غريب الدّار
14-02-2016, 10:56 AM
صبحكم الله بالخير
يمكن الكلام اللي راح أقوله تم التطرق له عدة مرات
لكن اسمحوا لي اتناوله من محور آخر
هل فكرنا في وضعنا بعد النفط ؟
قصدي ان النفط لابد مايجي يوم ويخلص
واكثر من ذلك :
السؤال الهام :
هل تنهض أي دولة بغير سواعد أبناءها؟
اللي خلاني اطرح هالتساؤل هو التذمر الهائل من عدد الأجانب في البلد واللي هم في الاغلب عمالة مهنية
قصدي الاعمال الحرفية اليدوية
المحور الأول :
ليش مافي قطريين يقبلون يشتغلون في حرف يدوية ؟
استغرب والله لما يكون في قطري ماعنده شهادة مثلا او عنده ابتدائية ومايقبل يشتغل أي شغلة
طيب ياخي الدولة ماقصرت وياك وانت قصرت مع نفسك (بغض النظر عن الظروف الحين ) لكنك ماواصلت مثل غيرك
وانا اعترف :
انا أقول هالكلام وانا مشبّع تماما بثقافة مجتمعنا القطري اللي ماتقبل القطري يشتغل أي شغلة
قد يكون عندي نفس الشعور ولو حد سالني هل تشتغل مثل هالشغلات ولا لا ( والله مع احترامي لكل هالشغلات الشريفة والمهن) لكن راح أقول لا
يمكن لاني اشوف نفسي درست مثلا او غيره
لكن في النهاية هي ثقافة ترى
صدقوني لو كان القطري يشتغل في كل مكان والله ماراح نلقى هالعدد الهائل من الأجانب
يعني احنا مانقبل نشتغل وعقب نتذمر انهم جوا؟؟؟ طيب من جابهم ؟؟ مب احنا ؟؟
خلكم من سالفة في أجانب رواتبهم مادري كم ومادري وشو مااتكلم عنهم الحين
وادري ان في أوضاع خاطئة
لكن خلونا نقيسها على انفسنا :
كل بيت فينا كم خدامة فيه ؟ ماشاء الله عدد الخدامات عندنا رهيب في كل بيت !!
قبل البيت الواحد (بشكل عام) فيه خدامة وحدة وهندية في الغالب
لا وذاك من ذاك اللي يجيب فلبينية
(ذاك من ذاك) مصطلح مقصود فيه من النادر
المهم
الحين كل بيت اقل شي ثنتين !!!
وفي اللي ثلاث واربع !!
طبعا انا أتكلم عن العمالة المنزلية لانها عمالة في النهاية بس سببه عدم اعتمادنا على انفسنا ، والطفرة الحاصلة حاليا ، نبي نجيب ونصرف باي وسيلة
المقصد ان احنا صرنا نعتمد عليهم في أمور كثييييييييييييييييييييييييرة مانبي احنا نسويها وساعدنا على ذلك (وقد يكون دفعنا الى ذلك) الرخاء الاقتصادي من فضل الله سبحانه وتعالى
وقس على ذلك
المحور الثاني :
اذكر تصريح لمدير المرور قال فيه ان الزحمة من أسبابها الانتعاش الاقتصادي (او ماشابه )
ترى الكلام لو طبقته على قطر صحيح
والله صحيح
مع اني قارنته في البداية في مصر مثلا
مصر زحمة بس الاقتصاد فيها تعبان ، وادعو الله ان مصر تتجاوز ازمتها بسلام ويعمها الرخاء والامن
المهم
بس المقارنة خاطئة لان زحمة مصر سببها أهلها
احنا الزحمة عندنا سببها غيرنا بسبب توافر فرص عمل للجميع وللله الحمد
ولست بصدد مناقشة رأي سيادة العميد مدير المرور
لكن اللي ابي أقوله ترى الزحمة هاذي هي اللي ساهمت في الوضع اللي احنا فيهمن بعد فضل الله ثم القيادة الرشيدة
من كان بيقوم بكل اللي قاعدين نشوفه ؟ احنا ؟ قلنا : احنا مانشتغل أي شي
وفي نفس الوقت عددنا قليل
المحور الثالث : وهو الأهم :
هل فكرنا في مستقبل اجياللنا بعد النفط؟
قد يتعبر البعض هذا الكلام سابقاً لأوانه
لكن يالربع خلونا واقعيين :
احنا أسعار النفط نزلت صار عندنا وعند غيرنا إجراءات لمواجهة انخفاض الأسعار
هاذي وهي نزلت ولازلنا الحمدلله نصدّر
فما بالكم بنضوب النفط ؟
هل الخير اللي احنا فيه واللي الله انعم علينا به هو بسبب النفط فقط وبعد النفط راح يختفي كل شي مرة وحدة ؟ هل سوف نقبل احنا بهذا ؟
اللي ابي أقوله ياجماعة الخير أتمنى والله من كل قلبي ان المجتمع يتخلص من ثقافة (انا قطري مااشتغل أي شي ) وأتمنى هالشي على نفسي قبلكم (اني اتخلص من سالفة او ثقافة مانشتغ أي شي) او ع الأقل الأجيال الجاية
ندري ان قطر فيها خير
وندري انك مواطن ولك حق في خير بلادك مثل غيرك من المواطنين
لكن والله أتساءل شلون في دولة ممكن تبني حضارة بدون سواعد عيالها ؟
هل معنى كلامي ان القطريين مايقومون بالدور ؟ ابد
مستحيل يكون هذا قصدي
واحيي كل مواطن يشتغلويبذل قصارى جهده في المكان اللي هو فيه وهمه قطر ورفعة قطر
لكن بعد كل هالكلام :
من فيكم يؤيد ان القطري ممكن يشتغل في حرفة يدوية خصوصا لو ماعنده شهادة ؟ ومن غير مؤيد؟
والله ولي التوفيق
ملاحظة هامة : المكتوب أعلاه مجرد وجهة نظر تعبر عن صاحبها فقط
قد تكون خطأ وقد تكون صحيحة
فالكمال لله وحده
لذا فالنقاش مفتوح للجميع في حدود الموضوع
ورحم الله امرئ اهدى إلي عيوبي
والسلام عليكم ورحمة الله وبركاته
يمكن الكلام اللي راح أقوله تم التطرق له عدة مرات
لكن اسمحوا لي اتناوله من محور آخر
هل فكرنا في وضعنا بعد النفط ؟
قصدي ان النفط لابد مايجي يوم ويخلص
واكثر من ذلك :
السؤال الهام :
هل تنهض أي دولة بغير سواعد أبناءها؟
اللي خلاني اطرح هالتساؤل هو التذمر الهائل من عدد الأجانب في البلد واللي هم في الاغلب عمالة مهنية
قصدي الاعمال الحرفية اليدوية
المحور الأول :
ليش مافي قطريين يقبلون يشتغلون في حرف يدوية ؟
استغرب والله لما يكون في قطري ماعنده شهادة مثلا او عنده ابتدائية ومايقبل يشتغل أي شغلة
طيب ياخي الدولة ماقصرت وياك وانت قصرت مع نفسك (بغض النظر عن الظروف الحين ) لكنك ماواصلت مثل غيرك
وانا اعترف :
انا أقول هالكلام وانا مشبّع تماما بثقافة مجتمعنا القطري اللي ماتقبل القطري يشتغل أي شغلة
قد يكون عندي نفس الشعور ولو حد سالني هل تشتغل مثل هالشغلات ولا لا ( والله مع احترامي لكل هالشغلات الشريفة والمهن) لكن راح أقول لا
يمكن لاني اشوف نفسي درست مثلا او غيره
لكن في النهاية هي ثقافة ترى
صدقوني لو كان القطري يشتغل في كل مكان والله ماراح نلقى هالعدد الهائل من الأجانب
يعني احنا مانقبل نشتغل وعقب نتذمر انهم جوا؟؟؟ طيب من جابهم ؟؟ مب احنا ؟؟
خلكم من سالفة في أجانب رواتبهم مادري كم ومادري وشو مااتكلم عنهم الحين
وادري ان في أوضاع خاطئة
لكن خلونا نقيسها على انفسنا :
كل بيت فينا كم خدامة فيه ؟ ماشاء الله عدد الخدامات عندنا رهيب في كل بيت !!
قبل البيت الواحد (بشكل عام) فيه خدامة وحدة وهندية في الغالب
لا وذاك من ذاك اللي يجيب فلبينية
(ذاك من ذاك) مصطلح مقصود فيه من النادر
المهم
الحين كل بيت اقل شي ثنتين !!!
وفي اللي ثلاث واربع !!
طبعا انا أتكلم عن العمالة المنزلية لانها عمالة في النهاية بس سببه عدم اعتمادنا على انفسنا ، والطفرة الحاصلة حاليا ، نبي نجيب ونصرف باي وسيلة
المقصد ان احنا صرنا نعتمد عليهم في أمور كثييييييييييييييييييييييييرة مانبي احنا نسويها وساعدنا على ذلك (وقد يكون دفعنا الى ذلك) الرخاء الاقتصادي من فضل الله سبحانه وتعالى
وقس على ذلك
المحور الثاني :
اذكر تصريح لمدير المرور قال فيه ان الزحمة من أسبابها الانتعاش الاقتصادي (او ماشابه )
ترى الكلام لو طبقته على قطر صحيح
والله صحيح
مع اني قارنته في البداية في مصر مثلا
مصر زحمة بس الاقتصاد فيها تعبان ، وادعو الله ان مصر تتجاوز ازمتها بسلام ويعمها الرخاء والامن
المهم
بس المقارنة خاطئة لان زحمة مصر سببها أهلها
احنا الزحمة عندنا سببها غيرنا بسبب توافر فرص عمل للجميع وللله الحمد
ولست بصدد مناقشة رأي سيادة العميد مدير المرور
لكن اللي ابي أقوله ترى الزحمة هاذي هي اللي ساهمت في الوضع اللي احنا فيهمن بعد فضل الله ثم القيادة الرشيدة
من كان بيقوم بكل اللي قاعدين نشوفه ؟ احنا ؟ قلنا : احنا مانشتغل أي شي
وفي نفس الوقت عددنا قليل
المحور الثالث : وهو الأهم :
هل فكرنا في مستقبل اجياللنا بعد النفط؟
قد يتعبر البعض هذا الكلام سابقاً لأوانه
لكن يالربع خلونا واقعيين :
احنا أسعار النفط نزلت صار عندنا وعند غيرنا إجراءات لمواجهة انخفاض الأسعار
هاذي وهي نزلت ولازلنا الحمدلله نصدّر
فما بالكم بنضوب النفط ؟
هل الخير اللي احنا فيه واللي الله انعم علينا به هو بسبب النفط فقط وبعد النفط راح يختفي كل شي مرة وحدة ؟ هل سوف نقبل احنا بهذا ؟
اللي ابي أقوله ياجماعة الخير أتمنى والله من كل قلبي ان المجتمع يتخلص من ثقافة (انا قطري مااشتغل أي شي ) وأتمنى هالشي على نفسي قبلكم (اني اتخلص من سالفة او ثقافة مانشتغ أي شي) او ع الأقل الأجيال الجاية
ندري ان قطر فيها خير
وندري انك مواطن ولك حق في خير بلادك مثل غيرك من المواطنين
لكن والله أتساءل شلون في دولة ممكن تبني حضارة بدون سواعد عيالها ؟
هل معنى كلامي ان القطريين مايقومون بالدور ؟ ابد
مستحيل يكون هذا قصدي
واحيي كل مواطن يشتغلويبذل قصارى جهده في المكان اللي هو فيه وهمه قطر ورفعة قطر
لكن بعد كل هالكلام :
من فيكم يؤيد ان القطري ممكن يشتغل في حرفة يدوية خصوصا لو ماعنده شهادة ؟ ومن غير مؤيد؟
والله ولي التوفيق
ملاحظة هامة : المكتوب أعلاه مجرد وجهة نظر تعبر عن صاحبها فقط
قد تكون خطأ وقد تكون صحيحة
فالكمال لله وحده
لذا فالنقاش مفتوح للجميع في حدود الموضوع
ورحم الله امرئ اهدى إلي عيوبي
والسلام عليكم ورحمة الله وبركاته