عندي شهادة من بريطانيا .. شلون أصدقها وأنا بالدوحة

[::محمد::]

السلام عليكم ورحمة الله وبركاته

لو سمحتوا انا الحين بالدوحة وعندي شهادة ماجستير من بريطانيا

الحين شلون اصدق الشهادة .. سمعت السالفة فيها محامي وعوار راس ..

يصير أطرشها بالبريد للسفارة القطرية بلندن ولا شلون .. ما فيني حيل أسافر :( :(

[::محمد::]

سمعت عن مكاتب في قطر ممكن تسويها لك .. تصدقها من محامي .. عقب من وزارة الخارجية البريطانية .. عقب من السفارة القطرية .. ولو تبي الخارجية القطرية ..

هل هالمكاتب موثوقة .. ؟ بعطيهم الشهادة الأصلية وصراحة هاي نكبة لو ضاعت علي :D ضاع شقى عمري ..

واحد من هالمكاتب

http://www.sheenservices.com/contact-us/index.php

أفيدوني بتجاربكم جزاكم الله خير :(

[ya3coub]

أخوي عادلها و ريح نفسك لأن بالنهاية التصديق بس يسهل شوية اجرائات فالنهاية لازم المعادلة و ليس التصديق

و فالمعادلة راح يخاطبون الجامعة.

نعم في شركات و مكاتب يسونها لك.

اعرف شباب تعاملو مع مكاتب من دبي و رجعت لهم الشهادات مصدقه و لكن توهقو بالمعادلة للأسف

[::محمد::]

أخوي عادلها و ريح نفسك لأن بالنهاية التصديق بس يسهل شوية اجرائات فالنهاية لازم المعادلة و ليس التصديق

و فالمعادلة راح يخاطبون الجامعة.

نعم في شركات و مكاتب يسونها لك.

اعرف شباب تعاملو مع مكاتب من دبي و رجعت لهم الشهادات مصدقه و لكن توهقو بالمعادلة للأسف

جزاك الله خير ..
لكن السؤال اللي يطرح نفسه .. ليش توهقو بالمعادلة عقب ؟
وبالنسبة لي .. شحقه أعادل من الأصل .. لأني مب ناوي أكمل أو شي فحق وشو المعادلة ؟

جزاك الله خير ..

[سهم ماينزل]

جزاك الله خير ..
لكن السؤال اللي يطرح نفسه .. ليش توهقو بالمعادلة عقب ؟
وبالنسبة لي .. شحقه أعادل من الأصل .. لأني مب ناوي أكمل أو شي فحق وشو المعادلة ؟

جزاك الله خير ..

اذا ما عادتلتها في شنو تقدر تستفيد منها وعيل ليش تصدقها

اما اذا عادلتها اضعف الايمان تحسب لك في ملفك في العمل

[aloosh]

انا صدقتها في بريطانيا
تصدقها في بريطانيا افضل من سفاره والخارجيه البريطانيه والمحامي وجبها الدوحه وصدقها من الخارجيه ودها معادله الشهادات وهناك يقررون هل معترف بها ام لا ويفضل تجيب لهم نسبه الحضور

[HSN_QTR]

جيك السفاره القطريه في لندن

وبرتش كونسل فالسد

[::محمد::]

انا صدقتها في بريطانيا
تصدقها في بريطانيا افضل من سفاره والخارجيه البريطانيه والمحامي وجبها الدوحه وصدقها من الخارجيه ودها معادله الشهادات وهناك يقررون هل معترف بها ام لا ويفضل تجيب لهم نسبه الحضور

الله يجزاك الخير .. ارسلتها لشركة وصدقوا لي ياها وكل شي ويوم الأحد بوديها .. بس شلون أودي لهم نسبة الحضور ؟ أنا حضرت كل المحاضرات ولله الحمد وما غبت ولا محاضرة .. شلون أودي لهم نسبة الحضور ؟ خاصة إن جامعتنا ما كانوا ياخذون حضور .. ؟ مع العلم ان جامعتي من ضمن قائمة الجامعات في المجلس الأعلى وهي حكومية غير خاصة.

[Al-Kuwari]

الشيخ ولا عليك امر ممكن تعطيني اسم الشركة عالعام او الخاص

عندي شهادة بكالريوس من بريطانيا تخرجت العام وللحين ماصدقتها وتسوي خير لو تدلني عالشركة عشان يصدقونها لي

[::محمد::]

تفضل أخوي

https://www.vitallegalisation.co.uk

تسجل عضوية .. وتسوي الطلب حسب عدد الشهادات والسرعة وترسل لهم الشهادات بالفيدكس أو دي اتش ال أو أي شركة تناسبك .. وهم أول بأول بيقولون لك وش قاعد يصير بأوراقك أول ما يستلمونها .. على فكرة الشركة ببريطانيا مب بقطر ..

بالتوفيق ولو بغيت شي أنا حاضر .. أنا ناوي أكتب موضوع كامل عن هالشركة بس توها بكرة بتوصلني الأوراق .. ساعتها بسوي شرح كامل ..

[بوNasser]

الله يجزاك الخير .. ارسلتها لشركة وصدقوا لي ياها وكل شي ويوم الأحد بوديها .. بس شلون أودي لهم نسبة الحضور ؟ أنا حضرت كل المحاضرات ولله الحمد وما غبت ولا محاضرة .. شلون أودي لهم نسبة الحضور ؟ خاصة إن جامعتنا ما كانوا ياخذون حضور .. ؟ مع العلم ان جامعتي من ضمن قائمة الجامعات في المجلس الأعلى وهي حكومية غير خاصة.

نسبة الحضور المقصود بها مدة التواجد في بريطانيا

انا طلبوا مني نفس الشي لما صادقت شهادتي عندهم، وهذا الشي نجيبه من ادارة الجوازات (( كشف بالدخول والخروج من مطار الدوحة خلال الفترة من ..... الى .....، اي فترة الدراسة الجامعية)). يعطونك كشف مطبوع في نفس الوقت أو يوم ثاني اذا الضابط غير موجود.

بالتوفيق

[Al-Kuwari]

تفضل أخوي

https://www.vitallegalisation.co.uk

تسجل عضوية .. وتسوي الطلب حسب عدد الشهادات والسرعة وترسل لهم الشهادات بالفيدكس أو دي اتش ال أو أي شركة تناسبك .. وهم أول بأول بيقولون لك وش قاعد يصير بأوراقك أول ما يستلمونها .. على فكرة الشركة ببريطانيا مب بقطر ..

بالتوفيق ولو بغيت شي أنا حاضر .. أنا ناوي أكتب موضوع كامل عن هالشركة بس توها بكرة بتوصلني الأوراق .. ساعتها بسوي شرح كامل ..

تسلم الشيخ وبانتظار الشرح

[بوNasser]

نسبة الحضور المقصود بها مدة التواجد في بريطانيا أو الدولة اللي خذت منها الشهادة

لأن عندهم في المجلس الأعلى لازم يكون هناك حد أدنى لعدد الأيام اللي تقضيها في الخارج (( الدولة اللي تدرس فيها )) للإعتراف بالشهادة.

انا طلبوا مني نفس الشي لما صادقت شهادتي عندهم، وهذا الشي نجيبه من ادارة الجوازات (( كشف بالدخول والخروج من مطار الدوحة خلال الفترة من ..... الى .....، اي فترة الدراسة الجامعية)). يعطونك كشف مطبوع في نفس الوقت أو يوم ثاني اذا الضابط غير موجود.

وهذا طبعا نظام غير دقيق لأن في حالتي ((وهذا الكلام سنة 2003)) اول سنة كنت اسافر على القطرية فمبين في كشف الجوازات: مغادرة الى بريطانيا أو قدوم من بريطانيا.
لكن من السنة الثانية لما خذت الاهل والعيال معاي وزادت أسعار القطرية خصوصا درجة رجال الاعمال والاولى، صرت اسافر على طيران الخليج فكانت الرحلة دوحة بحرين لندن فاللي يبين في كشف الجوازات: مغادرة الى البحرين أو القدوم من البحرين.
فما فيه شي يثبت اني كنت في بريطانيا، ومع ذلك اهم شي عند الجماعة انك خارج البلد خلال فترة الدراسة.

بالتوفيق

الإضافات اللي بالأحمر تذكرتها الحين

[aloosh]

شوف لو دبلوم واقل ممكن ما يطلبون الحضور بس بالكلرويس واعلى مشددين عليها
اطلب من الجامعه انك موجود من تاريخ تواجدك حتى الانتهاء