ابي محل يسوي حديقة البيت

[عوآآآآشـي]

مرحبا
الحمدلله تم تركيب الخزانه اليوم
انا رحت لثلاث محلات (خزانه - خزائن الخليج الامريكية - الخزائن المبتكرة) طبعا التصميم واحد واختلفت الأسعار
واستقريت على الخزائن المبتكرة أقل سعراً ونفس المقاسات والتصميم البسيط
وماشاء الله عليهم حددوا الوقت وركبوه دون تأخير

وتسلمون ياللي تعاونتوا معاي بموضوع الخزانة
بس حبيت أعطيكم رأيي

الحين أبي محل يسوي لي حديقة البيت من زراعة وجلسة خشبيه (خشب البرجولات للحديقة)
إذا حد منكم تعامل مع محل يعطيني اسمه ورقمه ولا تهونون

[معماري قطري]

الحمد لله وإن شاء الله تسكنون بالسلامة ومبروك مقدماً

شوفي الله يسلمج محلات الزراعة غالبيتهم استغلاليين وغاليين .. لو تبي تسوي شيء زين بسعر معقول عليج بتخطيط الأحواض حسب توزيعة الحوش وممرات السيارات والمشي .. وللمساعدة بالرسم انا حاضر بس توصلني رسومات الاوتوكاد للحوش شامل الخدمات

حالياً عندي مقاول يشتغل صيانة وكل شوي اطلع له اضافة من ناحية الإنارة والحين اتجهت لترتيب الزراعة .. طلبت يركبون خيوط على ساتر حديدي ألحين ركبوه وبزاوية مايلة مثل صورة شفناها من فترة بسيطة في أحد المواضيع .. وإن شاء الله على ما يخلص الشغل باحط صور في موضوع الإخت سويت قطر أخطاء الصبغ .. الخيوط بازرع عليها ياسمين متسلق وشريناها من سوق عمان

حواف الأحواض الزراعية اخترت لها بني داكن وبحاول يسوونها متموجة مع اني باكون مصختها معاهم مساكين .. المقاول بنفسه عرض علي يجيب سماد وطين ورمل مخلوط للزراعة الخارجية خارج البيت وباطلب منه ينكش اللي داخل حتى تسهل الزراعة

زرعت ليمون وتين وتوت وقرط وسدر ونخل ولوز وكم نوع زهور وشجر متسلق مع إن المساحة عندي صغيرة وموزعة على 7 أحواض داخلية و 3 خارج البيت .. آخر بدعة زرعت كرز في اصيصات داخل البيت وتكبر الزراعة بس خارج البيت اتوقع بتموت

العمال اللي عندي مسؤولهم باكستاني وهم آسيويين خليط وخبرة ما شاء الله عليهم باقي حول اسبوعين ويخلصون بإذن الله

[عوآآآآشـي]

مرحبا اخوي معماري ويعطيك العافيه عالرد والسموحه عالتاخير فالرد عليك

انا ساكنة فالبيت من 10 سنوات تقريبا وحاليا أغير في ديكور البيت غيرت غرفتين ومجلس الحريم
وحديقة البيت موجوده بس تصميمها مب على مزاجي أبي أغيرها فيها شلال على زاويه بس صوته مزعج لما ينزل الماي
والحديقة مرتفعه أركب ثلاث درجات تقريبا وأنا ماحب الحديقه بهالشكل أبيها مع الارض وجلسة او قعده فالوسط او عالجنب
ومسورة إما بشجر في أحواض وعاجبني خشب البرجولات للحديقة مع إضاءة خفيفه ومضلله أو على العمدان ستاير الخفيفه
أبي دوه وابي طاوله وابي بدل الشلال المزعج صوت الماي ينزل بهدوء يادوب تسمعه وبس هههههههه
أبي شي هادي وبسيط ورومانسي :nice:

[إعلامي قطر]

..

هذا مهندس مصري أسمه: أحمد يشتغل في شركة
الشعاع الثاقب يسوون حدائق وجلسات وباربكيو
ويشهد الله مريح في التعامل وسريع في التجاوب
وينفذ ويطرش الصور وتس أب وسوى لي جلسه
سداسيه وباربكيو وجذوع شجر وإضاءه وكان
شغله ممتاز وحتى عماله حبيتهم سنغافوريين
ووقت صلاة الظهر والعصر يوقفون الشغل
ويصلون وهالشي افتقدته مع عمال كثير
مسلمين في تجربتي مع البنيان للأسف !

المهم هذا رقمه للفائده: 33369224

بالتوفيق للجميع
إن شاء الله..

..

[ابوعلي]

..

هذا مهندس مصري أسمه: أحمد يشتغل في شركة
الشعاع الثاقب يسوون حدائق وجلسات وباربكيو
ويشهد الله مريح في التعامل وسريع في التجاوب
وينفذ ويطرش الصور وتس أب وسوى لي جلسه
سداسيه وباربكيو وجذوع شجر وإضاءه وكان
شغله ممتاز وحتى عماله حبيتهم سنغافوريين
ووقت صلاة الظهر والعصر يوقفون الشغل
ويصلون وهالشي افتقدته مع عمال كثير
مسلمين في تجربتي مع البنيان للأسف !

المهم هذا رقمه للفائده: 33369224

بالتوفيق للجميع
إن شاء الله..

..

السلام عليكم اخوي

ممكن تحط لنا صور الحديقة

[معماري قطري]

مرحبا اخوي معماري ويعطيك العافيه عالرد والسموحه عالتاخير فالرد عليك

انا ساكنة فالبيت من 10 سنوات تقريبا وحاليا أغير في ديكور البيت غيرت غرفتين ومجلس الحريم
وحديقة البيت موجوده بس تصميمها مب على مزاجي أبي أغيرها فيها شلال على زاويه بس صوته مزعج لما ينزل الماي
والحديقة مرتفعه أركب ثلاث درجات تقريبا وأنا ماحب الحديقه بهالشكل أبيها مع الارض وجلسة او قعده فالوسط او عالجنب
ومسورة إما بشجر في أحواض وعاجبني خشب البرجولات للحديقة مع إضاءة خفيفه ومضلله أو على العمدان ستاير الخفيفه
أبي دوه وابي طاوله وابي بدل الشلال المزعج صوت الماي ينزل بهدوء يادوب تسمعه وبس هههههههه
أبي شي هادي وبسيط ورومانسي :nice:

البرغولا طريقتها سهلة جداً ونجارين البناء الخاصين بعمل خشب الخرسانة يقدرون يسونها بسهولة .. وكذلك تحديد الحديقة وتجديد تربتها .. البرغولا سواء بنسويها بخشب غالي أو رخيص هي تقريباً نفسها ويقدم الخشب ويبهت من الشمس ونحتاج نصبغه أو نحط عليه طبقة حماية .. الدنجل طبيعي ويطلع حلو خصوصاً لو معاه خوص وسعف نخل مشبوك بحبال .. وقبل لنغرس الدنجل في الأرض نغطي الجزء المغروس ببلاستيك سميك مربوط عدل حتى ما يتسرب الماء ويخرب الخشب .. عندي مسوي بهذي الطريقة من حول 8 سنين بلا مشاكل

سويت برغولا خلف البيت بس ثبتتها على البلاط بقطع ألمنيوم وبراغي وبدون الحفر لها .. جبت خشب مربع عادي مال البنيان ووديته منجرة في العزيزية صغيرة مختصة بصيانة الأثاث .. وقطع الخشب ونظفه بمبلغ بسيط وعمال ثانيين مختصين ألمنيوم ركبوه لي .. بس الشمس شوي أثرت فيه لكن بعد بيعيش فترة طويلة وله حول 6 سنين .. وباشوف صور بإذن الله للحديقة

إزالة التربة وعمل مرشات لسقي الزراعة كلها عملية سهلة .. والنافورات تجي جاهزة في الغالب وانا لي نية اركب نافورة بإذن الله

من فترة كلمت مقاول عندي باكستاني يجيب تريب رمل مخلوط بطين حق أحواض زراعية خارج البيت والسواق جاب سماد خلطه معاه وكلف بحدود 750 للشغل كله .. الصبغ غير مع البيت محسوب وتقدرين تشوفين أجزاء كثيرة من الحديقة واضاءتها في موضوع أخطاء الصبغ للاخت سويت قطر هنا

[$الملياردير$]

بخصوص النجم الثاقب انا مريت عليهم و شفت شغلهم عندهم صور لمجموعة حدائق منزلية كثيرة هم مشتغلينها في قطر و عمالهم حرفين من الجنسية الاندنوسية.... مقرهم في شارع الاتحاد بالغرافة مقابل سوق الجوالات السوق الجديد فوق القرطاسية لم اخوض معهم بالاسعار بس حسيت انهم متخصصين في الحدائق

[معماري قطري]

بخصوص النجم الثاقب انا مريت عليهم و شفت شغلهم عندهم صور لمجموعة حدائق منزلية كثيرة هم مشتغلينها في قطر و عمالهم حرفين من الجنسية الاندنوسية.... مقرهم في شارع الاتحاد بالغرافة مقابل سوق الجوالات السوق الجديد فوق القرطاسية لم اخوض معهم بالاسعار بس حسيت انهم متخصصين في الحدائق

المختص يفيدك في الاقتراحات ونوعية الزراعة ويوفر لك كل شيء .. المقاول يسوي اللي تبيه وبعض الأُمور تكون شوي صعبة عليه لأن ما سواها قبل