رسالة للمرور .. ازدحام كتارا الجمعة المقبلة

[اللوز]

بيكون يوم الجمعة 19/2/2016 افتتاح مهرجان حلال قطر + مهرجان ماجيكال فيستيفال فيللج
فنريد من إدارة المرور تخصيص دوريات لتسيير حركة المرور
من الحين نقول لكم مب توصلون السيارات الى داخل جزيرة اللؤلؤة نفس المهرجات السابقة !!

زحمة .. زحمة .. زحمة

يعين اللي بيروح كتارا يبي له ساعتين للروحة وساعتين للجيه
والدليل زحمة اليوم الرياضي
أو تخصيص باصات لنقل الزوار نفس ما صار في مهرجان الاكل في حديقة المتحف الاسلامي

[غريب الدّار]

انا اعتقد اخوي اللوز ان المرور كانوا متواجدين قبل وراح يظلون متواجدين

اعتقد اذا ماني غلطان ان المشكلة مب في تواجد الدوريات ياخوي اللوز

المشكلة في اعمال الطرق والتحويلات اللي هناك
هذا أولا


ثم ثاني الأعداد الكبيرة اللي تتوافد هناك لحضور الفعاليات هاذي

وثالث شي موقع كتارا صوب منطقة فيها فنادق وفعاليات كثيرة وأماكن جذب للناس


انا اعتقد ان هاذي عوامل أساسية وفعّالة

اما الدوريات في الغالب نشوفهم بس بصراحة (والحق ينقال) ساعات هم نفسهم مايقدرون يسوون شي !!!


يعني في النهاية الدورية شبتسوي ؟

تنظيم السير
وتحويل الناس لأماكن او طرق ثانية علشان تخفيف الزحمة

مافي أماكن ثانية او طرق ثانية يحولون عليها !!

[شيخ الديرة]

أتفق مع غريب الدار

من الجهة المنظمة للفعالية ؟
ما هي خطتهم للتعامل مع العدد الهائل من السيارات القادمة للفعالية ؟
ماهي جهودهم في توعية الزبائن القادمة وتسهيلات المواقف والنقل ؟

أتمنى ان يقوم المرور بطلب تقديم لاستصدار موافقة منهم قبل أي فعالية, والتأكد من ان المنظم للفعالية وضع خطة واضحة للتعامل مع الأمر , بدون اي كلفة او جهد من المرور

[R 7 A L]

لو حاطين المهرجان في مكان درب الساعي كان افضل

[ya3coub]

شنو مهرجان حلال ؟!!!!


و الفيستفال ستي اتمنى يكون في مكان بأنه يصير الإنزل و من بعده الناس توقف بمبنى المواقف الي خلف ارض المعارض سابقا و الدريولية ينزلون الي معاهم و يصفون بمواقف ارض المعارض و من بعدها يرجعون إنزل و اركاب فقط


و عن الزحمة للأسف صارت شبه يوميا حتى الي عنده شغل قريب من ذيج المنطقه يحاول يغير مكانه علشان ما يتم ناقع بهالزحمة

[بصمة قطرية]

الويكيند تحديداً أعراس في الريتز
و المعاناة تتكرر كل مرة
نتأخر بسبب زحمة كتارا و أعمال الطرق ..
أعتقد ما في حل لهالزحمة
و راح تزيد أكثر الحين ..

[بانغ بانغ]

يحبكم للشكاوي

اشزينها الزحمة .... لو الشوارع فاضية كان بتقولون وين الناس ؟

اخوكم بانغ ( عنده مناعة من الزحمة بسبب خط الوكرة )

[بوخالد911]

لو حاطين المهرجان في مكان درب الساعي كان افضل

أتفق معك تماماً.

[اللوز]

اتمنى يكون في مكان بأنه يصير الإنزل و من بعده الناس توقف بمبنى المواقف الي خلف ارض المعارض سابقا و الدريولية ينزلون الي معاهم و يصفون بمواقف ارض المعارض و من بعدها يرجعون إنزل و اركاب فقط




اويد هذا الاقتراح 100 %
بكن المشكلة في هذه الفترة
يوجد معرض الدوحة للمجوهرات والساعات

[ولد العرب]

يحبكم للشكاوي

اشزينها الزحمة .... لو الشوارع فاضية كان بتقولون وين الناس ؟

اخوكم بانغ ( عنده مناعة من الزحمة بسبب خط الوكرة )

سجلني معك اموت بالزحمه وانزل من السياره واشيك عليها وافحص الزيت بيكون عندي وقت :shy:

[بانغ بانغ]

سجلني معك اموت بالزحمه وانزل من السياره واشيك عليها وافحص الزيت بيكون عندي وقت :shy:

قدام يا ولد العرب ... هههههههههه

[حليتان*]

اصلا المرور يسون زحمه

[وحيد-الشوق]

ما اصدق في حد يحب الزحمه أكيد تمزحون

:)

[عـ العبيدلي]

وفي محاضره حق الدكتور عايض القرني فكتارا بعد

[Boost]

يحبكم للشكاوي

اشزينها الزحمة .... لو الشوارع فاضية كان بتقولون وين الناس ؟

اخوكم بانغ ( عنده مناعة من الزحمة بسبب خط الوكرة )

شكلك لو تروح جاكرتا ترفض تطلع منها خلاص :whistling:

[عوآآآآشـي]

حلال قطر لو يكون بمكان درب الساعي أفضل

[بانغ بانغ]

شكلك لو تروح جاكرتا ترفض تطلع منها خلاص :whistling:

والله بووووووست من القهر

توي راجع الوكرة والا بيب منبط عند بروة والا العالم زحمة وبهدلة

ما تجيك مناعة ؟؟؟؟؟

الا دكتوراة مع مرتبة الفخر