اقتراح بخصوص تواقيت الدوام والالتزام

[JN000N]

السلام عليكم ورحمة الله وبركاته



,



,




بخصوص الازدحام الشديد والتأخير على الدوام
واللي يأثر على التقييم ويتحاسب الموظف على التأخير ويأثر حتى على راتبه
وبخصوص اللي يطلعون من 6 عشان دواماتهم 8
وبعد يتأخرون ف الزحمة وخاصة اللي ف المناطق البعيدة
موظف ساكن ف العزيزية يداوم عالكورنيش يوصل الدوام عقب ساعه ونص او ساعتين
موظف ساكن ف الوكرة ودوامه ف الناصرية ف المدينة التعليميه يوصل عقب نفس الوقت
موظف في الخور يشتغل في وزارة عالكورنيش وتمسكه الزحمه كل يوم

وفوق هاي كله يجيك مدير (يعل القلب) ويقعد لك عالدقيقه ليش متأخر ويطلعها من عينك
طبعا المدير نفسه يكون جاي متأخر (بس لانه مدير يحق له يتأخر نص ساعة عن الموظف العادي) اذا الموظف العادي يداوم 7 ونص وعنده مجال لين 8 يتأخر المدير المفروض يداوم 7 ونص ولكن عنده مجال يتأخر لين 8 ونص
طبعا مب في كل مكان هالنظام ولكنه موجود

الحين المراد ان احنا نبي نحل موضوع التأخير والصكه اللي تصير مرتين ف اليوم
مره الصبح وانت رايح ومره العصر وانت راد البيت

زين ليش ما يكون في نظام سلس في توقيت الدوامات
التوقيت الافتراضي هو الصباحي المعتاد
لكن ممكن يكون في توقيت ثاني متى ما جا الموظف يداوم يكمل ساعات الدوام 7 او 8 ساعات
يعني انا جيت الدوام 9 ودوامي ف اليوم 8 ساعات اطلع 5
حتى لو جيت 12 اطلع 8 وهكذا
هني انت تعطي مجال للموظف ان يداوم بس يختار التوقيت اللي يناسبه
بدون ما يأثر على سير الوظيفة
طبعا كل موظف عنده الكرت مال الدوام الي يحسب له من فترة دخوله لين يطلع
هني السستم شغال يسجل عدد ساعات عمل الموظف
وفي نفس الوقت تضمن انتاجيته في وقت مريح له
وتحل مشكلة الزحمة اللي محصورة في توقيتين بسبب الدوامات

هالاقتراح اذا ما نفع لكل الدوائر الحكومية على الاقل شبة الحكومية والخاص


وشكرا

[غير البشر]

مرحبا جنون

المشكله عندنا في قطر جميع المسئولين عندهم بالدرجه الاولى الدوام
يعني متى وصلت والساعه كم طلعت فقط
حتى لو طول وقت دوامك شرب شاي

المفروض يكون الدوام اكثر مرونه
وخاصه في ظل هالزحمه الي مايتحمل الموظف مسئوليه اخطاء المسئولين


طبعا نفس هذا الدوام ينطبق على الموظفين الاداريين
اما الموظفين في مجال خدمه العملاء او الاتصال المباشر بالعملاء
صعب يمشي معاه هذا النوع من الدوام

[ضوى]

عزيزتي جنون انا حاسة فيج لاني اعاني باغلب الايام

بس اقتراحج الواحد يداوم وقت اللي يبيه المهم يداوم ثمان ساعات مب عملي كلش ، ويناسب الاعزب اكثر ، مايناسب الناس المتزوجة والي توصل عيالها ، يعني لو افترضنا اغلبية الموظفين والموظفات متزوجات وعندهم عيال بعمر مدرسة او حضانه على اقل تقدير يعني الكل يبي يداوم الصبح لانه مب من المعقول بيتاخر عن توصيل عياله ولا انه بيوديه وايد بدري لمدارسهم ، ونفس الشي وقت الطلعة الحين الناس تتذابح وتستأذن عشان تطلع تودي عيالها البيت تهقين بيردون البيت عشان يكملون ساعات الدوام الرسمية ؟
اللي صار حقيقة مؤكدة الزحمة مالها حل خلاص الا بهدم البنية التحيتة عن بكرة ابيها وبناءها من اول وجديد ، الشوارع ضيقة ومساراتها قليلة والناس تزيد ، والحل الثاني تقنين اعطاء رخص القيادة ، وتقنين تسجيل السيارات يعني ممكن الواحد يتجه نحو هالحلول اللي انا اشوفها منطقية اكثر من الدوام اللي على كيف الواحد

[R 7 A L]

اذا تطبق هالنظام العالم بتداوم الساعة 9
ومن 9 لين 10 قهوة وشاي وريوق بعدها نص ساعة يشتغلون لين 11 ونص وقت الصلاة لين 12 ونص
بعدها شوي سوالف بعدين يطلعون اقرب مول وغداء وتمشي لين الساعة 5
الشغل راح يتأخر والمراجع بيروح فيها

[بعيد النظر]

للأسف حلج ما ينفع ..

الحين الاجتماعات من يحظرها لو كل واحد بيداوم 8 ساعات على كيفه ..
غير أمور كثيرة ترتب على عدم الالتزام بساعات معينة .. للقسم نفسه ..


الأولى ان المدير يكون فاهم .. ويستوعب اللي صاير ..
لان المفروض يعاني مثله مثل موظفينيه !


مب لانه مدير يحقله يملل اللي تحته !

[A-Alansari]

حلج ماينفع في كل مكان ممكن بعض الامكان تمشي معاهم هالطريقه

الاحسن ياخرون الدوامات ساعه او ياخرون المدارس ساعه

[JN000N]

مرحبا جنون

المشكله عندنا في قطر جميع المسئولين عندهم بالدرجه الاولى الدوام
يعني متى وصلت والساعه كم طلعت فقط
حتى لو طول وقت دوامك شرب شاي

المفروض يكون الدوام اكثر مرونه
وخاصه في ظل هالزحمه الي مايتحمل الموظف مسئوليه اخطاء المسئولين


طبعا نفس هذا الدوام ينطبق على الموظفين الاداريين
اما الموظفين في مجال خدمه العملاء او الاتصال المباشر بالعملاء
صعب يمشي معاه هذا النوع من الدوام

مب شرط ادوام ذي يكون ينطبق عالكل
ولا في كل مكان
بالعكس في امور ما تخلصها الا الصبح خاصه مع المراجعين
يعني فوق زحمه موظفين زحمة مراجعين
ف عادي يكون هالاقتراح لاماكن معينه دوامها يسمح للتغيير

[الدكتور عزوز]

اختي الفاضلة اقتراحج جيد ولكن للأسف الأمر صعب يتطبق في الوضع الحالي المأساوي ،

المدير يحتاج موظفين ما يلقاهم (أتكلم عن البعض) ، الموظف حاط عينه على مكتب المدير ويقول والله المدير يتأخر ولا المدير يفعل او المدير يسوي ، يا أخي المدير لديه من يحاسبه عند التقصير لكن لازم انت تحاسب نفسك على تقصيرك قبل ما مديرك يحاسبك ، وهذا الكلام هو اللي السبب في أن سمعة الموظف القطري صارت (القطري ما يداوم) وصارت الادارات العليا اللي فوق تقيد الموظف بساعات العمل عشان صارت الفكرة السائدة ان (القطري ما يداوم) فيبون شكليا قدام العالم شوفوا القطريين ملتزمين بساعات عملهم

مع انه يجب التعاون بين المدير والموظف بخصوص ساعات العمل يعني أكيد أن الموظف لازم يكون موجود عندما يحتاجه المدير وأيضا لازم المدير يكون غير متشدد بخصوص التأخير وغيره ما دام الموظف من الناس الكفؤ اللي تنجز بشكل كبير



هل تعلمين اختي الكريمة أن هناك شركات في الخارج تسمح لبعض الموظفين انه يشتغل من المنزل اذا كان ما يقدر يروح للدوام؟ يعني بكل بساطة يتصل على المدير الصباح ويقوله تراني بشتغل من المنزل اليوم والمهم انه ينجز ما عليه من عمل بدون ما يكون مداوم فعليا في المكتب واذا ما انجز يعتبر غايب ، طريقة العمل هذي تعجبني وجبرتها سنتين وكانت اروع سنتين عملتها في حياتي واتمنى هالتجربة تتكرر

[مهرة]

..

جنون وعليكم السلام ورحمة الله وبركاته أولاً,,

ثانياً عزيزتي تقريباً نفس هالأقتراح كانت مشاركة من أحد المواطنين في برنامج وطني الحبيب تقراه المذيعة اليوم الصبح وقالت(ماينفع نأخر الدوائر الحكومية ساعة) لأنه هذا نظامنا وساعات معينة مايقدرون يغيرونها ولكني متأكدة مش كل الهيئات والوزارت تحتاج فعلاً التواجد بمكاتبهم 6ونص ولا 7 غير الأماكن الحساسة والخدمية طبعاً السكور آورز والشغل الفعلي صدق يبدا من الساعة 9 لين 2 بعد التحايا الصباحية وموجز الحش مال أمس والفطور الراهي والفطاير تزاحم الملفات وهلم جرا,, ترا زحمتنا من سبة المدارس والطلاب والمدرسين والدريوليه وبعد مايوصولون بالوقت حرام نقعد عيالنا من خمس ونص عشان يلحق عالمدرسة وعاد الحين مافيه طابور بعد ولا صارت علووم.!! يعني المفروض يأخرونهم ساعة لنكون واقعيين نهاية السنة وش تحصيل عيالنا العلمي؟؟ ياتعبنا وياسهرنا وياربانا كله هواء منثورا وشغلة ثانية جداً مهمة كم سيارة تطلع من البيت الواحد من غير الموظفين الأم والأب وبنتهم الجميلة وولدهم الوسيم أكيد فيه عيال بالمدارس وبالجامعة وطبعاً لا تنسون خواتنا المدرسات الي ماتسوق نقول وهذي عمتهم غير سيارة (ماما عودة) الجدة ومشاويرها كمستشفى أو شاي الضحى, يعني كم سيارة تقريباً؟؟ وكلنا نطلع بوقت واحد في الشارع كيف بيكون الوضع صدق مأساة ودائماً أسأل نفسي كيف بيكون وضعنا بالمونديال:rolleyes2: وعلى فكرة ظهر مؤخراً أمراض كثيرة سببها الزحمة مثل ارتفاع الضغط هبوط مفاجئ للسكر إرهاق أرق طاقة سلبية خفقان القلب صداع الشقيقة تبعات كثيرة من هالأمراض. والله تعبنا من الزحمة هرمنا قبل عمرنا:weeping:

*ملاحظة.,

لأني بعرف سؤالج الهجومي فبعطيج مثال من بيتنا تطلع 3سيارات غير باص الأعدادية بنفس الوقت والسيارة الرابعة حق الوالدة الله يحفظها تقريباً عالساعة 8 وثلث وبس والله:)

[OutLaw]

كفكرة ممتازة لكن عدم المبالغة في تأخير الحضور مثلا حتى الساعة 9 أو 10
لكن وضع ساعات مرنه تبدأ من اول الصبح

الموظف اذا سجل حضور الساعة 6,30 يجوز له الانصراف 1,30
والموظف اذا سجل حضور الساعة 7,30 يجوز له الانصراف الساعة 2,30
والموظف اذا سجل حضور الساعة 8,30 يجوز له الانصراف الساعة 3,30



على أن يبدأ الدوام الساعة 6,30 والوقت المرن حتى 8,30 فقط واذا سجل الحضور بعد الساعة 8,30 يحسب عليه تأخير ، مطلوب منه حضور يومي سبع ساعات لكنها محدده .

[حليتان*]

انا اقول يسون الدومات فالبيت وكل شي اونلاين ونحل المشكله


شرايج جنون حل جميل

[الحياة الخالدة]

السلام عليكم و رحمة الله

الفكرة حلوة .. لكنها تحتاج صرامة في التطبيق
و الفكرة ليست إجبارية على الكل
يعني نفس ما وضحتي : ما تنطبق على جميع الجهات
إضافة إلى أن محد مجبور بها
اللي متزوجين و عندهم عيال و التزامات يتمون على ماهم عليه إذا ما كان اقتراحج يناسبهم
واللي عزوبية أو متزوجين لكن في اللي يشيل عنهم المسؤولية ممكن ينطبق عليهم اقتراحج و يجون الدوام في الوقت اللي يناسبهم
بشرط ضمان بقاءهم في دواماتهم لعدد الساعات الملزومين فيه .. و إنجاز جميع المهام المنوطة بهم

[حليتان*]

السلام عليكم و رحمة الله

الفكرة حلوة .. لكنها تحتاج صرامة في التطبيق
و الفكرة ليست إجبارية على الكل
يعني نفس ما وضحتي : ما تنطبق على جميع الجهات
إضافة إلى أن محد مجبور بها
اللي متزوجين و عندهم عيال و التزامات يتمون على ماهم عليه إذا ما كان اقتراحج يناسبهم
واللي عزوبية أو متزوجين لكن في اللي يشيل عنهم المسؤولية ممكن ينطبق عليهم اقتراحج و يجون الدوام في الوقت اللي يناسبهم
بشرط ضمان بقاءهم في دواماتهم لعدد الساعات الملزومين فيه .. و إنجاز جميع المهام المنوطة بهم

شفتي اقتراحي بعد حلو امدحيه شووي زين

[الحياة الخالدة]

شفتي اقتراحي بعد حلو امدحيه شووي زين

و اقتراحك حلو بعد
و كان في موضوع نازل بخصوصه من فترة على ما أذكر

[مخطط قطري]

المدير عنده مجال مايجي نهائيا الدوام ،،،المشكله ع الموظف المسكين

[JN000N]

عزيزتي جنون انا حاسة فيج لاني اعاني باغلب الايام

بس اقتراحج الواحد يداوم وقت اللي يبيه المهم يداوم ثمان ساعات مب عملي كلش ، ويناسب الاعزب اكثر ، مايناسب الناس المتزوجة والي توصل عيالها ، يعني لو افترضنا اغلبية الموظفين والموظفات متزوجات وعندهم عيال بعمر مدرسة او حضانه على اقل تقدير يعني الكل يبي يداوم الصبح لانه مب من المعقول بيتاخر عن توصيل عياله ولا انه بيوديه وايد بدري لمدارسهم ، ونفس الشي وقت الطلعة الحين الناس تتذابح وتستأذن عشان تطلع تودي عيالها البيت تهقين بيردون البيت عشان يكملون ساعات الدوام الرسمية ؟
اللي صار حقيقة مؤكدة الزحمة مالها حل خلاص الا بهدم البنية التحيتة عن بكرة ابيها وبناءها من اول وجديد ، الشوارع ضيقة ومساراتها قليلة والناس تزيد ، والحل الثاني تقنين اعطاء رخص القيادة ، وتقنين تسجيل السيارات يعني ممكن الواحد يتجه نحو هالحلول اللي انا اشوفها منطقية اكثر من الدوام اللي على كيف الواحد

هلا والله ضوى
الاقتراح مب جامد ومافيه انسابيه بالعكس
هو اقتراح للتخفيف
يعني قانون ينطرح مع القانون الحالي حق اللي يقدر ومب اجباري
بس بيكون له نسبة مب بسيطه في تقليل الزحمة

[JN000N]

اذا تطبق هالنظام العالم بتداوم الساعة 9
ومن 9 لين 10 قهوة وشاي وريوق بعدها نص ساعة يشتغلون لين 11 ونص وقت الصلاة لين 12 ونص
بعدها شوي سوالف بعدين يطلعون اقرب مول وغداء وتمشي لين الساعة 5
الشغل راح يتأخر والمراجع بيروح فيها

نفسه الي مب ملتزم بدوام رسمي نفسه ما بيلتزم ف الدوام ذي
يعني الرقابة موجوده والانتاجيه مطلوبه من الكل
وفي وظايف ما تسمح ان يمشي عليها هالنظام خاصه الي فيها مراجعين الصبح لازم يخلصون شغلهم

[JN000N]

للأسف حلج ما ينفع ..

الحين الاجتماعات من يحظرها لو كل واحد بيداوم 8 ساعات على كيفه ..
غير أمور كثيرة ترتب على عدم الالتزام بساعات معينة .. للقسم نفسه ..


الأولى ان المدير يكون فاهم .. ويستوعب اللي صاير ..
لان المفروض يعاني مثله مثل موظفينيه !


مب لانه مدير يحقله يملل اللي تحته !

الاجتماعات ماتصير بدون تخطيط مسبق ولا تصير بدون ارسال طلب وموافقة
يعني الموظف عارف ان وراه اجتماع
اما ان احنا مطالب المسؤولين يرأفون بحالنا بس عشان الزحمة
بيقولك اطلع من الفير ولا تتاخر علي

[JN000N]

حلج ماينفع في كل مكان ممكن بعض الامكان تمشي معاهم هالطريقه

الاحسن ياخرون الدوامات ساعه او ياخرون المدارس ساعه

ومب شرط هالنظام يمشي في كل مكان وانا ذكرت هالشي في بداية الموضوع
اذا ما صار ف الدواير الحكومية عالاقل في شبة الحكومية او الخاص

[JN000N]

وبالنسبة لتأخير التواقيت عشان نوزع الزحمة
حبيت اقولكم ان هالنظام اصلا موجود ومستهلك
في دوامات تبدا 6
وفي دوامات 7
وفي اماكن 7 ونص وعندك مجال تتاخر لين 8
وفي اماكن تداوم 8 او 8 ونص
يعني التوزيع اصلا موجود ولكن غير فعال بسبب الكثافة السكانية وحصر المباني في مناطق معدودة وضيق الشوارع وقلة المواقف

[ولي العهد]

انا اعترض ... والسبب انا كمدير عنديموظفين انا اداوم قبلهم ؟؟ عيل ومصالح الشعب ومعاملاتهم من يوقع عليها ؟؟ اخاف بكره يطلع لي واحد ويقول الحل ان الموظف يداوم في بيته ويخلص شغله في بيته

[عثرة جواد]

السلام عليكم


اقتراح واايد حلو بس يبيلة تفنتق يعني

مثل ماذكرتي ف دوامات تعطيك مساحه من 6 لين 8 وانت تختار وهاي موجود

شي ثاني تكون دوامات الشركات ع 9 بمعدل 8 ساعات

التعليم والحكومي يكون ع 6 أتوقع وقت كافي ومنظم

حتى وقت الخروج بيكون مختلف وفية نوع من الاريحية

عساج ع القوة

[MaRuKoO]

السلام عليكم ورحمة الله وبركاته



,



,




بخصوص الازدحام الشديد والتأخير على الدوام
واللي يأثر على التقييم ويتحاسب الموظف على التأخير ويأثر حتى على راتبه
وبخصوص اللي يطلعون من 6 عشان دواماتهم 8
وبعد يتأخرون ف الزحمة وخاصة اللي ف المناطق البعيدة
موظف ساكن ف العزيزية يداوم عالكورنيش يوصل الدوام عقب ساعه ونص او ساعتين
موظف ساكن ف الوكرة ودوامه ف الناصرية ف المدينة التعليميه يوصل عقب نفس الوقت
موظف في الخور يشتغل في وزارة عالكورنيش وتمسكه الزحمه كل يوم

وفوق هاي كله يجيك مدير (يعل القلب) ويقعد لك عالدقيقه ليش متأخر ويطلعها من عينك
طبعا المدير نفسه يكون جاي متأخر (بس لانه مدير يحق له يتأخر نص ساعة عن الموظف العادي) اذا الموظف العادي يداوم 7 ونص وعنده مجال لين 8 يتأخر المدير المفروض يداوم 7 ونص ولكن عنده مجال يتأخر لين 8 ونص
طبعا مب في كل مكان هالنظام ولكنه موجود

الحين المراد ان احنا نبي نحل موضوع التأخير والصكه اللي تصير مرتين ف اليوم
مره الصبح وانت رايح ومره العصر وانت راد البيت

زين ليش ما يكون في نظام سلس في توقيت الدوامات
التوقيت الافتراضي هو الصباحي المعتاد
لكن ممكن يكون في توقيت ثاني متى ما جا الموظف يداوم يكمل ساعات الدوام 7 او 8 ساعات
يعني انا جيت الدوام 9 ودوامي ف اليوم 8 ساعات اطلع 5
حتى لو جيت 12 اطلع 8 وهكذا
هني انت تعطي مجال للموظف ان يداوم بس يختار التوقيت اللي يناسبه
بدون ما يأثر على سير الوظيفة
طبعا كل موظف عنده الكرت مال الدوام الي يحسب له من فترة دخوله لين يطلع
هني السستم شغال يسجل عدد ساعات عمل الموظف
وفي نفس الوقت تضمن انتاجيته في وقت مريح له
وتحل مشكلة الزحمة اللي محصورة في توقيتين بسبب الدوامات

هالاقتراح اذا ما نفع لكل الدوائر الحكومية على الاقل شبة الحكومية والخاص


وشكرا

طرت على بالي مديرتنا ههههههههههه
تداوم 11 وتطلع بين ال1 او ال 2 وتعطي الموظفين الي يتاخرون 5 دقايق انذارات عجبي ! :nice:

[JN000N]

اختي الفاضلة اقتراحج جيد ولكن للأسف الأمر صعب يتطبق في الوضع الحالي المأساوي ،

المدير يحتاج موظفين ما يلقاهم (أتكلم عن البعض) ، الموظف حاط عينه على مكتب المدير ويقول والله المدير يتأخر ولا المدير يفعل او المدير يسوي ، يا أخي المدير لديه من يحاسبه عند التقصير لكن لازم انت تحاسب نفسك على تقصيرك قبل ما مديرك يحاسبك ، وهذا الكلام هو اللي السبب في أن سمعة الموظف القطري صارت (القطري ما يداوم) وصارت الادارات العليا اللي فوق تقيد الموظف بساعات العمل عشان صارت الفكرة السائدة ان (القطري ما يداوم) فيبون شكليا قدام العالم شوفوا القطريين ملتزمين بساعات عملهم

مع انه يجب التعاون بين المدير والموظف بخصوص ساعات العمل يعني أكيد أن الموظف لازم يكون موجود عندما يحتاجه المدير وأيضا لازم المدير يكون غير متشدد بخصوص التأخير وغيره ما دام الموظف من الناس الكفؤ اللي تنجز بشكل كبير



هل تعلمين اختي الكريمة أن هناك شركات في الخارج تسمح لبعض الموظفين انه يشتغل من المنزل اذا كان ما يقدر يروح للدوام؟ يعني بكل بساطة يتصل على المدير الصباح ويقوله تراني بشتغل من المنزل اليوم والمهم انه ينجز ما عليه من عمل بدون ما يكون مداوم فعليا في المكتب واذا ما انجز يعتبر غايب ، طريقة العمل هذي تعجبني وجبرتها سنتين وكانت اروع سنتين عملتها في حياتي واتمنى هالتجربة تتكرر

لو هو مب قرار ثابت ما يحتمل التغيير
وانما هي فكره ممكن تطبيقها في الاماكن الي تسهل تطبيق هالفكره
اما امور المراجعين والموظفين الي دوامهم لازم يكون صبح ما ينطبق عليهم هالقرار
وبالنسبة لمن يمطبق عليهم
فهو قرار خياري بيد الموظف نفسه
ان بغى يداوم الصبح يداووم
واذا ما قدر وجا متاخر عالاقل يكون في تسهيل ف القانون يخليه يقدر يجي متاخر ويعوض وقت تاخيره
وممكن مثل ماقترحو بعض الاعضاء ان يكون الوقت محدد لمدة معينه يقدر الموظف يتاخر فيها بدل ما يداوم 7 عنده مجال لين 9 او 10
ومع الوقت بتجوف الموظفين اختارو توافيتهم الي تناسب خروجهم من البيت بدون ما تمسكهم زحمه الشوارع في اوقات الذروه
هو مش معناته ان هالاقتراح بيقضي عالزحمه
ولكن بيخف من ضغط الساعات
لان المعروف من 7 لين 8 ونص الشوارع ما تنبغى

[حمد 2002]

نظام دوامنا اذا حضرت 6 لين 7 وربع اطلع 1 وربع.. والي اذا حضرت 7 ونص اطلع وحده ونص واذا حضرت 7:18 اطلع 1:18 وهكذا لين 7 و 45 وتالي ينحسب تأخير .. والمدراء ورؤساء الأقسام عندهم إعفاء من التوقيع ..


حمد 2002

موظف حكومي جامعي سنير بوزاره حكوميه ..

[R 7 A L]

زحمة الصبح هي القاتلة والاهم هو إيجاد حلول لها اكثر من الاوقات الاخرى


انا اقترح ان يُلزم موظفين وعمال الشركات والعيادات والقطاع الخاص بأن يكون العمل يـبداء ي الساعة 5 او الساعة 9
وان يُخالف اي باص عمال او اي مُعدة او اي سيارة نص نقل تمشي في شوارع الدوحة من الساعة 5 ونص لين 8

[الصدق منجاة]

قال رسول الله صلى الله عليه وسلم ( اللهم بارك لامتي في بكورها)

[Qtr37]

لا بد من حل لمشكلة الزحمة
صعب نطبق هالقرار على الدوام
المفروض المسؤولين يراعون اللي بيوتهم بعيدة خاصه في هالظروف
لان بهالطريقة ، الموظف قاعد يتحمل مشكلة الزحمة وهو ماله ذنب فيها
الله يعين بس !!

[بانغ بانغ]

خلال الفترة الجاية بيتأزم الوضع لنا خاصة ان الوزارات بدأت بالهجرة للوسيل يعني بنقطع برور وصحاري ومناطق عشان نوصل من الوكرة او المناطق المجاورة ..... بالعربي لازم الواحد يطلع قبلها بساعتين

يحيكم هل الدفنة ....

[JN000N]

خلال الفترة الجاية بيتأزم الوضع لنا خاصة ان الوزارات بدأت بالهجرة للوسيل يعني بنقطع برور وصحاري ومناطق عشان نوصل من الوكرة او المناطق المجاورة ..... بالعربي لازم الواحد يطلع قبلها بساعتين

يحيكم هل الدفنة ....

خوش يعني الزحمه بتكمل مسيرتها لين لوسيل

[ناسداك]

اعتقد تغيير دوام الوزارات المدنية في البلد افضل يكون من 6:30 صباحا الى 8:30 صباحا اما الكل 7 او 7 ونص وين تلحق خاصة اللي يوصلون اهاليهم المدارس و الجامعات

[بوتين]

كفكرة ممتازة لكن عدم المبالغة في تأخير الحضور مثلا حتى الساعة 9 أو 10
لكن وضع ساعات مرنه تبدأ من اول الصبح

الموظف اذا سجل حضور الساعة 6,30 يجوز له الانصراف 1,30
والموظف اذا سجل حضور الساعة 7,30 يجوز له الانصراف الساعة 2,30
والموظف اذا سجل حضور الساعة 8,30 يجوز له الانصراف الساعة 3,30



على أن يبدأ الدوام الساعة 6,30 والوقت المرن حتى 8,30 فقط واذا سجل الحضور بعد الساعة 8,30 يحسب عليه تأخير ، مطلوب منه حضور يومي سبع ساعات لكنها محدده .


مرحبا OutLaw انا مع اقتراحك وبشدة واتكلم من واقع تجربة ,,,,

احنا في دوامنا مطبقين هالموضوع بس من 6 لين 8 بعد الثمان ينحسب تأخير ، والحضور في اي وقت بينهم وعلى شرط انك تكمل 8 ساعات عمل ، يعني لو وصلت الساعه 6:41 تطلع 2:41 ويسمونه الوقت المرن (flexible time ) والحمدالله ارتحنا بعد ماسوو هالشي ، وللعلم احنا مؤسسة شبه حكومية واذا بيطبقونه في الوزارات او المؤسسات الحكومية بيكون 7 ساعات عمل :ok:

[qatari911]

ينقلون الوزارات الي كلهم في جنب بعض
ويخلونها موزعه على مناطق لو كانت بعيده احسن صدقوني بتخف الزحمه لان الاماكن بتكون بعيده

[راجي الْعفو]

وعليكم السلام و رحمة الله و بركاته

مالمانع ان تفتح ادارة المرور الباب للمواطنين

لطرح افضل الخطط و المشاريع حتى نتجنب الازدحام و ( الوعكات ) المرورية ؟



صدقوني بيشوفون ابداع ..

[بانغ بانغ]

وعليكم السلام و رحمة الله و بركاته

مالمانع ان تفتح ادارة المرور الباب للمواطنين

لطرح افضل الخطط و المشاريع حتى نتجنب الازدحام و ( الوعكات ) المرورية ؟



صدقوني بيشوفون ابداع ..

يا شيخ راجي ... ما يبون هل قطر ... يبون توءبرني وبوعيون خضر

[naklan]

أنا اشوف ان توزيع الوقت ساعة بين الوزارات والادارات الاخرى بيفك الزحام
شوي يعني الجيش الساعة 5 والشرطة 6 والبلدية 7 وهكذا نحصر الوزارات وإعداد
الموضفين وننسق دوامهم على دفعات تيسير للناس ونقل اًلوزارات في مجمعات وزارات
خدمية متنوعة وكل واحد قريب من منطقته بيحل أمور كثيرة الي بيشوفهم على الحرص
على الدوام بيفتكر خدمتهم خمس نجوم معاملات كلها معطلة او مرفوضة هههههه
الحمد لله الذي رزقني من فضلة بلا دوام حكومي وبلا رادار وبلا زحام

[طبيب قطري]

ماتحسون ان الزحمه خفت!!

[MaRuKoO]

ماتحسون ان الزحمه خفت!!

اي والله صج! ليش!!

[راجي الْعفو]

يا شيخ راجي ... ما يبون هل قطر ... يبون توءبرني وبوعيون خضر

الله المستعان يا شيخ بانغ ..

[المحاميه]

نتمنى لكن صعبه

لان طبيعة البشر عدم الالتزام للاسف ولذلك وجد الجزاء عشان يلتزمون وياخذون المقابل ..

[JN000N]

ماتحسون ان الزحمه خفت!!

لا والله الا كل بداية اسبوع تكون زحمه قاتله ويوم الاربعا والخميس خفيفه

[طبيب قطري]

اي والله صج! ليش!!

مادري يااخت ماروكه الظاهر بسبب التفنيشات اللي صايره بمستشفى حمد هههه

[طبيب قطري]

لا والله الا كل بداية اسبوع تكون زحمه قاتله ويوم الاربعا والخميس خفيفه

لا بس حتى بدايه الاسبوع ملاحظ ان الزحمه خفت والشوارع مرتبه والحياه حلوه!