجل بايميلك وانشالله بيرجع طبيعي

[السكين]

- روح علے الضبط
- خروج من حساب الاب ستور
- خروج من حساب الاي كلاود
- ريستارت للجهاز

وارجع سجل بايميلك وانشالله بيرجع طبيعي

جربت اخوي ما ضبط مع اني اقدر احدث كل شي بالايباد والايفون الثاني من نفس الحساب.

[asulaiti]

جرب عمل إعادة تعيين جميع الإعدادات (وليس مسح البيانات والإعدادات) .. وإعادة إدخالها مرة أخرى ...

واطلعنا على النتيجة ..

[السكين]

جرب عمل إعادة تعيين جميع الإعدادات (وليس مسح البيانات والإعدادات) .. وإعادة إدخالها مرة أخرى ...

واطلعنا على النتيجة ..

سويت إعادة تعيين حالياً

شكراً لك

[asulaiti]

هل تم حل المشكلة ؟؟

[السكين]

هل تم حل المشكلة ؟؟

لا والله يا خوي والمشكلة إعدادات الشاشة والكيبورد واللغة والتدقيق الإملائي كلها رجعت نفس قبل هههههه وقعدت ساعة أتذكر وين مكانهم.

حتى السوفت وير ظاهر لي انه فيه تحديث ويرفض التحديث !!

بالمناسبة حدّثت من الأيباد والأمور طيبة بس المشكلة من الآيفون.

[للصبر اخر]

مرحبا اخوي
هل قمت بعمل ري ست للجهاز ؟
بمعني
زر الهوم وزر الاغلاق ع اليمين مع بعض تكبسهم مع بعض لين يتسكر الجهاز كامل ويرجع يفتح
؟؟؟

[السكين]

مرحبا اخوي
هل قمت بعمل ري ست للجهاز ؟
بمعني
زر الهوم وزر الاغلاق ع اليمين مع بعض تكبسهم مع بعض لين يتسكر الجهاز كامل ويرجع يفتح
؟؟؟

لا ما جربت سويت ريسيت للاعدادات من الجهاز عن طريق العام .

بس بعد نجرب ما ورانا شي .

[للصبر اخر]

طيب جرب وقولي
لو ماصار بنشوف حل ثاني

[asulaiti]

الحل الأخير اللي أشوفه .. إنك تعمل نسخة احتياطية للآيفون .. بواسطة الآيتونز .. وبعدها تتأكد من أنك عملت نسخة احتياطية لرسائل الواتساب في سحابتهم (أي في سيرفرهم لأنك ستحتاج لهذه العملية للحل الثاني الذي سأقترحه عليك في الأسفل)
وبعدين تعمل مسح كل البيانات والإعدادات (الله يعينك ... لكن نحاول نساعد باللي نقدر عليه) ..

راح يعمل الآيفون إعادة التشغيل ويفرمت نفسه (لا تخف عند نسخة احتياطية تقدر ترجعها متى شئت) وهنا راح يعطيك رسالة الترحيب ...
إبدأ في إدخال البيانات الخاصة بك .. وبعدها اشبك الآيفون مرة أخرى مع الآيتونز وسوي إعادة تركيب النسخة الاحتياطية الأخيرة ( الريتسور )
وجرب .. إذا المشكلة لا زالت قائمة .. نجرب الخطوة الثانية (الأخيرة من وجهة نظري .. وهنا سنتأكد من مصدر المشكلة ... السوفت وير أو الهارد وير) ..

الحل الثاني هو .. بعد عمل مسح كل البيانات والاعدادات .. نقوم بعد رسالة الترحيب بإدخال كل المعلومات المطلوبة (وليس إعادة تركيب النسخة الاحتياطية) ..
ثم نجلب كل البيانات الخاصة بي (أرقام الهواتف - والمواعيد المسجلة ... الخ بواسطة برنامج الآيتونز)

ثم أدخل على الآب ستور .. ونزل برامجك المسجلة بإسمك .. برنامج تلو الآخر ..
إذا نزلوا بشكل طبيعي .. هنا اعتقد أن عندك مشكلة في نظام السوفت وير السابق ..
والواتساب ممكن تسترجع نسختك منهم سيرفرهم لما عملت عندهم نسختك الاحتياطية ..

ومافي داعي تعمل ريستور للنسخة الاخيرة لأن واضح أن فيها مشاكل ..

لكن .. إذا حصلت مشكلة في نزول التطبيقات من الآب ستور .. قد يكون فعلاً عندك مشكلة في الهارد وير الخاص بالآيفون ..
مثل تضرر استقبال اشارة الوايرليس ..

على فكرة ..
هل جربت عمل التحديث مع Wifi و 4G ؟؟

المعذرة اذا اختصرت في الكتابة ... الوقت لا يسعفني .. لكن ان احتجت توضيح أكثر سنكون في الخدمة ..

بالتوفيق لك ...

[asulaiti]

على فكرة أخوي ..

هل نظام تشغيل الآيفون محدث آخر اصدار ؟؟

[السكين]

للصبر آخر / السليطي

أشكركم من القلب للمساعدة ، ونعم جربت طريقة السليطي وما صار شي .. وبخصوص الحلول الثانية تحتاج وقت وتركيز لازم اجربها بالبيت عالكمبيوتر ..وبخبرك باللي يصير .

بخصوص النظام لما احاول أحدّث تطلع لي رسالة checking for update تتم فترة وبعدها تطلع مسج رفض التحديث وإنه فيه خلل كالتالي :

Unable to check for update
An error occurred while checking for a software update

أما لما أشبكه بالآيتونز يطلع لي انه محدث للاصدار الآخير.

ios 9.2.1
your iphond software is up to date. itunes will automatically check for an update on 18 feb 2016

وبعدها خيارين check for update أو restore i phone.



شاكر لكم جميعاً.

[السكين]

شكراً للجميع على المساعدة.

طريقة اخوي السليطي هي اللي نفعت سويت نفس الحل الأول وسويت النسخة الإحتياطية ورجع كل شي تمام التمام ، حتى الشرقاوية قدرت احدثه.

الله يجزاكم الجنة .

[المبرمج صلاح]

بعض الاحيان تحدث هذه المشكلة خاصة للحاسبات الامريكية بعنوان وهمي مجرد تدخل تعدل العنوان بعنوان اخر او تخليه كما هو مع تعديل بسيط وحفظ وتسوي
sign out من ابل ستور وترجع sign in بتنحل هالمشكلة باذن الله وافضل حل طبعا لمعظم مشاكل الايفون هو طريقة اخونا السليطي

باك اب كامل ثم عمل فورمات للايفون ثم عمل ريستور جزئي وليس كلي مثلا للاسماء وملفاتك الشخصية ثم تنزل برامجك من جديد من الابل ستور وليس الباك اب

[bohilal191]

الحمدلله ان المشكلة نحلت وبالنسبة لي صادفت نفس المشكلة وكانت ان نسخة الجوال قديمة وأي تحديث اسويه مايصير وماضبط معاي الا عقب ما حدثت الجوال وصار كل شيء تمام

[السكين]

شكراً للجميع على المساعدة.

طريقة اخوي السليطي هي اللي نفعت سويت نفس الحل الأول وسويت النسخة الإحتياطية ورجع كل شي تمام التمام ، حتى الشرقاوية قدرت احدثه.

الله يجزاكم الجنة .

الشرقاوية = السوفت وير بس الظاهر رجع المدقق الإملائي مع التحديث وقعد يتفلسف.

[السكين]

الحمدلله ان المشكلة نحلت وبالنسبة لي صادفت نفس المشكلة وكانت ان نسخة الجوال قديمة وأي تحديث اسويه مايصير وماضبط معاي الا عقب ما حدثت الجوال وصار كل شيء تمام

الحمد لله من كثر مشاكل البرامج والأجهزة عند الناس تولد الخبرة.

[السكين]

بعض الاحيان تحدث هذه المشكلة خاصة للحاسبات الامريكية بعنوان وهمي مجرد تدخل تعدل العنوان بعنوان اخر او تخليه كما هو مع تعديل بسيط وحفظ وتسوي
sign out من ابل ستور وترجع sign in بتنحل هالمشكلة باذن الله وافضل حل طبعا لمعظم مشاكل الايفون هو طريقة اخونا السليطي

باك اب كامل ثم عمل فورمات للايفون ثم عمل ريستور جزئي وليس كلي مثلا للاسماء وملفاتك الشخصية ثم تنزل برامجك من جديد من الابل ستور وليس الباك اب

ومنكم نستفيد يا مهندس ، الطريقة اللي ذكرتها جديدة علينا أكيد.

أما الطريقة الثانية بالفعل نفعت وصح كلامك بض التطبيقات بقت معلقة فاضطريت امسحها وأنزلها من الستور مرة ثانية ومشى الحال .