@@ بيب ماي يعطل بلد @@

[ضوى]

اللي ببطريق بن عمران ودوار التلفزيون والمرخية بيعرفون شاقصد ، بيب ماي مكسور وغرق الشارع وتعطلوا الناس وزحمة لا تطاق ياترا اشغال بترفع كتب لمدراء الموظفين اللي علقوا بالزحمة ووقفتهم الدرويات بالنص لاهم قادرين يكملون ولا هم قادرين يردون ؟ بيب ماي يعطل بلد اللي غرق دوار واحد واللي تعطلوا اربع دورات طيب اشلون ؟

وننتظر استضافة كاس العالم بفارغ الصبر

[حمد 2002]

هالاحداث تحصل في كل بقاع العالم ونادر حدوثها مثل هذا الحادث الي ذكرتيه اختي الفاضلة ضوى، ولماذا دائما نربط كل فشل بكأس العالم ؟ !! ، أما بالنسبه لإشغال فهي ليست مسؤله عن تقديم أعذار وخطابات للمدراء عن أسباب تأخير الموظفين، بل يجب على الادارين المحترفين اذا رأوا موظف ملتزم طوال فتره عمله ومره أو مرتين تأخر وسجل في الكمبيوتر أو الإيميل أسباب التآخير أن يراعيهم ومايضغط عليهم. .


حمد 2002

[monatee]

طالعه من بيتنا قريب الدوار الساعه 5:45 زحمه مب طبيعيه

ودوريات المرور واللخويا ماسكه عمال البلدية على جنب وتعطيهم درس في الاخلاق

[حمد بن سعد]

وان اقول ليش زحمه في نفق سوق العلي لاكن الحمدالله تمكنت من الهرب والوصل الى الدوام بنجاح :telephone:

[بانغ بانغ]

زين اينظف الشوارع

[JN000N]

الا شكاسره هالبيب
ورا مانكسر ف الويكند الفجر

[حليتان*]

الله عشتو شعور المطر

[فيصل99]

صار تسريب في أحد الأنابيب مشكله بسطية عاديه إستثنائية تحصل شدخلها فالدوله ولا كاس العالم .
وهل اي دولة تستضيف كاس العالم لازم تكون البلدة الأسطوريه .
ماخبر ببيات تصلح نفسها لحالها .
أنا اول تسريب أشوفه في حياتي خلاص أذم شغل الدوله كله
الله يعطيهم العافيه البلدية كانوا شغالين ورجال المرور ماقصروا يحاولون يفكون الإختناقات

[ضوى]

المشكلة مب في البايب اللي انكسر المشكلة ليش مافي خطط بديلة ؟؟ في المانيا سكروا علينا جبل كامل خلال خمس دقايق طريق بديل ولا في الاحلام ماحجزونا ثلاث ساعات بنفس المكان
هاي اللي نتكلم عنه خطط بديلة للطوارئ ، والطواري كثرت في بلادنا ، المطر الزيادة الخيالية في عدد السيارات والاوادم هاي برايك اخ فيصل ماتحتاج انه يكون في خطة طواري تغطي هالامور ؟

[ضوى]

كاس العالم بكرة لانتشروا السكارى نصايف الليالي بالشوارع شنهو خطة الطواري لمواجهة هالشي ؟ اذا كثروا سيئين الذكر من قوم لوط اشلون بتواجههم الدولة ؟

[ولد العرب]

توني ادري ياضوى الله معين
بس هالدوار عليه ازاله من البريد لين دوار بني هاجر جسور وانفاق وتقاطعات والحمد الله

[Rider]

والله اليوم فعلا طحنا في الزحمه فعلا بيب ماي ينكسر تنشل الحركة المرورية في اكثر من اتجه
وانا مع اختي ضوى في كل كلمة قالتها وخاص عن كاس العالم الله يكثر من أمثلج

[ريم الشمال]

نحتاج عقول قيادية تسهم وتساعد في سرعة التحرك ومعالجة مشكلة ما
تحدث في وقت ما في دائرة ما

[ضوى]

شاكرة لك تأييدك اخوي رادار

ريم الشمال شكرا بالفعل نحتاج لعقول تستوعب مايحصل

[الحياة الخالدة]

يقولون اليوم بيب ثاني منبط عند بروة
شسالفة البيبات اللي ما عاد تتحمل .. لا تكون بفعل فاعل :secret:

[qr95]

فعلآ زحمه مش طبيعيه من الدوار المايل لغايه دوار التلفزيون شي مش طبيعي هذا من غير اللي مخلي مسافه بينه وبين اللي
قدامه ومشغول بالجوال والشي اللي الأهم من هذا واضح من البيب انه منبط قبل الفجر وواصل من دوار التلفزيون لغايه قريب
الإذاعه وين البلديه وخدمه الطوارئ وطواري أشغال من البيب في هذاك الوقت وخلوه لغايه الساعه الساعه 6:00 الصباح اشتغلوا
فيه سحب ،، طيب خلو السيارات تمشي لغايه الساعه 9:00 الصباح وتكون الزحمه خفت شوي واشتغلوا ولكن الطرق في طور التطوير
ويبي لنا شويت صبر وكلها سنتين بالكثير وكل شي بيكون جاهز ان شاء الله وقواج الله اختي ضوى على الموضوع

[ya3coub]

اشوه اني كنت عالدراجة استغربت العدد الغير طبيعي لسيارات المطافي

[الحياة الخالدة]

الظاهر السيارة و الدراجة ما عاد ينفعون
مافي الا نشتري لنا طراد

[JN000N]

من ثلاث ونص طالعه ماوصلت الا توني الحين :(

[.قطر.]

مافي صور ولا فيديو ؟ :telephone:

[بوخالد911]

شيء مؤسف والله

[معماري قطري]

المشكلة مب في البايب اللي انكسر المشكلة ليش مافي خطط بديلة ؟؟ في المانيا سكروا علينا جبل كامل خلال خمس دقايق طريق بديل ولا في الاحلام ماحجزونا ثلاث ساعات بنفس المكان
هاي اللي نتكلم عنه خطط بديلة للطوارئ ، والطواري كثرت في بلادنا ، المطر الزيادة الخيالية في عدد السيارات والاوادم هاي برايك اخ فيصل ماتحتاج انه يكون في خطة طواري تغطي هالامور ؟

أي شيء يصير لوموا البيب ليش انكسر لا تلومون أشغال اللي مب قد الحدث وسووا أنفاق خدمات ممددين فيها بايبات حديثة ومحمية وليست مدفونة .. تتم مراقبتها الكترونياً وتكون بضغط مناسب لتوصيل المياه للكل وبدرجة حرارة مناسبة ما توصلنا المياه تطبخ .. لكل مشروع هندسي تطوير وتحسينات أكثر والمفروض هذي التطويرات تتم للمناطق الحديثة .. مب كله احفر ومدد وادفن

Wake Up Ashqaal

[معماري قطري]

بعدين هذا ثالث بايب رئيسي خلال فترة سنتين سمعت عنه أو شفته .. مسؤولية البايبات اتوقع عند كهرباء وماء لكن اتوقع أشغال متضامنة معها في الحفر والدفان والطريقة البائدة وأيٍ كانت الجهة المسؤولة اللوم يقع عليها

[الحياة الخالدة]

http://e.top4top.net/p_48lxbj0.jpeg (http://up.top4top.net/)

[ضوى]

والله الكاريكاتير معبر جدا وهذا ماحدث بالفعل شلل مروري لا يوصف

[وحيد-الشوق]

http://e.top4top.net/p_48lxbj0.jpeg (http://up.top4top.net/)

ههههههههههههههه فنان محمد عبداللطيف

[جبر ال جبر]

المفروض الدوله تفرض غرامه على كهرماء اول شي تحضر الشركه الي سوت هالبيب وانكسر وبعدين تخصم من راتب مشرف المشروع القطري الي عندهم عشان ثاني مره يقدي قلبه حي لمثل هالمشاريع وثالث شي كهرما عندهم غرامه تفرضها على المواطن اذا اهدر الماي وتسرب برا البيت يليت يعاملونهم بالمثل

[مرتبش]

المفروض الدوله تفرض غرامه على كهرماء اول شي تحضر الشركه الي سوت هالبيب وانكسر وبعدين تخصم من راتب مشرف المشروع القطري الي عندهم عشان ثاني مره يقدي قلبه حي لمثل هالمشاريع وثالث شي كهرما عندهم غرامه تفرضها على المواطن اذا اهدر الماي وتسرب برا البيت يليت يعاملونهم بالمثل

100%
لو يحاسبون كهرماء ويغرمونها اتوقع نص مشاكل الشوارع بتنتهي لانها مسؤولة عن نصف الحفريات اللي نشوفها

[بن مفتاح]

واحنا امس على طريق الوكرة بيب منفجر وما ندري شالسالفة .. ومن المطار القديم لين اشارات بروة ، مسافة يمكن تجي 6 او 7 كم .. 45 دقيقة .. وللاسف ما فيه طرق بديلة .. واول امس نفس التأخير بسبب حادث عند اشارة بروة ..

صرنا ما نوصل البيت الا واعصابنا واصلة الخط الأحمر .. الكل يخالف .. وما ينلام .. الكل يبي يوصل .. واللي عنده ارتباطات مع عياله والمدارس .. والزحمة من 12 او ا ظهراً لين 4 العصر او اكثر .. ويمكن حتى البداية كانت قبل .. !!!

هذي امور بسيطة وتسبب هالاختناقات المرورية .. عيل شنقول لين صارت مشكلة اكبر .. الا يوجد فريق لحل الازمات .. نتمنى ان يكون هناك مثل هذا الفريق .. وان تُدرس مثل هذه الامور لعدم تكرارها .. نعم هي حدثت ومرت وهذا يحدث في كل مكان وهالشي طبيعي ..

لكن لماذا تتكرر ..؟؟؟!!!

[JN000N]

http://e.top4top.net/p_48lxbj0.jpeg (http://up.top4top.net/)


اما ال (بق) تحفه
خلت الناس اتبقبق ف الزحمه تبقبق من الزين
والطريج من صوب الوجير موت زحمه
يازين خط الشمال بس مافيه تبقبق بس حفريات :funny:

[ya3coub]

كاس العالم بكرة لانتشروا السكارى نصايف الليالي بالشوارع شنهو خطة الطواري لمواجهة هالشي ؟ اذا كثروا سيئين الذكر من قوم لوط اشلون بتواجههم الدولة ؟

في محكمة مخففه و سريعه الإجرائات لهم.

و الخبر قريته بقطر لفنج

http://www.qatarliving.com/forum/news/posts/qatar-may-form-special-courts-deal-drunk-world-cup-fans

[naklan]

المفروض كل بايب ماي ينفجر
يسوون بحيرة في المنطقة للذكرى
5 سنين تصير قطر فينا والوكرة
بتصير سالز بورق