شارع سلوى والتجاوزات

[جوال 11]

شارع سلوى من الشوارع التجارية لكن ما افسد هذا الشارع هو وجود معارض السيارات التي استحوذت على جميع المواقف وارى ايضا الطاولات والكراسي وشرب الشاي والشيشة في المواقف كانهم على ضفة نهر وايضا بعض المحلات تحجز مواقف لموظفيها وبعص المحلات عدلت على الارصفة بحيث تستطيع السيارات الطلوع على الارصفة وشارع الخدمات اصبح موقف للسيارات لماذا لا تتحرك الجهات المسؤلة البلدية والمرور لمنع مثل هذه التصرفات ونقل معارض السيارات خارج المناطق السكنية والشوارع وعمل مناطق خارجية لهم لان الصورة ليست حضارية بهذا الشكل والتجاوزات مستمرة

[بانغ بانغ]

شارع سلوى من الشوارع التجارية لكن ما افسد هذا الشارع هو وجود معارض السيارات التي استحوذت على جميع المواقف وارى ايضا الطاولات والكراسي وشرب الشاي والشيشة في المواقف كانهم على ضفة نهر وايضا بعض المحلات تحجز مواقف لموظفيها وبعص المخلات عدلت على الارصفة بحيث تستطيع السيارات الطلوع على الارصفة وشارع الخدمات اصبح موقف للسيارات لماذا لا تتحرك الجهات المسؤلة البلدية والمرور لمنع مثل هذه التصرفات ونقل معارض السيارات خارج المناطق السكنية والشوارع وعمل مناطق خارجية لهم لان الصورة ليست حضارية بهذا الشكل والتجاوزات مستمرة

صحيح ..

هذول لو تعمل لهم ساحات برع الدوحة مثل منطقة العوير في دبي خاصة بالسيارات كنا افتكينا ومحد بيروح لهم اللي قاصدهم

منها اتخف الزحمة ومنها انسوي مرور صغير لهم عشان اجراءاتهم

[R 7 A L]

فيه مشروع صوب ام الزبار مادري خلص ولا لا

[بعيد النظر]

صحيح ..

هذول لو تعمل لهم ساحات برع الدوحة مثل منطقة العوير في دبي خاصة بالسيارات كنا افتكينا ومحد بيروح لهم اللي قاصدهم

منها اتخف الزحمة ومنها انسوي مرور صغير لهم عشان اجراءاتهم


والله ياليت .. اخبر رحت الامارات من سنيين وما اذكر أي منطقة ..
كان مثل الفريج ومسور وكلللللللللللللللله معارض بعيد عن الزحمة والمحلات !

[A-Alansari]

شارع سلوى يهون

تعال شوف المعارض الي في العزيزيه السيارات فوق الارصفة وفي المواقف

باقي شوي ويحطون السيارات فوق المحلات بعد

[GENIUS]

في مشروع ضخم لمعارض السيارات وكل مايختص ببيع السيارات في مكان ما من وسط البلاد أعتقد جهة روضة راشد أو قريب الكرعانة ما أدري وين وصلوا فيه

[R 7 A L]

في مشروع ضخم لمعارض السيارات وكل مايختص ببيع السيارات في مكان ما من وسط البلاد أعتقد جهة روضة راشد أو قريب الكرعانة ما أدري وين وصلوا فيه

صحيح هذا في منطقة ( قرية ام الزبار) على خط روضة راشد

[ya3coub]

سمعت انه في مشروع و ان شاء الله صحيح

و ان شاء الله ما يكون بعيد ايضا بحيث انه الي يبي يروح يقدر بكل سهولة

[جوال 11]

مشاريعنا مثل بيض الصعو تسمع به ولا تشوفه عسى يخلص المشروع ونفتك .
اليوم في الجريدة خبر بتاجيل العمليات في المستشفيات ان شاء الله ما يتضرر المواطن لان هذا وطنه

[الحياة الخالدة]

أما عاد الجو الرومانسي اللي عايشينه : شاي و قهوة و شيشة على الكراسي و الطاولات
أجواء و قعدات تركيا على غفلة
باجر تجيهم الشمس تصهرهم

[معماري قطري]

أما عاد الجو الرومانسي اللي عايشينه : شاي و قهوة و شيشة على الكراسي و الطاولات
أجواء و قعدات تركيا على غفلة
باجر تجيهم الشمس تصهرهم

مريت كم مرة غالبيتهم ناس في حالهم وصراحة ما شفت الشيشة ولو حطها البعض بيكون تمادى .. البعض يجلس برا حتى يباري حلاله وتجارته ويدعون الناس للشاي والقهوة .. بعد مدينة المواتر اتوقع بيتغير الحال وبنشوف بروة بتبيعها على من بعد وكم بتخسر فيها

شفت المخطط الأولي مسوين دوارين رئيسيين كبار ( شعارهم ) على الطريق اللي بيكون من مسيعيد مكمل لخط مسيعيد لين الخور اعتقد

[جوال 11]

المشكلة حاجزين المواقف ما تحصل لك موقف وكله بلاش يركبون عدادات للمواقف المفروض الدوحة كلها تركب فيها عدادات للمواقف

[naklan]

مدينة السيارات بتحل المشكلة
الله يعينكم ويصبركم