الؤلؤه قطر ودوران الشباب بها في نص الليل بسياراتهم

[حمد 2002]

السلام عليكم ورحمه الله وبركاته

الؤلؤه قطر ودوران الشباب بها في نص الليل بسياراتهم

ذهبت خلال الايام القليله الماضيه الى الؤلؤه قطر وتحديدا باتجاه المطاعم بالقرب من سينما نوفو ، لأحتسي قليلا من من الشوربه واتلذذ بأكل الباستا الشهيه ، فاذا بي الاحظ الشباب يدورون بسيارتهم بالقرب من تلك المطاعم مره ومرتان واربع وخمس الى آخره ... ، على الرغم بان المواقف كانت فاضيه بذلك التوقيت وكانوا يستطيعون الصف باي مواقف فاضي ... ، فما هو مغزى دوران الشباب بتلك الطريقه هناك ؟ هل هو استعراض للسيارات ؟ او ماذا بالظبط ؟ وماهي الاسباب التي ادت الي قيامهم بتلك التصرفات ؟


شكرا ..

[qatari911]

تكلمت عنه في موضوع سابق وعن التصرفات الرفوض من الشباب ومن البنات


http://www.qatarshares.com/vb/showthread.php?615003-%E1%C4%E1%C4%C9-%DE%D8%D1-%E6%D4%C8%C7%C8%E4%C7-%C7%E1%EC-%C7%ED%E4

[بانغ بانغ]

يمكن الشباب يبون يثبتون نظرية الجاذبية العكسية والدوران حول محور الارض امام المخلوقات اللطيفة

يعطيهم العافية

[شبح الصمت]

أنه الفراغ والملل القاتل يا صديقي ..

ومره ثانية اذا بتروح تحتسي الشوربه لوحدك اتصل بي حتى احضر

[غايه الطواش]

بصراحه اي صاير باللولوه مافي اي احترام للخصوصيه وان المنطقه سكنيه
ازعاج مب طبيعي هذا غير ان مدخلها ومخرجها واحد
و

[لـبـيـه]

الموضه الحين دوارة البنات اخر الليل هناك

خاطري اعرف ماعندهم اخوان يسالون عنهم او مايخافون اخوانهم يشوفونهم او عيال عمهم او اي حد يعرفهم ايش الجراءه ذي

[شبح الصمت]

الموضه الحين دوارة البنات اخر الليل هناك

خاطري اعرف ماعندهم اخوان يسالون عنهم او مايخافون اخوانهم يشوفونهم او عيال عمهم او اي حد يعرفهم ايش الجراءه ذي



لا من صجك يا لبيه

ذولي يرفهون عن نفسهم ..

عادي تطلع من السينما الساعة 1 تحصلهم قدامك مساكين طالعين وما كان في حجز الا آخر الليل ..


وللعلم اهم سبب هالزحمة ودوارت الشباب ..
واتكلم عن بعض البنات الغير محترمات
اما المحترمه تنعرف وفي طريقها ومحد كفو يقرب صوبها

[لـبـيـه]

لا من صجك يا لبيه

ذولي يرفهون عن نفسهم ..

عادي تطلع من السينما الساعة 1 تحصلهم قدامك مساكين طالعين وما كان في حجز الا آخر الليل ..


وللعلم اهم سبب هالزحمة ودوارت الشباب ..
واتكلم عن بعض البنات الغير محترمات
اما المحترمه تنعرف وفي طريقها ومحد كفو يقرب صوبها

تحصلهم شله في موتر واغاني عاليه ويترقصون واغلبهم من جنسيات معينه ولابسين عبي

[شبح الصمت]

تحصلهم شله في موتر واغاني عاليه ويترقصون واغلبهم من جنسيات معينه ولابسين عبي



شيء يضايق صراحة

بس اهم يبون جذيه ..

[BoFahed]

يمكن الشباب يبون يثبتون نظرية الجاذبية العكسية والدوران حول محور الارض امام المخلوقات اللطيفة

يعطيهم العافية

هههههههههههههههههههههه الله يرج شيطانك هههههههههههههههه

[راجي الْعفو]

وعليكم السلام و رحمة الله و بركاته

اللي غرضه سيء يتناوله هالبيت و انتو بكرامة


إن الرجال الناظرين إلى النسا
مثل الكلاب تطوف باللحمان
--------

الحمدلله ان فيه استنكار ..

وعسى التطبيق يأتي في القريب ..

[حمد بن سعد]

الموضه الحين دوارة البنات اخر الليل هناك

خاطري اعرف ماعندهم اخوان يسالون عنهم او مايخافون اخوانهم يشوفونهم او عيال عمهم او اي حد يعرفهم ايش الجراءه ذي



بلاوي والله ياخوي والخافي اعضم

الله يستر علينا وعلى المسلمين يارب العالمين

[راجي الْعفو]

أما المرأة :


فإذا خرجت من حياءها

تعرّت !


الله يصلحنا جميعا ..

[الدكتور عزوز]

جيل الطيبين كانوا يلفلفون حول اللاندمارك والظاهر ان الأجيال الجديدة تبي تتوارث العادات والتقاليد ويبون ينشرونها عند المجتمعات الاجنبية

واذا اهله كلموه يبونه في شي قالهم مشغول (طبعا مشغول يطالع بنات الناس)

فعلا فراغة

[bohilal191]

أخ حمد أول شي أشكرك على الموضوع
وثاني شي هذا مب جديد ومهما انتقدنا محد بيحس على دمه والله يهدي هالفئة من الشباب.
وثالثا يكتبون اللؤلؤة لازم تضيف اللام الثانية

[ameeer3]

الشرهة على البنات الي ما وراهم حد يردهم ، لان هم سبب ها التجمعات وقلة الحيى .

[عاشق العديد]

فالبدايه السلام عليكم ..

والله الله يعينكم يلي تحبون هالمكان انا عن نفسي .. من زحمته الناس كرهته ينطبق هالمثل عندي فمادري شلي يدور هناك .. لكن اذا فعلن هالامور هناك وين إدارة المكان من هذا شي ..

واذا المكان فيه ممشى امنع سيارات من دخول وارتاح .. احسن ..

[وحيد-الشوق]

وعليكم السلام ورحمة الله وبركاته

اللؤلؤة تكتب هكذا وعندك اخطاء كثيرة

غريبة مخلص جامعة وماتعرف تكتب !!

[Rider]

الحمد الله أسمع عن هالاماكن ولا قد جيتها ولا افكر اجيها ولي قاعد يصير هنا وهناك ضريبة كاس العالم

[عثرة جواد]

اخي حمد هل يوجد ضرر ف الدوران

أي هل ينقص من حجم الشارع ؟؟ او هل يتقلص حجم السيارة ؟؟؟

ماهو الضرر الذي لاحظتها وتريد ان ايصالة لنا ؟؟؟

وسوال الأهم من ذالك كيف علمت بحدوث مثل هذه الأفعال ؟؟؟


ودمتم سالمين

[ya3coub]

أغلب غداي هناك بحكم دوامي و ايضا اعز ربعي و أخو دنيتي ساكن هناك مع هله

فإذا بدخل عندي تصريح لدراجتي بس اتسندر او بروح زيارة لشخص ساكن هناك اكره نفسي من الزحمة و التدقيق بعض المرات و ايضا ادخل و اخلص الي عندي و اطلع و السيارات نفسهم نفسهم خلاص حفظت بعض السيارات سوائا شباب او بنات اروح الظهر اروح المغرب نفس السيارات رايحة و راجعه.

و مو كل شخص رايح يدور يعني بيغازل او شوفوني بس عاده نفس العادات القديمة مالت الدوران حول اللاند مارك


الله يهديهم يا رب
غير تصرفات الدراجين فبعض المرات للأسف يعكسون صورة خاطئة بأن اي واحد على دراجة و داخل اللؤلؤة رايح يغازل.


ايضا في الي منزل اهله عرس قريب فالرتز او قراند و ينطرهم يخلصون يدخل فلم و يطلع يتعشى او ايهما قبل و عقب يدور على اللؤلؤة بكبرها مو بس جهة المطاعم لين يخلصون<< سويتها مرة

[غير البشر]

وايد اكتب وامسح :rolleyes2:


انا مشكلتي كاش ماعرف اكون وسط

[القلب المؤمن]

انا والله ما ادقق بس اخطائك الاملائية كثيرة ...
بداية باللؤلؤة .....

[حليتان*]

ترا مب شي جديد

سوق الجبر
شارع النصر
اللاند
كتارا
الحين اللؤلؤه


عاده متوارثه منذ القدم


بي خل نكون واضحين البنات خفو عن قبل وسوالف الليموزينات بعد خفت لدرجة انها ممكن اختفت والشكر طبعا للجهات المختصه

اما دوران الشباب بالعكس خل يدورون دام انهم مب مسببين ضرر للغير يمكن الرجال ينطر فلم فالسينما يمكن ينطر حجز فمطعم يمكن منزل هله فعرس مثل ماقال يعقوب يمكن مفلس وماعنده مكان يروح له يمكن دوامه عقب ساعه وله ساعتين وبيته فالشمال ودوامه فالدفنه يمكن فاضي عمل وجاي يضيع وقت يمكن ينطر حد من ربعه يمكن ويمكن ويمكن

[شبح الصمت]

ترا مب شي جديد

سوق الجبر
شارع النصر
اللاند
كتارا
الحين اللؤلؤه


عاده متوارثه منذ القدم


بي خل نكون واضحين البنات خفو عن قبل وسوالف الليموزينات بعد خفت لدرجة انها ممكن اختفت والشكر طبعا للجهات المختصه

اما دوران الشباب بالعكس خل يدورون دام انهم مب مسببين ضرر للغير يمكن الرجال ينطر فلم فالسينما يمكن ينطر حجز فمطعم يمكن منزل هله فعرس مثل ماقال يعقوب يمكن مفلس وماعنده مكان يروح له يمكن دوامه عقب ساعه وله ساعتين وبيته فالشمال ودوامه فالدفنه يمكن فاضي عمل وجاي يضيع وقت يمكن ينطر حد من ربعه يمكن ويمكن ويمكن



انزين اماف الغايب الحاضر ..

وبخصوص الشباب الي يوقفون على جمب وينزلون وسوالف وجلسات طويله تحس من وجيهم ..
عندهم المجالس او اماكن ثاني يجلسووون فيها بعيد عن هالمكان ..
وبخصوص انقرضت الليموزينات وتحولت لسواقه البنات ..
كل وحده عندها موتر وشاقله لها الفريج وجااايه يا محترمه نفسها يا تحصلها مسووويه زحمة في الشارع ..


من اشوف مواتر وزحمة ورى بعض اعرف انه بينهم موتر وحده ..

[حليتان*]

انزين اماف الغايب الحاضر ..

وبخصوص الشباب الي يوقفون على جمب وينزلون وسوالف وجلسات طويله تحس من وجيهم ..
عندهم المجالس او اماكن ثاني يجلسووون فيها بعيد عن هالمكان ..
وبخصوص انقرضت الليموزينات وتحولت لسواقه البنات ..
كل وحده عندها موتر وشاقله لها الفريج وجااايه يا محترمه نفسها يا تحصلها مسووويه زحمة في الشارع ..


من اشوف مواتر وزحمة ورى بعض اعرف انه بينهم موتر وحده ..




ياخي والله انه فراغ

للامانه من زمان مارحت اللؤلؤه فالويكند بس حسب الي اشوفه فالايام العاديه حتى مع زحمة السيارات ترا مافي بنات :omg:

[مخطط قطري]

انا بتكلم من ناحيه الامن والسلامه مدينه كامله مثل اللؤلؤه مافيها الا مدخل واحد ودايمن زحمه عليه خصوصا عقب التحويلات الي صوب الاجونا وبحيره لقطيفيه اذا لاقدر الله صار حريق في احد الابراج هناك او المطاعم تخيلو حجم الكارثه الي بتصير وخصوصا الفوضى الي بتصير عند المدخل والمخرج

[Charisma]

ياخي والله انه فراغ

للامانه من زمان مارحت اللؤلؤه فالويكند بس حسب الي اشوفه فالايام العاديه حتى مع زحمة السيارات ترا مافي بنات :omg:

هااااااااا ، :vampire:


انا بصراحة مايكسر خاطري الا الشاب اللطيف ، اللي توه متوظف وموتره عباره عن ثلاث سلفيات ، ومخيط نفسه من فوق لتحت ماركات ، ودوارة في هالأماكن !! بداية الشهر من أقوى وأفخم المطاعم مع باركنات VIP ، نص الشهر شورما ولا فلافل من البتراء مع مواصلة الهياته ، اخر الشهر نظام امريكي وقطيات .

يارجل ، ياااا رجل ، أمعن النظر إلي ، يارجل كل هذا من أجل لفت الأنتباه ؟ كل هذا عشان "وااااو" ؟ أيعقل !


http://www.photo4comments.com/wp-content/uploads/2014/02/1234036_445765235543877_113985450_n.jpg

[بـن عدوان]

اي والله

يخربون المنظر

واغلبهم بلشتية

ويطالعون اللي رايح واللي جاي هههههه


انا الحمدلله نادر جدا جدا اروح هناك

يمكن مرة كل 4 شهور وعشان شي معين مب دوارة

[معماري قطري]

أخ حمد أول شي أشكرك على الموضوع
وثاني شي هذا مب جديد ومهما انتقدنا محد بيحس على دمه والله يهدي هالفئة من الشباب.
وثالثا يكتبون اللؤلؤة لازم تضيف اللام الثانية

يقولون الكاتب الكبير في كل مكان وللحين يغلط

[معماري قطري]

بل من متى ما رحت اللؤلؤة مع إنها تذكرني بميامي وميامي بيتش

انا تفسيري للقضية للكاتب والمحرر الفاضل سميي حمد إن غالبية ذيلا الشباب إحتسوا سندويش دبل برغر ويدورون يهضمون

[R 7 A L]

اقترح يحطون بوابة والدخول بفلوس