استفسار بخصوص بطاقة pay and go

[solyamalenki]

السلام عليكم ورحمة الله وبركاته




سؤال اخوانا هل بطاقة باي اند جو التابعة لبنك مصرف الريان اقدر أخذها من عندهم وانا حسابي مو معاهم ؟ وهل اقدر استخدم البطاقة واشبكها في موقع باي بال وأرسل مبالغ لحسابات أخرى؟

[S.T.Y.L.E]

عليكم السلام

انا بجاوب على السوال الاول
اي تقدر تاخذها حتى لو ماعندك حساب عندهم
وتقدر تشتري فيها من المواقع مثل امازون واي بي

لكن الباي بال وارسال مبالغ ، ماعندي فكره

[بـن عدوان]

الجواب على السؤال الثاني: نعم تقدر طالما البطاقة شغالة وفيها فلوس

[بصمة قطرية]

شلون يعني أرسال مبالغ لحسابات أخرى ..!!
تشتري منها و تستخدمها في المواقع
و المحلات و الكاش بس تسحب من أجهزة
مصرف الريان ..
بس سؤالك الأخير ما فهمت قصدك بالضبط ..!!
عندي البطاقة و مريحتني ..

[S.T.Y.L.E]

شلون يعني أرسال مبالغ لحسابات أخرى ..!!
تشتري منها و تستخدمها في المواقع
و المحلات و الكاش بس تسحب من أجهزة
مصرف الريان ..
بس سؤالك الأخير ما فهمت قصدك بالضبط ..!!
عندي البطاقة و مريحتني ..

اتوقع القصد ان
في بعض الباعه في موقع مثل ebay و alibaba
يطلبون من الشاري ان يرسل المبلغ عن طريق الباي بال
في طريقتين ، الطريقه الاولى اذا كان عند البايع حساب باي بال بزنس (كنج شاريه من محل) ، والطريقة الثانيه وهي التحويل لحسابه في الباي بال (مثل ويستون يونيون) شي جي يعني

[بصمة قطرية]

اتوقع القصد ان
في بعض الباعه في موقع مثل ebay و alibaba
يطلبون من الشاري ان يرسل المبلغ عن طريق الباي بال
في طريقتين ، الطريقه الاولى اذا كان عند البايع حساب باي بال بزنس (كنج شاريه من محل) ، والطريقة الثانيه وهي التحويل لحسابه في الباي بال (مثل ويستون يونيون) شي جي يعني

أهااااا
معلومة جديدة ..
تشكر أخوي ،،

[للصبر اخر]

ايه اخوي عادي تفتحها ومالك حساب معاهم
وتشبكها ع الباي باي
وترسل المبالغ عن طريق الاي ميل مافيه مشكله
بس اربط ايميلك الباي بال بالبطاقه

[monatee]

الباي بال طريقتة انك تربط بطاقتك الائتمانيه فيه

ويعتمد على البنك مصدر البطاقه .. اذا يوفر هالخدمه على بطاقته او لا

عندي بطاقه ماستر من qnb ورابطتها بالباي بال واستخدمها و كلشي تمام

[F.A1]

نفس ماتفضلو الاخوان وجاوبو على سؤالج الاول

السؤال الثاني اي نعم تقدرين تربطينه مع الباي بال وتشترين من اي موقع موثوق

بس للمعلوميه ماتقدرين تسحبين كاش الا من صرافة ((مصرف الريان)) فقط
والحد الاقصى للبطاقه هي 10 الالف ريال فقط ماتقدرين تعبينها اكثر من كذا :shy:

[رُفق المجنّا]

من أسوأ تجاربي مع البنوك اني خذيت هالبطاقة

لازم تتواصل معاهم وتقول لهم ترى راح اشتري من الموقع الفلاني اللي يتبع للسيرفر الفلاني !!

[بوNasser]

السلام عليكم ورحمة الله

ما تقدر تشتري بها من كثير من مواقع الانترنت (( باستثناء امازون وبعض المحلات ))

والسبب ان هذي البطاقة وأمثالها من البطاقات مسبقة الدفع (مثل بطاقة المجموعة ماستر كارد، وفيزا الفردان، وغيرها) ما تحمل اسم صاحبها

وكثير من مواقع النت تطلب مطابقة الأسم خصوصا في المرحلة النهائية لإتمام عملية الشراء، ثم يتم رفض العملية.

[aloosh]

تقدر عند فتح الحساب اول مرح تحط فيها 1000 ريال بعدها اقل مبلغ تحطه 500 ريال
وتعتبر بطاقه فيزاء الكترون وليست فيزاء كامله الصلاحيات فيه اماكن تقبلها واماكن لا تقبلها تعتبرها فيزاء الكترون

[لبيبة]

وعليكم السلام ورحمة الله وبركاته،

إرسال المبالغ واستقبالها في باي بال ما فعلوه للبطاقات الصادرة في قطر للأن على حد علمي.

أما الشراء من جميع البائعين ممكن وعادي ويشتغل، بس المهم تفعيل البطاقة وربطها مع باي بال.

هناك فرق بين الشراء وإرسال/استقبال المبالغ،

الشراء يوديك على صفحة باي بال للبائع فيها المبلغ مكتوب وكمل فيها اجراءات الدفع،

أما ارسال/استقبال المبالغ يكون فيه تحديد المبلغ من طرف الشخص المرسل، وهذه الميزة لم تتوفر بعد لجميع الدول مثل قطر.

[HSN_QTR]

اخوي يصير تطلب منهم

وبيطبعون اسمك ع الفيزا

نفس الي عندي