اعلان وترويج مضلل لأنصار جاليري؟؟

[الدوحه1]

"استرجع نصف مشترياتك فورا"
اعلان وترويج مضلل لأنصار جاليري؟؟

الاعلان يدعي انك تسترجع نصف مبلغ مشترياتك بكوبونات بنصف المبلغ وهذا غير صحيح لانك لازم تصرف على الاقل 1000 ريال عشان تحصل كوبونات ب 500 ريال
ولازم المبلغ يكون مضاعفات ال 1000 ريال عشان تحصل كوبونات بنص المبلغ.

مثلا لو صرفت 999 ريال مالك اي كوبونات؟؟؟
واذا صرفت 1999 ريال لك كوبونات ب 500 ريال للالف الاولى بس!!!



http://www14.0zz0.com/2016/02/13/10/368625701.jpg (https://www.0zz0.com)

[asulaiti]

المشكلة أنه ماخذ تصريح على هذا الإعلان الترويجي !!

ما قولك ؟؟

[HSN_QTR]

اشوف الاعلان واضح اشتر ب الف وخذ خمسميه

بسيطه

[الدوحه1]

اشوف الاعلان واضح اشتر ب الف وخذ خمسميه

بسيطه


الاعلان يقول "استرجع نصف مشترياتك فورا"؟؟

اذا شريت ب 999 ريال مالي شي؟؟؟
واذا شريت ب 1999 ريال لي كوبون ب 500 ريال يعني مب النص مثل مايدعون(المفروض يعطوني كوبونات بنص المبلغ يعني 999 ريال)؟؟؟

[غريب الدّار]

كلامك اخوي ممكن يكون صحيح ويكون الاعلان مضلل لو انهم ماكانوا اموضحين المسالة في نفس الاعلان
لكن اعلانهم واضح جدا اخوي :
اشتر بالف بتحصل على خمسمية


واضحة وضوح الشمس
وين التضليل اخوي ؟
انت ضللت نفسك لما قريت اول سطر من الاعلان بس وطنشت الباقي
هاذي مشكلتك انت اخوي مب مشكلتهم

[حليتان*]

اعلانهم واضح وحتى ال 1000 و 500 حاطينهم بخط كبير مش صغير يعني واضح وضوح الشمس

[بوخالد911]

ليس هناك اي نوع من التضليل

[لطيف الروح]

كلامك صحيح الإعلان مضلل بل خادع
في بداية الإعلان يقول استرجع قيمة مشترياتك فوراً
ثم قال تشتري ب 1000 تحصل على 500 ولم يقول الحد الأدنى للمشتريات هو 1000 ريال او حتى الحد الأعلى
بمعنى انه ذكر هذا المبلغ على سبيل المثال و ليس الحصر وعليه يكون أي مبلغ تشتري به تحصل على نصف قيمته
كما ان المبلغ 1000 ريال مكتوب باللغة الإنجليزية و لم يكتب باللغة العربية و بالتالي يكون غير مفهوم لبعض العامة
كذلك الإعلان يقول في عبارة استرجع نص المبلغ و في عبارة أخرى تحصل على كوبون مجاني و بالتالي ايهم اصح

[jassim_007]

الاعلان واضح وضوح الشمس!

[asulaiti]

الأخوة الكرام اللي يرون أن مافي تضليل ..

بل هو التضليل بعينه ..

استرجع نصف نقودك .. أي أن البضاعة كأنها عليها خصم 50% من المفترض .. صح ؟؟

اللي يصير إنك تشتري ولا تسترجع فلوسك .. بل نعطيك كوبون بقيمة 500 ريال وهذا الكوبون لا تستطيع استخدامه إلا عندهم !!

وين الفلوس اللي استرجعتها أخواني !!

ما استرجعت ولا شيء .. كوبون لمشتريات زيادة من عندهم ..

اسلوب دعائي لجلب الناس .. فالكلمة تؤثر في الكثيرين من المستهلكين .. لكنه مضلل ..

(( استرجع نصف قيمة مشترياتك فوراً ))

جملة مؤثرة وتجيب نتيجة بلا شك .. لكنها مضللة لمن يعرف يقرأها بشكل صحيح ..

ويمكن رفعوا الأسعار قبل الإعلان عن هذه الزيادة كما حدث مرات عديدة ...
وحماية المستهلك في سبات عمييييييييييييييييييييييييييق ..

[asulaiti]

عادي .. اخواني ....

تعودنا على أساليب التجار عندنا .. فاصبحنا نرى الإعلانات المضللة كأنه إعلان ترويجي عادي وصحيح ..
وهذا أمر طبيعي لما نتعود على الأمر ..

:victory:

بالتوفيق للجميع ....

[بوخالد911]

طيب
هل بلغت حماية المستهلك؟
بلللغ عليهم.

[][ Q6r ][]

كل المحلات التجارية تلاعب في تلاعب والا اشوف في عروض او تخفيضات شوفو الدول المجاوره تخفيضات توصل 70%
اما يحطون الملابس القديمه او اي سلعه قديمه او يتلاعبون في الاسعار يعني لو نزلو السعر هم بالاساس رابحين الضعف

وحماية المستهلك حاليا والى الابد :deal:
http://www.tom-hilde.com/wp-content/uploads/2011/01/cartoon-sleeping.jpg

[@north_star@]

بشكل عام الاعلان ما فيه شي وواضح وهو ماقال انه بيرجع فلوسك كاش أو نقدي وعلى فكرة نسبة الخصم على سبيل المثال اذا شريت مواد بقيمة 1000 ريال وعطاك كوبون بقيمة 500 ريال والكوبون لازم تاخذ فيه مواد من عنده يعني فعليا انت ماخذ مواد بقيمة 1500 ريال وهو مسويلك خصم 500 ريال يعني بنسبة 33.333%

[دايموند]

يضحوني الي يقولون الاعلان مب مضلل

المفروض الاعلان يكون كالتالي:
استرجع نصف قيمه مشترياتك عند شرائك بمبلغ 1000 ريال
واصلا بعد جذي غلط المفروض كالتالي

احصل ع كوبون بقيمه 500 ريال في حال شرائك مبلغ 1000 ريال


وشكرا

[بصمة قطرية]

الكلام اللي في البداية ماله علاقة ابداً ..
لأنه يعني شي
و اللي تحت شي ثاني ..!!
المفروض يكتفون باللي مكتوب تحت
إشتر بـ 1000 و أحصل مجاناً على كوبون بـ 500
لأن الكلام اللي في البداية يعني :
لو شريت ب 200 بتحصل على 100
و لو شريت بأي مبلغ ..!!
لكن هم محددين المبلغ يعني مافي مصداقية و في تضليل ..

[غريب الدّار]

يضحوني الي يقولون الاعلان مب مضلل


يضحونج؟ شدعوة خروف العيد


يمكن تقصدين يضحكونج
(:

وانا يموتوني من الضحك اللي يقولون الاعلان مضلل

اتصدقين عاد ؟
(:

[دايموند]

ترى كيبورد الجوال بلع حرف..ع العموم لا ما اصدقك (:

وادري هاذي مشكلتي وعط روحك العافيه وماله داعي ترد علي لان ماراح ارد عليك (:

[غريب الدّار]

ترى كيبورد الجوال بلع حرف..ع العموم لا ما اصدقك (:

وادري هاذي مشكلتي وعط روحك العافيه وماله داعي ترد علي لان ماراح ارد عليك (:

:whistling:

[sweet qatar]

فعلا الاعلان مضلل .. وباللغتين

لان حصولك على كوبون بقيمة 500 ريال

لا يعني ابدا انك بتسترجع فلوسك !!!!


ترى صياغه الكلام جدا مهمة في الاعلان .. ما قدر امشي فيها على حسن الظن

لازم الكلام يكون موزون و واضح

[نورث يورك]

يعتبر اعلان مثل هذا تضليل لأنه فيه جزئين

[رجل الجزيرة]

إلي أنا فهمت بدال ما تشتري ب 1000 ريال فيلزمك إنك تشتري ب 500 ريال يعني لازم تدفع 1500 ريال وال 500 ما تنصرف إلا عندهم.
:)